ᐃᓕᖅᑯᓯᒧᑦ ᐱᓕᕆᕝᕕᒃ ᑐᓂᓯᕗᖅ ᒪᕐᕉᖕᓂ ᓄᓇᓕᐅᔪᓂ ᑲᑎᖃᑎᒌᖕᓂᐅᔪᒥ

For English version, see Cultural centre brings 2 nations together in Kuujjuaraapik and Whapmagoostui

ᑰᔾᔪᐊᕌᐱᐅᑉ ᑲᑎᑦᑕᕕᒃ ᐃᓕᖅᑯᓯᒧᑦ ᐱᓕᕆᕝᕕᖓ ᐱᕈᖅᓯᒪᕗᖅ ᑲᑎᕝᕕᐅᓂᖓᓂ ᐃᓂᐅᓪᓗᓂ ᑕᒪᒃᑭᓄᑦ ᑯᕇᖑᔪᓄᑦ ᐊᒻᒪ ᐃᓄᖕᓄᑦ ᐃᓂᐅᔪᒥ ᑕᐃᒪᙵᓂ ᒪᑐᐃᖅᑕᐅᓚᐅᖅᑎᓪᓗᒍ 2017−ᒥ.

ᑲᑎᑦᑕᕕᒃ ᐃᓕᖅᑯᓯᒧᑦ ᐱᓕᕆᕝᕕᒃ ᐃᓕᖃᖅᐳᖅ ᕿᑎᐊᓂ ᐃᓄᐃᑦ ᐊᒻᒪ ᑯᕇᓂ ᓄᓇᓕᐅᔪᓂ ᑰᔾᔪᐊᕌᐱᖕᒥ ᐊᒻᒪ ᐅᐊᑉᒪᒍᔅᑐᐃᒥ, ᐃᓂᑦᑎᐊᕙᐅᑎᑦᑎᓪᓗᓂ ᑲᑎᖃᑎᒌᖕᓂᕐᒧᑦ. (ᓴᑐᕆᒃ ᒐᓛᓐᑦ ᐊᔾᔨᖁᑎᖓ)

ᑐᕌᒐᒃᓴᖓ: ᑲᑎᑎᕆᓂᕐᒥ ᒪᕐᕉᔪᓂ ᓴᓂᓕᕇᒃᑐᓂ ᓄᓇᐅᔪᓂ ᐊᑕᐅᓯᕐᒥ ᐃᒡᓗᒥᑦ.

ᐃᓯᕐᕕᖓ ᑰᔾᔪᐊᕌᐱᒃ ᑕᐃᔅᓱᒪᓂᑐᖃᖅ ᐱᒻᒪᕆᐅᓪᓗᓂ ᐃᓂᐅᕗᖅ ᑕᐅᕘᓇ ᑲᖏᖅᓱᐊᓗᖕᒥ ᓯᒡᔭᖅᐸᓯᖓᓐᓂ. ᐱᓕᕆᕝᕕᖕᒥ ᑕᐃᓐᓇ ᐊᑐᖅᑕᐅᓂᑯ ᓄᑕᐅᙱᑦᑑᕗᖅ St-Edmunds ᐋᖕᓕᑲᒃᑯᓐᓂ ᑐᒃᓯᐊᕐᕕᖓ.

ᑐᒃᓯᐊᕐᕕᒃ ᓯᕗᓪᓕᐅᔪᒥ ᓴᓇᔭᐅᓚᐅᖅᐳᖅ 1879−ᒥ ᐊᒻᒪ ᓅᑕᐅᓪᓗᓂ ᑰᔾᔪᐊᕌᐱᖕᒧᑦ, ᒫᓐᓇ ᓇᖏᖅᐳᖅ ᐅᓪᓗᒥ, 1895−ᒥᑦ.

ᕿᔪᖕᒥ ᐃᑳᕈᑎᒥᒃ ᑲᑎᖃᑎᖃᖅᐳᖅ ᑐᒃᓯᐊᕐᕕᖕᒥ ᐃᓕᖅᑐᓯᒧᑦ ᐱᓕᕆᕝᕕᖕᒧᑦ.

“ᐅᓇ ᐃᒡᓗᕐᔪᐊᖅ ᐃᒻᒥᓂᒃ ᑕᒪᒃᑭᓄᑦ ᓴᓂᓕᕇᖑᔪᓄᑦ ᓄᓇᓕᖕᓂ ᐊᑐᖅᑕᐅᓂᕐᒧᑦ,” ᐅᖃᓚᐅᖅᐳᖅ ᒪᐃᒐᓐ ᑐᕼᐊᐃᒻ, ᑰᔾᔪᐊᕌᐱᐅᑉ ᑐᑭᒧᐊᒃᑎᑦᑎᔨᖓ ᐱᙳᐊᕐᓂᕐᒧᑦ, ᐃᓕᖅᑯᓯᒧᑦ ᐊᒻᒪ ᐱᙳᐊᖅᑐᓕᕆᓂᕐᒧᑦ, ᐊᐱᖅᓱᖅᑕᐅᓂᐅᔪᒥ ᐃᓗᐊᓂ ᐃᓕᖅᑯᓯᒧᑦ ᐱᓕᕆᕝᕕᐅᑉ ᐃᓄᖃᕐᕕᖓᓂ.

“ᑲᑎᖃᑎᖃᒐᓚᒃᐳᖅ ᐊᒻᒪ ᑲᑎᑎᕆᓪᓗᓂ ᐃᓄᖕᓂ ᐱᐅᔪᒥ ᐱᓕᕆᓂᐅᔪᒥ.”

300-ᓂ−ᐃᓄᖕᓂ ᐃᓄᖃᕈᓐᓇᖅᑐᒥ ᐃᒡᓗᕐᔪᐊᖅ ᐊᑐᖅᑕᐅᖃᑦᑕᖅᐳᖅ ᐃᔨᖅᑯᓯᒧᑦ ᖃᓄᐃᓐᓂᐅᔪᓂ ᐅᐊᑉᒪᒍᔅᑐᐃ ᐊᒻᒪ ᑰᔾᔪᐊᕌᐱᖕᒥ ᓄᓇᖃᖅᑎᐅᔪᓂ ᑲᒪᒋᕙᒃᑕᖏᓐᓂ, ᐃᓚᖃᖅᑐᒥ ᐃᓄᑐᖃᕐᓄᑦ ᓂᕆᕕᒡᔪᐊᖅᑎᑦᑎᓂᕐᓂ ᐊᒻᒪ ᖁᙱᐊᖅᑕᐅᓂᐅᔪᓂ. ᐱᓕᕆᕝᕕᒃ ᑲᒪᒋᔭᖃᓚᐅᖅᐳᖅ ᔫᓂ 2025−ᒥ ᐳᓚᕋᕐᓂᐅᔪᒥ ᐃᓄᖕᒥ ᕼᐋᑭᖅᑎᒻᒪᕆᐅᓚᐅᖅᑐᒥ ᔪᐊᑕᓐ ᑑᑑᒥ.

“ᐱᐅᔪᒻᒪᕆᐅᕗᖅ ᓄᓇᓕᐅᔪᒧᑦ ᐊᒥᓱᓂ ᖃᓄᐃᓐᓂᖃᓲᖑᒐᑦᑕ ᑕᒪᒃᑭᓂ ᐃᒡᓗᐊᓃᑦᑐᓂ,” ᐅᖃᓚᐅᖅᐳᖅ ᑕᐃᕕᑦ ᑲᕙᐱᑦ, ᐱᓕᕆᔨᐅᔪᖅ ᐱᓕᕆᕝᕕᖕᒧᑦ.

ᑎᒃᑯᐊᕆᕗᖅ ᑕᒪᒃᑭᑦ ᓄᓇᓕᐅᔪᑦ ᑲᒪᒋᔭᖃᕐᓂᐊᕐᓂᖏᓐᓂ ᓇᖕᒥᓂᖅ ᓴᓇᓯᒪᔭᖏᓐᓂ ᖃᓄᐃᓐᓂᐅᔪᓂ, ᓲᕐᓗ ᐅᑭᐅᒃᑯᑦ ᐱᙳᐊᕐᓂᐅᔪᓂ ᓵᓚᖃᕋᓱᐊᕐᓂᐅᔪᓂ, ᐊᑕᐅᑦᑎᒃᑯᑦ ᐅᓪᓗᖓᓂ. ᐃᓂᖃᕐᓂᕐᒥ ᐃᓄᐃᑦ ᑕᒪᒃᑭᓂ ᓄᓇᓕᐅᔪᓂ ᑲᑎᑦᑐᓐᓇᕐᓂᖏᓐᓂ ᓴᙱᒃᑎᒋᐊᖅᓯᓂᐅᕗᖅ ᑲᑎᙵᓂᖏᓐᓂ.

ᑲᕙᐱᑦ ᐊᖏᒡᓕᐅᓄᖅᓯᒋᐊᖅᓯᔪᒪᕗᖅ ᐅᓄᕐᓂᐅᔪᓂ ᖃᓄᐃᓕᐅᕈᑕᐅᔪᓂ ᑕᕐᕆᔭᖅᑎᑦᑎᓂᕐᒥ ᐱᓕᕆᕝᕕᖕᒥ.

“ᓇᖕᒥᓂᖅ ᐊᑐᕐᓂᑰᕗᖅ ᐃᓱᒪᕗᖓ ᐃᓄᐃᑦ ᐱᓕᕆᔪᒪᓇᔭᕐᓂᖏᓐᓂ ᐱᕕᖃᖅᑎᑕᐅᓗᑎᒃ, ᐊᓂᓗᑎᒃ ᖁᙱᐊᕆᐊᖅᑐᑐᐃᓐᓇᕐᓗᑎᒃ ᐱᖓᓲᓕᖅᑲᖓᔪᓂᑦ The Lord of the Rings ᐅᕝᕙᓘᓐᓃᑦ ᑕᐃᒪᐃᑦᑐᒐᓚᖕᓂ,” ᐅᖃᓚᐅᖅᐳᖅ.

ᑐᓂᓯᔪᒪᒋᕗᖅ ᓂᔾᔮᑎᑦᑎᓂᕐᒥ ᐱᓕᕆᐊᖑᔪᒥ ᓄᓇᓕᖕᓄᑦ. ᐃᓕᖅᑯᓯᒧᑦ ᐱᓕᕆᕝᕕᒃ ᑎᑕᐅᑎᖄᓂᒃᐳᑦ, ᖃᓂᙳᕐᓇᐅᑎᓂᑦ ᐊᒻᒪ ᖁᑦᑎᒃᑐᒥ-ᐱᐅᓂᐅᔪᒥ ᓂᐱᓄᑦ ᐱᓕᕆᔾᔪᓯᐅᔪᒥ ᑐᖅᑯᖅᑕᐅᓯᒪᔪᓂ.

“ᐊᒥᓱᐊᖅᓱᖅᖢᑎᒃ, ᒪᒃᑯᒃᑐᐃᑦ ᐊᑐᐃᓐᓇᖃᙱᓚᑦ ᑕᐃᒪᐃᑦᑐᒐᓚᖕᓄᑦ,” ᐅᖃᖅᐳᖅ ᑲᕙᐱᑦ, ᐃᓚᒋᐊᖅᓯᓪᓗᓂ ᓂᔾᔮᑎᑦᑎᓂᕐᒥ ᐱᓕᕆᐊᖑᔪᒥ ᐱᔪᓐᓇᖅᑎᑦᑎᓇᔭᖅᐳᖅ ᐃᓚᐳᔪᓂ ᓇᓂᓯᓂᕐᒥ ᓄᑖᖑᔪᒥ ᐊᓕᐊᓇᐃᒋᕐᔪᐊᕈᓐᓇᖅᑕᖏᓐᓂ.

ᑲᑎᑦᑕᕕᒃ ᑐᓂᓯᑐᐃᓐᓇᓲᖑᙱᓚᖅ ᑯᕇᓂ ᐊᒻᒪ ᐃᓄᖕᓂ ᐅᐊᑉᒪᒍᔅᑐᐃ/ᑰᔾᔪᐊᕌᐱᒃ ᖃᓂᒡᓕᒋᐊᒃᑲᓐᓂᕐᓂᖏᓐᓂ, ᐱᔪᓐᓇᕐᓂᖓᓂ ᑲᒪᒋᔭᖃᕐᓂᕐᒥ ᐊᖏᔪᓂ ᖃᓄᐃᓐᓂᐅᔪᓂ ᓇᒃᓴᓲᖑᒋᕗᖅ ᐃᔨᒃᑲᓐᓂᕐᓂ ᒪᕐᕉᔪᓂ ᓄᓇᓕᐅᔪᓂ ᐊᓯᖏᓐᓄᑦ.

“ᓇᒃᓴᓲᖑᕗᖅ ᑲᑎᖃᑎᖃᕐᔪᐊᕐᓂᐅᔪᒥ ᓄᓇᓕᖕᓄᑦ,” ᐅᖃᖅᐳᖅ ᑐᕼᐊᐃᒻ. “ᑕᒪᒃᑯᐊ ᐊᑐᖅᑕᐅᓂᑯᑦ ᐃᒻᒥᓂᒃ ᐱᐅᓪᓚᕆᒃᐳᑦ ᓄᓇᓕᖕᒧᑦ, ᓴᖅᑭᔮᖅᑎᑕᐅᓂᖏᓐᓂ ᐊᓯᖏᓐᓄᑦ ᑭᓱᑐᐃᓐᓇᓄᑦ.”