ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᖓᓂ ᒪᑐᐃᕐᓂᐅᔪᖅ ‘ᐱᓕᕆᐊᖑᔪᒪᓂᐅᔪᒥ ᐱᓪᓚᕆᙳᕐᓂᖓᓂ’

For an English version of this story, please see Iqaluit wellness hub opening makes ‘dream a reality for community‘.

ᒪᑐᐃᓪᓚᕆᖕᓂᖓ ᓄᕕᐱᕆ 30−ᒥ ᐃᓅᓯᕐᕕᒃ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᒃ ᐃᖃᓗᖕᓂ ᓇᓗᓇᐃᖅᓯᓚᐅᖅᐳᖅ ᐊᒋᐸᓗᒃᑐᒥ ᑎᑭᐅᑎᔭᐅᔪᓐᓇᕐᓂᐅᔪᒥ ᑮᓇᐅᔭᓕᐅᕋᓱᐊᙱᑦᑐᓂ ᑲᑐᔾᔨᖃᑎᒌᖑᔪᒥ ᐃᖃᓗᖕᓂ.

ᖃᐅᔨᒋᐊᖅᑏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᐅᔨᓴᕐᕕᖓᑕ ᓄᑖᖑᔪᒥ ᐃᒡᓗᕐᔪᐊᖓᓂ ᑐᕌᖓᓂᖃᖅᐳᖅ ᖁᕝᕙᖅᓴᐃᓂᕐᒥ ᑕᒪᒃᑭᐅᒪᔪᒥ ᖃᓄᐃᙱᑦᑎᐊᕐᓂᐅᔪᒥ ᓱᕈᓯᕐᓄᑦ ᐊᒻᒪ ᐃᓚᒌᓄᑦ ᐊᑕᐅᓯᕐᒥ ᐃᒡᓗᕐᔪᐊᒥ.

ᓯᕗᓪᓕᕐᒥ ᐃᓱᒪᒋᔭᐅᓕᓚᐅᖅᑐᒥ ᐊᕐᕌᒍᓂ 15−ᓂ ᖄᖏᖅᓯᒪᓕᖅᑐᓂ, ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᒃ ᐱᓯᒪᕗᖅ ᐊᕐᕌᒍᓂ 7−ᓂ ᑮᓇᐅᔭᓂ ᐱᕈᖅᓴᐃᓂᐅᔪᒥ — ᐊᒻᒪᓗᑦᑕᐅᖅ ᑎᑎᕋᐅᔭᖅᑕᐅᓂᖓᓂ ᐊᒻᒪ ᓴᓇᓂᕐᒥ ᑕᐃᑲᓂᓗᒃᑖᖅ ᓄᕙᒡᔪᐊᕐᓇᖅ-19 ᐊᒥᓱᓂ ᖃᓂᒻᒪᓐᓇᐅᔪᒥ — ᐱᕙᓪᓕᐊᑎᑕᐅᓂᖓᓂ ᓄᓇᓕᖕᒧᑦ.

ᐃᒡᓗᕐᔪᐊᖅ, ᓯᕗᒧᒋᐊᖅ ᐊᖅᑯᑎᖓᓂ ᓂᐅᕕᖅᑎᒃᑯᑦ ᖃᓂᒋᔭᖓᓂᒪ ᑐᕌᕐᓂᖃᖅᐳᖅ ᑭᐅᓂᕐᒥ ᐊᔾᔨᐅᙱᑦᑐᓂ ᐱᔭᕆᐊᖃᕐᓂᐅᔪᓂ ᐃᖃᓗᒻᒥᐅᓄᑦ ᐊᒻᒪ ᓄᓇᖃᖅᑎᐅᔪᓂ ᓄᓇᓕᖕᓂ ᕿᑭᖅᑖᓗᖕᒥ ᐊᕕᒃᑐᖅᓯᒪᓂᐅᔪᒥ.

ᓴᓇᓯᒪᓪᓗᓂ ᑐᓂᓯᓂᕐᒥ ᐃᓚᒌᖕᓄᑦ−ᕿᑎᐊᓃᑦᑐᒥ ᐱᓕᕆᐊᖑᓂᐅᔪᓂ ᐊᒻᒪ ᐱᔨᑦᑎᕋᕐᓂᕐᒥ ᐊᑕᐅᓯᐅᔪᒥ ᐃᒡᓗᒥ, ᐃᒡᓗᕐᔪᐊᖅ ᐃᓗᓕᖃᖅᐳᖅ ᐸᐃᕆᕝᕕᖕᒥ, ᐃᓅᓯᓕᕆᓂᕐᒧᑦ ᐱᔨᑦᑎᕋᕐᓂᕐᒥ, ᓄᓇᓕᖕᓂ−ᐊᐅᓚᑕᐅᔪᓂ ᐱᓕᒻᒪᒃᓴᓂᐅᔪᒥ ᐊᒻᒪ ᐃᓕᓐᓂᐊᕐᓂᕐᒧᑦ ᐱᓕᕆᐊᖑᔪᓂ ᐊᒻᒪ ᓄᓇᓕᖕᓂ ᖃᓄᐃᙱᑦᑎᐊᕐᓂᐅᔪᒥ ᐱᔨᑦᑎᕋᕐᓂᕐᒥ.

ᐱᓕᕆᕝᕕᒃ ᐊᐅᓚᑕᐅᕗᖅ ᑮᓇᐅᔭᓕᐅᕋᓱᐊᙱᑦᑐᒥ ᐆᒃᑑᑎᐅᔪᒥ, ᓇᓗᓇᐃᖅᓯᓪᓗᓂ .ᑮᓇᐅᔭᖅᑖᕆᔭᐅᕙᓪᓕᐊᔪᓂ ᐃᒡᓗᕐᔪᐊᖅ ᐱᕈᖅᑎᑕᖏᓐᓂ ᐅᑎᕐᓂᖓᓂ ᐱᓕᕆᐊᖑᓂᐅᔪᓄᑦ ᐊᒻᒪ ᐱᔨᑦᑎᕋᕐᓂᕐᒧᑦ

“ᐱᓕᕆᐊᖑᓯᒪᕗᖅ ᖃᔅᓯᒐᓚᖕᓂ ᐊᕐᕌᒍᓂ ᐊᒻᒪ ᐃᑲᔪᖅᓱᐃᓂᐅᔪᓂ ᐊᒥᓱᓂ ᓄᓇᓕᖕᒥᐅᑕᓂ ᐆᒥᖓ ᐱᓕᕆᐊᖑᔪᒪᓂᐅᔪᒥ ᐱᓪᓚᕆᙳᕐᓂᖓᓂ ᓄᓇᓕᑦᑎᓐᓄᑦ,” ᒍᐃᓐ ᕼᐄᓕ ᐊᕿᐊᕈᖅ, ᐃᓱᒻᒥᖅᑐᐃᔨ ᐊᒻᒪ ᖃᐅᔨᓴᕐᓂᕐᒧᑦ ᑐᑭᒧᐊᒃᑎᑦᑎᔨ ᖃᐅᔨᒋᐊᖅᑏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᐅᔨᓴᕐᕕᖓᓂ, ᐅᖃᐅᔾᔨᓚᐅᖅᐳᖅ ᐃᓄᒋᐊᖑᔪᓂ ᑲᑎᙵᔪᓂ ᒪᑐᐃᖅᑕᐅᓂᖓᓂ.

“ᖁᕕᐊᑉᐳᒍᑦ ᐊᒻᒪ ᐃᒃᐱᒍᓱᒃᐳᒍᑦ ᓇᒡᓕᒍᓱᖕᓂᐅᔪᒥ ᐃᒡᓗᕈᓯᐅᔪᒥ ᐅᓪᓗᒥ. ᐊᒥᓱᓂ ᓄᓇᓕᖕᒥᐅᑕᓂ ᐅᐸᒃᓯᒪᕗᑦ ᖁᕕᐊᓱᒍᑎᖃᕐᓂᕐᒥ ᐆᒥᖓ ᑎᑭᑕᐅᔪᓐᓴᖅᓯᒪᓂᐅᔪᒥ, ᐱᕈᖅᓴᓚᐅᖅᑐᒥ ᓇᒡᓕᒍᓱᖕᓂᓕᒫᓂᐅᔪᓂ ᓄᓇᓕᖕᓂ ᐊᒻᒪ ᐱᔭᕆᐊᖃᕐᓂᐅᔪᒥ ᐃᓂᒃᓴᓕᐅᕐᓂᕐᒥ ᐃᑲᔪᖅᓱᐃᔪᓂ ᖃᓄᐃᙱᑦᑎᐊᕐᓂᐅᔪᒥ ᑕᒪᒃᑭᐅᒪᔪᒥ ᐱᓕᕆᓂᐅᔪᒥ.”

ᑮᓇᐅᔭᖃᖅᑎᑦᑎᓂᐅᔪᒥ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᖕᒥ ᐅᕙᙶᓚᐅᖅᐳᖅ ᖃᔅᓯᒐᓚᐅᔪᓂ, ᐃᓚᖃᖅᑐᒥ ᑲᑭᕙᒃ ᑲᑐᔾᔨᖃᑎᒌᒃᑯᓐᓂ, ᐊᑐᖅᑐᐊᕐᕕᒃ ᑎᒥᖁᑕᐅᔪᑦ, ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᓐᓂ ᐱᒡᒍᔾᔨᔨᐅᔪᓂ, ᓄᓇᕘᑉ ᐃᓕᓐᓂᐊᖅᑐᓕᕆᔨᒃᑯᓐᓂ.

ᐊᕿᐊᕈᖅ ᐅᖃᓚᐅᖅᐳᖅ ᐱᓕᕆᐊᖑᓂᐅᔪᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᖓ ᐊᑐᐃᓐᓇᖃᖅᑎᑦᑎᔪᒥ ᐃᓗᓪᓕᖅᓱᐃᓂᐊᖅᐳᑦ ᐃᓚᑰᓂᐅᔪᓂ ᒫᓐᓇᐅᔪᒥ ᐱᑕᖃᖅᑐᓂ ᑭᐅᓂᕐᒥ ᐱᔭᕆᐊᖃᕐᓂᐅᔪᓂ ᓄᓇᓕᖕᓂ.

“ᑕᐃᒪᑐᖅ,”ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ. “ᐱᓕᕆᓯᒪᕙᕗᑦ ᑕᑯᒃᓴᐅᑎᑦᑎᓂᕐᒥ ᐊᒻᒪ ᓇᐅᑦᑎᖅᓱᖅᐳᒍᑦ ᖃᓄᖅ ᐃᓄᐃᑦ ᐊᑐᕐᓂᐊᕐᓂᖏᓐᓂ ᐆᒥᖓ ᐃᓂᒃᓴᐅᔪᒥ.

“ᐊᒻᒪ ᖃᓄᐃᓚᐅᕐᓂᖓᓂ ᐃᑲᔪᖅᓱᐃᔪᓐᓇᓚᐅᖅᐳᒍᑦ ᐸᐃᕆᕝᕕᖕᒥ ᐊᑭᓖᔭᕆᐊᖃᙱᑦᑐᒥ ᐊᑐᖅᑐᐊᕐᓂᕐᒥ ᐃᓂᒃᓴᐅᔪᒥ ᑮᓇᐅᔭᓕᐅᕋᓱᐊᙱᖦᖢᑎᒃ ᐃᒡᓗᖁᑕᐅᖕᒪᑦ, ᐊᒻᒪ ᐊᓯᖏᓐᓂ ᐃᓂᒃᓴᖃᖅᐳᒍᑦ ᐃᑲᔪᖅᓱᐃᔪᓐᓇᖅᑐᒥ ᐱᓕᕆᐊᖑᔪᓂ.”

“ᓲᕐᓗ ᐊᔾᔨᒌᙱᕈᓘᔭᖅᑐᓂ ᑭᓱᓂ ᐱᔪᓐᓇᖅᑐᓂ ᐊᔪᙱᓐᓂᐅᔪᒥ ᐱᕙᓪᓕᐊᑎᑦᑎᓂᕐᒥ ᐊᒻᒪ ᐃᓕᑦᑎᓂᕐᒥ ᓄᓇᓕᖕᓂ. ᑕᐃᒪᑐᖅ ᐃᓗᓪᓕᖅᓯᓂᐊᖅᐳᒍᑦ ᐅᑯᓂᖓ ᐃᓚᑰᓂᐅᔪᓂ ᐊᑐᖅᐸᒃᑕᑦᑎᓐᓂ ᒫᓐᓇᐅᔪᒥ ᑮᓇᐅᔭᓕᐅᕋᓱᐊᖅᑎᐅᙱᖦᖢᑕ.”

ᐃᓄᒃᑎᑐᑦ ᐅᖃᓪᓚᒃᖢᓂ P.J. ᐊᕿᐊᕈᖅ ᐅᖃᐅᔾᔨᓚᐅᖅᐳᖅ ᐃᓄᒋᐊᖑᔪᓂ “ᐅᓇ ᐃᒡᓗᕐᔪᐊᖅ ᑐᙵᕕᖃᕐᓂᐊᖅᐳᖅ ᐃᓂᖃᖅᑐᒥ ᒪᒥᓴᕐᓂᕐᒧᑦ ᐊᒻᒪᓗ ᐃᓕᑦᑎᓂᕐᒧᑦ ᐃᒻᒥᖕᓂᑦ.

“ᓄᓇᓕᖕᓂ ᖃᓄᐃᙱᑦᑎᐊᕐᓂᖅ ᑕᑯᒃᓴᐅᕐᔪᐊᖅᐳᖅ, ᑕᑯᔪᓐᓇᖅᐸᐃᑦ ᐅᕙᓂ ᓄᓇᓕᖕᓂ ᐱᓕᕆᐊᖑᓂᐅᔪᓂ ᐊᑐᐃᓐᓇᐅᑎᑕᐅᓂᐊᖅᑐᓂ ᐅᕙᓂ.”