15 ᐃᒡᓗᐃᑦ ᐃᓚᓕᐅᔾᔭᐅᔪᑦ ᐃᖃᓗᒃᑑᑦᑎᐊᕐᒥ ᐃᒡᓗᓕᕆᔨᒃᑯᑦ ᐃᒡᓗᖏᓐᓄᑦ

For English version, see 15 units added to Cambridge Bay’s public housing supply

15 ᐃᒡᓗᐃᑦ ᓅᑕᐅᓯᔪᑦ ᓄᓇᕗᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᒡᓗᒋᔭᐅᓂᑯᓂᒃ ᐅᑯᓄᖓ ᐃᖃᓗᒃᑑᑦᑎᐊᕐᒥ ᐃᒡᓗᓕᕆᔨᒃᑯᓐᓄᑦ ᐱᔾᔪᑎᒋᓪᓗᒍ ᐃᒡᓗᑖᕋᓱᒃᑐᑦ ᐊᑯᓂᕈᓗᒃ ᐃᒡᓗᑖᕋᓱᑲᑕᖕᓂᖏᓐᓂᒃ ᑕᐃᑲᓂ.

ᐅᓇ ᓅᑎᑦᑎᓂᖅ ᐱᔾᔪᑎᖃᓚᐅᕐᑐᖅ “ᐃᖃᓗᒃᑑᑦᑎᐊᕐᒥ ᐊᒥᒐᕐᓯᓗᐊᕐᓂᖏᓐᓂᒃ ᐃᒡᓗᓕᕆᔨᒃᑯᑦ ᐃᒡᓗᖏᓐᓂᒃ.” ᑎᐅᕆᒃ ᐃᓚᐃᐊᔅ, ᐃᒃᓯᕙᐅᑕᕆᔭᐅᔪᖅ ᐃᖃᓗᒃᑑᑦᑎᐊᕐᒥ ᐃᒡᓗᓕᕆᔨᓄᑦ ᐅᖃᓚᐅᕐᑐᖅ ᑐᓴᒐᒃᓴᑎᒍᑦ.

ᐊᒥᓱᑎᑐᑦ ᓄᓇᓕᖕᓂ ᓄᓇᕗᒥᑦ ᐅᓇ ᐃᒡᓗᑭᒃᓴᕐᓂᖅ ᓄᓇᓕᖕᓂ ᐊᒃᑐᐃᓯᒪᓗᐊᕐᒪᑦ. ᒫᓐᓇᓕ 300 ᐃᓄᐃᑦ ᐃᓚᐅᕐᓗᑎᒃ 167 ᐃᓚᒌᒃᑐᑦ, ᐅᑕᕿᖕᒪᑕ ᐃᒡᓗᒃᓴᒥ ᐃᒡᓗᓕᕆᔨᒃᑯᓐᓂᒃ ᑖᓐᓇ ᑐᓴᒐᒃᓴᖅ ᐃᖃᓗᒃᑑᑦᑎᐊᕐᒥ ᐃᒡᓗᓕᕆᔨᒃᑯᓐᓂ ᐅᖃᕐᓯᒪᓚᐅᕐᑐᖅ.

ᐊᐱᕐᓱᖅᑕᐅᓪᓗᓂ ᐃᖃᓗᒃᑑᑦᑎᐊᕐᒥ ᐃᒡᓗᓕᕆᔨᒃᑯᑦ ᐊᐅᓚᑦᑎᔨᖓ ᕕᑭ ᐊᐃᑕᐅᒃ ᐅᖃᓚᐅᕐᑐᖅ “ᐃᓚᖏᑦ ᐃᓄᐃᑦ ᐃᒡᓗᒃᓴᒥ ᐅᑕᕿᓯᒪᖕᒪᑕ ᐊᕐᕌᒍᑦ ᖁᓕᑦ ᐅᖓᑖᓂ.”

ᓅᑎᑦᑎᓂᒃᑯᑦ ᐃᓚᖏᑦ ᓄᓇᕗᒥᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᑦ ᓄᒃᑎᖃᑕᐅᓂᐊᖅᑐᑦ ᐅᑯᓄᖓ 15ᓄᑦ ᐃᒡᓗᓄᑦ ᐃᒡᓗᓕᕆᔨᒃᑯᓐᓄᐊᖅᑕᐅᔪᓂᒃ ᔪᓚᐃ 1 ᐊᓂᒍᓚᐅᖅᑎᓐᓇᒍ. ᐃᑲᓗᒃᑑᑦᑎᐊᕐᒥ ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᑲᔪᕐᓂᐊᖅᑐᑦ ᐊᑐᕐᑐᐊᕐᓂᐊᖅᑐᓂᒃ ᓄᒃᑎᕋᓱᖕᓂᖏᓐᓂᒃ ᑕᒪᓐᓇ ᐊᓂᒍᑦᑎᐊᕈᓐᓇᕐᓂᐊᕐᒪᑦ, ᑐᓴᒐᒃᓴᐃᑦ ᐅᖃᓚᐅᕐᒥᔪᑦ.

ᑐᓴᒐᒃᓴᓕᐊᒥ ᐃᓚᐃᐊᔅ ᐅᖃᓚᐅᕐᑐᖅ “ᐊᒥᓱᑦ ᐃᓐᓇᕗᑦ ᐊᒻᒪ ᐃᒡᓗᖃᖃᑕᐅᔪᑦ ᐋᓐᓂᐊᕆᔭᖃᕐᓗᑎ ᐊᑕᐅᓯᕐᒥ ᓇᑎᓕᖕᒥ ᐃᒡᓗᖃᕆᐊᖃᕐᒪᑕ ᒪᔪᕋᐅᑎᖃᙱᑦᑐᓂᒃ ᐃᓗᐊᓂ ᐊᒻᒪᓗ ᐅᑯᐊ ᐃᒡᓗᐃᑦ 15 ᓄᒃᑎᕐᕕᐅᔪᓐᓇᕐᓂᐊᖅᖢᑎᒃ ᓈᒪᒋᔭᐅᔪᓄᑦ.”