ᐃᓱᒪᓪᓗᑎᒃ ᐋᓐᓂᐊᓯᐅᖅᑎᓂᒃ ᐊᒥᒐᑲᑕᖕᓂᐊᕆᐊᒃᓴᖅ, ᓄᓇᕗᒻᒥᐅᑦ ᓄᕙᒡᔪᐊᕐᓇᖅ-19-ᒥ ᖃᐅᔨᓴᑲᑕᖕᓂ ᐃᓱᖃᖅᑎᑕᐅᓂᐊᕐᑐᖅ

ᓄᓇᖃᖅᑐᑦ ᐃᒃᐱᒍᓗᓗᐊᙱᑦᑐᑦ ᐋᓐᓂᐊᕆᔭᐅᔪᓂᒃ ᐊᖏᕐᕋᖅᓯᒪᑐᐃᓐᓇᖁᔭᐅᔪᑦ ᐊᒻᒪ ᐋᓐᓂᐊᕐᕕᓕᐊᙱᒃᑯᑎᒃ ᐱᐅᒋᔭᐅᓂᕐᓴᐅᓪᓗᑎᒃ

ᓄᓇᕗᒥᐅᑕᑦ ᐊᑐᕐᓂᐊᓕᕐᑐᑦ ᐆᒥᐊ Abbott ID NOW ᓱᒃᑲᔪᒥᒃ ᖃᐅᔨᓴᕈᑎ, ᑑᔅᑐᑎᑐᑦ ᐊᖏᑎᒋᓪᓗᓂ ᐊᒻᒪ ᓄᕙᒡᔪᐊᕐᓇᖅ-19-ᒥᑦ ᖃᐅᔨᓴᕈᑎᐅᔪᓐᓇᖅᖢᓂ 13 ᒥᓂᑦᔅ ᖃᐅᔨᔾᔪᑎᐅᔪᓐᓇᖅᖢᓂ ᑐᖔᓂᓐᓘᓐᓃᑦ, ᓄᓇᓕᖕᓂ ᐋᓪᓕᐊᕕᒡᔪᐊᕐᓇᖅᖃᕐᓯᒪᓕᖅᑐᓂᒃ. (ᐊᔾᔨᙳᐊᖅ ᐅᑯᓇᙵᑦ ᐋᐸᑦᑯᓐᓂ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Northern travel tax benefit expanded to include more residents

ᓄᓇᕗᒥᑦ ᐊᓯᔾᔨᕐᓯᖕᒪᑕ ᖃᓄᖅ ᖃᐅᔨᓴᖃᑦᑕᕐᓂᖏᓐᓂᒃ ᓄᕙᒡᔪᐊᕐᓇᖅ-19-ᒥ, ᐱᔾᔪᑎᒋᓪᓗᒍ ᐋᓐᓂᐊᓯᐅᖅᑎᑦ ᐊᐃᑦᑐᖅᑕᐅᑦᑕᐃᓕᑎᖢᒋᑦ.

“ᐅᓇ ᓄᕙᒡᔪᐊᕐᓇᖅ-19-ᒥ ᐋᓐᓂᐊᖅᑖᖅᐸᓪᓕᐊᑎᓪᓗᒋᑦ ᓄᓇᕗᒥᑦ, ᐊᓯᐊᒍᑦ ᖃᓄᐃᓕᐅᕈᑎᒃᓴᓂᒃ ᐊᑐᕆᐊᖃᓕᕋᑦᑕ ᓴᐳᔾᔨᓯᒪᓇᓱᖕᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᐅᔪᓂᒃ ᓄᓇᕗᒥᑦ,” ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒥᓂᔅᑕ ᔮᓐ ᒪᐃᓐ ᐅᖃᓚᐅᕐᑐᖅ ᑐᓴᒐᒃᓴᓕᐅᕐᓂᒃᑯᑦ ᔭᓄᐊᕆ 6-ᒥ.

“ᐃᓱᒪᒐᑦᑕ ᐅᓇ ᓄᕙᒡᔪᐊᕐᓇᖅ-19 ᓄᓇᓕᖕᓃᑲᑕᖕᓂᐊᕋᓱᒋᓪᓗᑎᒍᑦ ᑕᖅᑭᓪᓗᐊᕐᒥ ᐊᐅᓪᓚᕐᓯᒪᔪᑦ ᓄᓇᕗᒧᑦ ᐅᑎᖅᐸᓪᓕᐊᑎᓪᓗᒋᑦ. ᑕᒪᓐᓇ ᐃᓱᒪᒋᓪᓗᒍ ᐊᒻᒪᓗ ᐃᖅᑲᓇᐃᔭᖅᑎᑦ ᐊᒥᒐᑲᑕᖕᓂᖏᑦ, ᒪᑯᐊ ᐃᑲᔪᕈᑎᒋᔭᕗᑦ ᐋᖅᑭᒃᓯᒪᓇᓱᒋᐊᖃᕋᑦᑎᒍᑦ ᐅᓇ ᓄᕙᒡᔪᐊᕐᓇᖅ-19 ᖃᓄᐃᓕᐅᕈᑎᐅᔪᖅ ᓇᓕᒧᒌᒃᑎᓐᓇᓱᒡᓗᒍ ᖃᓄᐃᓕᐅᕈᑎᓄᑦ ᐋᓐᓂᐊᖃᖅᑕᐃᓕᓂᒃᑯᑦ ᐱᔨᑦᑎᕋᐅᑎᑎᒍᑦ.”

ᐱᒋᐊᕐᓗᓂ ᒫᓐᓇ, ᖃᐅᔾᓴᕈᑎᐅᔪᑦ ᐊᑐᖅᑕᐅᖃᑦᑕᕐᓂᐊᕐᑐᑦ ᓇᓗᓇᐃᕐᓯᓇᓱᒃᑎᓪᓗᒋᑦ ᐊᐃᑦᑐᖅᓯᓂᖅ ᐃᒡᓗᖃᑎᒌᓂᒃ ᐊᒻᒪ ᐊᓯᖏᓐᓄᑦ ᓄᓇᓕᖕᓂ ᓄᕙᒡᔪᐊᕐᓇᖅ-19-ᒥ ᐋᓐᓂᐊᖃᓕᕐᓯᒪᔪᓂᒃ. ᖃᐅᔨᓴᕋᔭᕐᑐᑦ ᐊᑐᕐᓗᑎᒃ Abbott ID NOW ᖃᐅᔨᓴᕈᑎᒥ, ᑑᔅᑦᓕᐅᕈᑎᑐᑦ ᐊᖏᑎᒋᓪᓗᓂ ᐊᒻᒪ ᓄᕙᒡᔪᐊᕐᓇᖅ-19-ᒥ ᖃᐅᔨᔾᔪᑎᐅᔪᓐᓇᖅᖢᓂ 13 ᒥᓂᑦᔅ ᑐᖔᓂᓪᓘᓐᓃᑦ.

ᑭᓯᐊᓂᓕ ᓱᒃᑲᔪᒥ ᖃᐅᔨᔾᔪᑎᐅᔪᑦ ᓱᓕᒻᒪᕆᒋᐊᒃᓴᖓᓂᒃ ᓇᓗᓇᕐᓂᕐᓴᐅᓪᓗᑎᒃ ᒪᑯᓇᙵᑦ PCR ᖃᐅᔨᓴᕈᑎᓂᒃ, ᑖᔅᓱᒥᖓᓗ ᐊᑐᑲᑕᒃᖢᑎᒃ ᒫᓐᓇᒧᑦ.

PCR ᖃᐅᔨᓴᕈᑎᐅᔪᖅ ᓇᓗᓇᐃᒃᑲᓐᓂᕈᑎᒋᔭᐅᑐᐃᓐᓇᕐᓂᐊᕐᑐᑦ ᓄᑖᓂᒃ ᐋᓐᓂᐊᖃᓕᓵᖅᑐᓂᒃ, ᐊᐃᑦᑐᖅᑕᐅᑐᐃᓐᓇᕆᐊᓕᖕᓂᒃ ᒪᑯᑎᑐᓇᖅ ᐃᓐᓇᒃᑯᕕᖕᓂᒃ ᐊᒻᒪ ᐃᓄᒋᐊᖃᑦᑕᖅᑐᓄᑦ ᐊᒻᒪᓗ ᐅᓗᕆᐊᓇᖅᑐᒦᑐᐃᓐᓇᕆᐊᓕᖕᓄᑦ ᐱᔨᑦᑎᕋᕐᕕᖕᓄᑦ.

ᓄᕙᒡᔪᐊᕐᓇᖅ-19 ᐊᖏᕐᕋᕆᔭᐅᔪᒦᓕᑐᐊᕐᐸᑦ ᐊᓯᖏᑦ ᐃᒡᓗᖃᑎᒋᔭᐅᔪᑦ ᖃᐅᔨᓴᖅᑕᐅᔪᓐᓃᕋᔭᕐᑐᑦ. ᐃᒡᓗᖃᑎᒋᔭᐅᔪᑦ ᐃᓱᒪᒋᔭᐅᓇᔭᕐᒪᑕ ᐋᓐᓂᐊᖃᖃᑕᐅᔭᕆᐊᒃᓴᖏᓐᓂᒃ ᓄᕙᒡᔪᐊᕐᓇᖅ-19-ᒧᑦ. ᐃᒡᓗᖃᑎᒌ ᖃᓄᐃᙱᓐᓂᕋᖅᑕᐅᓕᕋᔭᕐᑐᑦ ᑖᒃᑯᐊ ᐃᒡᓗᖃᑎᒌᑦ ᑕᒪᕐᒥ ᐅᓪᓗᓂᒃ ᒪᕐᕈᖕᓂ ᐱᖓᓱᓂᒡᓗ ᐋᓐᓂᐊᑲᑕᓚᐅᑲᒃᐸᑕ.

ᑕᒪᒃᑯᐊ ᓄᕙᒡᔪᐊᕐᓇᖅ-19-ᒥ ᐃᒃᐱᒋᔭᖃᕐᑐᑦ ᐋᓐᓂᐊᕕᖕᓄᑦ ᐅᖄᓚᖃᑦᑕᖁᔭᐅᙱᑦᑐᑦ ᐋᓐᓂᐊᕕᓕᐊᕐᓗᑎᒡᓘᓐᓃᑦ ᑭᓯᐊᓂ ᐊᒃᓱᐊᓗᒃ ᐋᓐᓂᐊᖃᓗᐊᓕᕐᐸᑦ ᑐᐊᕕᕐᓇᖅᓯᒃᐸᓪᓘᓐᓃᑦ ᑕᒪᓐᓇ ᐊᐃᑦᑑᑎᐅᑦᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᓄᑦ.

“ᐅᑯᐊ ᐊᓯᔾᔨᕈᑎᐅᔪᑦ ᑐᑭᖃᕐᑐᖅ ᒪᑯᐊ ᓇᓗᓇᐃᖅᑕᐅᓯᒪᔪᓂᒃ ᓄᕙᒡᔪᐊᕐᓇᖅ-19 ᐋᓐᓂᐊᖑᓂᖏᓐᓂᒃ ᓇᓗᓇᐃᖅᑕᐅᓯᒪᔪᑦ ᐊᑐᖅᑕᐅᔾᔮᙱᓐᓂᖏᓐᓂᒃ ᖃᔅᓯᐅᔭᕆᐊᒃᓴᖏᓐᓂᒃ ᐋᓐᓂᐊᖃᖅᑐᑦ ᓄᓇᒋᔭᑦᑎᓐᓂ,” ᐅᖃᖅᑐᖅ ᓄᓇᕗᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ ᓘᒃᑖᖅ ᒪᐃᑯᓪ ᐹᑐᓴᓐ.

“ᑕᑯᓯᒪᒐᑦᑕ ᖃᓄᑎᒋ ᐊᒥᑯᕌᓐ ᐊᐃᑦᑑᑎᐅᓴᕋᐃᓐᓂᖓᓂᒃ ᐊᒻᒪᓗ ᓄᓇᕗᒻᒥᐅᑕ ᒪᓕᒋᐊᖃᒻᒪᕆᒃᖢᑎᒃ ᐊᑐᖁᔭᐅᙱᑦᑐᓂᒃ ᐊᒻᒪᓗ ᐃᓄᑑᓐᓇᖅᑐᒦᖁᔭᐅᒍᑎᒃ ᒪᓕᒡᓗᑎᒃ. ᑕᒪᒃᑕᑦᑎᐊᖅ ᑲᒪᒋᔭᖃᕋᑦᑕ ᓄᓇᑦᑎᓐᓂ ᖃᓄᐃᑎᑦᑎᑦᑕᐃᓕᓂᕐᒥᒃ.”

Share This Story

(0) Comments

Join the Conversation

Your email address will not be published. Required fields are marked *

*