ᑲᑐᔾᔨᖃᑎᒌᑦ ᓈᒻᒪᒃᓴᙱᑦᑐᑦ ᐃᓅᓱᒃᑐᑦ ᐃᓅᔪᓐᓃᖅᓯᒪᔪᑦ ᐊᔾᔨᙳᐊᖏᓐᓂᒃ ᓴᖅᑭᔮᖅᑎᑦᑎᔪᓂᒃ

ᖃᕋᓴᐅᔭᒃᑯᑦ ᑲᑎᕐᓱᐃᕝᕕᐅᕙᒃᑐᑦ ᐃᓚᒋᔭᐅᓂᑯ 2015-ᒥᑦ ᑐᑭᓕᕇᖕᓂᒃ ᐅᓂᒃᑳᓕᐅᖑᓂᑯᓂᒃ ᓚ ᐳᕋᔅᑯᓐᓄᑦ, ᓇᓗᓇᐃᔭᐃᓯᒪᓪᓗᓂ ᐃᓅᔪᓐᓃᕈᑎᕕᓂᕐᓂᒃ ᓄᓇᖃᖅᑳᖅᑐᑦ ᐃᓅᓱᒃᑐᖏᓐᓄᑦ ᑯᐸᐃᒃᒥᑦ, ᓈᒻᒪᙱᓕᐅᕈᑎᓂᒃ ᓴᖅᑭᑎᑦᑎᔾᔪᑎᐅᓚᐅᖅᑐᑦ ᖃᕋᓴᐅᔭᒃᑯᑦ ᓴᖅᑭᑎᑕᐅᒃᑲᓐᓂᖅᒪᑦ ᑕᕿᖅ ᐱᒋᐊᓕᓴᐸᓗᒃᑎᓪᓗᒍ.

ᓴᖅᑭᔮᖅᑎᑦᑎᓚᐅᕐᒥᔪᖅ ᐊᔾᔨᙳᐊᓂᒃ ᐃᓚᖏᓐᓂᒃ ᐃᓅᔪᓐᓃᖅᓯᒪᔪᓂᒃ ᐃᓅᓱᒃᑐᓂᒃ. 144 ᓄᓇᕕᒻᒥᐅᑕᕕᓃᑦ ᐃᓄᐃᑦ.

ᑐᓴᒐᒃᓴᓕᐅᖅᑎᓪᓗᒋᑦ ᐅᑯᐊ ᒪᑭᕕᒃᑯᑦ, ᓄᓇᑖᕈᑎᓄᑦ ᑲᑐᔾᔨᖃᑎᒌᑦ ᐃᓄᖕᓄᑦ ᓄᓇᕕᒻᒥᐅᓄᑦ, ᐅᖃᓚᐅᖅᑐᑦ ᑖᓐᓇ ᓴᖅᑭᔮᖅᑎᑕᐅᔪᖅ ᖃᓄᐃᓯᒪᓂᖏᓐᓂᒃ “ᑐᑭᖃᙱᑦᑎᐊᖅᑐᖅ,” ᐊᒻᒪ ᐅᖃᖅᖢᓂᓘᓐᓃᑦ ᑖᓐᓇ ᓴᖅᑭᔮᒐᖃᕐᕕᐅᔪᖅ ᐲᖅᑕᐅᓯᒪᓕᕋᓗᐊᖅᑎᓪᓗᒍ, “ᓱᕋᐃᕌᓂᒃᑐᑦ.”

“ᒪᑭᕕᒃᑯᑦ ᐊᖓᔪᖅᑳᖏᑦ ᑕᒪᑐᒥᖓ ᑲᒪᒋᔭᖃᕆᐊᖃᙱᑦᑐᕆᔪᑦ ᐊᒻᒪᓗ ᖁᒃᓴᓪᓚᖕᓇᖅᖢᓂ ᐃᓱᒫᓗᓕᕐᓇᖅᖢᓂ.”

ᐲᑕ ᐋᑕᒥ, ᒪᑭᕕᒃᑯᓐᓄᑦ ᐊᖓᔪᖅᑳᖅ, ᐅᖃᓚᐅᖅᑐᖅ “ᐊᒃᓱᕈᖅᑐᐊᓘᓗᓂ ᑭᓯᐊᓂ ᑕᐃᒪᓐᓇ ᐋᖅᑭᒃᓯᓯᒪᓇᔭᖅᑐᑦ ᓇᓗᓇᐃᔭᖅᓯᒪᔪᓂᒃ ᐃᓅᔪᓐᓃᕈᑎᐅᔪᓂᒃ ᓄᓇᖃᖅᑳᙱᑦᑐᓂᒃ ᐃᓅᓱᒃᑐᓂᒃ.”

ᐅᖃᖅᖢᓂ ᑖᓐᓇ ᖃᕋᓴᐅᔭᒃᑯᑦ ᑲᑎᕐᓱᐃᕝᕕᐅᕙᒃᑐᖅ ᓴᖅᑭᑎᑦᑎᓯᒪᔪᖅ ᐊᔾᔨᒌᙱᑎᑦᑎᓂᒃᑯᑦ ᑕᐅᑐᖕᓂᒃᑯᑦ ᑕᐃᒪᐃᑉᐸᒻᒪᑕ ᐅᖃᐅᓯᖃᓕᕌᖓᒥᒃ ᑐᓴᒐᒃᓴᖅᑎᒍᑦ ᓄᓇᕕᒃᒥᑦ ᐊᒻᒪ ᐊᓯᖏᓐᓂᒃ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ.

ᑕᒪᓐᓇᑦᑕᐅᖅ ᓴᖅᑭᑎᑦᑎᔾᔪᑎᐅᖕᒪᑦ ᐃᒻᒥᒨᖓᓂᖅᒧᑦ ᐊᒻᒪ ᐊᖏᕆᐊᖃᕐᓂᖅᒧᑦ ᐱᓕᕆᐊᖑᔪᓂᒃ, ᐅᖃᖅᑐᖅ ᐅᖃᒃᑲᓐᓂᖅᖢᓂ ᐃᓚᒌᖑᔪᑦ ᑕᐅᑐᒃᑎᑕᐅᒃᑲᓐᓂᑐᐃᓐᓇᓕᖅᖢᑎᒃ ᑖᒃᑯᓄᖓ ᖃᓄᐃᓕᔾᔪᑎᕕᓂᖅᓂᒃ ᖃᐅᔨᒪᑎᑕᐅᓚᐅᙱᖢᑎᒃ.

“ᖃᓄᐃᓕᐅᕐᓂᖅᑕᖃᕆᐊᖃᕐᒪᑕ ᑕᐃᒪᐃᑦᑐᓂᒃ ᐅᓂᒃᑳᓕᐊᓂᒃ ᓴᖅᑭᔮᖅᑐᖃᖃᑦᑕᕈᓐᓃᕐᓗᓂ ᓲᖃᐃᒻᒪ ᐋᓐᓂᕈᑎᐅᒃᑲᓂᓕᖃᑦᑕᕐᒪᑕ ᐃᓚᒋᔭᐅᔪᓄᑦ,” ᐅᖃᖅᑐᖅ.

ᒪᑭᕕᒃᑯᑦ ᐅᓪᓗᓂᒃ ᐊᒡᒋᖅᑐᓂᒃ ᕿᐱᓘᑎᓂᒃ ᑎᑎᕋᐅᓯᖃᕐᓂᐊᖅᑐᑦ ᓚᐳᕋᔅᑯᓐᓄᑦ, ᑯᐸᐃᒃᒥᑦ ᑐᓴᒐᒃᓴᓕᕆᓂᖅᒧᑦ ᑲᑎᒪᔨᓄᑦ ᐊᒻᒪᓗ ᑐᖁᖓᔪᓕᕆᔨᑦ ᐊᖓᔪᖅᑳᖓᓄᑦ. ᐊᒻᒪᓗ ᑲᑎᓯᒪᓗᑎᒃ ᐸᓯᔭᒃᓴᙳᖅᑎᑦᑎᑐᐃᓐᓇᕆᐊᖃᖅᑐᑦ ᓴᖅᑭᑎᑕᐅᓂᑯᑦ ᐊᖓᔪᖅᑳᖏᑦ, ᑕᐃᒪᓐᓇ ᑐᓴᒐᒃᓴᓕᐊᕆᔭᐅᓯᒪᔪᖅ ᐅᖃᖅᓯᒪᓚᐅᖅᑐᖅ.

ᓚ ᐳᕋᔅᑯᑦ ᑖᔅᓱᒥᖓ ᑲᑎᖅᓱᐃᕕᒃᒥᑦ ᐲᖅᓯᓯᒪᓕᖅᑐᑦ ᖃᕋᓴᐅᔭᒃᑯᑦ ᓴᖅᑭᔮᒐᖓᒍᑦ ᐊᕐᕌᒍᑦ 6 ᓯᕗᓂᐊᓂᑦ ᐋᖅᑭᒃᑕᐅᓂᑯᕕᓂᖅ ᓴᖅᑭᔮᖅᑎᑦᑎᓯᒪᓪᓗᓂ 259-ᓂᒃ ᐃᓅᔪᓐᓃᕈᑎᒋᔭᐅᔪᓂᒃ ᓄᓇᖃᖅᑳᖅᑐᑦ ᓱᕈᓯᖏᓐᓄᑦ ᐊᒻᒪᓗ ᑐᓴᒐᒃᓴᑐᐃᓐᓇᐅᕙᒃᑐᓂᒃ ᓴᖅᑭᔮᖅᑎᑦᑎᖔᓕᖅᖢᑎᒃ,

“ᐅᓇ ᖃᕋᓴᐅᔭᒃᑯᑦ ᑲᑎᖅᓱᐃᕕᒃ ᓴᖅᑭᔮᖅᑎᑕᐅᓂᖓ ᑭᒃᑯᑐᐃᓐᓇᖅᓄᑦ ᑕᑯᔭᐅᔪᓐᓇᖅᑐᒃᑯ ᐊᒃᓱᐊᓗᒃ ᐋᓐᓂᕈᑎᐅᓯᒪᖕᒪᑦ ᐊᒥᓱᓄᑦ ᐃᓚᒋᔭᐅᔪᓄᑦ,” ᕗᕌᓐᓱᐊ ᑳᑎᓄᓪ, ᓴᖅᑭᑎᑦᑎᔨᐅᖃᑕᐅᔪᖅ ᓚ ᐳᕋᔅᒥᑦ, ᐅᖃᖅᓯᒪᓚᐅᖅᑐᖅ ᖃᕋᓴᐅᔭᒧᑦ ᑲᑎᖅᓱᐃᕕᐅᓚᐅᖅᑑᑉ ᐃᓂᒋᓚᐅᖅᑕᖓᒍᑦ. “ᐊᒃᓱᐊᓗᒃ ᒪᒥᐊᓪᓚᕆᒃᐳᒍᑦ ᑕᐃᒃᑯᓄᖓ ᑕᒪᑐᒧᖓ ᕿᒃᓵᒃᑲᓐᓂᕈᑎᖃᒃᑲᓐᓂᖅᑎᑕᑦᑎᓐᓄᑦ.”

“ᐱᔾᔪᑎᖃᕋᓱᓚᐅᖅᑐᒍᓪᓕ ᖃᓄᐃᒍᑎᕕᓃᑦ ᓴᖅᑭᔮᖅᑎᒃᑯᑦᑎᒍᑦ ᑕᐃᒪᓐᓇ ᐊᑐᙱᓐᓂᖅᓴᐅᓕᕋᔭᕆᐊᒃᓴᖏᓐᓂᒃ.”

ᐅᓂᒃᑳᓕᐅᖅᑎᓪᓗᒋᑦ, ᓚᐳᕋᔅᑯᑦ ᑲᑎᖃᑎᖃᓚᐅᖅᑐᑦ ᐃᓚᒋᔭᐅᔪᓂᒃ ᓄᓇᕕᒃᒥᑦ ᓄᓇᓕᖕᓂᑦ. “ᑐᕌᒐᖃᕋᓱᓚᐅᕋᑦᑕ ᑮᓇᖃᓕᖅᑎᓪᓗᒍ ᑖᓐᓇ ᓂᐱᖃᙱᓗᐊᕐᓂᒃᑯᑦ ᐃᓅᔪᓐᓃᕈᑎᐅᕙᒃᑐᖅ,” ᑳᑎᓄᓪ ᐅᖃᓚᐅᖅᑐᖅ ᐅᖃᐅᓯᓕᐅᖅᑎᓪᓗᒍ.

ᐅᖃᖅᖢᓂ ᖃᕋᓴᐅᔭᕐᒧᑦ ᑲᑎᖅᓱᐃᕕᒃᒦᑦᑐᑦ ᓴᖅᑭᑎᓐᓂᐊᕐᓗᒋᑦ ᐅᓂᒃᑲᐅᓯᖃᙱᓪᓗᑎᒃ “ᓈᒻᒪᓚᐅᙱᑦᑐᖅ,” ᑕᐃᒪᓕ ᑕᐃᒪᐃᓐᓂᖓᓄᑦ ᑖᓐᓇ ᓴᖅᑭᑎᑕᐅᒃᑲᓐᓂᕈᑎᒋᓚᐅᖅᑕᖓ ᑕᒪᒃᑭᓪᓗᒋ ᑖᒃᑯᓄᖓ ᐅᓂᒃᑲᐅᓰᑦ ᐃᓚᓕᐅᑎᓯᒪᓪᓗᑎᒃ.