ᑲᓇᑕᐅᑉ ᐃᒻᒥᓃᖅᑕᐃᓕᒪᑎᑦᑎᓂᕐᒥ ᐸᕐᓇᒍᑎᖓ ᐱᓕᕆᓂᖃᑦᑎᐊᙱᓚᖅ: ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ

ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑏᑦ ᐅᓂᒃᑳᓕᐊᖓ.

ᐅᓂᒃᑳᓕᐊᖅ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓂᑦ ᐃᓅᖃᑎᓕᕆᓂᕐᒧᑦ ᑲᑎᒪᔨᕋᓛᖑᔪᓂ, ᑕᐃᒎᓯᓕᖕᒥ ᐱᓕᕆᓂᕐᒥ ᐱᓕᕆᑦᑎᐊᖅᐸᒃᑐᒥ, ᓴᖅᑭᑎᑕᐅᓚᐅᖅᐳᖅ ᔫᓂ 8−ᒥ.

“ᑕᐃᔭᐅᔪᓐᓇᑦᑎᐊᓚᐅᖅᐳᖅ ᐱᓕᕆᓂᕐᒥ ᐱᓕᕆᔪᓐᓇᙱᑦᑐᒥ,” ᐅᖃᓚᐅᖅᐳᖅ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᕌᑦᓇ ᐅᒥᑦᐹᕐ ᑐᓴᒐᒃᓴᓕᐊᖑᔪᒥ ᐅᓂᒃᑳᓕᐊᖅ ᓴᖅᑭᑎᑕᐅᓚᐅᖅᑎᓪᓗᒍ.

“ᒐᕙᒪᑐᖃᒃᑯᑦ ᐋᖅᑭᒃᓱᖅᓯᒪᓂᖓ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐱᓕᕆᓂᖃᑦᑎᐊᙱᒻᒪᑦ.”

ᐅᒥᑦᐹᕐ ᐅᖃᓚᐅᖅᐳᖅ ᓄᑖᙳᕆᐊᖅᑎᑦᑎᓂᕐᒥ ᐆᒥᖓ ᐸᕐᓇᒍᑕᐅᔪᒥ ᐱᓕᕆᓂᐅᕗᖅ ᐆᒪᓂᕐᒥ ᐊᒻᒪ ᑐᖁᒥ.

ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᐹᑐᕆᒃ ᐳᕋᓲ ᐃᓚᒋᐊᖅᓯᓚᐅᖅᐳᖅ ᐃᓱᒪᒋᔭᖏᓐᓂ ᑕᐃᑲᓂ ᑐᓴᒐᒃᓴᓕᐅᕐᓂᐅᔪᒥ, ᐅᖃᖅᖢᓂ ᐊᑲᐅᙱᓕᐅᕈᑕᐅᔪᖅ ᐃᒻᒥᓄᑦ ᐊᒃᑐᕐᓂᖃᑦᑎᐊᕐᓂᖓᓂ ᐃᒻᒥᓃᕋᓱᐊᖅᓯᒪᖕᒪᑦ ᒪᕐᕈᐃᖅᓱᖅᖢᓂ.

ᐳᕋᓲ, ᐋᓪᒑᓐᑯᐃᓐ−ᖑᓪᓗᓂ ᑯᐸᐃᖕᒥ, ᐅᔾᔨᕆᓚᐅᖅᐳᖅ ᐅᓄᕐᓂᐅᔪᓂ ᐃᒻᒥᓃᕐᓂᐅᔪᓂ ᐃᓄᖕᓂ 6−ᓂ 25−ᖏᖅᓱᖅᑐᒥ ᖁᑦᑎᖕᓂᖅᓴᐅᕗᑦ ᑲᓇᑕᒥ ᐅᓄᕐᓂᐅᔪᓂ.

ᐅᖃᓚᐅᖅᐳᖅ ᖃᐅᔨᓴᕐᓂᐅᔪᖅ ᑐᓂᔭᐅᓂᐅᔪᒥ ᐅᓂᒃᑳᓕᐊᒥ ᐃᒻᒥᓂᒃ ᐊᐱᖅᓱᕐᓂᖃᖅᓯᒪᕗᖅ “ᒐᕙᒪᑐᖃᒃᑯᑦ ᐱᔪᒪᓂᖃᓪᓚᑦᑖᕐᒪᖔᑕ ᓴᐳᔾᔨᓂᕐᒥ ᓄᓇᖃᖅᑳᖅᓯᒪᔪᓂ ᐃᓅᓯᐅᔪᓂ.”

ᐅᓂᒃᑳᓕᐊᖅ ᐅᔾᔨᕆᕗᖅ ᕿᑎᐊᓂ 2016−ᒥ ᐊᒻᒪ 2020−ᒥ, ᓄᓇᖃᖅᑳᖅᓯᒪᔪᓂ ᐱᔨᑦᑎᕋᖅᑎᐅᔪᑦ ᒥᐊᓂᕆᓯᒪᕗᑦ $1.8 ᐱᓕᐊᓐᓂ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖑᔪᒧᑦ, ᐃᓚᖓ ᐃᑲᔪᓲᖑᔪᒥ ᐃᑲᔪᖅᓱᐃᓂᕐᒥ ᑲᓇᑕᒥ ᐃᓄᖕᓂ ᐃᒻᒥᓃᖅᑎᑦᑎᑦᑕᐃᓕᒪᓂᕐᒧᑦ ᐸᕐᓇᒍᑎᒥᒃ.

ᓄᑖᙳᕆᐊᖅᑎᑕᐅᓂᐅᔪᓂ ᑲᓇᑕᐅᑉ ᐃᒻᒥᓃᖅᑎᑦᑎᑦᑕᐃᓕᒪᓂᕐᒧᑦ ᐋᖅᑭᒃᓱᖅᓯᒪᓂᖓᓂ ᐃᓕᓐᓂᐊᕈᓐᓇᖅᐳᑦ ᐃᓄᐃᑦ ᐸᕐᓇᒍᑎᖓᓐᓂ, ᐅᓂᒃᑳᓕᐊᖅ ᐅᖃᖅᐳᖅ.

“ᐱᓕᕆᑦᑎᐊᕐᔪᐊᓲᖑᕗᖅ ᑲᑎᑎᕆᓂᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᔨᐅᔪᓂ ᑕᑯᒃᓴᐅᑎᑕᐅᓂᖓᓂ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑐᕌᒐᕆᔭᖏᓐᓂ,” ᐅᖃᓚᐅᖅᐳᖅ ᓘᒃᑖᖅ ᐋᓕᓴᓐ ᑯᕌᕗᑦ, ᐃᓚᒋᔭᐅᔪᒥ ᐊᖓᔪᖅᑳᖅ ᖃᕋᓴᐅᔭᑎᒍᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪ ᐃᓴᒃᓯᒪᓂᐅᔪᒥ ᐱᓕᕆᕝᕕᖕᒥ ᐅᐃᕆᓯᒪᓂᕐᓄᑦ ᐊᒻᒪ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐅᓂᒃᑳᓕᐊᒥ.

ᑲᑎᖅᓱᐃᓂᕐᒥ ᖃᐅᔨᓴᕐᓂᐅᔪᒥ, ᑲᑎᒪᔨᕋᓛᑦ ᑐᓵᓚᐅᖅᐳᑦ ᐅᓂᒃᑲᐅᓯᐅᔪᓂ ᖃᔅᓯᒐᓚᖕᓂ ᐃᓄᖕᓂ ᑲᓇᑕᓕᒫᒥ, ᐃᓚᖃᖅᑐᒥ ᓇᑖᓐ ᐆᐱᑦᒥ, ᐊᖓᔪᖅᑳᖑᔪᖅ ᐃᓄᐃᑦ ᑕᐱᕇᑦ ᑲᓇᑕᒥ.

ᐆᐱᑦ ᐅᖃᐅᔾᔨᓚᐅᖅᐳᖅ ᑲᑎᒪᔨᕋᓛᓂ, “ᐱᓪᓚᕆᐅᔪᖃᙱᓚᖅ ᐃᓄᖕᓂ ᖁᑦᑎᒃᑐᒥ ᐅᓗᕆᐊᓇᖅᑎᑦᑎᔪᒥ ᐃᒻᒥᓃᕐᓂᕐᒧᑦ, ᑭᓯᐊᓂ ᑐᖁᓐᓇᖅᑐᓂ ᓴᓇᓯᒪᓂᐅᔪᓂ ᐱᖁᓯᕆᙱᑕᓄᑦ ᐱᐅᓯᖃᓕᖅᑎᑕᐅᓂᕐᓂ ᓲᕐᓗ ᓈᒻᒪᙱᑦᑐᓂ ᐃᒡᓗᒃᓴᓂ, ᐋᖓᔮᕐᓇᖅᑐᓂ ᐊᑐᕐᓂᕐᓘᑕᐅᔪᓂ ᐊᒻᒪ ᐃᓕᖅᑯᓯᒥᒃ ᓱᕋᐃᓂᐅᔪᒥ ᓱᓕ ᐱᑕᖃᕐᔪᐊᖅᐳᑦ.”

ᐊᑲᐅᙱᓕᐅᕈᑕᐅᔪᒥ ᐊᖏᓂᖅᓴᐅᕗᖅ ᐃᓄᖕᓂ ᑐᐊᕕᕐᓇᖅᑐᒦᑐᐃᓐᓇᕐᓂᖓᓂ, ᐅᖃᓚᐅᖅᐳᖅ.

ᑲᑎᒪᔨᕋᓛᖑᔪᓂ ᐃᓚᒋᔭᐅᔪᑦ ᑐᓴᓚᐅᖅᐳᑦ ᑭᒡᓕᖃᖅᑎᑦᑎᓂᕐᒥ ᑮᓇᐅᔭᖃᖅᑎᑦᑎᓂᕐᒥ ᐃᒻᒥᓃᖅᑎᑦᑎᑦᑕᐃᓕᒪᓂᕐᒧᑐᐊᖅ ᓈᒻᒪᓚᐅᙱᓚᖅ. ᑮᓇᐅᔾᔭᒃᓴᓂᐅᔪᒥ ᐊᒻᒪ ᐃᓅᖃᑎᒌᖑᔪᓄᑦ ᖃᓄᐃᙱᑦᑎᐊᕐᓂᐅᔪᒥ ᐃᓱᒪᒋᔭᐅᔭᕆᐊᖃᖅᐳᑦ “ᓄᖅᑲᖅᑎᑦᑎᓂᕐᒥ ᓄᓇᖃᖅᑳᖅᓯᒪᔪᓂ ᐃᓄᖕᓂ ᑎᑭᐅᑎᓂᖏᓐᓂ ᑐᐊᕕᕐᓇᕐᓂᐅᔪᒥ ᑎᑭᐅᑎᓂᕐᒥ ᓯᕗᓪᓕᖅᐸᐅᔪᒥ,” ᐅᓂᒃᑳᓕᐊᖅ ᐅᖃᓚᐅᖅᐳᖅ.

ᑕᐃᒪᐃᓐᓂᖓᓂ, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑏᑦ ᐃᓚᓕᐅᔾᔨᓚᐅᖅᐳᑦ ᐊᑐᓕᖁᔭᐅᓇᔭᖅᑐᓂ ᓄᑖᙳᖅᑎᑦᑎᓂᐅᔪᒥᓂ ᐃᓚᖃᕆᐊᖃᖅᐳᑦ “ᐃᓅᓯᕐᒥ ᖁᕝᕙᖅᓴᐃᓂᐅᔪᒥ” ᐅᕝᕙᓘᓐᓃᑦ ᑮᓇᐅᔭᖃᖅᑎᑕᐅᓂᐅᔪᒥ ᐃᓅᓰᑦ−ᒪᑭᒪᐅᑎᓪᓗ ᐱᔭᕆᐊᖃᖅᑕᖏᓐᓂ.

ᐊᐱᕆᓚᐅᕆᕗᑦ ᓄᑖᖑᔪᒥ ᐱᑎᑦᑎᑦᑕᐃᓕᒪᓂᕐᒧᑦ ᐸᕐᓇᒍᑕᐅᔪᒥ ᑐᓂᓯᓂᖓᓂ “ᓴᖑᓴᕋᐃᑦᑐᒥ ᑮᓇᐅᔭᑎᒍᑦ ᐃᑲᔪᖅᓱᐃᓂᐅᔪᒥ” ᐱᓕᒻᒪᒃᓴᐃᓂᕐᓂ ᓴᓇᓯᒪᔪᓂ ᐊᒻᒪ ᐊᑐᓕᖅᑎᑕᐅᓂᖓᓂ ᓄᓇᓕᖕᒥᐅᑕᓂ ᐃᒻᒥᓂᒃ ᐊᐅᓚᑦᑎᔪᓐᓇᕐᓂᕐᒥ.

ᐱᖅᑯᓯᕆᙱᑕᓄᑦ ᐱᐅᓯᖃᓕᖅᑎᑕᐅᓂᖅ ᐊᑐᖅᑕᐅᓂᑯᓂ ᐊᒻᒪ ᐱᐅᓯᖃᑎᒌᖑᔪᓂ ᐱᓂᕐᓗᒡᔪᐊᕐᓂᐅᔪᓂ ᐃᓱᒪᒋᔭᐅᓂᖏᓐᓄᑦ, ᐱᓕᕆᐊᖑᔪᑦ ᐃᓕᖅᑯᓯᒧᑦ ᓈᒻᒪᓪᓗᐊᖅᐳᑦ ᐊᒻᒪ ᐱᓂᕐᓗᒡᔪᐊᕐᓂᐅᔪᒥ−ᐅᖃᐅᔾᔨᓯᒪᓂᕐᒥ, ᐅᓂᒃᑳᓕᐊᖅ ᐅᖃᖅᓯᒪᕗᖅ.

ᑲᑎᒪᔨᕋᓛᑦ ᓴᓇᕗᖅ ᖃᔅᓯᒐᓚᖕᓂ ᐊᑐᓕᖁᔭᐅᓇᔭᖅᑐᓂ ᐊᓯᐊᒍᑦ ᐃᓱᒪᒃᓴᖅᓯᐅᕆᓂᖃᖅᖢᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ. ᐊᐱᕆᓪᓚᕆᒃᐳᖅ ᐃᓄᒋᐊᖕᓂᐅᔪᑦ ᑭᒡᒐᖅᑐᖅᑕᐅᓯᒪᓗᐊᖅᑐᓂ ᐃᒻᒥᓃᕐᓂᕐᒧᑦ ᑭᓪᓕᓯᓂᐊᕐᓂᐅᔪᓂ ᑐᕌᒐᕆᔭᐅᓪᓚᑦᑖᖅᑐᒥ ᓄᖅᑲᖅᑎᑦᑎᓂᐅᔪᒥ.

ᐅᔾᔨᕆᓚᐅᕆᕗᖅ ᑲᓇᑕᓕᒫᒥ ᐸᕐᓇᒍᑕᐅᔪᒥ ᐃᓕᓴᖅᓯᓪᓗᐊᖅᐳᖅ ᐊᒻᒪ ᐃᓚᓕᐅᔾᔨᓗᓂ “ᖃᐅᔨᒪᔨᕐᔪᐊᖑᔪᓂ ᐊᒻᒪ ᖃᐅᔨᒪᓂᐅᔪᒥ ᓄᓇᓕᖕᒥᐅᑕᓂ ᐃᓚᐅᑎᑦᑎᓂᕐᒥ ᑐᕌᖓᓂᖃᓪᓚᕆᒃᑐᒥ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔨᕐᔪᐊᖑᔪᓂ ᐆᒪᓯᒪᔪᓂ ᐊᒻᒪ ᐊᑐᖅᓯᒪᔪᒥ ᐊᑐᕐᓂᑯᓂ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ.”

ᓱᕈᓰᑦ ᐱᔭᕆᐊᖃᖅᐳᑦ ᖃᓄᐃᙱᑦᑎᐊᖅᑐᒥ ᐊᒻᒪ ᐊᑦᑕᓇᙱᑦᑐᓂ ᐊᕙᑎᐅᔪᓂ “ᓂᕿᒃᓴᖃᑦᑎᐊᕐᓗᑎᒃ ᐊᒻᒪ ᐃᓕᓐᓂᐊᕐᓂᐅᔪᒥ,” ᑭᓯᐊᓂ ᓯᕗᓪᓕᕐᒥ ᐊᒻᒪ ᐱᒻᒪᕆᐅᓛᖑᔪᒥ “ᐱᔭᕆᐊᖃᖅᐳᒍᑦ ᓱᕈᓯᕐᓂ ᐊᑦᑕᓇᖅᑐᒦᙱᓐᓂᖏᓐᓂ,” ᐆᐱᑦ ᐅᖃᓚᐅᖅᐳᖅ ᐅᓂᒃᑳᓕᐊᒥ.

ᐅᑯᐊ ᐃᑲᔪᕈᑎᒃᓴᐅᕗᑦ ᐃᓄᖕᓄᑦ ᖁᐊᖅᓵᕐᓇᖅᑐᒦᑦᑐᓄᑦ ᐅᖃᖃᑎᖃᕆᐊᖃᖅᑐᓂ ᑭᓇᑐᐃᓐᓇᒧᑦ:

ᑲᒪᑦᓯᐊᖅᑐᑦ ᓄᓇᕗᒻᒥ ᐃᑲᔪᖅᑕᐅᓂᕐᒧᑦ ᐅᖃᓗᒡᕕᒃᓴᖅ ᓄᓇᕗᒻᒧᑦ–ᑐᕌᖓᓕᐅᕗᖅ ᐊᒻᒪ ᐊᑐᐃᓐᓇᖃᖅᐳᖅ ᐱᔨᑦᑎᕋᕐᓂᐅᔪᓂ ᐃᓄᒃᑎᑐᑦ. ᐅᖃᓘᑎᖓ: 979-3333 ᐃᖃᓗᖕᒥᐅᑕᐅᔪᓄᑦ ᐊᒻᒪ 1-800-265-3333 ᐊᓯᖏᓐᓄᑦ ᓄᓇᕗᒻᒥᐅᓄᑦ.

ᐊᓪᓚᓄᑦ ᐊᒻᒪ ᐃᓄᖕᓄᑦ ᓂᕆᐅᖕᓂᐅᔪᖅ ᖃᓄᐃᙱᑦᑎᐊᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᐅᖃᓗᒡᕕᒃᓴᖅ: 1-855-242-3310 ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᐅᖃᖃᑎᖃᕐᓗᓂ ᐅᕙᓂ hopeforwellness.ca.