ᐃᖃᓗᐃᑦ ᐃᒪᖓᓂ ᖃᐅᔨᓴᖅᑕᐅᔾᔪᑎᖏ ᖃᓄᐃᓕᖓᖕᒪᖔᑦ: ᖃᐅᔨᒪᔭᕗᑦ ᐊᒻᒪ ᖃᐅᔨᒪᙱᑕᕗᑦ
ᓇᓗᓇᐃᒃᑯᑎ ᓴᖅᑭᑎᑦᑎᓯᒪᔪᖅ ᐃᖃᓗᐃᑦ ᐃᒪᖓᓂ ᖃᐅᔨᓴᕈᑎᓄᑦ ᖃᐅᔨᔭᐅᔾᔪᑎᑦ ᑐᓴᒐᒃᓴᖃᙱᓗᐊᕐᒪᑕ, ᐃᓕᓴᐃᔩᑦ ᐅᖃᖅᑐᖅ
ᐅᓇ ᓇᓗᓇᐃᒃᑯᑎ ᓴᖅᑭᑎᑦᑎᓯᒪᔪᖅ ᖃᓄᑎᒋ F2 ᕼᐊᐃᑐᕈᑳᐸᓐ (hydrocarbon) ᐱᑕᖃᖅᑎᒋᖕᒪᖔᑦ ᐃᖃᓗᐃᑦ ᐃᒥᖅᑕᖅᕕᖓᓂ ᑕᖅᑭᐅᓚᐅᕐᑐᒥ. F2 ᕼᐊᐃᑐᕈᑳᐸᓐ ᐃᓚᖃᕐᒥᔪ ᒪᑯᓂᖓ ᑏᓲᓪ ᐊᒻᒪ ᑭᐅᕈᓰᓐ ᐅᕐᓱᐊᓗᖕᓂ. (ᓇᓗᓇᐃᒃᑯᑎ ᐅᑯᓇᙵᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ)
For an English version of this story, see Iqaluit’s water test results: what we know and don’t know
ᓇᓗᓇᐃᒃᑯᑎᐅᔪᑦ ᓴᖅᑭᑕᐅᓚᐅᖅᑐᖅ ᑕᖅᑭᐅᓚᐅᕐᑐᒥ ᓴᖅᑭᑎᑦᑎᓯᒪᖕᒪᑕ ᑭᓱᓄᑦ ᐃᖃᓗᐃᑦ ᐃᒪᖓ ᐱᐅᔪᓐᓃᕈᑎᖃᕆᐊᒃᓴᖓᓂᒃ ᑭᓯᐊᓂᓕ ᐅᖃᐅᓯᖃᙱᓗᐊᖅᖢᑎᒃ ᐃᑲᔪᕈᑎᐅᔪᓐᓇᖅᑐᓂᒃ, ᐅᖃᖅᑐᑦ ᒪᕐᕉᒃ ᔫᓂᕘᓯᑎ ᑐᕌᓐᑐᒥ ᐃᓕᓴᐃᔨᐅᔫᒃ.
ᒥᐅᕆᐊᒻ ᑕᐃᒪᓐ ᐃᓕᓴᐃᔨ ᓄᓇᒥ ᖃᐅᔨᓴᖅᑐᓕᕆᓂᕐᒥᒃ ᐅᕙᓂ ᔫᓂᕘᓯᑎ ᑐᕌᓪᑐᓂᔭ
ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ ᓘᒃᑖᖅ ᒪᐃᑯᓪ ᐹᑐᓴᓐ, ᓴᖅᑭᑎᑦᑎᓚᐅᕐᑐᖅ ᐊᒻᒪ ᑐᑭᓕᐅᕆᓪᓗᓂᒋᑦ ᓇᓗᓇᐃᒃᑯᑎᐅᔪᑦ ᐅᒃᑑᐱᕆ 22-ᒥ ᑐᓴᒐᒃᓴᓂ ᐅᖃᐅᓯᖃᖅᑎᓪᓗᒋᑦ.
ᑐᓴᕆᐊᖃᒻᒪᕆᒃᑐᓂᒃ ᐱᑕᖃᙱᒻᒪᑕ, ᐊᒻᒪᓗ ᓇᓗᓇᐃᒃᑯᑦᑎᖅᓱᐃᓯᒪᔪᓂᒃ ᐊᒻᒪᓗ ᖃᓄᓪᓚᕆᒃ ᐱᑕᖃᕐᓂᖓᓂᒃ ᓇᓂᔭᐅᔪᖅ, ᐅᖃᓚᐅᕐᑐᖅ ᒥᐅᕆᐊᒻ ᑕᐃᒪᓐ, ᐃᓕᓴᐃᔨ ᓄᓇᒥ ᖃᐅᔨᓴᖅᑐᓕᕆᓂᕐᒧᑦ ᐅᕙᓂ ᔫᓂᕘᓯᑎ ᑐᕌᕐᑐᒥ.
ᑕᐃᒪᓐ ᐱᑲᑎᒋᔭᐅᖕᒪᑦ ᖃᐅᔨᒪᔨᒻᒪᕆᖕᓂ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐊᐱᖅᓱᖅᑕᐅᔪᓂᒃ ᓇᓗᓇᐃᒃᑯᑎᓃᑦᑐᓂᒃ ᑐᑭᓕᐅᕆᓂᕐᒥ ᐃᑲᔪᖅᑕᐅᔪᒪᑎᓪᓗᒋ.
“ᐅᑯᐊ ᖃᐅᔨᔾᔪᑎᐅᔪᑦ ᐊᐱᖁᑎᒃᓴᖃᕈᑎᐅᕈᓘᔭᕐᒪᑕ, ᐃᓚᖓ ᐱᐊᓂᒃᓯᒪᙱᓗᐊᖅᑐᒥ ᑎᑎᕋᐅᓯᐅᓯᒪᓪᓗᓂ ᐊᒻᒪᓗ ᐱᐅᓗᐊᙱᑦᑐᒥᒃ ᑕᐅᑐᙳᐊᕈᑎᓕᕆᓂᕐᒥᒃ,” ᐅᖃᖅᑐᖅ.
“ᐊᒃᓱᕈᕈᑎᖃᕋᒪᓕ ᓇᓗᓇᑲᑕᓗᐊᖅᑐᓄᑦ ᐊᒻᒪ ᓴᖅᑭᔮᙱᓗᐊᖅᑐᓄᑦ.”
ᐊᑕᐅᓯ ᓇᓗᓇᐃᒃᑯᑎ ᓴᖅᑭᑎᑦᑎᓯᒪᖕᒪᑦ ᖃᐅᔨᓴᖅᑕᐅᔪᓂᒃ ᕼᐊᐃᑐᕈᑳᐸᓐᖃᕆᐊᒃᓴᖓᓂᒃ ᓇᓗᓇᐃᖅᑕᐅᓯᒪᓪᓗᓂ F2, ᑖᓐᓇᓗ ᐃᓚᖃᖅᓯᒪᓂᕋᖅᖢᓂ ᑏᓱᒥ ᐊᒻᒪ ᑭᐅᕈᓰᓐᒥ. ᐅᑯᐊ ᓇᓂᔭᐅᓚᐅᕐᑐᖅ ᐊᔾᔨᒌᙱᑦᑑᑎᓂᒃ ᐃᓂᒋᔭᐅᔪᓂᒃ ᐃᒥᖅᑕᕐᕕᒃᒥᙶᑐᓂ, ᑭᓯᐊᓂᓗ ᐅᕙᙵ ᐃᒻᒥᖅᐸᓪᓕᐊᕕᒃᒥᑦ, ᐅᒃᑑᐱᕆ 12ᓗ 17ᓗ ᐊᑯᓐᓂᖓᓂ.
ᐱᖃᑎᖓᓕ ᓇᓗᓇᐃᒃᑯᑎᒋᔭᐅᔪᖅ ᓴᖅᑭᑎᑦᑎᓯᒪᖕᒪᑕ ᐃᒪᕐᒥᙶᖅᑐᓂᒃ ᒪᑯᓂᖓ ᐱᐊᓐᔩᓐ, ᐊᑐᐱᐊᓐᔩᓐ, ᑐᓗᐃᓐ ᐊᒻᒪ ᓴᐃᓖᓐ (benzene, ethylbenzene, toluene ᐊᒻᒪ xylene).
ᐅᓇ ᓇᓗᓇᐃᒃᑯᑎ ᓴᖅᑭᑎᑦᑎᓯᒪᔪᖅ ᑭᓱᖃᕐᓂᖏᓐᓂᒃ ᐃᖃᓗᐃᑦ ᐃᒥᖅᑕᖅᕕᖓ. ᖃᑯᖅᑕᐃᑦ ᓴᖅᑭᑎᑦᑎᓯᒪᓪᓗᓂ ᐅᓄᓛᒃᑯᑦ ᓈᒻᒪᒋᔭᐅᓯᒪᔪᓂᒃ ᒐᕙᒪᑐᖃᒃᑯᑦ ᑐᑭᒧᐊᕈᑎᖏᑦᑎᒍᑦ ᐃᒥᖅᑕᐅᔪᓐᓇᖅᑐᑦ ᐃᒪᐅᑉ, ᑕᒪᒃᑯᐊᓕ ᐊᓯᐊᓂ ᑕᕐᓴᖃᖅᑐᑦ ᓴᖅᑭᑎᑦᑎᓯᒪᓪᓗᑎᒃ ᖃᓄᑎᒋ ᓇᓂᔭᐅᓯᒪᔪᑦ ᐱᑕᖃᕐᒪᖔᑕ. (ᓇᓗᓇᐃᒃᑯᑎ ᐅᑯᓇᙵᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ)
ᖃᐅᔨᓴᖅᑕᐅᔪᒃᓴᑦ ᐅᑯᓇᙶᖅᑐᑦ ᐃᒥᖅᑕᕐᕕᖕᒥ (North Clear) ᐅᒃᑑᐱᕆ 12-ᒥ ᓇᓂᓯᔾᔪᑎᐅᓚᐅᕐᑐᖅ ᑖᒃᑯᓂᖓ ᐃᒪᕐᒦᑦᑐᓂᒃ, ᑭᓯᐊᓂᓕ ᑕᐃᒪᓐ ᖃᐅᔨᔪᒪᔪᖅ ᖃᓄᖅ ᑖᒃᑯᐊ ᓇᓗᓇᐃᒃᑯᑎᒋᔭᐅᔪᖅ ᑖᒃᑯᓂᖓ ᓴᖅᑭᔮᖅᑎᑦᑎᖕᒪᖔᑦ.
“ᐱᑕᖃᙱᑎᓪᓗᒋ ᑭᓲᓂᕋᖅᑕᐅᓯᒪᔪᑦ ᐊᔪᕐᓇᒻᒪᕆᖕᒪ ᓇᓗᓇᐃᒃᑯᑎ ᑐᑭᓕᐅᕆᔭᕆᐊᒃᓴᖅ,” ᐅᖃᖅᑐᖅ.
ᓇᓗᓇᐃᒃᑯᑎ ᑕᑯᓕᓵᖅᖢᒍ ᐃᒪᕐᒧᑦ ᐱᐅᔪᓐᓃᕈᑎᐅᓯᒪᔪᑦ ᐱᑕᖃᖅᑎᒋᓂᖓ ᖁᕝᕙᓯᖕᓂᖅᓴᒻᒪᕆᐊᓘᖂᔨᖕᒪᑦ ᐅᓗᕆᐊᓇᙱᓐᓂᖓᓄᑦ, ᑭᓯᐊᓂᓕ ᐃᒪᕐᒦᑦᑐᑦ ᐅᕙᓂ ᓄᐊᑦ ᑭᓕᐅᒥ (North Clear) ᐃᒪᖃᕐᕕᒃᒥ ᖁᑦᑎᖕᓂᕐᓴᐅᓚᐅᕐᓯᒪᖕᒪᑕ.
ᐅᑯᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓱᓕ ᐅᖃᓚᐅᙱᖢᑎ ᖃᐅᔨᓴᕈᑎᐅᔪᓄᑦ ᖃᐅᔨᔭᐅᔾᔪᑎᓂᒃ, ᐅᖃᕐᑎᒋᔭᐅᔪᖅ ᑯᕆᔅ ᐸᒡᓕᐊ ᐅᖃᓚᐅᕐᓯᒪᔪᖅ ᐃᓚᖓᑕ ᖃᐅᔨᔭᐅᔾᔪᑎᖓᓂ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐅᒃᑑᐱᕆ 28-ᖑᑎᓪᓗᒍ
— ᐃᒪᕐᒥᙶᖅᑐᑦ ᐅᕙᙵᑦ ᓄᐊᑦ ᑭᓕᐅ ᐃᒪᖃᕐᕕᒃᒥ ᐅᒃᑑᐱᕆ 12-ᖑᑎᓪᓗᒍ.
ᐱᑕᖃᕐᓂᖓ ᐱᐊᓐᔩᓐᒥ (benzene) ᐃᒪᖃᕐᕕᒃᒥ ᑕᐃᔅᓱᒪᓂ 600-ᖏᓱᖅᖢᓂ ᖁᑦᑎᖕᓂᕐᓴᒻᒪᕆᐅᒪᐅᕐᓯᒪᖕᒪᑕ ᐊᖏᓂᖅᐹᕐᒥ ᐱᑕᖃᕈᓐᓇᓂᖓᓂ ᐋᖅᑭᒃᑕᐅᓯᒪᓂᖓᒍᑦ ᒐᕙᒪᑐᖃᒃᑯᑦ ᑐᑭᒧᐊᕈᑎᖏᓐᓂᒃ ᑲᓇᑕᒥ ᐃᒥᖅᑕᐅᔪᓐᓇᖅᑐᑦ ᐃᒪᕐᒦᑦᑐᓂᒃ, ᐄᓕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ.
ᐆᒪ ᐃᑐᐱᐊᓐᔩᓐ (ethylbenzene) ᐃᒫᓃᑦᑐᖅ ᐃᒪᖃᕐᕕᒃᒥ ᐆᒃᑑᐱᕆ 12-ᒥ 135-ᖏᓱᖅᖢᓂ ᖁᑦᑎᖕᓂᕐᓴᐅᓚᐅᕐᒪᑦ ᐊᖏᓂᖅᐹᒥ ᖃᓄᐃᒋᔭᐅᙱᔾᔪᑎᐅᔪᓐᓇᖅᑐᓂᒃ; xylene ᐃᒪᕐᒦᑦᑐᖅ ᐃᒪᓐᓇ 1,211ᖏᕐᓱᖅᖢᓂ ᖁᑦᑎᖕᓂᕐᓴᐅᒻᒪᕆᓚᐅᕐᒪᑦ ᐊᒻᒪᓗ toluene ᖁᑦᑎᖕᓂᕐᓴᐅᓪᓗᓂ ᐃᒪᓐᓇ 50.8.
ᑕᐃᒪᓐ ᐅᖃᓚᐅᕐᑐᖅ ᓇᓗᓇᐃᒃᑯᑎᒋᔭᐅᔪ ᑕᒻᒪᕐᓯᒪᓚᐅᕐᒪ ᐊᑐᖅᑕᐅᔪᓂᒃ ᑐᑭᓕᕇᒍᑎᓂᒃ — ᐋᖅᑭᒃᓯᒪᓂᖏᑦ ᑕᒻᒪᕐᑕᐅᓯᒪᓂᕐᒧᑦ — ᑕᐃᒪᓐᓇᓗ ᑕᑯᒃᓴᐅᓂᖓᓄ ᑐᑭᓯᓇᑦᑎᐊᙱᓗᐊᖅᐳᖅ.
ᐅᖃᓚᐅᕐᒥᔪᖅ ᑎᑎᕋᐅᓯᐅᓂᖏ ᓈᒻᒪᙱᓗᐊᓚᐅᕐᓂᖏᓐᓂᑦ ᑎᑎᕋᖅᑕᐅᕙᓪᓕᐊᓂᖏᑦᑎᒍᑦ.
ᓲᕐᓗ, ᓇᓗᓇᐃᒃᑯᑎᓂ ᓴᖅᑭᔮᖅᑎᑦᑎᔪᓂᒃ F2 ᕼᐊᐃᑐᕈᑳᐸᓐᒧ ᖃᐅᔨᔭᐅᔪᓂᒃ, ᑎᑎᕐᓯᒪᔪᓂ ᓇᓗᓇᐃᒃᑯᑎᓂ ᐱᐅᔪᓐᓃᕈᑎᓄᑦ ᐃᒪᖃᕐᕕᒃᒥ ᐱᑕᖃᓚᐅᙱᒻᒪ ᐅᒃᑑᐱᕆ 15-ᒥ. ᓱᖅᑯᐃᓇᓗᐊᙱᒻᒪᑦ ᑕᒪᓐᓇ ᑐᑭᖃᕋᓗᐊᕐᒪᖔᑦ ᐃᒥᖅᑕᖅᕕᒃ ᖃᐅᔨᓴᖅᑕᐅᓚᐅᕐᒪᖔ ᐅᕝᕙᓘᓐᓃᑦ ᓇᓂᓯᓚᐅᙱᒻᒪᑕ — ᑕᐃᒪᐃᑉᐸᑕ, ᐱᐅᓂᕐᓴᒥ ᓇᓗᓇᐃᒃᑯᑎᒥ ᐅᖃᕐᓯᒪᓇᔭᓚᐅᕐᒪᑦ “ᓇᓂᓯᙱᑦᑐᑦ,” ᐅᖃᕐᒥᔪᖅ.
“ᓇᓗᓇᐃᒃᑯᑎᓂ ᑕᑯᔭᐅᑎᑦᑎᕙᙱᓐᓇᑦᑕ ᓇᓗᓇᐃᔭᕐᓯᒪᑦᑎᐊᙱᑦᑐᓂᒃ,” ᐅᖃᖅᑐᖅ.
ᑕᐃᒪᓐ ᐅᖃᓚᐅᕐᑐᖅ ᐃᓄᐃᑦ ᐅᒃᐱᕈᓱᖃᑦᑕᓪᓗᐊᙱᓐᓂᖏᓐᓂᒃ ᑭᓯᐊᓂ ᑎᑎᕋᖅᓯᒪᔪᓂᒃ ᑕᑯᓯᒪᓕᕈᑎᒃ.
ᓵᔅ ᔨᐊ, ᐃᓕᓴᐃᔨ ᔫᓂᕘᓯᑎ ᑐᕌᓐᑐᒥ ᖃᐅᔨᓴᕐᕕᓕᕆᓂᕐᒧ ᐊᒻᒪ ᖃᐅᔨᓴᕈᑎᓕᕆᓂᕐᒥᒃ ᐅᕙᓂ ᔫᓂᕘᓯᑎ ᑐᕌᓐᑐᒥ ᐅᓇ ᓇᓗᓇᐃᒃᑯᑎᒋᔭᐅᔪᖅ ᑕᑯᓕᓵᖅᖢᒍ ᓱᖅᑯᐃᓇᓚᐅᙱᓐᓂᕋᖅᖢᓂᐅᒃ ᓲᖃᐃᒻᒪ ᓇᓗᓇᐃᒃᑯᑎᓄ ᐊᑐᖅᑕᐅᔪᓄᑦ.
ᓵᔅ ᔨᐊ ᐃᓕᓴᐃᔨ ᔫᓂᕘᓯᑎ ᑐᕌᓐᑐᒥ ᖃᐅᔨᓴᕐᕕᓕᕆᓂᕐᒧ ᐊᒻᒪ ᖃᐅᔨᓴᕈᑎᓕᕆᓂᕐᒥᒃ.
“ᐱᑕᖃᖅᑎᒋᓂᖓ ᕼᐊᐃᑐᕈᑳᐸᓐ ᐃᒪᕐᒥ ᖃᐅᔨᓴᖅᑕᐅᔪ ᖁᑦᑎᒃᑐᓪᓛᓘᖕᒪ, ᓇᓗᓇᐃᒃᑯᑎᓂ ᓖᓂᐅ ᓇᓗᓇᐃᒃᑯᑎᒥ ᐊᑐᖅᐸᑐ ᐃᓂᖃᖅᑎᑕᐅᔪᓐᓇᕋᔭᓚᐅᙱᑦᑐᖅ,” ᔨᐅ ᐅᖃᖅᑐᖅ.
“ᑭᓯᐊᓂᓕ ᓱᖅᑯᐃᓇᕈᒪᒃᐸᑕ, ᓇᐃᓴᐅᑎᓂ ᑐᓂᓯᖔᓚᐅᕐᓕ.”
ᓇᓗᓇᐃᒃᑯᑎᒋᔭᐅᔪᖅ ᓴᖅᑭᑎᑦᑎᓯᒪᙱᒻᒪ ᒪᑯᓂᖓ ᓇᓗᓇᐃᔭᐃᓯᒪᔪᓂᒃ ᐱᐊᓐᔩᓐ, ᕿᑐᐱᐊᓐᔩᓐ, ᑐᓘᓐ ᐅᕝᕙᓘᓐᓃ ᔭᐃᓖᓐ (benzene, ethylbenzene, toluene or xylene) ᐃᖃᓗᐃᑦ ᐃᒪᖓᓂ ᐃᒥᖅᑕᖅᕕᒃᒥᑦ, ᐊᒻᒪ ᐹᑐᓴᓐ ᐅᖃᓚᐅᕐᖢᑎᒃ ᐃᓄᐃᑦ ᐃᒡᓗᖏᓐᓄᑦ ᑎᑭᐅᑎᓚᐅᙱᓐᓂᕋᖅᖢᒋᑦ.
ᐅᑯᐊ ᐹᑐᓴᓐ ᐅᖃᐅᓯᕆᑲᑕᒃᑕᓂ ᑐᓴᒐᒃᓴᓕᐅᖅᑎᓪᓗᒋᑦ “ᐱᐅᔪᓐᓃᕈᑎᓄᑦ ᐃᓱᒫᓗᒍᑎᓄᑦ” ᓲᖃᐃᒻᒪ ᐋᓐᓂᐊᖃᖅᑕᐃᓕᓂᕐᒧᑦ ᐊᒃᑐᐃᔪᓐᓇᕐᒪᑕ.
ᐱᐊᓐᔩᓐ (benzene) ᖃᐅᔨᔭᐅᓯᒪᖕᒪᑦ ᑳᓐᓱᑖᕐᓇᕐᓂᖓᓂᒃ ᐃᓄᖕᓄᑦ. ᐊᒃᑐᐃᔪᓐᓇᕐᒥᖕᒪᑦ ᐃᓄᐃᑦ ᐊᐅᖏᓐᓄᑦ ᐊᒻᒪ ᖃᓄᐃᑦᑕᐃᓕᒪᔾᔪᑎᖏᓐᓄᑦ ᖁᑦᑎᓗᐊᖅᑐᒥ ᐱᑲᑕᒃᐸᑕ ᓈᒻᒪᒋᔭᐅᔪᑦ ᖁᓛᓃᑦᑐᓂᒃ, ᐅᑯᑎᒎᓇᖅ ᑲᓇᑕᒥ ᑐᑭᒧᐊᕈᑎᓂᒃ ᐃᒪᒧᑦ ᐃᒥᒐᒃᓴᒧᑦ.
ᐱᐊᓐᔩᓐ ᐊᒃᑐᐃᔪᓐᓇᕐᒪ ᐃᓄᖕᓂ ᐃᒥᖅᑐᓂ ᐱᐅᔪᓐᓃᖅᓯᒪᔪᓂᒃ ᐃᒪᕐᒥ, ᓂᐅᑲᑕᒃᑯᑎᒡᓘᓐᓃᑦ ᐳᔪᖓᓂ ᐅᐊᓴᕐᕕᒋᒍᓂᔾᔪᒡᓘᓐᓃᑦ.
ᐊᒥ ᐃᐊᒍᔅᒪ, ᐃᖃᓗᖕᓂ ᐊᐅᓚᑦᑎᔨ ᐅᖃᓚᐅᕐᑐᖅ ᐅᒃᐱᕈᓱᖕᓂᕋᖅᖢᓂ ᐃᓚᒋᔭᐅᔪᑦ ᐃᒥᖃᐅᑎᒦᓐᓇᓱᒋᓪᓗᓂᒋᑦ ᒪᑯᐊ ᕼᐊᐃᑐᕈᑳᐸᓪ ᐃᒪᐃᑦᑑᓂᖏᓐᓄᑦ ᕼᐊᐃᑐᕈᕘᐱᒃ, ᑐᑭᖃᖅᖢᓂ ᐃᒪᐅᑉ “ᖄᖓᓃᔭᖕᓂᖏᓐᓂᒃ”.
“ᓇᓗᓇᕐᒪ ᖃᓄᖅ ᑕᒪᓐᓇ ᐃᒪᐅᑉ ᐊᖅᑯᑎᖏᑦᑎᒎᕋᔭᕐᓂᖏᓐᓂᒃ, ᑭᓯᐊᓂᓕ ᓄᐊᑦ ᑭᓕᐅ ᐃᒪᖃᕐᕕᖕᒦᑲᑕᓚᐅᕐᒪᑦ,” ᐅᖃᖅᑐᖅ.
ᐱᐅᔪᓐᓃᕈᑎᐅᔪᖅ ᓴᖅᑭᔮᖅᑐᑐᐊᑦ ᓇᓗᓇᐃᒃᑯᑎᒋᔭᐅᔪᒧᑦ ᐃᒥᖅᑕᕐᕕᒃᒧᑦ — ᑭᖑᓪᓕᖅᐹ ᖃᓄᐃᓕᐅᕈᑎᒃᓴᖅ ᐃᒪᖅ ᐊᑐᖅᑕᐅᕙᓪᓕᐊᙱᓐᓂᖓᓂᒃ — F2 ᐱᐅᔪᓐᓃᕈᑎᐅᖕᒪᑕ, ᐅᑯᓂᖓ ᐃᓚᖃᖅᖢᑎᒃ ᑏᓱᒥ ᐊᒻᒪ ᑭᐅᕈᓰᓐᒥ.
ᐅᑯᐊ ᐱᐅᔪᓐᓃᕈᑎᑦ ᓇᓂᔭᐅᓚᐅᙱᑦᑐ ᐃᖃᓗᐃᑦ ᐃᒥᖅᑕᖅᕕᖓᓂᒃ, ᐅᖃᖅᑐᖅ ᐸᒡᓕᐊ.
ᐹᑐᓴᓐ ᐅᖃᓚᐅᕐᑐᖅ ᐅᒃᑑᐱᕆ 22 ᑐᓴᒐᒃᓴᓕᐅᖅᑎᓪᓗᒋ ᐃᓄᐃᑦ ᓇᐃᔪᓐᓇᓚᐅᕐᓂᖏᓐᓂᒃ ᐅᕐᓱᐊᓗᒃᓱᓐᓂᖅᑐᒥ ᐃᒪᖏᓐᓂᒃ ᐱᑕᖃᑦᑎᐊᙱᓐᓂᕋᖅᑕᐅᒐᓗᐊᖅᑎᓪᓗᒍ ᑕᒪᓐᓇ ᓯᓚᐅᓐᓇᒧᐊᔭᓗᐊᕐᓂᖓᓄᑦ.
“ᐅᓄᕐᑐᑦ ᐃᓄᐃᑦ ᓇᐃᑲᑕᓕᓚᐅᕐᒪᑕ ᐅᓗᕆᐊᓇᓗᐊᓕᙱᑎᓪᓗᒍ,” ᐹᑐᓴᓐ ᐅᖃᖅᑐᖅ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑦᑎᓂᐊᖅᑐᑦ ᖃᐅᔨᓴᖅᑕᐅᔾᔪᑎᓂᒃ ᑭᓯᐊᓂᓕ ᖃᑯᒍᒻᒪᕆ ᓇᓗᓇᖅᖢᓂ ᐅᖃᖅᑐᖅ
ᑕᐃᒪᓕ ᑕᒪᒃᑯᐊ ᖃᐅᔨᓴᖅᑕᐅᔾᔪᑏᑦ ᐱᔭᐅᓚᐅᕐᒪᖔᑦ ᖃᐅᔨᒪᔭᐅᙱᑦᑐᑦ ᖃᖓᓗ ᐅᓪᓗᕐᒥ ᐊᒻᒪᓗ ᖃᖓ ᖃᐅᔨᔭᐅᓚᐅᕐᒪᖔᑦ ᖃᐅᔨᓴᖅᑕᐅᔾᔪᑎᑦ.
ᐅᖃᓚᐅᕐᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯ ᑎᑎᕋᖅᑕᐅᓯᒪᔪᓂᒃ ᓴᖅᑭᑎᑦᑎᓂᐊᖅᑐᑦ “ᓱᖅᑯᐃᓇᑦᑎᐊᕐᓗᓂ ᑕᒻᒪᕈᑎᐅᔾᔮᙱᒻᒪᑦ.”
ᖃᐅᔨᓴᖅᑕᐅᔾᔪᑎ ᖃᓄᐃᓕᖓᓂᖏᓐᓄ ᑐᑭᓯᓯᒪᑦᑎᐊᕆᐊᖃᕐᓇᕐᒪᑕ ᖃᓄᖅ ᐅᖃᐅᓯᐅᔭᕆᐊᖃᕐᓂᖏᓐᓂᒃ, ᖃᓄᑎᒋ ᐱᐅᔪᓐᓃᕈᑎᑦ ᓈᒻᒪᒃᑎᒋᖕᒪᖔᑕ, ᐃᒥᐅᑉ ᐃᒥᖅᑕᐅᔪᓐᓇᕐᓂᖓᓄᑦ ᓇᐃᓴᐅᑎᓂᒃ, ᐊᒻᒪ ᐃᖃᓗᖕᓂ ᐃᒥᖅᑕᕐᕕᓕᕆᓂᕐᒥᒃ ᐊᒻᒪ ᐱᓕᕆᐊᖃᕐᓂᖅᒥᒃ, ᐸᒡᓕᐊ ᐅᖃᖅᑐᖅ.
(0) Comments