Arctic Fresh ᐃᒃᓯᓐᓇᐃᕗᖅ ᐃᖃᓗᖕᓂ-ᓴᓂᑭᓗᐊᕐᒧᑦ ᖃᖓᑕᓂᐅᔪᒥ ᐱᔨᑦᑎᕋᕐᓂᕐᒥ

‘ᐊᖏᔪᒻᒪᕆᐊᓗᖕᒥ ᑮᓇᐅᔭᓂ ᔭᒐᐃᓂᐅᔪᒥ’ ᐅᖃᐅᓯᐅᕗᖅ ᓄᖅᑲᖅᑎᑦᑎᓂᕐᒥ ᑐᕌᖓᓂᖃᖅᑐᑐᐊᒥ ᖃᖓᑕᓂᐅᔪᒥ ᐅᑯᓇᓂ ᓄᓇᕘᑉ ᓂᒋᖅᐸᓯᖕᓃᓛᖓᓂ ᓄᓇᓕᐅᔪᒧᑦ, ᐊᑭᑐᔫᑎᓄᑦ

Arctic Fresh ᐱᓕᕆᓂᐅᔪᖅ ᐊᑐᓚᐅᖅᐳᖅ Pilatus PC-12 ᖃᖓᑕᓲᓂ ᓲᕐᓗ ᐅᓇ ᑕᑯᒃᓴᐅᔪᖅ ᐃᖃᓗᖕᓂ ᐅᕙᓂ ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓᓐᓂ ᑐᓂᓯᓂᕐᒥ ᑐᕌᖓᔪᒥ ᖃᖓᑕᓂᐅᔪᒥ ᐃᖃᓗᖕᓂ ᐊᒻᒪ ᓴᓂᑭᓗᐊᕐᒧᑦ. ᐃᒡᓗᓕᖕᒥ-ᑐᙵᕕᓕᒃ ᑲᒻᐸᓂᐅᔪᖅ ᓄᖅᑲᖅᑎᑦᑎᓚᐅᖅᐳᖅ ᑕᐃᔅᓱᒥᖓ ᐱᔨᑦᑎᕋᕐᓂᐅᔪᒥ, ᐊᑐᖅᑕᐅᓯᒪᔪᒥ ᑕᐃᒪᙵᓂ 2021−ᒥ, ᒫᔾᔨᐅᑉ ᓄᙳᐊᓂ. (ᐊᔾᔨᓕᐅᖅᑕᐅᔪᖅ ᐋᑐᕆ ᒫᑯᐃ−ᑐᕈᓕᑦᒧᑦ Panorama Aviation−ᑯᓐᓂ)

By ᑭᐅᔅᑎᓐ ᐅᐃᓕᐊᖅᔅᒧᑦ

For English version, see Arctic Fresh scraps Iqaluit-Sanikiluaq flight service

ᑕᐃᒪᐃᒐᔪᒃᑐᒥ ᓂᐅᕕᐊᒃᓴᐅᕙᒃᑐᓄᑦ ᖃᖓᑕᓂᖃᔾᔮᕈᓐᓃᖅᐳᖅ ᐅᕙᙵᑦ ᓄᓇᕘᑉ ᐊᖓᔪᖅᑳᖃᕐᕕᖓᓂ ᐊᒻᒪ ᓄᓇᕘᑉ ᓂᒋᖅᐸᓯᖓᓃᓛᖑᔪᒥ ᓄᓇᓕᐅᔪᒧᑦ.

Arctic Fresh ᐱᓕᕆᐊᖑᔪᒥ ᐅᖃᐅᓯᖃᓚᐅᖅᐳᖅ ᐱᓇᓱᐊᕈᓰᑦ ᒪᕐᕉᖕᓂ ᐊᓂᒍᖅᓯᒪᓕᖅᑐᓂ ᓄᖅᑲᖅᑎᑦᑎᓂᖏᓐᓂ ᑲᖓᑕᓲᖑᓂᐅᔪᓂ ᐃᖃᓗᖕᓂ ᐊᒻᒪ ᓴᓂᑭᓗᐊᕐᒧᑦ, ᕿᑭᖅᑕᒥ ᕼᐋᒻᓚᐅᔪᖅ ᐃᓄᒋᐊᖕᓂᖃᖅᖢᓂ 1,000−ᓂ ᓂᒋᖅᐸᓯᐊᓂ ᐃᓱᐊᓂ ᑲᖏᖅᓱᐊᓗᖕᒥ, ᒫᔾᔨ 31−ᒥ ᐃᓱᖃᕐᓗᓂ.

ᑐᓴᒐᒃᓴᓕᐊᖑᔪᒥ, ᑲᒻᐸᓂ ᐅᖃᓚᐅᖅᐳᖅ ᐱᓕᕆᓯᒪᓂᖏᓐᓂ “ᐊᖏᔪᐊᓗᖕᒥ ᑮᓇᐅᔭᓂ ᔭᒐᐃᓂᐅᔪᒥ ᐊᐅᓚᑕᐅᓂᖓᓄᑦ ᐆᒥᖓ ᖃᖓᑕᖃᑦᑕᕐᓂᐅᔪᒥ” 2023−ᒥ ᐊᒻᒪ 2024−ᒥ.

ᓄᓇᕗᒻᒥ ᒐᕙᒪᒃᑯᑦ ᓯᕗᓂᐊᓂ ᐃᑲᔫᓯᖅᓯᕙᓚᐅᖅᐳᑦ ᓯᕗᓪᓕᖅᐹᒥᒃ ᐱᓕᕆᐊᕆᔭᐅᔪᒥᒃ ᑐᕌᖓᓂᖃᖅᑐᓄᑦ ᖃᖓᑕᓂᐅᔪᓄᑦ ᑭᓯᐊᓂ ᐃᓱᒪᓕᐅᕆᓚᐅᖅᐳᑦ ᓄᑖᙳᕆᐊᖅᑎᑦᑎᔾᔮᙱᓐᓂᖏᓐᓂ ᐱᓕᕆᐊᖑᔪᒥ ᔭᓄᐊᕆ 2023−ᖑᑎᓪᓗᒍ.

“ᓈᒻᒪᒋᓚᐅᙱᓐᓇᒃᑯ ᓄᖅᑲᖅᑎᑦᑎᓂᕐᒥ ᑕᐃᔅᓱᒥᖓ ᖃᖓᑕᓂᐅᔪᒥ. ᐃᑲᔪᖅᓱᐃᖏᓐᓇᕈᒪᓚᐅᖅᐳᒍᑦ ᓴᓂᑭᓗᐊᕐᒥ, ᑕᐃᒫᒃ ᑲᔪᓯᑎᑦᑎᓚᐅᖅᐳᒍᑦ ᑕᐃᔅᓱᒧᖓ ᐊᖅᑯᑕᐅᔪᒥ,” ᐅᖃᓚᐅᖅᐳᖅ ᕋᐃᔭᓐ ᕼᐋᒋᓐ, ᑐᑭᒧᐊᒃᑎᑦᑎᔨᐅᔪᖅ Arctic Fresh ᑲᑎᙵᓂᐅᔪᓄᑦ.

Arctic Fresh ᐊᐅᓚᑦᑏᓐᓇᓚᐅᖅᐳᑦ ᖃᖓᑕᓂᐅᔪᒥ, ᐱᓪᓗᑎᒃ ᑮᓇᐅᔭᓂ ᔭᒐᐃᓂᐅᔪᓂ ᐅᓄᕐᓂᖅᓴᐅᔪᓄᑦ ᑕᖅᑭᓄᑦ 15−ᓄᑦ, ᕼᐋᒋᓐ ᐅᖃᓚᐅᖅᐳᖅ, ᐃᓚᒋᐊᖅᓯᓚᐅᖅᐳᖅ ᑲᒻᐸᓂ ᐊᐅᓚᑦᑏᓐᓇᕈᒪᓚᐅᖅᐳᑦ ᑭᓯᐊᓂ ᔭᒐᐃᓂᐅᔪᒥ ᐊᑐᐃᓐᓇᕈᓐᓇᙱᒻᒪᔾᔪᒃ ᑕᐅᕗᖓᓕᒫᖅ.

ᕼᐋᒋᓐ ᐅᖃᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᑦ ᓯᕗᓂᐊᓂ ᐃᑲᔫᓯᖃᑦᑕᓚᐅᖅᐳᑦ ᖃᖓᑕᓂᐅᔪᒥ ᐊᕐᕌᒍᒧᑦ ᐊᒻᒪ ᓇᑉᐸᖓᓂ ᑕᐃᑲᓂ ᓄᕙᒡᔪᐊᕐᓇᖅ-19 ᐊᒥᓱᓂ ᖃᓂᒪᓐᓇᐅᔪᒥ, ᖃᖓᑕᓂᕐᒥ ᐊᔪᕐᓇᖅᑎᓪᓗᒍ ᐊᐅᓚᑦᑎᓂᕐᒧᑦ.

ᑐᕌᖓᓂᓕᖕᒥ ᖃᖓᑕᓂᖃᕐᓇᓂ ᓴᓂᑭᓗᐊᕐᒥ ᐊᒻᒪ ᐃᖃᓗᖕᓄᑦ, ᐃᑭᒪᔪᑦ ᐊᐅᓪᓛᕆᐊᖃᖅᐳᑦ ᐋᑐᕚᑎᒍᑦ, ᒪᓐᑐᕆᐋᓪ ᐅᕝᕙᓘᓐᓃᑦ ᐅᐃᓂᐱᐊᒡᑯᑦ ᑲᓱᖃᑎᖃᕐᓂᕐᒥ ᐊᓯᖏᓐᓂ ᓄᓇᕗᒻᒥ ᓄᓇᓕᐅᔪᓄᑦ

“ᑭᓇᑐᐃᓐᓇᖅ ᑕᐃᑯᖓ ᐊᐅᓪᓛᖅᓯᒪᔪᖅ ᐅᔾᔨᕆᕗᖅ ᑖᔅᓱᒥᖓ ᖃᖓᑕᓂᖃᙱᓪᓗᓂ, ᐊᐅᓪᓛᕐᓂᕐᒧᑦ ᐊᑭᓕᒐᒃᓴᑎᑦ ᓴᓂᑭᓗᐊᕐᒧᑦ ᐱᖓᓱᐃᓪᓚᐅᖅᑐᓂ ᐊᑭᑦᑐᕆᐊᕐᓂᐊᖅᐳᑦ,” ᕼᐋᒋᓐ ᐅᖃᓚᐅᖅᐳᖅ.

“ᓂᕆᐅᒃᐳᒍᑦ ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᓄᓇᓕᖕᓂ ᒐᕙᒪᐅᔪᑦ ᐅᖃᖃᑎᒌᖕᓂᐊᖅᐳᑦ ᐊᒻᒪ ᓇᓂᓯᓗᑕ ᐱᓕᕆᓂᐅᔪᒥ ᐆᒥᖓ ᐊᖅᑯᑕᐅᔪᒥ ᐊᑐᐃᓐᓇᕈᖅᑎᑕᐅᒃᑲᓐᓂᕐᓂᖓᓂ.”

ᐃᑲᕐᕋᓂ 2.5-ᓂ, 8-ᓂ-ᐃᒃᓯᕙᐅᑕᓕᒃ ᑐᕌᖓᓂᖃᖅᑐᒥ ᖃᖓᑕᓂᐅᔪᖅ ᐊᐅᓚᑉᐸᓚᐅᖅᐳᖅ ᐊᑕᐊᓯᐊᖅᑐᒥ ᐱᓇᓱᐊᕈᓯᐅᔪᒥ, ᕿᑎᖅᑰᒥ.

ᐃᓱᒪᒋᓇᒍ ᓄᖅᑲᖅᑎᑕᐅᓂᖓᓂ ᓂᐅᕕᕐᕕᒐᓚᖕᓄᑦ ᐱᔨᑦᑎᕋᕐᓂᐅᔪᒥ, ᑲᒻᐸᓂ ᓱᓕ ᐊᑐᐃᓐᓇᐅᕗᖅ ᓵᑕᒧᑦ ᐱᔨᑦᑎᕋᕐᓂᐅᔪᒥ ᑕᐃᑯᖓ ᐊᒻᒪ ᑕᐃᑲᙵᑦ ᓴᓂᑭᓗᐊᕐᒧᑦ, ᕼᐋᒋᓐ ᐅᖃᓚᐅᖅᐳᖅ.

Share This Story

(0) Comments