ᓇᖕᒥᓂᖅ ᓅᑦᑐᓐᓇᖅᑐᒥ Starlink−ᒥ ᑲᑎᙵᓂᖃᕐᓂᐅᔪᒥ ᐃᒃᓯᕚᖅᐳᖅ ᐃᒡᓘᑉ ᖄᖓᓂ ᐃᖃᓗᖕᓂ. Starlink ᑐᓂᓯᓯᒪᕗᖅ ᓄᓇᕗᒻᒥᐅᓂ ᓯᕗᓂᐊᓂ−ᑎᑭᓴᐃᔪᓄᑦ ᖃᖓᑦᑕᖅᑎᑕᐅᓯᒪᔪᒧᑦ ᖃᕋᓴᐅᔭᒃᑰᕈᑎᖓᓂ ᓂᐅᕕᕐᓂᖏᓐᓂ ᑎᓯᔪᓂᒃ ᓈᒪᔾᔪᑎᖏᓐᓂ ᐊᒻᒪ ᓇᒃᓯᐅᔾᔭᐅᓗᑎᒃ. ᑲᒻᐸᓂᐅᑉ ᖃᕋᓴᐅᔭᒃᑰᕈᑎᖓᑕ ᓱᒃᑲᓂᖓ ᑕᓪᓕᒪᐃᖅᓱᓪᓗᐊᕈᓐᓇᖅᐳᖅ ᓱᒃᑲᓂᖅᓴᐅᔪᒥ ᑐᒃᑲᓂᐅᔪᓂ ᓄᓇᕗᒻᒥ. (ᒫᑭᔅ ᐸᐃᓐᒧᑦ ᐊᔾᔨᓕᐅᖅᑕᐅᔪᖅ)

Starlink ᐅᖃᐅᓯᖃᖅᐳᖅ ᐊᑐᐃᓐᓇᐅᓂᖓᓂ ᓄᓇᕗᒻᒥ

ᐃᓚᖏᑦ ᐱᔪᓐᓇᕐᓂᖃᕐᓂᓕᖕᓂᑦ ᐃᑲᔫᓯᖅᑕᐅᕙᒃᑐᒥ ᐊᑐᐃᓐᓇᖃᖅᐳᑦ Starlink−ᒧᑦ ᐅᖓᓯᒃᑐᓂ ᐃᓂᐅᔪᓂᑦ, ᓄᓇᕗᒻᒥ ᒐᕙᒪᒃᑯᑦ ᑕᐃᒪᐃᑦᑐᓂ ᐸᕐᓇᐅᑎᖃᙱᓚᑦ

By ᑕᐃᕕᑦ ᓛᒃᕼᐄᑦᒧᑦ

For English version, see Starlink announces availability in Nunavut

ᒫᑭᔅ ᐸᐃᓐ ᐊᑐᐃᓐᓇᖃᑐᐃᓐᓇᕆᐊᖃᖅᐳᖅ ᐃᓚᖓᓐᓄᑦ ᖁᑦᑎᓛᖑᔪᒥ ᖃᕋᓴᐅᔭᒃᑰᕈᑎᒥ ᓱᒃᑲᓂᐅᒧᓂ ᓄᓇᕗᓕᒫᒥ.

ᐊᑕᐅᓯᐅᕗᖅ ᐊᒥᓱᓂ ᐃᓄᖕᓂ ᓄᓇᓕᖕᒥᐅᑕᐅᔪᓂ ᓄᓇᕗᒻᒥ ᓯᕗᓂᐊᓂ−ᑎᑭᓴᐃᓯᒪᔪᒥ Starlink ᖃᖓᑦᑕᖅᑎᑕᐅᓯᒪᐅᔪᒥ ᖃᕋᓴᐅᔭᒃᑰᕈᑕᐅᔪᒥ ᐊᒻᒪ ᐱᓚᐅᖅᐳᖅ ᐅᖃᐅᔾᔨᓂᐅᔪᒥ ᐱᓇᓱᐊᕈᓯᐅᓚᐅᖅᑐᒥ ᐱᔨᑦᑎᕋᕐᓂᖅ ᐊᑐᐃᓐᓇᐅᓕᕐᓂᖓᓂ ᑕᐃᒃᑯᓄᖓ.

ᐸᐃᓐ, ᐊᖏᕐᕋᒥ ᖃᖓᑦᑕᖅᑎᑕᐅᓯᒪᐅᔪᒥ ᑎᑭᓴᖅᓯᒪᔪᒥ ᑲᒻᐸᓂᐅᔪᒥ, ᐃᓱᒪᓕᐅᕆᓚᐅᖅᐳᖅ ᐆᒃᑐᕐᓂᕐᒥ ᓇᖕᒥᓂᖅ ᓅᑦᑐᓐᓇᖅᑐᒥ Starlink ᑎᓯᔪᓂᒃ ᓈᒪᔾᔪᑎᖏᓐᓂ ᐱᖄᓂᒃᖢᓂ RV−ᖓᓂ ᖃᓪᓗᓈᑦ ᓄᓇᖓᓐᓃᑎᓪᓗᒍ.

ᐊᔪᒋᑉᐳᖅ, ᐅᖃᓚᐅᖅᐳᖅ, ᑐᓂᓯᓪᓗᓂ ᓱᒃᑲᓂᐅᔪᓂ 170 Mbps ᐅᖓᑖᓄᑦ.

“ᑐᓴᑐᐊᕋᒪ, ᐱᓇᓱᓯᑲᐅᑎᒋᓚᐅᖅᐳᖓ,” ᐸᐃᓐ ᐅᖃᓚᐅᖅᐳᖅ ᐊᑎᓕᐅᕆᓂᕐᒧᑦ Starlink−ᑯᓐᓄᑦ.

ᒫᓐᓇᒧᑦ ᑎᑭᖦᖢᒍ, ᖁᑦᑎᒃᑐᒥ-ᓱᒃᑲᓂᐅᔪᓂ ᖃᕋᓴᐅᔭᒃᑰᕈᑕᐅᔪᒥ ᐊᑐᐃᓐᓇᐅᓯᒪᙱᓚᖅ ᐃᓄᖕᓄᑦ ᓄᓇᖃᖅᑐᓂ ᓄᓇᕗᒻᒥ ᑭᓯᐊᓂ ᓴᓂᑭᓗᐊᕐᒥ, ᐱᓚᐅᖅᑐᒥ ᐊᑐᐃᓐᓇᖃᕐᓂᖓᓂ Starlink−ᒧᑦ ᐊᐃᑉᕆᓕᒥ ᐱᔨᑦᑎᕋᕐᓂᖅ ᐊᑐᐃᓐᓇᙳᕋᒥ ᐅᐊᖕᓇᒥ ᑯᐸᐃᖕᒥ.

2020−ᒥ ᐅᓂᒃᑳᓕᐊᒥ ᓄᓇᕗᒻᒥ ᑐᙵᕕᒃᑯᓐᓂ ᐅᓂᒃᑳᕆᓯᒪᕗᖅ ᓄᓇᕗᒻᒥ ᑲᓇᑕᒥ ᐱᔪᓐᓇᕐᓂᖃᕐᓂᓕᖕᓂ ᐊᑐᐃᓐᓇᖃᙱᓐᓂᖓᓂ ᖃᕋᓴᐅᔭᒃᑰᕈᑕᐅᔪᒥ ᓱᒃᑲᓂᐅᔪᓂ 25 Mbps−ᒥ ᐊᒻᒪ ᖁᓛᓄᑦ.

ᐃᓱᒪᕗᖓ ᖃᓄᐃᓕᐅᕐᓂᕐᒥ ᐊᓯᔾᔨᖅᑎᑦᑎᓂᐊᕐᓂᖓᓂ ᐊᑐᐃᓐᓇᖃᕐᓂᕐᒧᑦ ᐃᓄᖕᓄᑦ,” ᐅᖃᓚᐅᖅᐳᖅ ᑲᕙᓐ ᐃᒃᓯᒃᑖᕐᔪᒃ, ᖃᒪᓂᑦᑐᐊᕐᒥᐅᑕᖅ ᐊᑎᓕᐅᕆᓯᒪᔪᒥ Starlink ᓯᕗᓂᐊᓂ-ᑎᑭᓴᐃᓂᐅᔪᒧᑦ, ᑭᓯᐊᓂ ᐊᐅᓪᓚᑦᑎᓲᖑᒋᕗᖅ ᕙᐃᔅᐳᒃᑯᑦ ᑲᑎᙵᓂᐅᔪᒥ ᑕᐃᔭᐅᔪᒥ Starlink ᓄᓇᕗᒻᒥ.

ᓱᒃᑲᓂᖅᓴᐅᔪᒥ ᖃᕋᓴᐅᔭᒃᑰᕈᑕᐅᔪᒥ ᓇᒃᓴᕐᓂᐊᖅᐳᖅ ᐊᔪᕐᓇᙱᓐᓂᖅᓴᐅᓂᖓᓂ ᖃᕋᓴᐅᔭᒃᑰᖅᑎᑦᑎᓂᕐᒥ ᐃᖏᕐᕋᔾᔪᑎᓂ, ᖃᕋᓴᐅᔭᒃᑯᑦ ᑲᑎᒪᓂᐅᔪᒥ, ᐊᒻᒪ ᐱᙳᐊᕐᓂᕐᒧᑦ ᖃᕋᓴᐅᔭᑎᒍᑦ ᐱᙳᐊᕈᑎᐅᔪᓂ. ᐱᔪᓐᓇᖅᑎᑦᑎᓂᐊᕆᕗᖅ ᓄᓇᕗᒻᒥ ᐊᐅᓚᑦᑎᑦᑎᐊᒃᑲᓐᓂᕈᓐᓇᕐᓂᖓᓂ, ᐃᒃᓯᒃᑖᕐᔪᒃ ᐅᖃᓚᐅᖅᐳᖅ.

ᖁᕕᐊᓐᓂᐅᔪᒥ ᖃᕋᓴᐅᔭᑎᒍᑦ ᑕᑯᒃᓴᐅᓯᒪᑦᑎᐊᖅᐳᖅ, Starlink ᓄᓇᕗᒻᒥ ᕙᐃᔅᐳᒃᑯᑦ ᑲᑎᙵᓂᐅᔪᒥ ᐃᓚᒋᔭᐅᔪᒥ ᒪᕐᕈᐃᓪᓗᐊᖅᑐᒥ ᐱᕈᕐᓂᖓᓂ ᐱᓇᓱᐊᕈᓯᐅᔪᒥ 150−ᐸᓗᖕᓂ ᐅᓄᕐᓂᖅᓴᐅᔪᓄᑦ 300−ᓄᑦ ᐃᓄᖕᓄᑦ.

“ᓂᕆᐅᖕᓂᖃᑦᑎᐊᖅᐳᖓ,” ᐅᖃᓚᐅᖅᐳᖅ Starlink−ᒥ ᓄᓇᕗᒻᒧᑦ ᑎᑭᓛᖕᓂᖓᓄᑦ.

“ᐃᓱᒪᕗᖓ ᓇᒃᓴᕐᓂᐊᕐᓂᖓᓂ ᐊᒥᓱᐊᓗᖕᓂ ᐱᕚᓪᓕᕈᑕᐅᔪᓂ ᓄᓇᓕᖕᓄᑦ.”

Starlink ᐊᕕᒃᑐᖅᓯᒪᓂᐅᕗᖅ SpaceX−ᑯᓐᓂ, ᓇᖕᒥᓂᕆᔭᐅᔪᒥ ᐃᓛᓐ ᒪᔅᒃᒧᑦ. ᑲᒻᐸᓂ ᐱᒋᐊᖅᑎᑦᑎᓯᒪᓕᖅᐳᖅ 2,300−ᐸᓗᖕᓂ ᖃᖓᑦᑕᖅᑎᑕᐅᓯᒪᐅᔪᓂ ᐊᑦᑎᒃᑐᒧᑦ-ᓄᓇᕐᔪᐊᒥ ᕿᓚᖓᓐᓂ ᖄᖏᖅᓯᒪᓕᖅᑐᓂ ᖃᔅᓯᐊᕐᔪᖕᓄᑦ ᐊᕐᕌᒍᓄᑦ, ᑐᕌᒐᒃᓴᖃᖅᖢᓂ ᐊᑐᐃᓐᓇᖃᖅᑎᑦᑎᓂᕐᒥ ᖁᑦᑎᒃᑐᒥ-ᓱᒃᑲᓂᐅᔪᓂ ᖃᕋᓴᐅᔭᒃᑰᕈᑕᐅᔪᒥ ᓄᓇᕐᔪᐊᓕᒫᒥ, ᐃᓚᖃᖅᑐᒥ ᐅᖓᓯᓛᖑᔪᓂ ᐊᕕᒃᑐᖅᓯᒪᓂᐅᔪᓄᑦ.

ᖁᑦᑎᒃᑐᒥ-ᓱᒃᑲᓂᐅᔪᓂ ᖃᕋᓴᐅᔭᒃᑰᕈᑕᐅᔪᒥ ᑐᑭᓕᐊᖑᕗᖅ ᖃᕋᓴᐅᔭᒃᑰᖅᑎᑦᑎᓂᕐᒥ ᓱᒃᑲᓂᐅᔪᓂ 25 Mbps ᓱᒃᑲᓂᖅᓴᐅᔪᒥᓪᓘᓐᓃᑦ. Starlink ᐅᓂᒃᑳᕆᕗᖅ ᖃᕋᓴᐅᔭᒃᑰᕈᑕᐅᔪᒥ ᓱᒃᑲᓂᐅᔪᓂ ᕿᑎᐊᓂ 50−ᒥ 200−ᒧᑦ Mbps−ᒥ.

ᑲᒻᐸᓂᐅᑉ ᑎᓯᔪᓂᒃ ᓈᒪᔾᔪᑎᖏᓐᓂ ᐊᑭᖏᑦ $759−ᑲᓴᐅᓪᓗᓂ, ᐊᒻᒪ ᑕᖅᑭᑕᒫᒥ ᐊᑭᓕᕆᐊᓕᖓ $140−ᖑᕗᖅ.

ᑕᐅᑐᒃᖢᒍ, ᐸᐃᓐ ᐅᖃᓚᐅᖅᐳᖅ ᐊᑭᓖᕙᖕᓂᖓᓂ $158 ᑕᖅᑭᑕᒫᒥ ᖃᕋᓴᐅᔭᒃᑰᖅᑎᑦᑎᓂᕐᒥ ᓱᒃᑲᓂᐅᔪᓂ 15 Mbps−ᒥ, ᐃᓚᒋᐊᖅᓯᓪᓗᓂ ᖃᕋᓴᐅᔭᒃᑰᕈᑕᐅᔪᒥ ᓱᒃᑲᓂᐅᔪᓂ ᑎᑭᐅᑏᓐᓇᕈᓐᓇᙱᓚᑦ ᑕᐃᒃᑯᓄᖓ ᑭᒡᓕᐅᔪᓄᑦ.

ᐃᓚᖏᑦ ᑲᓇᑕᒥ ᐱᔪᓐᓇᕐᓂᖃᕐᓂᓕᖕᓂ, ᓲᕐᓗ ᑯᐸᐃᖕᒥ ᐊᒻᒪ ᓅᕙ ᔅᑰᓯᐊᒥ, ᐃᓚᓕᐅᔾᔨᓯᒪᕗᖅ Starlink−ᒥ ᐸᕐᓇᐅᑎᖏᓐᓄᑦ ᓇᒃᓴᕐᓂᕐᒧᑦ ᖁᑦᑎᒃᑐᒥ-ᓱᒃᑲᓂᐅᔪᓂ ᑲᑎᙵᓂᖃᕐᓂᐅᔪᒥ ᐅᖓᓯᒃᑐᒥ ᐊᕕᒃᑐᖅᓯᒪᓂᖁᑎᒋᔭᖏᓐᓄᑦ. ᓅᕙ ᔅᑰᓯᐊ ᐅᖃᐅᓯᖃᓚᐅᖅᐳᖅ ᑕᒪᑐᒪᓂ ᐊᕐᕌᒎᔪᒥ ᐅᑎᖅᑎᕆᓂᐊᕐᓂᖏᓐᓂ ᐃᓕᔭᐅᓂᖓᓂ ᐊᑭᐅᔪᓂ ᐃᓄᖕᓄᑦ ᓄᓇᖃᖅᑐᓄᑦ ᒫᓐᓇᐅᔪᒥ ᐊᑐᐃᓐᓇᖃᙱᑦᑐᓂ ᖁᑦᑎᒃᑐᒥ-ᓱᒃᑲᓂᐅᔪᓂ ᖃᕋᓴᐅᔭᒃᑰᕈᑕᐅᔪᒥ.

ᑯᐸᐃᒃ ᐅᑎᖅᑎᕆᓲᖑᕗᖅ ᐃᓕᔭᐅᓂᖓᓂ ᐊᑭᖓᓂ ᐱᔪᓐᓇᖅᑐᓄᑦ ᐊᖏᕐᕋᐅᔪᓄᑦ ᐊᒻᒪ ᑐᓂᓯᓲᖑᕗᖅ ᑕᖅᑭᑕᒫᒥ ᐊᑭᑭᒡᓕᒋᐊᕐᓂᐅᔪᒥ $40−ᒥ ᑕᖅᑭᑕᒫᒥ Starlink−ᒧᑦ ᓂᐅᕕᖅᐸᒃᑐᓄᑦ.

ᓄᓇᕘᑉ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓂ ᖃᕋᓴᐅᔭᒃᑯᑦ ᑎᑎᕋᕐᓂᐅᔪᒥ ᐸᕐᓇᐅᑎᖃᙱᓐᓂᖓᓂ ᐊᑭᑭᒡᓕᒋᐊᖅᓯᓂᕐᒥ ᐃᓕᔭᐅᓂᖓᓂ ᐊᑭᐅᔪᓂ ᓄᓇᕗᒻᒥ.

ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᓇᖕᒥᓂᖃᖅᑎᐅᔪᓂ ᐊᕐᕌᒍᒐᓴᓂ ᐱᓕᕆᓂᖃᖅᓯᒪᕗᑦ ᑲᑎᙵᓂᖃᖅᑎᑦᑎᓂᕐᒥ ᐃᓚᖓᓐᓂ ᓄᓇᕗᒻᒥ ᖁᑦᑎᒃᑐᒥ-ᓱᒃᑲᓂᐅᔪᓂ ᖃᕋᓴᐅᔭᒃᑰᕈᑕᐅᔪᒥ ᐅᕘᓇ fibre-optic ᑲᑎᙵᓂᖃᕐᓂᐅᔪᒧᑦ.

2019−ᒥ, ᓄᓇᕗᒻᒥ ᒐᕙᒪᒃᑯᑦ ᐅᖃᐅᓯᖃᓚᐅᖅᐳᖅ ᐸᕐᓇᐅᑎᒥᒃ ᑲᑎᙵᓂᖃᖅᑎᑦᑎᓂᕐᒥ ᐃᖃᓗᖕᓂ, ᑭᒻᒥᕈᑦ ᐊᒻᒪ ᑭᙵᕐᓂ fibre optic ᑲᓱᖃᑎᖃᕐᓂᐅᔪᒧᑦ. ᐅᓇ ᐱᓕᕆᐊᒃᓴᐅᔪᖅ, ᓇᓚᐅᑦᑖᕆᔭᐅᔪᒥ ᐊᑭᖃᕐᓂᐊᕐᓂᖓᓂ $209 ᒥᓕᐊᓐ ᐅᖓᑖᓄᑦ, ᓇᓚᐅᑦᑖᕆᔭᐅᕗᖅ ᐱᔨᑦᑎᕋᓕᓛᕐᓂᖓᓂ 2025−ᒥ.

ᒫᓐᓇᐅᔪᒥ, ᓇᖕᒥᓂᕆᔭᐅᔪᒥ ᑲᒻᐸᓂᐅᔪᒥ CanArctic ᐃᓄᖕᓄᑦ ᑲᓱᖃᑎᒌᒃᓯᒪᔪᒥ ᐱᕈᖅᓴᐃᕗᖅ ᑮᓇᐅᔭᓂ ᑮᓇᐅᔭᖃᖅᑎᑦᑎᓂᕐᒥ fibre optic ᑲᑎᙵᓂᖃᕐᓂᐅᔪᒥ ᐃᖃᓗᖕᓄᑦ.

Starlink ᐊᒻᒪ ᐊᖓᔪᖅᑳᖓᓂ ᑲᒻᐸᓂᐅᔪᒥ SpaceX ᑭᐅᓚᐅᙱᓚᑦ ᐊᐱᖅᑯᑕᐅᔪᓄᑦ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓂᑦ ᐊᖏᒡᓕᒋᐊᖅᑕᐅᓂᐊᕐᓂᖓᓂ ᓄᓇᕗᒻᒧᑦ.

Share This Story

(0) Comments

Join the Conversation

Your email address will not be published. Required fields are marked *

*