ᕿᑲᕐᓇᐅᔾᔮᙱᑦᑐᖅ ᓄᓇᕗᒥᑦ ᓯᕗᓪᓕᖅᐹᖓᓂ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᕿᑲᕐᓇᐅᑎᑕᐅᔪᒥᒃ

ᐃᖅᑲᓇᐃᔮᒃᓴᓕᕆᔨᒃᑯᓐᓄᑦ ᒥᓂᔅᑕ ᓇᓗᓇᐃᖅᑐᖅ ᓯᑎᐱᕆ 30 ᑕᒪᑐᒪᓂ ᕿᑲᕐᓇᐅᓂᐊᕐᓂᖓᓂᒃ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᑭᓯᐊᓂ

By ᒫᑕᓕᓐ ᕼᐊᐅᕕᑦ

For an English version of this story, see No holiday in Nunavut on first National Day for Truth and Reconciliation

ᓄᓇᕗᒻᒥᐅᑕᐃᑦ ᐊᕐᕌᒍ ᑭᓯᐊᓂ ᐆᒥᖓ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᓯᑎᐱᕆ 30-ᒥ ᑲᓇᑕᒥ ᕿᑲᕐᓇᐅᑎᑕᐅᓕᖅᑐᒥ ᕿᑲᕐᕕᖃᑲᑕᓯᒋᐊᓛᖅᑐᑦ.

ᓄᓇᕗᒥᑦ ᒥᓂᔅᑕ ᐃᖅᑲᓇᐃᔮᒃᓴᓕᕆᔨᒃᑯᓐᓄᑦ, ᑕᐃᕕᑎ ᐊᕿᐊᕈᖅ, ᑐᓴᖅᑎᑦᑎᓚᐅᕐᑐᖅ ᓯᑎᐱᕆ 16-ᒥᑦ ᒪᓕᒐᓕᕆᕕᒡᔪᐊᒥᑦ ᐃᒪᓐᓇ, ᐱᔾᔪᑎᒋᓪᓗᒍ ᐱᕕᖃᖅᑎᑕᐅᙱᓗᐊᕐᓂᕐᒧᑦ ᒫᓐᓇ ᐱᖁᔭᕆᔭᐅᔪᓂᒃ ᐋᖅᑭᒃᓯᒋᐊᕆᐊᒃᓴᖅ ᓯᑎᐱᕆ 30 ᑐᖔᒍᑦ, ᓄᓇᕗᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᕿᑲᖅᑎᑕᐅᓂᐊᖅᑐᑦ ᑖᔅᓱᒪᓂ ᐅᓪᓗᕐᒥ ᑕᒪᑐᒪᓂ ᐊᕐᕌᒎᔪᒥ.

ᒐᕙᒪᑐᖃᒃᑯᑦ ᐊᓂᒍᖅᑎᑦᑎᓚᐅᕐᓯᒪᖕᒪᑕ ᒪᓕᒐᕐᒥᒃ ᐋᒐᓯᐅᑎᓪᓗᒍ ᐅᓇ ᓯᑎᐱᕆ 30 ᐋᖅᑭᒃᑕᐅᓇᓱᒃᖢᓂ ᑲᓇᑕᒥ ᕿᑲᕐᓇᐅᓂᐊᕐᓂᖓᓂᒃ ᐆᒧᖓ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ, ᐃᓱᒪᒋᔭᐅᓪᓗᑎᒃ ᓈᒻᒪᙱᓕᐅᕈᑎᓗᐊᕕᓂᐊᓗᐃᑦ ᐃᓕᓐᓂᐊᕆᐊᖅᕕᐅᕙᓚᐅᖅᑐᓂᒃ ᑲᓇᑕᒥ.

ᑭᓯᐊᓂᓕ ᒐᕙᒪᑐᖃᒃᑯᑦ ᑕᒪᑐᒥᖓ ᐱᔪᓐᓇᐅᑎᖃᖅᑐᑐᐊᑦ ᕿᑲᕐᓇᐅᑎᑦᑎᔪᓐᓇᕐᓂᕐᒥᒃ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᒻᒪᓗ ᐃᓄᖕᓄᑦ ᒐᕙᒪᑐᖃᒃᑯᑦ ᐊᐅᓚᑕᖏᓐᓂᒃ ᐱᓕᕆᕝᕕᖃᖅᑐᓄᑦ.

ᐅᓇ ᕿᑲᕐᓇᐅᓕᖅᑎᑕᐅᓂᖓ ᐃᓚᒋᔭᐅᓚᐅᕐᒪᑦ ᖃᓄᐃᓕᐅᕈᑎᐅᓇᓱᒃᑐᓂᒃ ᐆᒧᖓ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᑲᒥᓴᓐᑯᓐᓂ ᐊᑐᖁᔭᐅᓚᐅᕐᓯᒪᔪᓂᒃ ᐊᕐᕌᒍᑲᓴᐃᑦ 6 ᐊᓂᒍᕐᓯᒪᓕᕐᑐᓂ

ᑭᓯᐊᓂᓕ ᐊᕿᐊᕈᖅ ᐅᖃᓚᐅᕐᒪᑦ ᓯᑎᐱᕆ 16-ᒥᑦ ᓄᓇᕗᑦ ᑖᔅᓱᒥᖓ ᕿᑲᕐᓇᒥᒃ ᐊᑐᕈᓐᓇᕐᓯᓕᕐᓂᐊᖅᑐᑦ ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᐱᓕᕆᓂᖃᕆᐊᖃᕐᒪᑕ ᐃᒪᓐᓇ “ᐋᔩᖃᑎᒌᓐᓂᖅᒧᑦ ᖃᓄᐃᓕᐅᕈᑎᓂᒃ — ᐃᓱᒪᓕᐅᕆᓇᓱᖕᓂᒃᑯ ᐅᖃᖃᑎᒌᓚᐅᕐᓗᑎᒃ ᐊᒻᒪ ᑕᒪᐃᓐᓄ ᐊᖏᕈᑎᐅᓯᒪᓗᓂ ᒪᐅᓇ ᑐᓴᕋᓱᑲᑕᖕᓂᒃᑯᑦ ᓇᖕᒥᓂᖅ ᐱᓕᕆᐊᖃᖅᑐᓂᒃ ᓄᓇᓕᖕᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᕼᐋᒻᒪᓚᐅᔪᓂᒃ ᐊᒻᒪᓗ ᐊᓯᖏᓐᓂᒃ ᑎᒍᒥᐊᖅᑎᓂᒃ.”

ᑭᖑᓪᓕᖅ ᖃᓄᐃᓕᐅᕈᑎᒃᓴᐅᓛᖅᑐᕐᓕ ᐋᖅᑭᒋᐊᖅᑎᑦᑎᓗᑎᒃ ᓄᓇᕗᒥᑦ ᑭᒃᑯᓕᒫᓄᑦ ᐱᔨᑦᑎᕋᐅᑎᓕᕆᓂᕐᒧᑦ ᒪᓕᒐᖅᒥᒃ, ᐱᖁᔭᓕᕆᓂᕐᒧᑦ ᒪᓕᒐᖅᒥᒃ ᐊᒻᒪᓗ ᐃᖅᑲᓇᐃᔭᖅᑎᓄᑦ ᒪᓕᒐᖅᒥᒃ ᑖᓐᓇ ᕿᑲᕐᓇᐅᓕᓪᓚᕆᓕᓚᐅᒋᓐᓂᖓᓂᒃ, ᐅᖃᒃᑲᓐᓂᖅᑐᖅ.

ᐱᕕᖃᕐᕕᐅᓗᐊᓚᐅᕐᓯᒪᙱᒻᒪᑦ ᐅᑯᐊ ᒪᓕᒐᓕᕆᕕᒡᔪᐊᕐᒥᑦ ᑲᓇᑕᒧ ᑖᔅᓱᒥᖓ ᒪᓕᒐᙳᖅᑎᑦᑎᓂᖏᓐᓂᒃ ᐋᒐᓯ 3-ᒥ ᐊᒻᒪᓗ ᓯᑎᐱᕆ 30-ᐅᑉ ᐊᑯᓐᓂᖓᓂᒃ, ᐊᕿᐊᕈᖅ ᐅᖃᖅᑐᖅ.

“ᐱᔾᔪᑎᒋᓪᓗᒍ ᐱᕕᖃᕐᓇᙱᓗᐊᕐᓂᖓᓂᒃ ᒫᓐᓇ ᒐᕙᒪᐅᔪᓄᑦ ᑕᒪᑐᒧᖓ ᑐᓴᕋᓱᒃᐸᓪᓕᐊᔭᕆᐊᖃᕐᓂᕐᒥᒃ ᐊᒻᒪᓗ ᐋᖅᑭᒋᐊᖅᑎᑦᑎᒃᑲᓐᓂᕐᓂᕐᒥᒃ ᑕᒪᒃᑯᓂᖓ ᐱᖁᔭᓂᒃ, ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᐅᖃᕈᓐᓇᖅᑐᑦ ᑕᒪᑐᒪᓂ ᓯᑎᐱᕆ 30, 2021 ᕿᑲᕐᓇᐅᓂᐊᕐᓗᓂ ᒐᕙᒪᑐᖃᒃᑯᓐᓄᑦ ᐃᖅᑲᓇᐃᔭᖅᑎᓄᑦ,” ᐊᕿᐊᕈᖅ ᐅᖃᓚᐅᕐᑐᖅ, ᐅᖃᒃᑲᓐᓂᖅᖢᓂ ᐱᓕᕆᕝᕕᖓ ᐃᓱᒪᓂᕋᖅᖢᓂᐅᒃ ᐊᕐᕌᒍ ᓯᑎᐱᕆ 30 ᕿᑲᕐᓇᐅᓕᓛᖁᓪᓗᓂᐅᒃᑕᐅᖅ ᓄᓇᕗᓕᒫᒥᑦ.

ᒥᓂᔅᑕ ᐅᖃᓚᐅᕐᑐᖅ “ᐃᖅᑲᓇᐃᔭᖅᑎᓕᒫᓂᒃ ᓄᓇᕗᒥ ᐃᓱᒪᖅᓱᖅᑎᑦᑎᔪᓐᓇᖁᔨᓪᓗᓂ ᐊᒻᒪ ᐃᓱᒪᒋᔭᐅᑎᑕᐅᓗᓂ ᐅᓇ ᐱᓕᕆᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᐅᓪᓗᖅ ᑕᒪᒃᑯᐊ ᐃᖅᑲᓇᐃᔭᖅᑎᐅᔪᑦ ᐅᔾᔨᕈᓱᑦᑎᐊᕐᑎᓪᓗᒋᑦ, ᐃᓱᒪᒋᔭᖃᓚᐅᑲᒡᓗᑎᒃ, ᓄᓇᓕᖕᓂ ᖃᓄᐃᓕᐅᕈᑎᓂᒃ ᐃᓚᐅᑎᑕᐅᖕᒥᓗᑎᒃ, ᐊᒻᒪ ᐅᔾᔨᕈᓱᓕᖅᑎᑦᑎᓯᒪᓗᑎᒃ ᐊᒻᒪ ᐃᑲᔪᖃᑦᑕᐅᑎᔪᓐᓇᕐᓗᑎᒃ ᑕᒪᑐᒧᖓ.”

Share This Story

(0) Comments

Join the Conversation

Your email address will not be published. Required fields are marked *

*