ᐅᓄᕈᓘᔭᕐᑐᑦ ᐃᓄᐃᑦ ᐳᕕᕐᓂᕐᑐᖅᒥ ᐋᖓᔮᕈᓐᓃᕋᓱᖕᓂᕐᒥ ᐱᓇᓱᓚᐅᕐᑐᑦ

For the English version of this story, please see Dozens of people in Puvirnituq take challenge to get sober.

ᓄᓇᓕᖕᓂ ᖃᓄᐃᓕᐅᕈᑎᐅᓇᓱᒃᑐᖅ ᐃᓄᖕᓂ ᐋᖓᔮᕈᓐᓃᖅᑎᑦᑎᓇᓱᖕᓂᕐᒥ ᑕᖅᑭᓕᒫᒥᒃ ᐱᒋᐊᖅᑐᖅ ᐳᕕᕐᓂᖅᑐᒥ.

ᐋᖓᔮᕈᓐᓃᕋᓱᖕᓂᖅ, ᐱᒋᐊᓚᐅᕐᓯᒪᔪᖅ ᓄᕕᐱᕆ 14-ᖑᑎᓪᓗᒍ ᐊᒻᒪ ᐃᓱᓕᓐᓂᐊᖅᖢᓂ ᑎᓯᐱᕆ 14-ᒥ, ᐋᖅᑭᒃᑕᐅᓯᒪᔪᖅ ᑕᒪᒃᑯᐊ ᐱᓕᕆᖃᑕᐅᔪᑦ ᐃᑲᔪᖅᑐᖅᑕᐅᓂᖏᓐᓂᒃ ᖃᐅᔨᒪᓂᐊᕐᓗᑎᒃ ᒪᒥᓴᖅᐸᓪᓕᐊᓂᖏᓐᓂᒃ, ᐋᖅᑭᒃᓯᓯᒪᔪᑦ ᐅᖃᓚᐅᕐᑐᑦ.

ᐊᔾᔨᒌᙱᑦᑑᑎᑦ ᐱᓕᕆᖃᑎᒌᒃᑐᑦ ᓄᓇᓕᖕᓂ ᐱᓕᕆᖃᑎᒌᖕᒪᑕ ᐊᐅᓚᑕᐅᓂᖓᓂᒃ ᖃᓄᐃᓕᐅᕈᑎᐅᓇᓱᒃᑐᖅ, ᐃᓚᖃᖅᖢᑎᒃ ᐃᓅᓕᑦᓯᕕᒃ ᐋᓐᓂᐊᕕᒃ, ᐅᐊᖕᓇᖓᓂᒃ ᓄᓇᓖᑦ ᐊᒻᒪᓗ ᐃᓱᐊᕐᓯᕕᒃ ᒪᒥᓴᕐᕕᒃᑯᑦ.

ᐅᓇ ᐊᐃᑉᐸᕆᓕᕐᑕᖓ ᐳᕕᕐᓴᖅᑑᒥ ᐋᖓᔮᕈᓐᓃᕋᓱᖕᓂᖅᒥᒃ ᐱᓕᕆᐊᖃᖅᖢᑎᒃ, ᐅᖃᓚᐅᕐᑐᖅ ᓯᑕᕙᓂ ᐳᐊᑭᓕᐅ, ᐃᖅᑲᓇᐃᔮᓕᒃ ᐃᓅᓕᑦᓯᕕᒃᒥ. ᐊᓯᖏ ᓄᓇᓖ ᑕᐃᒪᓐᓇ ᐱᓕᕆᐊᖃᕐᓯᒪᖕᒥᔪᑦ.

ᑕᒪᑐᒪᓂ ᐊᕐᕌᒍᒥ ᖃᓄᐃᓕᐅᕈᑎᐅᔪᑦ ᐃᓚᖃᕐᑐᑦ ᐃᓚᐅᔪᓄᑦ ᖃᓄᐃᓕᐅᕈᑎᒃᓴᕈᓘᔭᕐᓂᒃ ᐃᓚᖃᖅᖢᑎᒃ ᓴᓇᐅᒐᓕᕆᓂᕐᒥᒃ, ᒪᒥᓴᑲᑕᖕᓂᕐᒥᒃ, ᑳᕕᑐᕆᐊᕐᓇᒥᒃ ᐊᒻᒪᓗ ᑕᕐᕆᔭᕐᓇᖅ ᐅᓐᓅ ᐃᓚᖓᓂᒃ.

ᓯᕗᓪᓕᖅᐹᖑᖃᑕᐅᓚᐅᕐᑐᖅ ᖃᓄᐃᓕᐅᕐᓇᖅ ᓄᕕᐱᕆ 14ᒥ ᐱᒋᐊᓕᓵᕈᑎᖃᖅᖢᑎᒃ ᐊᒻᒪᓗ ᓄᓇᓕᖕᓂ ᐱᓱᑲᑕᒃᖢᑎᒃ. ᑖᔅᓱᒪ ᓯᕗᓂᐊᓂ ᐃᓅᓱᒃᑐᑦ ᓄᓇᓕᖕᓂ ᑎᑎᕋᑲᑕᓚᐅᖅᑐᑦ ᐃᑲᔪᕈᑎᒃᓴᖏᓐᓂᒃ ᑖᓱᒥᖓ ᐃᓚᐅᔪᓄᑦ.

“ᑕᒪᕐᒥ ᐃᓕᓐᓂᐊᕐᑐᑦ ᐱᓕᕆᖃᑕᐅᓚᐅᕐᑐᑦ, ᓴᓇᓪᓗᑎᒃ ᐊᑭᓐᓇᕐᒥᐅᑕᒃᓴᓂᒃ ᑖᓐᓇᓗ ᐃᒃᐱᒍᓱᖕᓇᑦᑎᐊᓚᐅᖅᖢᑎᒃ ᑖᒃᑯᓄᖓ ᐃᓄᖕᓄᑦ,” ᐳᐊᑭᓕᐅ ᐅᖃᕐᑐᖅ.

“ᐊᒃᓱᐊᓗᒃ ᓴᓇᑦᑎᐊᓚᐅᕐᑐᑦ.”

ᐱᒋᐊᓕᕐᑎᓪᓗᒋᑦ 92 ᐃᓄᐃᑦ ᐊᑎᓕᐅᓚᐅᕐᑐᑦ ᐃᓚᒋᔭᐅᓂᐊᕐᓗᑎᒃ ᖃᓄᐃᓕᐅᕈᑎᒥ; ᑭᓯᐊᓂᓕ, ᐃᓚᐅᔪᑦ ᐊᐃᑉᐸᖓᓂ ᐱᓇᓱᐊᕈᓯᕐᒥ 75-ᖑᓚᐅᕐᑐᑦ ᐃᓚᐅᔪᑦ.

ᑖᓕ ᒥᐊᓱ, ᓄᓇᓕᖕᓂ ᐊᑐᓗᐊᕐᓂᕐᒧᑦ ᐃᓅᓯᓕᕆᔨ ᐃᓱᐊᕐᓯᕕᒃᒥ, ᐅᖃᒪᐅᕐᑐᖅ ᐅᓇ ᐱᓕᕆᐊᖃᕐᓂᖅ ᐃᑲᔪᖅᑐᐃᓂᕐᒧᑦ ᒪᒥᓴᕋᓱᒃᑐᓂᒃ ᐃᓄᖕᓂ ᖃᓄᑎᒋ ᐊᒃᓱᕈᕐᓇᖅᓯᒐᓗᐊᖅᐸᑦ.

“ᖁᔭᒋᒻᒪᕆᒃᑕᕗᑦ ᐃᓱᒪᖏᓐᓂ ᐅᖃᕈᓐᓇᕐᒪᑕ,” ᒪᓱ ᐅᖃᕐᑐᖅ.

“ᑕᒪᐃᓐᓄ ᐃᓚᐅᔪᓄᑦ, ᐊᔪᓕᖅᐸᒃᑲᓗᐊᕐᓗᑎᒃ, ᐅᖃᐅᑎᔭᕗᑦ ᐅᓐᓄᒃᑯ ᖃᓄᐃᓕᐅᑐᓄᑦ, ᐃᓚᐅᔪᓐᓇᕐᒪᑕ ᓱᓕ ᐃᑲᔪᖅᑐᐃᓂᑦᑎᓐᓂᒃ.”

ᖃᓄᐃᓕᐅᕈᑎᐅᔪᖅ ᑲᔪᓯᓂᐊᕐᑐᖅ ᑎᑭᓪᓗᓂ ᑎᓯᐱᕆ 14. ᐃᓚᐅᔪᑦ ᐊᖓᔮᙲᓐᓇᕐᑐᑦ ᑕᖅᑭᒥ ᑐᓐᓂᖅᑯᓯᐊᖅᑖᕐᓂᐊᖅᑐᑦ ᐊᓂᒍᐃᓂᖏᓐᓄᑦ.

ᑕᒪᐃᓐᓂ ᐳᐊᑭᓕᐅ ᐊᒻᒪ ᒥᐊᓱ ᐅᖃᓚᐅᕐᑑᒃ ᐅᓇ ᖃᓄᐃᓕᐅᕈᑎ ᓵᓚᒃᓴᐅᓯᐅᕈᑎᐅᓇᓱᙱᓐᓂᖓᓂᒃ.

“ᐅᓇ ᐃᓄᖕᓂ ᒪᒥᓴᖅᐸᓪᓕᐊᑎᑦᑎᔾᔪᑎᐅᓇᓱᒃᑐᖅ,” ᒥᐊᓱ ᐅᖃᕐᑐᖅ.

“ᐃᓱᒪᓚᐅᕋᒪ ᐃᓄᑑᙱᓐᓂᖏᓐᓂᒃ ᐱᒋᐊᓕᕐᑎᓪᓗᒋᑦ ᓄᕕᐱᕆ 14ᒥ.”

ᐳᐊᐃᑭᓕᐅ ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᐅᓇ ᖃᓄᐃᓕᐅᕐᓂᖅ ᐃᓄᖕᓂ ᐱᓕᕆᑎᑦᑎᓕᕈᒪᓂᐅᓗᓂ ᓴᐱᓕᖅᑕᐃᓕᙱᓪᓗᑎᒃ ᒪᒥᓴᖅᐸᓪᓕᐊᓕᖅᑎᓪᓗᒋᑦ.

“ᒪᒥᓴᖅᐸᓪᓕᐊᓂᖅ ᓈᒻᒪᑐᑯᓗᒃᑰᓐᓇᙱᒻᒪᑦ ᑐᑭᓕᐊᖅᑐᑎᑐᑦ; ᐃᓚᖓᒍᑦ ᐊᔪᕐᓇᕐᓂᖃᕐᓂᐊᕐᒥᔪᖅ,” ᐅᖃᕐᑐᖅ.

“ᐅᕙᓐᓄᓪᓕ, ᐅᓇ ᐋᖓᔮᖅᑕᐃᓕᒪᓂᖅ ᑖᒃᑯᓄᖓ ᐃᑲᔪᕈᑎᖃᕐᓂᐊᖁᓪᓗᒍ ᐊᔪᓕᕋᓗᐊᕐᓂᖅᐸᑕᓘᓐᓃᑦ, ᐱᓇᓱᒃᑲᓐᓂᕈᓐᓇᕋᔭᕐᒪᑕ ᐊᒻᒪᓗ ᖃᐅᔨᒪᓗᑎᒃ ᑕᒪᓐᓇ ᐱᐅᓯᕚᓪᓕᕈᓐᓇᕐᓂᖓᓂᒃ.”