ᓄᓇᓕᐸᐅᔭᐃᑦ ᐃᖃᓗᖕᓂ ᑕᓯᖅ ᔨᐅᕈᑏᓐ ᐃᒻᒥᖅᐸᓪᓕᐊᔾᔪᑎᖓᓂ ᐊᓯᔾᔩᓂᐊᕐᑐᑦ

For the English version of this story, please see City of Iqaluit to replace Lake Geraldine intake valve.

ᐃᖃᓗᖕᓂ ᓄᓇᓕᐸᐅᔭᐃᑦ ᐋᖅᑭᒃᓯᓇᓱᒃᑐᑦ ᐊᓯᔾᔨᕐᓯᓂᕐᒥᒃ ᑕᓯᖅ ᔨᐅᕈᑏᓐ ᐃᒻᒥᖅᐸᓪᓕᐊᔾᔪᑎᖓᓂ ᑕᒪᑐᒪᓂ ᐊᕐᕌᒍᒥ.

ᓄᓇᓕᐸᐅᔭᐃᑦ ᑲᑎᒪᔨᖏ ᓂᕈᐊᓚᐅᕐᑐᑦ ᔪᓚᐃ 10-ᒥ ᑲᑎᒪᑎᓪᓗᒋ ᐊᖏᖅᖢᑎᒃ ᐆᒥᖓ $700,000-ᓂ ᐊᑭᖃᕋᔭᕐᑐᒥ ᐊᒻᒪᓗ ᐊᐅᓚᑦᑎᓂᕐᒥᒃ ᑐᒃᓯᕋᐅᑎᓕᐅᕆᑎᒃᓴᓂ ᑲᒪᒋᔭᖃᕐᓂᐊᖅᑐᓂ ᓴᓇᓐᓇᐅᓂᖓᓂᒃ.

ᐅᓇ ᐃᒻᒥᖅᐸᓪᓕᐊᔾᔪᑎ “ᐃᓱᐊᓃᑦᑎᐊᓕᕐᒪᑦ ᐊᑐᕐᕕᖓᑕ,” ᐅᖃᕐᑐᖅ ᑭᐊᕕᒻ ᑰᕐ, ᓄᓇᓕᐸᐅᔭᐃᑦ  ᑐᑭᒧᐊᖅᑎᑦᑎᔨᖓ ᐱᓕᕆᔾᔪᑎᓕᕆᓂᕐᒧᑦ ᐊᒻᒪ ᑮᓇᐅᔭᖅᑐᔪᓄᑦ ᐸᕐᓇᐃᓂᕐᒥ, ᑲᑎᒪᑎᓪᓗᒋᑦ.

“ᐅᓇ ᐱᒻᒪᕆᐊᓘᖕᒪᑦ ᓴᓇᓯᒪᔪᒧᑦ, ᐅᓇ ᐊᐅᓚᑦᑎᔾᔪᑎᒻᒪᕆᐅᖕᒪᑦ ᐃᒪᕐᒥ ᐃᒥᕐᑕᕐᕕᒃᒥ ᐊᒻᒪᓗ ᐊᑐᖅᑕᐅᓛᖑᓪᓗᓂ ᐃᒪᕐᒥ ᑲᒪᒋᔭᖃᕆᐊᖃᕐᓂᕐᒧᑦ.”

ᑮᓇᐅᔭᐃᑦ ᐊᑐᕐᑕᐅᓂᐊᖅᑐᑦ ᐊᓯᔾᔨᖅᓯᓂᕐᒧᑦ ᐃᒻᒥᖅᐸᓪᓕᐊᔾᔪᑎᖓᓂ ᐅᕙᙶᕐᓂᐊᖅᑐᖅ ᑕᒪᑐᒪᓂ ᑮᓇᐅᔭᖅᑐᔪᓄᑦ ᐊᑐᕐᑐᒃᓴᕆᔭᐅᔪᓂᒃ, ᐅᖃᕐᓯᒪᓚᐅᕐᑐᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦᑕ ᐅᓂᒃᑳᓕᐊᕆᓯᒪᔭᖏᑦ.

ᐊᐅᓚᑦᑎᔨᐅᔪᑦ ᑖᔅᓱᒥᖓ ᐱᓕᕆᑎᑦᑎᓂᐅᔪᒥ ᑐᓂᓯᓇᓱᖕᓂᐊᖅᑐᑦ ᑖᓐᓇ ᐱᓕᕆᐊᒃᓴᖅ ᐱᐊᓂᒃᑕᐅᖁᓪᓗᒍ 2024 ᐃᒡᓗᓕᐅᕐᓇᕐᓂᖓᓂᒃ, ᑭᓯᐊᓂᓕ ᐱᖁᑎᒃᓴᑦ ᐊᒻᒪ ᐃᓂᒃᓴᓕᐅᑲᑕᒋᐊᖃᕐᓂᕐᒧᑦ ᐅᑯᐊ “ᐃᖅᑲᓇᐃᔮᒧᑦ ᖃᓄᐃᓕᐅᒐᒃᓴᐃᑦ 2025 ᐊᑐᖅᑕᐅᓛᖅᑐᒃᓴᐅᔪᑦ,” ᐅᖃᕐᓯᒪᓚᐅᕐᑐᖅ ᐅᓂᒃᑳᑦ.

ᑲᑎᒪᔩᑦ ᐊᖏᓚᐅᕐᑐᑦ $41.44 ᒥᓕᐊᓐᓂ ᐃᒪᕐᒨᖓᔪᓄᑦ ᐱᓕᕆᔾᔪᑎᐅᓂᐊᖅᑐᓂᒃ ᑕᒪᑐᒪᓂ ᐊᕐᕌᒍᒥ ᓄᓇᓕᐸᐅᔭᐃᑦ ᐊᑐᖅᑕᐅᔪᒃᓴᓂᒃ, ᐊᒻᒪᓗ ᑖᓐᓇ ᓇᑉᐸᓪᓗᐊᕆᓪᓗᓂᐅᒃ ᓄᓇᓕᐸᐅᔭᐃᑦ ᓴᓇᔭᐅᔪᓄᑦ ᐊᑐᕐᑕᒃᓴᖏᓐᓂ.

ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᕐᓯᒪᖕᒪᑕ $214 ᒥᓕᐊᓐᓂ 2022-ᒥ ᐃᑲᔪᕈᑎᐅᓂᐊᖅᑐᓂᒃ ᓄᓇᓕᐸᐅᔭᓄᑦ ᐃᖃᓗᖕᓂ ᐃᒪᖃᕐᕕᖓᑦ ᓴᓇᔭᐅᓂᐊᕐᒪᑦ. $28 ᒥᓕᐊᓐ ᐊᑎᑦᑎᐊᖓᓂ ᑕᒪᑐᒪᒥ ᐃᒪᓕᕆᓂᕐᒥ ᐱᓕᕆᐊᖃᕐᓂᐊᖅᑐᑦ ᑖᓐᓇᓗ ᐃᑲᔫᑎᒃᓴᓂᙶᕐᓯᒪᓪᓗᓂ.