ᑎᓴᒪᑦ ᐃᓄᐃᑦ ᓴᓇᐅᒐᓕᐅᕐᑎᑦ ᓂᕈᐊᒐᒃᓴᐅᖃᑕᐅᕗᑦ ᑲᓇᑕᒥ ᑕᕐᕆᔭᒐᒃᓴᓄᑦ ᐃᓕᓴᕆᔭᐅᔾᔪᑎᓄᑦ

For an English version of this story, please see: Four Inuit artists net Canadian Screen Award nominations.ᑎᓴᒪᐃᑦ ᐃᓄᐃᑦ ᓴᓇᐅᒐᓕᐅᕐᑎᑦ ᓂᕈᐊᒐᒃᓴᙳᖅᑎᑕᐅᓚᐅᕐᑐᑦ ᑕᒪᑐᒪᓂ ᐊᕐᕌᒍᒥ ᑲᓇᑕᒥ ᑕᕐᕆᔭᒐᒃᓴᓄᑦ ᐃᓕᓴᕆᔭᐅᔾᔪᑎᓄᑦ.

ᑕᕐᕆᔭᒐᓕᐅᕐᑎ ᓴᖅᑲᓕᐊᓯ ᑯᓄᒃ ᐊᒻᒪ ᓴᖅᑭᑎᑦᑎᔨ ᓈᑎᐊ ᒪᐃᒃ ᓂᕈᐊᒐᒃᓴᙳᓚᐅᕐᑐᑦ ᐱᐅᓂᖅᐹᒥ ᑎᑎᕋᐅᔭᒐᕐᒥ ᓇᐃᓈᕐᓯᒪᔪᓂᒃ ᐆᒧᖓ ᐊᖓᒃᑯᓴᔭᐅᔪᖅ: ᐊᖓᒃᑯᕐᒥᒃ ᐊᔪᕈᓐᓃᖅᓴᖅᑎ.

ᑕᕐᕆᔭᒐᒃᓴᓂᒃᑕᐅᖅ ᐅᓇ ᑐᑭᒧᐊᖅᑎᑦᑎᔨ ᐊᒻᒪ ᐊᔾᔨᓕᐅᕆᔨ ᔭᓂ ᕗᐃᓕᐊᒻᔅ ᓂᕈᐊᒐᒃᓴᙳᖅᑎᑕᐅᓚᐅᕐᒥᔪᖅ ᐱᐅᓂᖅᐹᒥ ᓈᐃᓈᖅᓯᒪᔪᖅ ᐅᓂᒃᑳᒐᖅᒥ ᐆᒧᖓ ᑕᕐᕆᔭᒐᓕᐊᖓᓄᑦ ᓇᓗᔪᒃ ᓇᐃᑦ (Nalujuk Night).

ᐅᓇ 13-ᒥᓂᑦᔅ ᑕᑭᓂᓕ ᐅᓂᒃᑳᒐᖅ ᓴᖅᑭᑎᑦᑎᓯᒪᔪᖅ ᓇᐃᓐ ᓄᓇᑦᓯᐊᕗᑦᒥ ᓄᓇᖃᖅᑐᓂᒃ ᓛᐸᑐᐊᒥ ᖁᕕᐊᓲᑎᖃᖅᑎᓪᓗᒋ ᐊᕐᕌᒍᙳᕌᖓ ᓴᖅᑭᔾᔪᑎᒋᕙᒃᑕᖓ ᓇᓗᔪᐃᑦ, ᓂᕐᔪᑎᐅᖅᑰᔨᔪ, ᓴᐅᓂᐅᖅᑰᔨᓪᓗᑎᒃ ᐊᒥᕐᓂᒃ ᐅᓕᒃᓯᒪᓪᓗᑎᒃ ᑕᕆᐅᕐᒥᙶᖅᐸᒃᑐᑦ ᔭᓄᐊᕆ 6-ᖑᓕᕌᖓ ᓱᕈᓯᕐᓂ ᓄᓇᓕᖕᓃᑦᑐᓂᒃ ᑕᑯᑲᑕᒐᓱᒃᖢᑎᒃ. ᑖᒃᑯᐊ ᓱᕈᓰᑦ ᐱᑦᑎᐊᖃᑦᑕᓚᐅᕐᐸᑕ ᐊᕐᕌᒎᓵᕐᑐᒥ ᑎᒎᑎᔭᐅᔭᒃᖢᑎᒃ ᓇᓗᔪᐃᑦᓂ, ᑭᓯᐊᓂᓕ ᐱᑦᑎᐊᕐᓂᙱᑉᐸᑕ ᒪᓕᒃᑕᐅᑲᑕᒐᔭᖅᖢᓂᒃ ᓄᓇᓕᒃᑎᒍᑦ.

ᑲᑉᐱᐊᓇᕈᔪᒃᓯᒪᓪᓗᓂ ᐊᒻᒪᓗ ᐊᔾᔨᓕᐅᕐᓯᒪᓪᓗᓂ ᑕᕐᓴᖃᙱᖢᓂ ᑭᓯᐊᓂ ᖃᑯᖅᑕᐅᓪᓗᓂ ᐊᒻᒪ ᕿᕐᓂᖅᑕᐅᓪᓗᓂ ᑖᓐᓇ ᓂᕐᔪᑎᙳᖓ ᓴᖅᑭᑳᓪᓚᒃᖢᓂ ᑕᕐᕆᔭᕐᕕᒃᑯᑦ, ᐊᒻᒪᓗ ᑖᓐᓇ ᐊᔾᔨᓕᐅᒐᖅ ᓵᓚᒃᓴᓚᐅᖅᖢᓂ ᐱᐅᓂᖅᐹᖅ ᐊᑦᓛᓐᑎᒃᒥ ᓇᐃᑦᑐᓂᒃ ᐅᓂᒃᑳᓕᐊᓂᒃ ᐅᕙᓂ FIN ᐊᑦᓛᓐᑎ ᑕᕐᕆᔭᒐᓕᐊᓂᒃ ᖁᕕᐊᓲᑎᖃᕐᓇᒥᒃ.

ᑎᑕᐅᑎᓕᕆᓂᒃᑯᓪᓕᒃ ᐅᓇ ᑲᑕᔾᔭᖅᑎ ᑖᓂᐊ ᑕᒑᖅ ᓂᕈᐊᒐᒃᓴᙳᖅᑎᑕᐅᔪᖅ 2022 ᑎᑕᐅᑎᓄᑦ ᐃᓕᓴᕆᔭᐅᔾᔪᑎᓄᑦ (Achievement in Music): ᐃᙱᐅᑎᖓᓄᑦ ᐆᒧᖓ “Surface Nord.”

ᓵᓚᒃᓴᕐᑐᑦ ᑲᓇᑕᒥ ᑕᕐᕆᔭᒐᒃᓴᓄᑦ ᐃᓕᓴᕆᔭᐅᔾᔪᑎᓄᑦ ᐅᖃᐅᓯᐅᓛᕐᑐᑦ ᐄᐳᕈᓪ 10-ᒥ. ᐃᓕᓴᕆᔭᐅᔾᔪᑎ ᑐᓐᓂᖅᑯᑎᐅᓛᕐᑐᑦ ᐅᑯᓇᙵᑦ Academy of Canadian Cinema & Television (ᑲᓇᑕᒥ ᑕᕐᕆᔭᒐᓕᐅᕐᓂᕐᒧᑦ ᐊᒻᒪ ᑕᓚᕖᓴᓄᑦ ᐃᓕᓐᓂᐊᕐᕕᒃᒥᑦ).