ᓄᓇᕕᒃ ᓴᓐᑎᓂᐊᓪ ᐸᕐᓇᒃᐸᓪᓕᐊᔪᑦ ᖁᐱᕐᕈᕈᔪᖕᓂᒃ ᖃᐅᔨᓴᕐᓇᐅᓂᐊᕐᓂᕐᒧᑦ

ᓄᓇᖃᖅᑐᓂᒃ ᐃᖅᑲᓇᐃᔭᖅᑎᖃᕐᓂᖅ ᐃᑲᔪᕈᑎᒻᒪᕆᐅᕗᖅ ᑐᑭᓯᓯᒪᒃᑲᓐᓂᕐᓂᕐᒥ ᐅᑭᐅᕐᑕᖅᑐᕐᒥ ᐊᔾᔨᒌᙱᑦᑑᑎᓂ ᐆᒪᔪᓂ, ᐱᓕᕆᐊᒧᑦ ᑐᑭᒧᐊᖅᑎᑦᑎᔨ ᐅᖃᕐᑐᖅ.

ᑕᕐᕋᓕᑭᓵᖅ, ᐅᕙᓂ ᐊᔾᔨᖃᕐᑐᖅ, ᐃᓚᒋᔭᐅᔪᖅ ᐅᓄᕈᓘᔭᕐᑐᓂᒃ ᖁᐱᕐᕈᕈᔪᖕᓂ ᓄᓇᕕᒃ ᓴᓐᑎᓂᐊᓪ ᖃᐅᔨᓴᖅᑕᖏᓐᓂᒃ ᐅᑭᐅᕐᑕᖅᑐᕐᒥ. ᓄᓇᖃᕐᑐᑦ ᐃᖅᑲᓇᐃᔭᖅᑎᒋᔭᐅᔪᑦ ᐃᑲᔪᖃᑦᑕᓪᓚᕆᒃᑐᑦ ᖃᐅᔨᓴᖅᑎᓂᒃ ᑐᑭᓯᓯᒪᓂᕐᒥᒃ ᖁᐱᕐᕈᐃᑦ ᐊᔾᔨᒌᙱᑦᑑᑎᐅᓂᖏᓐᓂᒃ ᐊᒻᒪ ᐆᒪᔪᐃᑦ ᓇᔪᒐᖃᕐᕕᖏᓐᓂᒃ ᐅᑭᐅᕐᑕᖅᑐᕐᒥ, ᐅᖃᓚᐅᕐᑐᖅ ᐱᓕᕆᐊᒧᑦ ᑐᑭᒧᐊᖅᑎᑦᑎᔨ. (ᐊᔾᔨᙳᐊᖅ ᐅᕙᙵᑦ ᒫᒃᓯᒻ ᓕᐅᕆᕖ)

By ᔨᐊᕝ ᐱᐊᓯᐃ

ᖃᐅᔨᕙᓪᓕᐊᓂᖅ ᖁᐱᕐᕈᕈᔪᖕᓂ/ᐊᓇᙱᕐᓂ ᐅᐸᒃᓯᒪᕙᙱᑕᖏᓐᓃᑦᑐᓂᒃ ᖃᐅᔨᓴᕈᑎᐅᔪᒪᔪᖅ ᓄᓇᕕᒃ ᓴᓐᑎᓂᐊᓪᑯᓐᓄᑦ ᑯᐸᐃᒃ ᐅᐊᖕᓇᖓᓂᒃ, ᐱᓕᕆᐊᒧᑦ ᑐᑭᒧᐊᖅᑎᑦᑎᔨ ᐊᓂᔨ ᒍᕆᒍᐊ ᑎᐊᓕᕗ ᐅᖃᓚᐅᕐᑐᖅ.

ᓯᕗᓂᐊᓂ ᑕᑉᐸᐅᙵᖃᑦᑕᕐᓯᒪᑎᓪᓗᒍ ᖃᐅᔨᓴᕐᑎᐅᔪᑦ ᖃᐅᔨᓕᓚᐅᕐᑐᑦ ᑕᕐᕋᓕᑭᓵᑦ ᑕᐃᔭᐅᔪᑦ chequered skippers — ᐅᕝᕙᓘᓐᓃᑦ Arctic skippers — ᐅᕙᓂ ᑰᕈᕐᔪᐊᖅ ᒥᕐᖑᐃᕐᓯᕕᒃᒥᑦ, 400 ᑭᓛᒥᑕᔅ ᐅᐸᒃᓯᒪᕙᒃᑕᖏᑦᑕ ᐅᖓᓯᒃᑎᒋᔪᒦᖢᑎᒃ. ᐅᑯᐊ ᓴᓐᑎᓂᐊᔅ ᖃᐅᔨᓚᐅᕐᒥᔪᑦ ᐱᑕᖃᓕᕐᓂᖓᓂᒃ ᒪᑯᓂᖓ ladybird beetles — ᖃᐅᔨᒪᔭᐅᓂᕐᓴᐅᓲᖅ ᓚᐃᑎᐸᒡᔅᓂ ladybugs — ᐆᒪᔪᐃᑦ ᐃᓱᒫᓘᑎᒋᔭᐅᓂᑯᑦ ᓂᒡᓚᓱᒃᑐᒥ ᐆᒪᔪᓐᓇᕆᐊᒃᓴᖏᓐᓂᒃ.

“ᖃᐅᔨᒪᑐᐃᓐᓇᖅᖢᓂ ᐆᒪᔪᐃᑦ ᑕᒫᓃᓐᓂᖏ ᐊᒻᒪᓗ ᖃᐅᔨᒪᓪᓗᓂ ᑭᓲᓂᖏᓐᓂᒃ ᐊᒻᒪᓗ ᑭᓱᓂ ᐆᒪᔾᔪᑎᖃᕐᒪᖔᑕ, ᑕᐃᒪᓕ ᑐᓴᐅᒪᔭᕆᐊᖃᕋᑦᑕ ᓴᐳᑎᓯᒪᓂᐊᕈᑦᑎᒍᑦ … ᑕᒪᒃᑯᐊ ᐱᒻᒪᕆᐅᖕᒪᑕ ᖃᐅᔨᒪᓗᒋᑦ,” ᐅᖃᕐᑐᖅ ᒍᕆᒍᐊ ᑎᐊᓕᕗ, ᒪᓐᑐᕆᐊᒥ ᑐᑭᒧᐊᖅᑎᑦᑎᔨᐅᔪᖅ ᓄᓇᕕᒃᒥ ᓴᓐᑎᓂᐊᒧᑦ ᐱᓕᕆᐊᓂᒃ ᐊᒻᒪᓗ ᖁᐱᕐᕈᕈᔪᖕᓂ ᖃᐅᔨᓴᖅᑎᐅᓪᓗᓂ.

“ᑖᒃᑯᓄᖓ ᑐᙵᕕᐅᓇᔭᕐᑐᓂᒃ ᖃᐅᔨᒪᓂ ᓯᕗᓪᓕᖅᐹᒥ ᐱᒻᒪᕆᐅᓛᖑᕗᖅ.”

ᐅᑯᐊ ᓄᓇᕕᒃ ᓴᓐᑎᓂᐊᑯᑦ ᖃᐅᔨᓴᖅᑎᓂ ᐅᑭᐅᕐᑕᖅᑐᕐᒧᐊᖅᑎᑦᑎᒃᑲᓐᓂᕈᒪᔪᑦ ᐊᐅᔭᖅ ᐊᒻᒪᓗ ᐱᒋᐊᖅᑎᑦᑎᒃᑲᓐᓂᕐᓗᑎᒃ ᖃᐅᔨᓴᕐᓂᕐᒧᑦ ᐊᔪᕈᓐᓃᕐᓴᕐᕕᒃᒥ ᓄᓇᕕᒻᒥᐅᓂᒃ ᑯᐱᕐᕈᓕᕆᓂᕐᒥᒃ ᐱᓕᕆᑎᑦᑎᓂᕐᓴᐅᓇᓱᒡᓗᑎᒃ.

ᓄᓇᕕᒃ ᓴᓐᑎᓂᐊᓪ ᐱᓕᕆᐊᕆᔭᐅᔪᖅ ᐊᐅᓚᑕᐅᓪᓗᓂ ᒪᓐᑐᕆᐊᓪ ᖁᐱᕐᕈᓕᕆᕝᕕᒃᒥᑦ (Montreal Insectarium) — ᖁᐱᕐᕈᕈᔪᖕᓂ ᑕᑯᔭᒐᖃᕐᕕᒃ — ᐃᖅᑲᓇᐃᔭᖅᑎᖃᖅᐸᒃᓗᑎᒃ ᐃᓅᓱᒃᑐᓂᒃ ᐃᓄᖕᓂ ᐊᒻᒪ ᐊᓪᓚᓂ ᑯᕇᓂ ᑯᐸᐃᒃ ᐅᐊᖕᓇᖓᓂᒃ ᐃᑲᔪᕈᑎᒃᓴᓄᑦ ᖃᐅᔨᓴᕐᓂᕐᒥᒃ ᐊᔾᔨᒌᙱᑦᑑᑎᓂᒃ ᖁᐱᕐᕈᕈᔪᖕᓂ ᐊᒻᒪ ᐋᓱᕙᖕᓂ ᐅᑭᐅᕐᑕᖅᑐᕐᒥᐅᑕᓂᒃ.

ᐅᓇ ᐱᓕᕆᐊᕆᔭᐅᔪᖅ ᐱᒋᐊᖅᑕᐅᓚᐅᕐᓯᒪᔪᖅ 2015-ᒥ ᐊᒻᒪᓗ ᐃᓚᖃᓕᖅᖢᓂ ᖃᐅᔨᓴᕈᑎᐅᓯᒪᔪᓂᒃ ᐅᓄᒻᒪᕆᒃᑐᓂᒃ ᑕᕐᕋᓕᑭᓵᕐᓂᒃ ᐊᒻᒪ ᐊᓯᖏᓐᓂᒃ (moths ᐊᒻᒪ beetles), ᐅᖃᓚᐅᕐᑐᖅ ᒍᕆᒍᐊ ᑎᐊᓕᕗ.

ᐊᕐᕌᒎᒃ ᒪᕐᕉᒃ ᐅᑭᐅᕐᑕᖅᑐᕐᒧᐊᕈᓐᓇᙱᐊᓪᓚᓚᐅᖅᖢᑎᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, ᒍᕆᒍᐊ ᑎᐊᓕᕗ ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᑕᑯᔪᒪᓂᖓᓂᒃ ᓴᓐᑎᓂᐊᓪ ᐅᓄᕐᓂᕐᓴᓂᒃ ᖃᐅᔨᓴᕐᑎᓂ ᓄᓇᕕᒃᒧᙵᐅᓂᐊᖅᑐᓂᒃ ᑕᒪᑐᒪᓂ ᐊᕐᕌᒍᒥ, ᐊᒻᒪᓗ ᐱᓇᓱᐊᕈᓯᓕᒫᖅ ᖁᐱᕐᕈᕈᔪᖕᓂ ᖃᐅᔨᓴᕐᓂᕐᒧᑦ ᐊᔪᕈᓐᓃᖅᓴᖅᑎᑦᑎᕙᖕᓂᕐᒥᒃ.

“ᐊᐅᔭᐅᔪᖅ ᑕᑉᐸᐅᙵᐅᔪᒪᔪᒍ ᐊᒻᒪ ᐅᐸᒍᑎᓯᒪᓗᑕ ᐱᓕᕆᐊᖃᕐᓗᑕ,” ᐅᖃᕐᑐᖅ.

ᐅᑭᐅᕐᑕᖅᑑᑉ ᓯᓚᖓᓄᑦ ᖁᐱᕐᕈᕈᔪᖕᓂ ᓄᐊᑦᑎᑲᑕᖕᓂᖅ ᓇᐃᑦᑑᕙᒃᑐᖅ — ᐃᒻᒪᖄᑦ ᐱᓇᓱᐊᕈᓯᑦ 8 ᔫᓂᒥ ᐋᒐᓯᒧ.

ᖃᐅᔨᓴᖅᑕᐅᔪᒃᓴᓂᒃ ᐱᓕᕆᐊᖃᕈᓐᓇᑦᑎᐊᕈᒪᓂᒃᒧᑦ ᐅᓇ ᐱᓕᕆᐊᒃᓴᖅ ᐊᔪᕈᓐᓃᕐᓴᖅᑎᑦᑎᔾᔪᑎᐅᔪᖅ ᐊᒻᒪ ᐃᖅᑲᓇᐃᔭᖅᑎᑦᑎᔾᔪᑎᐅᕙᒃᖢᓂ ᐃᓅᓱᒃᑐᓂᒃ ᐅᑭᐅᕐᑕᖅᑐᕐᒥᐅᑕᓂᒃ ᐊᕐᕌᒍᓕᖕᓂ 15-ᓂ 30-ᓄ ᐊᔾᔨᒌᙱᑦᑐᓂᒃ ᖁᐱᕐᕈᕈᔪᖕᓂ ᐊᕝᕗᖃᑦᑕᕋᔭᕐᑐᓂᒃ.

ᓂᒡᓚᓱᑲᑕᖕᓂᕐᓴᐅᑎᓪᓗᒍ ᑕᖅᑭᓂ, ᖃᐅᔨᓴᖅᑏᑦ ᑲᑎᑕᐅᓯᒪᔪᓂᒃ ᖃᐅᔨᓴᕈᓐᓇᕐᑐᑦ ᐊᒻᒪᓗ ᑐᓴᐅᒪᑎᑦᑎᔪᓐᓇᖅᖢᑎᒃ ᓄᓇᓕᖕᓂ ᖃᐅᔨᕙᓪᓕᐊᔭᖏᓐᓂᒃ.

ᒍᕆᒍᐊ ᑎᐊᓕᕗ ᐅᖃᓚᐅᕐᑐᖅ ᓄᓇᓕᖕᓂ ᖃᐅᔨᓴᕐᑎᐅᔪᑦ ᐅᕘᓇ ᓄᓇᕕᒃ ᓴᓐᑎᓂᐊᓪᑯ ᐃᑲᔪᕐᓯᒪᖕᒪᑕ ᖁᐱᕐᕈᕐᓂᒃ ᐱᓕᕆᔨᐅᔪᓂᒃ ᓄᑖᓂ ᓴᖅᑭᑉᐸᓪᓕᐊᔪᓂᒃ ᓄᓇᕕᒻᒥ ᐊᒻᒪᓗ ᑐᑭᓯᔪᓐᓇᕐᓗᑎᒃ ᖃᓄᖅ ᑕᒪᒃᑯᐊ ᓯᐊᕐᒥᑎᓯᒪᖕᒪᖔᑕ. ᖃᐅᔨᒪᓂᐊᕐᓗᓂ ᖁᐱᕐᕈᕈᔪᐃᑦ ᖃᓄᐃᑉᐸᓪᓕᐊᓂᖏᓐᓂᒃ ᓄᓇᕕᒻᒥ ᐃᑲᔪᕈᑎᒻᒪᕆᐅᖕᒪᑦ. ᒍᕆᒍᐊ ᑎᐊᓕᕗ ᐅᖃᕐᑐᖅ. ᓯᓚ ᐊᓯᙳᖅᐸᓪᓕᐊᑎᓪᓗᒍ ᑕᒪᒃᑯᓂᖓ ᑐᑭᓯᓯᒪᓗᓂ ᐊᒻᒪ ᐊᒃᑐᐃᔾᔪᑎᖏᓐᓂᒃ ᐊᓯᖏᓐᓄᑦ ᓂᕐᔪᑎᓄᑦ ᐊᒻᒪ ᐱᕈᖅᑐᓄᑦ ᐆᒪᔪᐃᑦ ᓇᔪᒐᖃᕐᕕᖓᓂ ᑐᑭᓯᕚᓪᓕᕈᑎᐅᔪᓐᓇᕐᒪᑕ ᑕᒫᓂ.

ᐊᐅᔭᖅ ᑎᑭᑉᐸᓪᓕᐊᓕᕐᑎᓪᓗᒍ ᒍᕆᒍᐊ ᑎᐊᓕᕗ ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᐃᓅᓱᒃᑐᓂᒃ ᓄᓇᕕᒻᒥ ᐃᖅᑲᓇᐃᔭᖅᑎᖃᒃᑲᓐᓂᕈᒪᓂᕋᖅᖢᓂ ᖁᐱᕐᕈᕈᔪᖕᓂ ᐱᓕᕆᐊᖃᕐᓂᒃᑯᑦ ᐃᑲᔪᕈᓐᓇᕐᓂᐊᕐᒪᑕ ᖃᐅᔨᓴᕐᑎᓂ ᑐᑭᓯᕚᓪᓕᕈᓐᓇᕐᓗᑎᒃ ᐅᑭᐅᕐᑕᖅᑐᕐᒥ ᐆᒪᔪᐃᑦ ᓇᔪᒐᖃᕐᕕᖏᓐᓂᒃ.

“ᐃᓚᐅᓂᐊᕐᓗᑎ ᑕᒪᒃᑯᓂᖓ ᖃᔨᓴᕈᑎᓂᒃ ᐃᓅᓱᒃᑐᑦ ᐱᓕᕆᔨᒻᒪᕆᐅᓕᕈᓐᓇᕐᑐᑦ ᓄᓇᖏᓐᓂᒃ ᐆᒪᔪᓕᕆᓂᕐᒥᒃ ᖃᐅᔨᒪᓕᕈᓐᓇᕐᓗᑎᒃ,” ᐅᖃᕐᑐᖅ.

Share This Story

(0) Comments

Join the Conversation

Your email address will not be published. Required fields are marked *

*