ᓄᓇᕕᒃᒥ ᓄᕙᒡᔪᐊᕐᓇᖅ-19-ᒧᑦ ᐃᓅᔪᓐᓃᖅᑐᖃᕆᕗᑦ

For an English version of this story, please see Nunavik reports lowest active COVID-19 case count since New Year’s.

ᓄᓇᕕᒃᒥ ᖁᓕᒋᔭᐅᓪᓗᓂ ᐃᓅᔪᓐᓃᖅᑐᖃᖅᐳᖅ ᓄᕙᒡᔪᐊᕐᓇᖅ-19-ᒧᑦ, ᑎᑎᕋᖅᑕᐅᓯᒪᓚᐅᕐᑐᖅ ᑲᑎᑕᐅᕙᓪᓕᐊᔪᓂᒃ ᑯᐸᐃᒃ ᒐᕙᒪᒃᑯᓐᓂᒃ.

ᐃᓅᔪᓐᓃᓚᐅᕐᑐᖅ ᑖᓐᓇ ᑕᖅᑭᑦ ᑎᓴᒪᑦ ᓯᕗᓂᐊᓂᒃ ᓯᕗᓪᓕᖅᐹᖅ ᓄᕕᐱᕆᒥ ᐃᓅᔪᓐᓃᓚᐅᕐᓯᒪᑎᓪᓗᒍ ᑖᓐᓇᓗ ᐅᖃᐅᓯᐅᓚᐅᙱᑦᑐᑦ ᐅᑯᓇᙵᑦ ᓄᓇᕕᒃᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ ᑲᑎᒪᔨᓄᑦ,

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐅᖃᕈᒪᓚᐅᙱᑦᑐᑦ ᖃᖓ ᐃᓅᔪᓐᓃᓚᐅᕐᒪᖔᑦ, ᐅᕝᕙᓘᓐᓃᑦ ᓇᓂ ᓄᓇᖃᓚᐅᕐᒪᖔ ᐃᓅᔪᓐᓃᓚᐅᕐᑐᖅ ᐅᖃᖅᖢᑎᒃ ᐃᓚᒌᑦ ᑕᒪᐅᖓᒥᐊᖁᔨᙱᓐᓂᖏᓐᓂᒃ.

“ᑕᐃᒪᐃᑦᑐᓂᒃ ᐅᖃᐅᓯᖃᖃᑦᑕᙱᓐᓇᑦᑕ ᑕᒪᐅᖓᒥᐊᕆᐊᖃᙱᓐᓂᖏᓐᓂᒃ ᐊᒻᒪᓗ ᐃᓱᒪᒋᓪᓗᑎᒍᑦ ᐃᓚᖏᑦ,” ᐅᖃᓚᐅᕐᑐᖅ ᑲᑕᓖᓐ ᐴᓕᓐ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐅᖃᓪᓚᒃᑎ ᖃᕋᓴᐅᔭᒃᑯᑦ ᑎᑎᕋᖅᖢᓂ.

ᓄᓇᕕᒃᒧᑦ ᕕᕝᕗᐊᕆ 23-ᒥ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐅᖃᐅᓯᐅᔪᑦ ᓴᖅᑭᔮᖅᑎᑦᑎᓯᒪᓚᐅᕐᑐᑦ 182-ᓂ ᐋᓐᓂᐊᖃᖅᑐᓂᒃ ᓄᓇᕕᒃᒥ. ᐃᓄᒃᔪᐊᒃᒥ ᐅᓄᓛᖑᓚᐅᕐᑐᑦ 93-ᖑᓪᓗᑎᒃ. ᓄᓇᓖᑦ ᐅᓄᓛᖑᖃᑕᐅᔪᓂᒃ ᐋᓐᓂᐊᖃᖅᑐᑦᓂᒃ ᐅᑯᐊᖑᓚᐅᕐᑐᑦ ᑲᖏᖅᓱᔪᐊᖅ 27-ᐅᓪᓗᑎᒃ ᐊᒻᒪᓗ ᑰᔾᔪᐊᖅ 26-ᖑᓪᓗᑎᒃ.

ᑕᓪᓕᒪᑦ ᓄᓇᕕᒃᒥ ᓄᓇᓖᑦ – ᐊᐅᐸᓗᒃ, ᐃᕗᔨᕕᒃ, ᑲᖏᕐᓱᒃ, ᓴᓪᓗᐃᑦ ᐊᒻᒪ ᑕᓯᐅᔭᖅᒥ ᐋᓐᓂᐊᖃᖅᑐᖃᓚᐅᙱᑦᑐᑦ.