HMCS Harry DeWolf ᐅᒥᐊᕐᔪᐊᖅ ᐃᖃᓗᖕᓂ

ᐅᑭᐅᕐᑕᖅᑐᕐᒥ ᓴᐳᓐᓂᐊᖅᑎᒃᑯᑦ ᐅᒥᐊᕐᔪᐊᖓ ᐃᖏᕐᕋᑲᑕᒃᐸᓪᓕᐊᓯᕗᖅ ᑲᓇᑕᐅᑉ ᐅᑭᐊᕐᑕᖅᑐᖓᑕ ᐃᒪᖏᓐᓂ

ᐅᓇ HMCS Harry DeWolf ᐅᒥᐊᕐᔪᐊᖅ, ᑲᓇᑕᒥ ᓄᑖᖅ ᐅᑭᐅᕐᑕᖅᑑᑉ ᑕᕆᐅᖏᓐᓂ ᖃᐅᔨᓴᖃᑦᑕᕐᓂᐊᖅᑐᖅ ᐅᕙᓂ ᐃᖃᓗᖕᓃᖢᓂ ᓴᖅᑭᔮᖅᑐᖅ ᐋᒐᓯ 11-ᐅᑎᓪᓗᒍ. (ᐊᔾᔨᓕᐅᕆᔨ ᑰᕆ ᓚᕌᒃ)

By ᑕᐃᕕᑦ ᓚᕼᐄᑦ

ᐅᓇ HMCS Harry DeWolf ᐅᒥᐊᕐᔪᐊᖅ ᐃᖃᓗᐃᑦ ᑕᕆᐅᖓᓂ ᐱᒋᐊᓕᓚᐅᕐᐳᖅ ᐱᓇᓱᐊᕈᓯᐅᓚᐅᖅᑐᒥ ᐃᓚᒋᔭᐅᓂᐊᕐᓗᓂ ᐅᓇᑕᖅᑐᒃᓴᓄᑦ ᐊᔪᕈᓐᓃᖅᓴᕈᑎᒋᔭᐅᔪᓂᒃ.

ᐅᒥᐊᕐᔪᐊᖅᒥ ᐱᓕᕆᔨᐅᔪᑦ ᑐᐊᕕᕐᓇᖅᑐᓕᕆᓂᕐᒥᒃ ᐊᔪᕈᓐᓃᖅᓴᖅᑎᑕᐅᓚᐅᕐᑐᑦ ᐃᓚᒋᔭᐅᓪᓗᑎᒃ ᑲᓇᑕᒥ ᓴᐳᓐᓂᐊᖅᑎᒃᑯᑦ ᐱᓕᕆᐊᕆᕙᒃᑕᖓᓂᒃ ᐊᔪᕈᓐᓃᖅᓴᕈᑎᒃᓴᓄᑦ ᐅᑭᐅᕐᑕᖅᑐᕐᒥ ᑕᐃᔭᐅᔪᖅ Operation Nanook, ᐊᕐᕌᒍᑕᒫᑦ ᑲᓇᑕᒥ ᓴᐳᓐᓂᐊᖅᑎᒃᑯᑦ ᐊᔪᕈᓐᓃᖅᓴᕈᑎᒋᕙᒃᑕᖓ ᒪᑯᓄᖓ ᑭᕕᔪᖃᓕᕐᓂᖅᐸᓪᓘᓐᓃᑦ ᐅᒥᐊᕐᔪᐊᖅᒥᒃ ᐅᕝᕙᓘᓐᓃᑦ ᐅᕐᓱᐊᓗᖕᒥ ᑯᕕᓱᖃᕐᓂᖅᐸᑦ ᐃᒪᐃᓐᓇᕐᒥ.

ᐃᓚᒋᔭᐅᒪᐅᕐᒥᔪᑦ ᐅᒥᐊᕐᔪᐊᖅ Harry DeWolf-ᒧ ᐊᔪᕈᓐᓃᖅᓴᖅᑎᓪᓗᒋᑦ ᐅᑯᐊ ᑲᓇᑕᒥ ᐊᒻᒪ ᐊᒥᐊᓕᑲᒃᑯᑦ ᓯᒡᔭᖏᓐᓂᒃ ᓴᐳᓐᓂᐊᖅᑎᒃᑯᑦ, ᐅᖃᓚᐅᕐᑐᖅ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ ᐊᖓᔪᖅᑳᖑᖃᑕᐅᔪᖅ ᒪᐃᔾᔪ ᒫᒃ ᒎ.

ᐅᓇ ᓯᕗᓪᓕᖅᐹᖑᔪᖅ ᐅᒥᐊᕐᔪᐊᓂᒃ ᑲᓇᑕᐅᑉ ᐅᑭᐅᕐᑕᖅᑐᖓᓂ ᓯᒡᔭᖏᓐᓂᒡᓗ ᓴᐳᓐᓂᐊᖅᑎᑦᑎᔨᓂ ᑲᒪᒋᔭᖃᖅᑎᑦᑎᓂᕐᒧᑦ. ᑕᓪᓕᒪᓂ ᓱᓕ ᐅᒥᐊᕐᔪᐊᓂᒃ ᓴᓇᔭᕆᐊᖃᖅᑐᑦ. ᑖᒃᑯᐊᓗ ᑕᑭᓂᖃᕐᓂᐊᖅᖢᑎᒃ 103 ᒦᑕᓂᒃ, ᐅᖁᒪᐃᓐᓂᖃᕐᓗᑎᒃ 6,440 ᑕᓐᔅ, ᐊᒻᒪᓗ ᐅᓯᖃᑦᑕᕐᓂᐊᖅᖢᑎᒃ ᐅᒥᐊᓂᒃ ᑐᐊᕕᕐᓇᖅᑐᓕᕆᔾᔪᑎᓂᒃ ᐊᒻᒪᓗ ᓄᓇᓯᐅᑎᖃᕐᕕᖃᕐᓗᑎᒃ. ᖁᓕᒥᒎᓕᖕᓄᑦ ᒥᕝᕕᖃᕐᓂᐊᖅᑐᑦ ᐊᒻᒪᓗ ᖁᑭᑕᐅᖃᕐᓗᑎᒃ 25-mm ᓯᕗᓂᖏᑦᑎᒍᑦ.

ᐅᒥᐊᕐᔪᐊᖅ ᐊᓯᖏᑦᑎᑑᖓᙱᖢᓂ ᐅᑯᓇᓂ ᑲᓇᑕᒥ ᐅᓇᑕᖅᑐᒃᓴᑦ ᐱᖏᓐᓂᒃ, ᐅᓇ Harry DeWolf ᐅᑭᐅᕐᑕᖅᑐᕐᒥ ᓯᑯᓯᐅᕈᓐᓇᑦᑎᐊᖅᑐᖅ ᐊᒻᒪᓗ ᓴᓇᓯᒪᓪᓗᓂ ᐅᖅᑰᓂᕐᓴᐅᓇᓱᒃᖢᓂ ᐃᑭᒪᔪᓄᑦ. ᐋᖅᑭᒃᓯᒪᔪᖅ ᓯᓚᒧᑦ ᒪᓕᒍᓐᓇᕐᖢᓂ ᑕᒪᓐᓇ ᐱᒻᒪᕆᐊᓘᓂᖓᓄᑦ, ᒎ ᐅᖃᖅᑐᖅ, ᓲᖃᐃᒻᒪ ᑲᓇᑕ ᐱᖓᓱᓂ ᐃᒪᕐᓂ ᐊᕙᓗᔭᐅᓯᒪᖕᒪᑦ ᐊᔾᔨᒌᙱᑦᑐᓂᒃ.

“ᐃᑲᔪᖃᓱᒃᖢᑎᒍᑦ ᑲᓇᑕ ᐅᓗᕆᐊᓇᙱᑦᑐᒦᖁᓪᓗᒍ ᐊᒻᒪᓗ ᑲᒪᒋᔭᐅᔪᓐᓇᕐᓂᖓᓂ ᑕᐃᒪᓗ ᓇᒧᙵᐅᕈᓘᔭᕈᓐᓇᕆᐊᖃᕋᑦᑕ,” ᒎ ᐅᖃᖅᑐᖅ.

ᑖᔅᓱᒪᑦᑕᐅᖅ HMCS Harry DeWolf ᐅᑭᐅᕐᑕᖅᑐᒃᑯᑦ ᐃᖏᕐᕋᓂᕆᓂᐊᖅᑕᖓ ᐃᓄᐃᑦ ᓄᓇᓕᖏᓐᓂᒃ ᐳᓛᑲᑕᒡᓗᓂ ᓄᓇᕗᒥᑦ ᐊᒻᒪᓗ ᐱᓕᕆᖃᑎᖃᕈᓐᓇᕐᓯᓇᓱᒡᓗᑎᒃ ᐃᓄᖕᓂ ᓄᓇᖃᖅᑐᓂᒃ. ᑕᐃᒪᓕ ᑖᓐᓇ ᐅᒥᐊᕐᔪᐊᖅ ᓄᓇᕗᒥ ᐃᖏᕐᕋᑎᓪᓗᒍ, ᐊᖓᔪᖅᑳᕆᔭᐅᔪᖅ ᐅᒥᐊᕐᔪᐊᕐᒧᑦ ᓄᓇᓕᖕᓄᐊᑲᑕᓚᐅᕐᑐᖅ ᐱᓕᕆᖃᑎᖃᕈᓐᓇᕐᓯᓇᓱᒃᖢᓂ. ᒫᓐᓇᓕ ᑖᓐᓇ HMCS Harry DeWolf ᐃᖏᕐᕋᑲᑕᓕᖅᑎᓪᓗᒍ ᑲᔪᓯᓂᐊᖅᑐᖅ ᐃᖏᕐᕋᓗᓂ ᒥᑦᑎᒪᑕᓕᖕᒧᑦ, ᐃᖃᓗᒃᑑᑦᑎᐊᕐᒧᑦ ᐊᒻᒪ ᐃᒃᐱᐊᕐᔪᒃᒧᑦ ᐊᓯᖏᓐᓄᓪᓗ, ᒎ ᐅᖃᖅᑐᖅ.

“ᑕᒪᓐᓇ ᖃᐅᔨᒪᔭᐅᙱᒻᒪᓐ ᑭᓯᐊᓂ ᑕᒫᓂᕐᒥᐅᑕᓄᑦ ᓄᓇᖃᖅᑳᖅᑐᓄᑦ ᐊᒻᒪ ᐃᓄᖕᓄᑦ,” ᐅᖃᖅᑐᖅ.

ᐅᓇ ᐅᒥᐊᕐᔪᐊᖅ ᐊᑦᑎᖅᑕᐅᓯᒪᔪᖅ ᐆᒧᖓ ᐊᖓᔪᖅᑳᕕᓂᕐᒧᑦ ᐅᓇᑕᖅᑐᒃᓴᓄᑦ Vice-Admiral Harry DeWolf-ᒧᑦ, ᑲᓇᑕᒥ ᐅᓇᑕᖅᑐᒃᓴᕕᓂᖅ ᓄᓇᕐᔪᐊᕐᒥᓐ ᐅᓇᑕᕕᒡᔪᐊᖅᑐᓂᒃ ᐊᐃᑉᐸᖓᓂᒃ.

ᓄᓇᕗᒥᑦ ᐳᓚᕋᓚᐅᕐᓗᓂ ᐅᓇ Harry DeWolf ᐃᖏᕐᕋᓂᐊᖅᑐᖅ ᐅᕘᓇ ᓱᓪᓗᐊᓗᒃ ᐅᐊᓕᓂᖅᒥ ᕿᑭᖅᑖᓗᒃᒧᑦ ᑕᕆᐅᒃᑯᑦ ᐊᖅᑯᑎᑎᒍᑦ ᐅᐊᓕᓂᓕᐊᕐᓗᓂ.

ᑕᒪᑐᒪᓕ ᐊᕐᕌᒍ ᐃᓚᖓᒍᑦ, ᒪᒃᓯᑯᒧᙵᐅᓂᐊᖅᑐᖅ ᐊᒻᒪᓗ ᐹᓇᒫᒧᑦ ᐃᓚᐅᓂᐊᕐᓗᓂ ᐅᑯᓇᓂ Operation Caribbe, ᓱᐴᖅᑐᒐᖅᓂᒃ ᐱᕈᖅᑎᑕᐅᓯᒪᓂᑯᓂᒃ ᑲᒪᒋᔭᖃᕐᓗᑎᒃ.

ᒎ ᐅᖃᓚᐅᕐᑐᖅ ᐅᒥᐊᕐᔪᐊᖅ ᕼᐋᓕᕚᒃᔅᒧᑦ ᐅᑎᓛᖅᖢᓂ ᑎᓯᐱᕆᒥᓐ.

Share This Story

(0) Comments

Join the Conversation

Your email address will not be published. Required fields are marked *

*