ᑖᖅᑐᒦᓐᓇᖅᑐᒥ ᐃᖃᓗᖕᓂ ᑎᑎᕋᐅᔭᒐᖅᑎ ᓇᓂᓯᕗᖅ ‘Echoes Of…’

For the English version of this story, please see In a dark place, Iqaluit musician finds Echoes Of…

ᐋᓐᑐᕉ ᒨᕆᓴᓐ ᓇᓗᓇᐃᔭᐃᔪᖅ ᑖᖅᑐᒦᓐᓂᕐᒥ 2021-ᒥ.

ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᒻ ᐱᓗᐊᖅᑎᓪᓗᒍ ᐅᓇ ᐃᖃᓗᖕᓂ ᑎᑕᒃᑎ ᐸᐃᒑᓚᖃᐅᑎᑦ (The Jerry Cans) ᐃᙱᖅᑎᒻᒪᕆᖓ ᐃᓄᑑᓐᓇᖅᑐᒦᖃᑦᑕᕆᐊᖃᓚᐅᕐᒪ ᓇᒧᙵᐅᑲᑕᒃᖢᓂ. ᑕᕝᕙᓂᑦᑕᐃᓐᓇ ᐊᕐᕌᒍᒥ, ᐊᓈᓇᐃᓚᐅᕆᓪᓗᓂ ᐆᒥᖓ ᓄᓇᕗᒥᑦ ᐃᖅᑲᖅᑐᐃᔨᓄᑦ ᐊᖓᔪᖅᑳᖑᓚᐅᕐᑐᖅ ᐸᕗᓕ ᐳᕋᐅᓐ.

ᐊᔪᕐᓇᖅᑐᕐᓯᐅᖅᑎᓪᓗᒍ, ᒨᕆᓴᓐ ᐱᓕᕆᐊᖃᓕᓚᐅᕐᑐᖅ ᓄᑖᒥ ᐃᙱᐅᓯᐅᖅᖢᓂ ᐆᒥᖓ: Echoes Of…

ᒨᕆᓴᓐ ᐱᓕᕆᖃᑎᖃᐅᓚᐅᕐᑐᖅ ᑎᑕᐅᑎᓕᕆᔨᓂᒃ ᐱᓕᕆᐊᖃᓕᖅᑎᓪᓗᒍ ᐆᒥᖓ Echoes Of…, ᐅᑯᐊ ᐃᓚᒋᔭᐅᓪᓗᑎᒃ ᓄᐊᑕᓐ ᕼᐊᐃᔾᑯᓐᓃᑦᑐᖅ ᔭᐃᒥᓯ ᐅᖔᓛᖅ, ᑎᐅᕆ ᐅᔭᕋᒃ, ᐃᕚᓇ, ᓇᔭ ᐱ. ᐊᒻᒪ ᔭᐃᔅ ᓚᓯᒃ ᐅᑯᓇᓃᓲᖅ ᐱᔅᓈᕐ ᑕᓰᑦ (Besnard Lakes).

ᐅᓇ ᑎᑕᐅᓯᓕᐊᖓ ᐊᔾᔨᒋᙱᑕᖓ ᐸᐃᒑᓚᖃᐅᑎᑦ ᑎᑕᐅᓯᕆᕙᒃᑕᖓᓂ ᐆᒪ ᒨᕆᓴᐅᑉ ᑎᑕᖃᑦᑕᕐᓂᕐᓴᖏᓐᓂᒃ.

ᓯᕗᓪᓖᑦ ᐊᑕᐅᓯᐅᑦᑕᖅᑐᑦ ᐃᙱᐅᓯᖏᑦ, ᐃᓚᖃᖅᖢᑎᒃ Dead or Dying ᐃᙱᖃᑎᖃᖅᖢᓂ ᐅᑯᓂᖓ ᓚᕝᓕ ᑎᖕᔅ (Lovely Things), ᐊᕙᑎᒋᔭᖓᓅᖓᓂᕐᓴᐅᓪᓗᓂ.

“ᐅᕙᓐᓄ ᖃᓄᐃᓕᐅᕈᓘᔭᕐᓇᓚᐅᕐᑐᖅ ᖃᐅᔨᓇᓱᒃᑎᓪᓗᖓ ᓲᕐᓗ ᑖᖅᑐᒦᑲᑕᒃᖢᓂ, ᓄᒫᓇᕐᓂᐅᓚᐅᕐᓯᒪᔪᖅ ᐃᓅᓯᓐᓂᑦ,” ᒨᕆᓴᓐ ᐅᖃᓚᐅᕐᑐᖅ ᐅᖄᓚᐅᑎᒃᑯᑦ ᐊᐱᕐᓱᖅᑕᐅᑎᓪᓗᒍ ᐃᑭᓂᐊᓵᖅᖢᓂ ᔭᐹᓐᒧᙵᐅᔪᒧᑦ ᖃᖓᑕᓲᒧ ᑐᕌᑐ ᐱᐅᓴᓐ ᖃᖓᑕᓲᒃᑯᕕᐊᓘᐊᓂ.

“ᓄᕙᒡᔪᐊᕐᓇᖅ ᑭᓱᓕᒫᓂ ᓄᖅᑲᖅᑎᑦᑎᑳᓚᓚᐅᕐᒪᑦ, ᐊᒻᒪᓗ ᐱᒋᐊᒃᑲᓐᓂᕋᓱᒃᖢᓂ ᐊᒻᒪᓗ ᖃᓄᐃᓕᐅᕐᓂᐊᕆᐊᒃᓴᖅ ᐃᓱᒪᒋᔭᖃᖅᖢᓂ ᐊᔾᔨᒋᙱᑕᖓᒍᑦ ᑕᒪᓐᓇᓗ ᖃᓄᐃᓕᐅᕈᓘᔭᕐᓇᖅᖢᓂ.”

ᒨᕆᓴᓐ ᓯᕗᓪᓕᖅᐹᖓ ᐅᓇ Echoes Of…ᐃᙱᐅᑎᖏᓐᓂᒃ, Euphemisms, ᓴᖅᑭᑕᐅᓚᐅᕐᓯᒪᔪᖅ ᖃᕋᓴᐅᔭᒃᑰᖓᔪᒃᑯ ᔭᓄᐊᕆ 26-ᒥ.

ᐅᓇ ᖁᓕᓂ ᐃᙱᐅᑎᓕ ᐃᓚᖃᕐᑐᖅ ᐃᓄᒃᑎᑐᑦ ᐊᒻᒪ ᖃᓪᓗᓈᑑᖓᔪᓂᒃ ᐃᙱᐅᑎᓂ.

“ᐅᓇ ᐱᓕᕆᐊᕆᔭᕋ ᐊᔾᔨᐅᖁᓚᐅᙱᓐᓇᒃᑯᑦ ᐊᒻᒪᓗ ᓴᖅᑭᔮᑦᑎᐊᕐᓗᓂ ᐊᒻᒪᓗ ᑐᓴᕐᓂᕆᔭᐅᔪᓐᓇᕐᓗᓂ ᐃᒡᓗᓐᓂ ᐳᓛᖅᑐᓂ ᑳᐱᑐᖅᑎᓪᓗᒋᑦ ᐅᕝᕙᓘᓐᓃᑦ ᑭᓇᑐᐃᓐᓇᕐᒧᑦ ᐃᓂᖃᖃᑕᐅᔪᒪᔪᒥ,” ᒨᕆᓴᓐ ᐅᖃᕐᑐᖅ.

“ᐅᓇ ᐃᓚᒌᓄᑦ ᓈᒻᒪᓈᕐᓯᒪᖁᓚᐅᕋᒃᑯᑦ ᓲᖃᐃᒻᒪ ᑕᒪᑦᑕᑦᑎᐊᖅ ᐃᓚᒌᒃᑐᒍᑦ ᖃᓄᐃᓕᐅᖃᑦᑕᖅᑕᑎᒍᑦ, ᐊᒻᒪᓗ ᐊᓕᐊᓇᐃᖑᓚᐅᕐᑐᖅ ᖃᓄᐃᑦᑐᓂ ᐃᑲᔫᑎᒃᓴᓂᒃ ᐋᖅᑭᒃᓱᐃᔪᓐᓇᓚᐅᕋᑦᑕ ᐊᕐᕌᒍᓂ ᐊᑐᕐᓯᒪᔭᑦᑎᓐᓂ ᐊᒻᒪᓗ ᑕᒪᒃᑯᐊ ᐃᙱᐅᕐᓯᕐᓄ ᐋᖅᑭᒃᓯᒪᓚᐅᖅᖢᑎᒍᑦ.”

ᒨᕆᓴᓐ ᐃᖃᓗᖕᓃᙱᒃᑲᓗᐊᖅᖢᓂ ᓂᐱᓕᐅᒐᖏᑦ ᓴᖅᑭᑎᓪᓗᒋᑦ ᐃᓱᒪᔪᖅ ᑖᒃᑯᓂᖓ ᐃᙱᑲᑕᒡᓗᓂ ᖁᙱᐊᖅᑕᐅᓛᕈᒪᓪᓗᓂ ᓄᓇᓕᐸᐅᔭᓄᑦ ᐅᑎᕈᓂ.

ᑕᐃᒪᐃᓚᐅᖅᑎᓐᓇᒍ ᐅᖃᓚᐅᕐᑐᖅ ᖁᔭᒋᓂᕋᖅᖢᓂᒋᑦ ᐱᓕᕆᖃᑎᒋᓚᐅᕐᑕᖏᑦ ᐊᒻᒪ ᐃᑲᔪᖅᑐᐃᑲᑕᓚᐅᕐᑐᑦ ᐱᓕᕆᐊᕆᕙᓪᓕᐊᔭᖓᓂᒃ.

ᒨᕆᓴᓐ ᐅᖃᓚᐅᕐᑐᖅ ᐃᓛᒌᖕᓂ ᐱᔾᔪᑎᐅᓚᐅᕐᑐᖅ ᐆᒥᖓ Echoes Of…, ᐱᓗᐊᖅᑐᒥ ᐊᓈᓇᒋᓚᐅᖅᑕᖓ, ᑖᓐᓇᓗ ᐱᒋᐊᖅᑎᑦᑎᖃᑕᐅᓂᑰᓪᓗᓂ ᐃᖃᓗᐃᑦ ᑎᑕᐅᓯᓕᕆᔩᑦ ᑲᑐᔾᔨᖃᑎᒌᖏᓐᓂᒃ.

“ᐅᑯᐊ ᐃᙱᐅᓯᐊᖑᔪᑦ ᐃᓱᒪᒋᔭᖃᕐᓂᒨᖓᖅ ᐊᓈᓇᓐᓂ ᐊᒻᒪᓗ ᐱᓕᕆᖃᑕᐅᓂᑯᓂᒃ ᕿᑐᕐᖓᓐᓄᓪᓗ ᐊᒻᒪ ᐃᓚᓐᓄᑦ,” ᐅᖃᓚᐅᕐᑐᖅ.

“ᐃᓅᔪᓐᓃᖅᑎᓪᓗᒍ ᐃᓱᒪᓚᐅᕐᓯᒪᔪᖓ ᑎᑕᑲᑕᖃᑦᑕᕐᓂᐊᕆᐊᒃᓴᓐᓂ ᓱᓕ ᐊᒻᒪᓗ ᐃᓱᒪᒋᓕᖅᖢᓂ, ᐅᕙᓐᓄ ᓂᙵᒐᔭᖅᑐ ᑎᑕᖃᑦᑕᕈᓐᓃᕈᒪ ᐊᒻᒪᓗ ᕿᑐᕐᖓᒃᑲ ᑎᑕᖕᓂᖃᙱᑦᑐᒥ ᐱᕈᖁᓇᔭᙱᖢᓂᒋᑦ.”