ᐱᖓᓱᑦ ᓇᓄᕐᒧᑦ ᐅᒋᐊᖅᑕᐅᔪᑦ ᓴᓂᕋᔭᐅᑉ ᖃᓂᒋᔭᖓᓂ

ᐊᑕᐅᓯᖅ ᐊᖑᑎ ᐊᒻᒪ ᒪᕐᕉᒃ ᐊᕐᓈᒃ ᖃᖓᑕᓲᒃᑯᑦ ᐋᓐᓂᐊᕐᕕᓕᐊᕈᔾᔭᐅᔪᑦ: ᐸᓖᓯᒃᑯᑦ ᐅᖃᖅᑐᑦ ᑕᒪᕐᒥ ᖃᓄᐃᔾᔮᙱᓐᓂᕋᖅᑕᐅᓪᓗᑎᒃ

ᓄᓇᕗᒥᑦ ᐸᓕᓯᒃᑯ ᐅᖃᓚᐅᕐᑐᑦ ᐊᖑᑎ ᐊᒻᒪ ᒪᕐᕉᒃ ᐊᕐᓈᒃ “ᐋᓐᓂᖅᑕᐅᕐᔪᐊᓚᐅᕐᓂᖏᓐᓂᒃ” ᓇᓄᕐᒧᑦ ᐋᒐᓯ 10-ᖑᑎᓪᓗᒍ ᓴᓂᕋᔭᐅᑉ ᖃᓂᒋᔭᖓᓂᒃ, ᐅᕙᓂ ᐊᔾᔨᖃᖅᑐᖅ. (ᐊᔾᔨᙳᐊᖅ ᔫᓕ ᓛᑲ/ᒎᒍᓪ ᓄᓇᙳᐊᑦ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

ᓄᓇᕗᒥᑦ ᐸᓖᓯᒃᑯᑦ ᐅᖃᓚᐅᕐᑐᑦ ᐊᖑᑎ ᐊᒻᒪ ᒪᕐᕉᒃ ᐊᕐᓈᒃ ᓇᓄᕐᒧᑦ ᐅᒋᐊᖅᑕᐅᓚᐅᕐᓂᖏᓐᓂᒃ ᓴᓂᕋᔭᐅᑉ ᖃᓂᒋᔭᖓᓂ.

ᐸᓖᓯᒃᑯᑦ ᓄᓇᓕᖕᓂ ᑐᓴᖅᑎᑕᐅᓚᐅᖅᓯᒪᔪᑦ ᓇᓄᕐᒧᑦ ᐅᒋᐊᖅᑕᐅᔪᓂᒃ 2:30-ᒥᑦ ᐅᓪᓗᒃᑯᑦ ᐋᒐᓯ 10-ᒥ ᐅᕙᓂ ᓴᓂᕋᔭᐅᑉ ᓂᒋᐊᓂᑦ ᑑ ᓚᐃᓐᑯᑦ ᖃᓂᒋᔭᖓᓂᒃ, ᑕᒫᓂᓗ ᐃᒡᓗᕋᓛᖅᑕᖃᐅᖅᖢᓂ.

ᐸᓖᓯᒃᑯ ᐅᖃᓚᐅᕐᑐ ᑖᒃᑯᓄᙵᐅᓕᖅᑎᓪᓗᒋ ᐹᕐᓯᓪᓗᑎᒃ ᓄᓇᓯᐅᑎᒃᑰᖅᑐᒥᓐ ᑖᔅᓱᒪᓗ ᐅᖃᐅᑎᓪᓗᓂᒋ ᐋᓐᓂᐊᕐᕕᓕᐊᕈᔾᔭᐅᕌᓂᖕᓂᖏᓐᓂᒃ.

ᑖᓐᓇ ᐊᖑᑎ ᐋᑐᕚᒧᑦ ᐊᐅᓪᓚᖅᑎᑕᐅᓚᐅᖅᑐᖅ ᑲᒪᒋᔭᐅᓂᐊᕐᒪᑦ ᐊᒻᒪᓗ ᑖᒃᑯᐊ ᐊᕐᓈᒃ ᐃᖃᓗᖕᓂ ᐋᓐᓂᐊᕐᕕᖕᒧᐊᖅᑕᐅᓪᓗᑎᒃ.

“ᐋᓐᓂᖅᑕᐅᕐᔪᐊᕈᓘᔭᕋᓗᐊᖅᖢᑎᒃ ᒪᒥᓐᓂᐊᕋᓱᒋᔭᐅᔪᑦ ᑖᒃᑯᓇᙵᑦ,” ᑐᓴᖓᒃᓴᓕᐊᕆᔭᐅᔪᖅ ᐸᓖᓯᒃᑯᓐᓂ ᐅᖃᖅᓯᒪᓚᐅᕐᑐᖅ.

ᑖᓐᓇᓕ ᓇᓄ ᓇᓂᔭᐅᓕᓚᐅᕐᑐᖅ ᑐᖁᖓᔪᖅ ᐃᒡᓗᕋᓛᕆᔭᐅᔪᑦ ᖃᓂᒋᔭᖏᓐᓂᒃ. ᐊᒻᒪᓗ ᐱᔭᐅᓯᒪᓕᖅᖢᓂ ᐆᒪᔪᕐᓂᐊᖅᑎᒧ ᐊᒻᒪᓗ ᐆᒪᔪᕐᓂᐊᖅᑎᒃᑯᓐᓃᓕᖅᖢᓂ. ᐸᓖᓯᒃᑯᑦ ᐅᖃᓚᐅᙱᑦᑐᑦ ᖃᓄᖅ ᑖᓐᓇ ᓇᓄᖅ ᑐᖁᓐᓂᑰᔭᕆᐊᒃᓴᖓᓂᒃ.

ᐅᓇ ᐱᒻᒪᕆᐊᓘᓪᓗᓂ ᖃᓄᐃᑕᐅᔾᔪᑎᐅᓚᐅᕐᑐᖅ, ᐊᒻᒪᓗ ᑭᖑᓪᓕᖅᐹᒥ ᑕᐃᒪᓐᓇ ᐱᒻᒪᕆᐊᓗᖕᒥ ᐊᑐᓚᐅᖅᓯᒪᖕᒥᔪᑦ 2018-ᒥ ᒪᕐᕉᖕᓂ ᓄᓇᕗᒥᐅᑖᖕᓂ ᐃᓅᔪᓐᓃᖅᑐᖃᖅᑎᓪᓗᒍ ᓇᓄᕐᒧᑦᑕᐅᖅ.

ᐊᕐᕕᐊᓂᒃ ᐊᑕᐅᓯᖅ ᓇᓄᕐᒧᑦ ᐅᒋᐊᖅᑕᐅᓚᐅᕐᓯᒪᔪᖅ ᐃᓅᔪᓐᓃᖅᖢᓂ ᓄᓇᓖᑦ ᓯᓚᑎᑦᑎᐊᖓᓂ ᔪᓚᐃ 2018-ᖑᑎᓪᓗᒍ. ᐋᒐᓯ 2018-ᒥᑦ, ᐱᖓᓱ ᐊᖑᓇᓱᒃᑐᑦ ᓇᓄᕐᒧᑦ ᐅᐸᒃᑕᐅᓚᐅᖅᓯᒪᖕᒥᒧᑦ ᓇᐅᔮᑦ ᓯᓚᑎᑦᑎᐊᖓᓂᒃ ᐊᒻᒪ ᐊᑕᐅᓯᖅ ᐊᖑᑎ ᐃᓅᔪᓐᓃᓚᐅᕐᓯᒪᓪᓗᓂ.

Share This Story

(0) Comments

Join the Conversation

Your email address will not be published. Required fields are marked *

*