‘The Little Nunavik Airplane’ ᓴᖅᑎᑕᐅᕗᖅ ᑰᔾᔪᐊᖅᒥ

For English version, see ‘The Little Nunavik Airplane’ takes off in Kuujjuaq
The Little Nunavik Airplane (ᒥᑭᑦᑐᖅ ᓄᓇᕕᒃ ᖃᖓᑕᓲᖅ) ᓴᖅᑭᑕᐅᕗᖅ.

ᐅᖃᓕᒫᒐᓕᐊᖅ ᑎᓯᔪᒥ ᖄᓕᒃ ᐊᑎᖃᖅᖢᓂ The Little Nunavik Airplane (ᒥᑭᑦᑐᖅ ᓄᓇᕕᒃᒥ ᖃᖓᑕᓲᖅ) ᓴᖅᑭᔮᖅᑎᑕᐅᔪᖅ ᐅᖃᓕᒫᒐᓕᐊᕆᔭᐅᓯᒪᔪᖅ ᐅᕙᓂ ᑰᔾᔪᐊᖅ ᑐᔪᕐᒥᕕᒃᒥ ᑕᖅᑭᐅᓚᐅᖅᑐᒥᓐ. (ᐊᔾᔨᓕᐅᕆᔨ ᓯᑐᕆᒃ ᒑᓚᓐᑦ)

ᓱᕈᓯᕐᓄᑦ ᐅᖃᓕᒫᒐᓕᐅᖅᑎ ᐃᓴᐱᐅᓪ ᓚᕉᔅ ᐅᖃᓕᒫᓚᐅᕐᑐᖅ ᐅᖃᓕᒫᒐᕐᓂ ᐅᐃᕖᑐᑦ, ᖃᓪᓗᓈᑐᑦ ᐊᒻᒪ ᐃᓄᒃᑎᑐᑦ, ᐃᑲᔪᖅᑕᐅᓪᓗᓂ ᑐᑭᓕᐅᕆᔨᒥ, ᐅᑯᓄᖓ ᐸᐃᕆᕝᕕᒻᒦᑦᑐᓄᑦ ᓱᕈᓯᕐᓂ ᑖᓐᓇ ᓴᖅᑭᑕᐅᑎᓪᓗᒍ ᐋᒐᓯ 17-ᖑᑎᓪᓗᒍ ᑰᔾᔪᐊᖅᒥ.

ᓚᕉᔅ ᐅᖃᓚᐅᕐᑐᖅ ᑕᕝᕘᓇ ᐅᓂᒃᑳᑎᒍ ᖃᐅᔨᑎᑦᑎᔪᒪᓂᕋᖅᖢᓂ ᓄᓇᕕᒃᒥ ᑲᓇᑕᒥᐅᑕᐃᑦ ᓱᕈᓯᖏᓐᓂᒃ.

ᑕᐃᒪᐃᓐᓂᐊᕐᓗᓂ ᑕᒪᒃᑯᓂᖓ ᓱᕈᓯᕐᓂ ᔮᓂ ᒪᐃ ᖃᖓᑕᓲᖓᓂᒃ De Havilland Beaver ᐃᓗᐊᓃᑎᑦᑎᖅᑰᔨᔪᖅ. ᑕᐃᑲᙵ ᐃᖏᕐᕋᑲᑕᒃᖢᑎᒃ 14 ᓄᓇᕕᒃᒥ ᓄᓇᓕᖕᓄᑦ, ᓄᖅᑲᖅᐸᒃᖢᑎᑦ ᑕᒪᐃᓐᓄᑦ ᖃᐅᔨᓇᓱᒃᖢᑎ ᖃᓄᐃᓕᖓᓂᖓᓂᒃ ᓄᓇᒋᔭᐅᔪᖅ.

“ᐅᖃᓕᒫᒐᓕᐊᓐᓄᑦ ᐊᖅᑭᒃᓱᐃᔨᓗ ᐅᖃᓪᓚᓕᓚᐅᕋᓐᓄ,” ᓚᕉᔅ ᐊᐱᖅᓱᖅᑕᐅᑎᓪᓗᒍ ᐅᖃᓕᒫᒐᖅ ᓴᖅᑭᑕᐅᑎᓪᓗᒍ ᐅᖃᓚᐅᕐᑐᖅ.

“ᐅᕙᑦᑎᓐᓄ ᐅᖃᓚᐅᕐᑐᒍ, ᓄᓇᕕᒃ ᐱᐅᔪᓪᓛᓘᖕᒪ, ᑕᐃᒪᓕ ᖃᓄᐃᓕᐅᓪᓗᐊᖅᑐᒍ ᓄᓇᕐᒥᐅᕐᒥᐅᑕ ᖃᐅᔨᓂᐊᕐᒥᖕᒪᑕ ᑕᒪᑐᒥᖓ ᓄᓇᒥ.”

ᓚᕉᔅ ᐅᖃᓚᐅᕐᑐᖅ ᑕᒪᓐᓇ ᐅᖓᒋᓂᖓ ᐱᒋᐊᓚᐅᕐᓯᒪᔪᖅ ᐃᓕᓴᐃᔨᐅᓕᖅᑎᓪᓗᒍ ᑲᖏᖅᓱᐊᓗᔾᔪᐊᖅᒥ. ᐊᒻᒪᓗ 2011-ᒥ, ᑕᒪᐃᓐᓂ 14 ᓄᓇᓕᖕᓂ ᑕᑯᔭᖅᑐᑲᑕᓚᐅᕐᓯᒪᔪᖅ ᐅᑯᓄᖓ ᑲᑎᕕᒃ ᐃᓕᓴᕐᓂᓕᕆᓂᖅᑎᒍᑦ, ᓄᓇᕕᒃᒥ ᐃᓕᓐᓂᐊᕐᓂᓕᕆᔨᒃᑯᑦ, ᐅᖃᓕᒫᒐᓕᐅᖅᑎᐅᓂᖓᓄᑦ ᐊᒻᒪ ᐅᓂᒃᑳᖅᑐᐊᖃᑦᑕᕐᓂᖓᓄᑦ.

ᓄᓇᓕᖕᓄᐊᑲᑕᒃᖢᓂ ᐃᓱᒪᖃᓕᓚᐅᕐᓯᒪᔪᖅ ᐅᖃᓕᒫᒐᓕᐅᕈᒪᓪᓗᓂ.

ᐃᑲᔪᖅᑕᐅᓪᓗᓂ ᑎᑎᕋᐅᔭᒐᖅᑎᒧᑦ ᐃᓇᐱᐅᓪ ᓵᐸᓅᒧᑦ, ᐊᒻᒪᓗ ᑐᑭᓕᐅᕆᔨᓄᑦ ᓈᓐᓯ ᐃᑐᒃᒧᑦ ᐊᒻᒪ ᑑᒪᓯ ᒪᙱᐅᒃᒧᑦ, ᐅᓇ The Little Nunavik Airplane ᐱᒋᐊᓕᓚᐅᕐᓯᒪᔪᖅ.

“ᐅᓇ ᐅᖃᓕᒫᒐᖅ ᑲᑎᖃᑎᒌᑦᑎᐊᕐᓂᕐᒨᖓᔪᖅ, ᐅᖃᓕᒫᒐᓕᐊᖑᓯᒪᔪᖅ ᐱᓕᕆᖃᑎᒌᖕᓂᒃᑯᑦ, ᒪᑐᐃᖓᑦᑎᐊᕐᓂᒃᑯᑦ, ᑐᓴᑲᑕᑦᑎᐊᕋᓱᖕᓂᒃᑯᑦ ᐊᒻᒪᓗ ᓄᓇᕕᒃᒥ ᐅᖓᒋᔭᖃᕐᓂᕐᒧᑦ,” ᓚᕉᔅ ᐅᖃᕐᑐᖅ.

ᐅᖃᓕᒫᒐᖅ ᐊᕐᕌᒍᓂ ᐱᖓᓱᓂ ᑲᑎᕐᓱᖅᑕᐅᕙᓪᓕᐊᓚᐅᕐᓯᒪᔪᖅ ᐊᒻᒪᓗ 20-ᓂ ᐊᔾᔨᒌᙱᑦᑑᑎᓂᒃ ᐋᖅᑭᒋᐊᖅᑕᐅᓯᒪᓪᓗᓂ ᑭᓯᐊᓂ ᑕᒪᐃᓐᓂ ᓈᒻᒪᒋᔭᐅᑦᑎᐊᓕᕐᒪᑦ ᐱᓕᕆᐊᖃᖅᑐᓄᑦ.

“ᐱᒻᒪᕆᐊᓘᓚᐅᕐᒪ ᑖᓐᓇ ᐅᖃᓕᒫᒐᖅ ᐱᒋᐊᕐᓯᒪᒃᐸᑦ ᓄᓇᕕᒃᒥ, ᓲᖃᐃᒻᒪ ᓴᓇᔭᐅᓯᒪᔪᖅ ᑕᒫᓂ,” ᓚᕉᔅ ᐅᖃᓚᐅᕐᑐᖅ.

“ᐱᓕᕆᐊᒃᓴᖅᑕᖃᕐᓇᕐᔪᐊᕐᒪᑦ ᐃᓄᐃᑦ ᖃᐅᔨᔭᐅᑎᑕᐅᓇᓱᒃᖢᒋᑦ,”

ᓚᕉᔅ, ᐃᓕᓴᐃᕙᒃᑐ ᐃᓇᖏᕐᑎᐅᓪᓗᓂ ᒪᓐᑐᕆᐊ ᖃᓂᒋᔭᖓᓂ ᐊᖏᕐᕋᓕᒃ, ᑎᑎᕋᕐᓯᒪᖕᒪᑦ ᓄᓇᖃᖅᑳᖅᑐᑦ ᓄᓇᖏᓐᓂᙶᖅᑐᓂᒃ ᓯᕗᓂᐊᒍᑦ.

ᐋᖅᑭᒃᑕᐅᓯᒪᓪᓗᓂ ᒍᕌᓐ ᐃᓚᓐᒧᑦ (Grand Élan), ᐅᖃᓕᒫᒐᖅ ᐅᖃᓕᒫᒐᖃᕐᕕᖕᓄᐊᖅᑕᐅᓂᐊᖅᑐᖅ ᑲᓇᑕᒦᑦᑐᓂᒃ.