ᓄᓇᕕᒃᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐳᕙᒡᓗᖕᓇᒥ ᐱᓕᕆᐊᖃᕐᓂᕐᓴᐅᓂᐊᕐᑐᑦ ᓄᕙᒡᔪᐊᕐᓇᖅ-19 ᐱᑕᖃᕈᓐᓃᖅᐹᓪᓕᖅᑎᓪᓗᒍ

ᐅᓄᕐᓂᕐᓴᓂᒃ ᐃᑲᔫᑎᒃᓴᓂ ᐊᑐᐃᓐᓇᖅᑕᖃᕐᓂᕐᓴᐅᓂᐊᕐᑐᖅ ᐃᓕᓐᓂᐊᕈᑎᒃᓴᓂᒃ, ᖃᐅᓴᖅᑕᐅᔾᔪᑎᓂᒡᓗ ᐅᖃᖅᑐᖅ ᑕᒪᖑᖓ ᐊᖓᔪᖅᑳᖅ ᐋᓐᓂᐊᖃᖅᑕᐃᓕᓂᕐᒧᑦ

ᓘᒃᑖᖅ ᒪᕆ ᕈᓯᐊᑦ, ᓄᓇᕕᒃᒥ ᐊᐅᓚᑦᑎᔨ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐅᖃᓚᐅᕐᑐᖅ ᐅᓄᕈᓐᓃᖅᐹᓪᓕᕐᓂᖏᓐᓄᑦ ᓄᕙᒡᔪᐊᕐᓇᖅ-19-ᒥ ᐋᓐᓂᐊᖃᕐᑐᑦ ᑖᒃᑯᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐳᕙᒡᓗᒃᑕᐃᓕᓂᕐᒥ ᐱᓕᕆᐊᖃᒃᑲᓂᕈᓐᓇᕐᓂᕋᖅᑕᖏᑦ. (ᐊᔾᔨᙳᐊᖅ ᐅᑯᓇᙵᑦ ᓄᓇᕕᒃᒥ ᐋᓐᓂᐊᖃᖕᓇᙱᑦᑐᓕᕆᔩᑦ ᐊᒻᒪ ᐃᓄᓕᕆᔨᒃᑯᑦ ᑲᑎᒪᔨᖏᓐᓂᒃ)

By ᔨᐊᕝ ᐱᐊᑦᓯᐃ

For an English version of this story, please see Nunavik health board returns to TB prevention as COVID-19 declines

ᐅᓄᕈᓐᓃᖅᐸᓪᓕᕐᓂᖏ ᓄᕙᒡᔪᐊᕐᓇᖅ-19-ᒥ ᐋᓐᓂᐊᖃᕐᑐᑦ ᓄᓇᕕᒃᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ ᐱᓕᕆᐊᖃᒃᑲᓐᓂᕈᓐᓇᕐᓂᐊᓕᕐᑐᑦ ᐊᑲᐅᙱᓕᐅᕈᑎᐅᔭᐃᓐᓇᕐᒥᔪᒥᒃ ᑕᒫᓂ ᐳᕙᒡᓗᖕᓇᕐᒥ.

ᐳᕙᒡᓗᖕᓇᒧᑦ ᖃᐅᔨᓴᕐᑕᐅᓂᖅ ᐊᒻᒪ ᐱᓕᕆᐊᖑᓂᒃ ᐊᑐᐃᓐᓇᐅᖏᓐᓇᓚᐅᕐᑐᖅ ᐋᓐᓂᐊᕕᒡᔪᐊᕐᓇᖅᑕᖃᖅᑎᓪᓗᒍ, ᐅᖃᕐᑐᖅ ᓘᒃᑖᖅ ᒪᕆ ᕈᓯᐊᑦ, ᓄᓇᕕᒃᒥ ᐊᐅᓚᑦᑎᔨ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ. ᑭᓯᐊᓂᓕ ᓄᕙᒡᔪᐊᕐᓇᖅ-19 ᐋᓐᓂᐊᖅᑖᕆᔭᐅᑲᑕᒃᑎᓪᓗᒍ ᐊᒻᒪᓗ ᖃᓄᐃᓕᐅᖅᑕᐃᓕᑲᑕᒃᖢᑎᒃ ᐊᕐᕌᒎᖕᓂ ᒪᕐᕉᖕᓂ ᐊᔪᕐᓇᕈᑎᐅᓯᒪᖕᒪᑦ ᓄᓇᓕᖕᓂ ᖃᐅᔨᓴᖅᑕᐅᔾᔪᑎᓕᕆᓂᕐᒥᒃ.

“ᓄᓇᓖᑦ ᐃᓱᒫᓘᑎᖃᕐᓂᕐᓴᐅᓚᐅᕐᒪᑕ ᓄᕙᒡᔪᐊᕐᓇᒥᒃ ᐳᕙᒡᓗᖕᓇᐅᙱᓐᓂᕐᓴᒥᒃ,” ᕈᓯᐊᑦ ᐅᖃᓚᐅᕐᑐᖅ ᐊᐱᖅᓱᖅᑕᐅᑎᓪᓗᒍ ᒫᔅᓯ 24-ᒥ, ᑖᓐᓇᓗ ᓄᓇᕐᔪᐊᕐᒥᓐ ᐳᕙᓪᓗᖕᓇᐅᑉ ᐅᓪᓗᕆᓚᐅᖅᖢᓂᐅᒃ.

“ᐸᕐᓇᒃᓯᒪᒐᑦᑕ ᒪᕐᕈᐃᕐᐸᒡᓗᑕ ᐱᖓᓱᐃᕐᓗᑕᓘᓐᓃᑦ ᓄᓇᓕᖕᓂ ᖃᐅᔨᓴᖃᑦᑕᕐᓗᑕ ᐊᕐᕌᒎᑉ ᐃᓗᐊᓂ, ᐊᒻᒪᓗ ᐊᑕᐅᓰᖅᖢᑕ ᐱᓕᕆᐊᖃᕈᓐᓇᓚᐅᕋᑦᑕ ᐱᔾᔪᑎᒋᓪᓗᒍ ᐋᓐᓂᐊᕕᒡᔪᐊᕐᓇᖅ ᓲᖃᐃᒻᒪ ᐃᑲᔪᕈᑎᐅᕙᒃᑐᑦ ᐊᒃᑐᖅᑕᐅᓯᒪᓚᐅᕐᒪᑕ ᓄᕙᒡᔪᐊᕐᓇᖅ-19-ᒧ.”

ᐳᕙᒡᓗᖕᓇᖅ ᐋᓐᓂᐊᕆᔭᐅᓂᕐᓴᐅᕙᖕᓄᑦ ᐃᓄᐃᑦ ᓄᓇᖓᓂᒃ ᖃᓪᓗᓈᑦ ᓄᓇᖓᓂᓪᓕ, ᕈᓯᐊᑦ ᐅᖃᓚᐅᕐᑐᖅ. ᐃᒡᓗᐃᑦ ᐃᓄᒋᐊᓗᐊᕐᓂᖏᓐᓄᑦ, ᐊᒻᒪᓗ ᐃᒥᐊᓗᖃᑦᑕᕐᓂᕐᒧᑦ, ᓯᒡᒐᓖᓂᒡᓗ ᐊᒻᒪ ᓱᐴᖅᑐᒐᕐᓂᒃ ᐊᑐᖃᑦᑕᕐᓂᖅ ᐅᓗᕆᐊᓇᕈᑎᐅᖕᒥᖕᒪᑦ ᑕᒪᑐᒧᖓ ᐱᐅᔪᓐᓃᖅᐹᓪᓕᑎᑦᑎᔪᓐᓇᕐᒪᑕ.

ᐳᕙᒡᓗᖕᓇᖅᒥᒃ ᐃᒃᐱᒍᓱᖕᓇᖅᑐᖅ ᒪᑯᓄᖓ ᐊᑯᓂᐊᓗᒃ ᖁᐃᕐᓱᖃᑦᑕᕐᓂᖅ, ᓴᒡᕕᒃᑯᑦ ᐋᓐᓂᐊᖃᑦᑕᕐᓂᖅ, ᓴᙲᖂᔨᑲᑕᖕᓂ ᐅᕝᕙᓘᓐᓃᑦ ᑕᖃᓯᒪᐃᓐᓇᕐᓂᖅ, ᐅᕿᓗᐊᓕᕐᓂᖅ, ᐆᑎᖃᑦᑕᕐᓂᖅ ᐊᒻᒪ ᐅᓐᓄᐊᒃᑯᑦ ᐊᐅᒪᔮᖃᑦᑕᓗᐊᕐᓂᖅ, ᑕᐃᒪᐃᓐᓂᕋᖅᑕᐅᓪᓗᓂ ᓄᓇᕐᔪᐊᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ. ᐳᕙᒡᓗᓕᖃᑦᑕᖅᑐᑦ ᐋᓐᓂᐊᕐᓇᖅᑐᒥ ᐊᐃᑦᑐᖅᑕᐅᓂᕐᒧᑦ ᐊᒻᒪᓗ ᐊᐃᑦᑑᑎᐅᔭᓪᖢᓂ ᖁᐃᕐᓱᕐᓂᒃᑯᑦ, ᐅᖃᓪᓚᖕᓂᒃᑯᑦ ᐅᕝᕙᓘᓐᓃᑦ ᐃᙱᑲᑕᖕᓂᒃᑯᑦ.

ᐃᑲᔪᕈᑎᒃᓴᖅᑕᖃᐅᕐᓂᖅᓴᐅᓕᖅᖢᓂ ᒫᓐᓇ, ᕈᓯᐊᑦ ᐅᖃᓚᐅᕐᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᖅᑎᑦᑎᕙᖕᓂᕐᒥᒃ ᐱᓕᕆᐊᖃᕈᓐᓇᕐᓂᕐᓴᐅᓂᕋᓕᖅᖢᓂᒋᑦ, ᐋᓐᓂᐊᖅᑖᖅᑕᐃᓕᓂᕐᒥᒃ, ᐱᓕᕆᐊᕆᔭᐅᓂᕐᒥᒃ ᐊᒻᒪᓗ ᐃᓱᒪᒋᔭᐅᕙᒃᑐᓂᒃ ᐃᓄᖕᓄᑦ ᐋᓐᓂᐊᓕᕌᖓᑕ.

ᐅᖃᒃᑲᓐᓂᓚᐅᕐᑐᖅ ᐳᕙᒡᓗᖕᓇᕐᒥ ᖃᐅᔨᓴᖅᑕᐅᖃᑦᑕᕈᓐᓇᕐᓂᕋᐃᓪᓗᓂ ᐋᓐᓂᐊᕕᒃᑯᑦ ᑕᒪᓐᓇᓗ ᐊᑐᐃᓐᓇᐅᑎᑕᐅᖏᓐᓇᕐᓗᓂ.

“ᖃᐅᔨᓴᖃᑦᑕᕐᓂᖅ ᐊᑐᖅᑕᐅᖃᑦᑕᐃᓐᓇᓕᖁᒐᑦᑎᒍᑦ ᑕᐃᒪᓕ ᐃᓄᐃᑦ ᑐᙵᓱᒃᑕᐅᖃᑦᑕᕋᔭᕐᑐᑦ ᖃᐅᔨᓴᖅᑕᐅᔪᓐᓇᕐᓗᑎ ᐊᕐᕌᒎᒃ ᒪᕐᕉᒃ ᐊᓂᒍᕌᖓᑦ,” ᐅᖃᕐᑐᖅ. “ᐅᓇ ᓄᑖᖅ ᖃᓄᐃᓕᐅᕈᑎᒃᓴᐅᓂᐊᕐᑐᖅ ᐊᑐᓕᖅᑎᑦᑐᒪᔭᕗᑦ ᐊᒻᒪᓗ ᖃᓄᖅ ᐱᓕᕆᓂᐅᓂᐊᕆᐊᒃᓴᖓᓂ ᖃᐅᔨᓇᓱᒡᓗᑕ.”

ᐳᕙᒡᓗᒃᑐᑦ ᐅᓄᕈᓐᓃᖅᐹᓪᓕᕐᓯᒪᔪᑦ ᓄᓇᕕᒃᒥ ᐊᕐᕌᒎᓵᖅᑐᓂᒃ. ᑎᓴᒪᓂᒃ ᐋᓐᓂᐊᖃᖅᑐᖃᖅᖢᓂ ᑕᒪᑐᒪᓂ ᐊᕐᕌᒍᒥ

ᑖᓐᓇᓗ ᕈᓯᐊᑦ “ᐅᓄᙱᓐᓂᕋᖅᑕᖓ” ᑕᐅᑐᒃᖢᒋᑦ 2019-ᒥ 69-ᓂ ᐳᕙᒡᓗᒃᑐᖃᓚᐅᕐᓯᒪᑎᓪᓗᒍ.

ᐃᓄᒋᐊᒃᑐᓃᑲᑕᙱᓐᓂᕐᓴᐅᓂᖅ ᐊᒻᒪᓗ ᐋᓐᓂᐊᕕᒡᔪᐊᕐᓇᒧᑦ ᐊᑐᖁᔭᐅᓯᒪᙱᑦᑐᑦ ᐳᕙᒡᓗᓇᙱᓐᓂᕐᓴᐅᔾᔪᑎᐅᔪᖅ, ᐅᖃᓚᐅᕐᑐᖅ, ᐅᖃᒃᑲᓐᓂᖅᖢᓂ ᓄᓇᓕᖕᓂ ᖃᐅᔨᓴᖃᑦᑕᕐᓂᖅ ᐃᑲᔪᕈᑎᐅᖕᒪᑦ ᖃᐅᔨᒪᔭᖃᕐᓂᕐᒥᒃ ᐊᒻᒪᓗ ᑲᒪᒋᔭᖃᕐᓂᕐᓴᐅᓐᓇᖅᖢᓂ ᐋᓐᓂᐊᖃᕐᑐᓂᒃ.

ᕈᓯᐊᑦ ᐅᖃᒃᑲᓐᓂᓚᐅᕐᑐᖅ ᓄᓇᕕᒻᒥᐅᑦ ᐃᖅᑲᐅᒪᔭᕆᐊᖃᕐᓂᖏᓐᓂᒃ ᐳᕙᒡᓗᖕᓇᖅ ᑲᒪᒋᔭᐅᔪᓐᓇᕐᓂᖓᓂᒃ. ᐳᕙᒡᓗᒃᑕᐃᓕᒪᔾᔪᑏᑦ ᐃᓅᓕᓴᐅᑎᑦ ᐊᑐᐃᓐᓇᐅᑎᑕᐅᔪᑦ ᐋᓐᓂᐊᕐᑐᓄᑦ ᐊᒻᒪ ᐋᓐᓂᐊᓕᑐᐃᓐᓇᕆᐊᓕᖕᓄᑦ.

“ᐱᓕᕆᖃᑎᖃᕋᑦᑕ ᓄᓇᓕᖕᓂ ᓯᕗᓕᐅᕐᑎᒐᓚᖕᓂ ᐃᓄᖕᓂᓪᓗ ᐊᒻᒪᓗ ᐋᓐᓂᐊᕕᖕᓂᒃ ᐅᓄᕈᓐᓃᖅᑎᑦᑎᓇᓱᒃᖢᑕ ᐊᒻᒪ ᐱᑕᖃᕈᓐᓃᖅᑎᑦᑎᓇᓱᒃᖢᑕ ᐋᓐᓂᐊᕆᔭᐅᔪᒥᒃ ᑕᒫᓂ,” ᐅᖃᕐᑐᖅ.

Share This Story

(0) Comments