ᓄᓇᕗᒥᑦ ᐃᓕᓐᓂᐊᕐᓂᐊᕐᓵᖅᑐᓄᑦ ᐱᓕᕆᐊᖑᔪᖅ ᖁᑦᑎᖕᓂᖅᐹᒥᑦ ᐅᑭᐅᕐᑕᖅᑐᕐᒥ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᖅᐳᑦ
ᓱᕈᓯᓛᓂ ᐃᓕᓐᓂᐊᖅᑎᑦᑎᔨᐅᔪᑦ ᐅᑯᓇᓂ ᐃᓕᓐᓂᐊᕐᓂᐊᓵᕐᓂᐊᕐᑐᓄᑦ ᐱᕈᕐᕕᒃᒥᑦ: ᐱᕈᕕᒃ ᖁᕕᐊᓲᑎᖃᓚᐅᕐᐳᑦ $1 ᒥᓕᐊᓐ ᑖᓚᓂ ᓵᓚᒃᓴᐅᓯᐊᓚᐅᕐᓂᖏᓐᓂᒃ ᐅᕙᙵᑦ ᐅᑭᐅᕐᑕᖅᑐᕐᒥᑦ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᒥᑦ ᖁᕕᐊᓲᑎᒋᔭᐅᑎᓪᓗᒍ ᕗᐊᐃᑦᕼᐅᐊᔅᒥᑦ ᕕᕝᕗᐊᕆ 12-ᒥᑦ. (ᐊᔾᔨᓕᐅᕆᔨ ᐋᓕᔅᑐ ᒪᐃᑦᓚᓐ/AIP)
For an English version of this story, see Nunavut preschool program picks up top Arctic Inspiration Prize.
ᑲᖏᖅᓱᐊᓗᔾᔪᐊᕐᒥᑦ ᑐᙵᕕᓕᒃ ᓄᓇᒥᐅᑕᓕᕆᓂᕐᒧᑦ ᓯᓂᒃᑕᕐᕕᒃ ᑕᐃᔭᐅᔪᖅ ‘ᓄᓇᒥ ᓱᑯᐃᔭᐃᓂᖅ’ ᑐᓂᔭᐅᓚᐅᕐᒪᑦ $466,000ᐱᓕᕆᐊᖃᕐᓂᐊᕐᓗᑎᒃ ᓄᓇᒥ ᑐᙵᕕᖃᕐᓗᓂ ᐱᓕᕆᐊᒃᓴᒥᑦ ᐃᓅᓱᒃᑐᓄᑦ ᐃᓄᖕᓄᑦ ᓄᓇᕕᒃᒥᑦ. (ᐊᔾᔨᙳᐊᖅ AIP)
ᓄᓇᕗᒥᑦ ᑐᙵᕕᓕᒃ ᓱᕈᓯᓛᓕᕆᓂᕐᒧᑦ ᐃᓕᓐᓂᐊᕈᑎ ᑕᐃᔭᐅᕗᖅ ᓵᓚᒃᓴᐅᓯᐊᕐᓂᖏᓐᓂᑦ ᐅᑭᐅᖅ ᐅᑭᐅᕐᑕᖅᑐᕐᒥᑦ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᕐᒥᑦ.
ᐱᕈᕕᒃ: ᐃᓕᓐᓂᐊᕐᓂᐊᓵᖅᑐᓄᑦ ᐃᓕᓐᓂᐊᕐᕕᐅᔪᖅ ᓯᕗᓪᓕᖅᐹᒥᑦ ᐋᕿᒃᓱᖅᑕᐅᓂᑯ ᒥᑦᑎᒪᑕᓕᒃᒥᑦ ᒪᑯᓂᖓ ᐊᑐᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐱᕈᖅᐸᓪᓕᐊᓂᕐᒨᖓᔪᓂᒃ.
ᐱᕈᕕᒃ ᑐᓂᔭᐅᓚᐅᕐᒪᑕ ᐅᑭᐅᕐᑕᖅᑐᕐᒥᑦ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᕐᒥᑦ $1 ᒥᓕᐊᓐ ᑖᓚᓂ ᖁᕕᐊᓲᑎᖃᕐᓇᒥᑦ ᕗᐊᐃᑦᕼᐅᐊᔅᒥᑦ ᐊᐃᑉᐹᓂᑦ, ᕕᕝᕗᐊᕆ 12-ᒥᑦ.
“ᑕᒫᓂ ᑎᐅᕆᑑᕆᒥ ᐊᒃᑐᐃᒍᑎᐅᓯᒪᔪᖅ ᐃᓕᓐᓂᐊᕆᐊᕐᕕᕕᓂᕐᓄᑦ ᓱᓕ ᐊᒃᑐᐃᓯᒪᖕᒪᑕ ᓄᓇᑦᑎᓐᓂ ᐅᑭᐅᕐᑕᖅᑐᕐᒥᑦ ᐅᓪᓗᒥ, ᑕᐃᒪᓕ ᐱᒻᒪᕆᐊᓘᕗᖅ ᑕᒪᒃᑯᐊ ᖃᓄᐃᓕᐅᕈᓯᕕᓂᐅᔪᑦ ᐊᓯᙳᖅᑎᓪᓗᒋ ᐊᖓᔪᖅᑳᓄᑦ ᐊᒻᒪ ᕿᑐᕐᖓᖏᓐᓄᑦ ᐃᓕᓐᓂᐊᖅᑐᓕᕆᓂᒃᑯᑦ,” ᐅᖃᖅᑐᖅ ᐱᕈᕐᕕᒃᒧᑦ ᐱᓕᕆᐊᒃᓴᓂᒃ ᐊᖓᔪᖅᑳᕆᔭᐅᔫᕐ ᑎᐊᓴ ᓛᒃᕼᐋᑦ ᐊᒻᒪ ᑭᐅᕋᓐ ᓄᑕᕋᖅ ᑐᓴᒐᒃᓴᓕᐅᕈᑎᒃᑯᑦ.
“ᐅᓇ ᖃᓄᐃᓕᐅᒐᒃᓴᖅ ᐃᓕᓐᓂᐊᕐᓂᕐᒥᑦ ᐱᓕᕆᐊᒃᓴᖃᖅᑎᑦᑎᔪᖅ ᑐᙵᔪᓂᒃ ᐃᓄᐃᑦ ᐃᓕᖁᓯᖏᑦᑎᒍᑦ ᖃᐅᔨᕙᓪᓕᐊᓂᕐᒥᒃ ᐊᒻᒪ ᑕᒪᐅᓇᑦᑕᐃᓐᓇᖅ ᓄᓇᓕᖕᓂᑦ ᐱᕈᖅᑎᑦᑎᕙᓪᓕᐊᓂᕐᒥ ᓄᓇᒋᔭᑦᑎᓐᓂ ᖁᐊᕐᓵᕐᓇᙱᑦᑐᒥᒃ ᐊᒻᒪ ᖃᓄᐃᙱᓐᓂᒃᑯᑦ ᓱᕈᓯᑦᑎᓐᓄᑦ.”
ᓄᓇᕗᑦ ᓯᕗᓕᐅᕐᑎᖓ ᔫ ᓴᕕᑲᑖᖅ ᑐᓂᓯᓚᐅᕐᑐᖅ ᐱᕈᕕᒃ ᐊᖓᔪᖅᑳᖏᓐᓄᑦ ᐃᓕᓴᕆᔭᐅᔾᔪᑎᒥᒃ ᐊᒻᒪ ᖁᕕᐊᓲᑎᖃᕐᓂᕋᖅᖢᓂ ᑐᓂᔭᐅᔪᓂᒃ ᖁᕕᐊᓲᑎᖃᕐᓇᒥ.
“ᐱᓕᕆᓂᐅᔪᖅ ᐱᓕᕆᐊᒃᓴᑎᒍᑦ ᓱᕈᓯᕐᓂ ᐱᓕᕆᑎᑦᑎᒍᑎᐅᔪᖅ ᐊᔪᕈᓐᓃᕐᓴᕐᓂᕐᒥ ᓈᒻᒪᒋᔭᖏᑦᑎᒍᑦ ᐱᒻᒪᕆᐊᓘᖕᒪᑦ, ᐊᒻᒪᓗ ᓱᕈᓯᕐᓂᒃ ᐋᕿᒃᐸᓪᓕᐊᒍᑎᐅᓪᓗᓂ ᓯᕗᓂᒃᓴᒥ ᖃᓄᐃᓕᐅᕈᓐᓇᑦᑎᐊᕐᓂᕐᒧᑦ,” ᓴᕕᑲᑖᖅ ᐅᖃᖅᑐᖅ.
ᐱᕈᕕᒃ ᐃᓚᒋᔭᐅᓚᐅᕐᑐᖅ ᑕᓪᓕᒪᓂ ᐱᓕᕆᖃᑎᒌᓂᒃ ᐅᑭᐅᕐᑕᖅᑐᕐᒥᑦ ᑐᓂᔭᐅᖃᑕᐅᔪᓂᒃ ᑖᔅᓱᒥᖓ ‘ᐅᑭᐅᕐᑕᖅᑐᕐᒥᑦ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᖓᓂᑦ’ $2.5 ᒥᓕᐊᓐᑖᓚᒥ 2018-ᒧᑦ, ᑐᓐᓂᖁᓯᐅᕙᒃᑐᖅ ᐱᓕᕆᐊᖃᕈᓱᖕᓂᕐᒧᑦ ᐱᐅᔨᕚᓪᓕᖅᑎᑦᑎᓂᕐᒥ ᐃᓅᓯᕐᒥᑦ ᐅᑭᐅᕐᑕᖅᑐᑦ ᓄᓇᓕᖏᓐᓂᒃ.
ᓵᓚᒃᓴᐅᓯᐊᖃᑕᐅᒻᒪᕆᖕᒥᔪᕐᑕᐅᖅ ᐅᑯᐊ ᑲᖏᖅᓱᐊᓗᔾᔪᐊᕐᒥᑦ ᑐᙵᕕᓕᒃ ᓄᓇᒥᐅᑕᓕᕆᓂᕐᒧᑦ ᓯᓂᒃᑕᕐᕕᒃ ᑕᐃᔭᐅᔪᖅ ‘ᓄᓇᒥ ᓱᑯᐃᔭᐃᓂᖅ’ ᑐᓂᔭᐅᓚᐅᕐᒪᑦ $466,000ᐱᓕᕆᐊᖃᕐᓂᐊᕐᓗᑎᒃ ᓄᓇᒥ ᑐᙵᕕᖃᕐᓗᓂ ᐱᓕᕆᐊᒃᓴᒥᑦ ᐃᓅᓱᒃᑐᓄᑦ ᐃᓄᖕᓄᑦ ᓄᓇᕕᒃᒥᑦ.
ᐅᑯᑎᒎᓇᕐᓕ AIP-ᑯᑦ ᐃᓅᓱᒃᑐᓅᖓᔪᒃᑯᑦ, ᐃᖃᓗᒃᑑᑦᑎᐊᕐᒦᑦᑐᖅ ᐊᑐᕈᓐᓃᖅᑐᓂᒃ ᓴᓇᐅᒐᓕᐅᕆᔩᑦ ᑐᓂᔭᐅᓚᐅᕐᐳᑦ $100,000ᓵᓚᒃᓴᐅᓯᐊᕐᒥᑦ ᒪᑐᐃᕐᓯᓂᐊᕐᒪᑕ ᓄᓇᓕᖕᓂ ᐊᐅᒃᑎᑦᑎᕕᒃᓴᒥᑦ ᓴᓇᐅᒐᓕᐅᕐᕕᐅᓂᐊᕐᑐᒥᑦ ᓴᕕᕋᔭᖕᓂ ᐊᑐᕈᓐᓃᕐᓯᒪᔪᓂᒃ.
ᒪᕐᕈᒃᑲᓐᓃᒃ ᐱᓕᕆᖃᑎᒌᒃᑐᑦ ᑐᓂᔭᐅᓚᐅᕐᒥᔫᒃ $500,000ᓵᓚᒃᓴᐅᓯᐊᕐᒥᑦ ᕕᕝᕗᐊᕆ 12-ᒥᑦ: ᔫᑳᓐᓂᐅᑕᑦ ᐊᓪᓚᐃᑦTr’ondëk Hwëch’in ᐃᓕᓐᓂᐊᖅᑎᑦᑎᕕᖓ ᐊᒻᒪ ᓴᓇᕝᕕᐅᓪᓗᓂ ᓂᕐᔪᑎᖃᕐᕕᒃ, ᑖᒃᑯᐊ ᐱᕈᕐᓯᐊᖃᖅᕕᒃᓴᖅᑖᕈᓐᓇᕐᓂᐊᕐᒪᑕ ᐊᑯᓂᐅᓂᕐᓴ ᐊᑐᖅᑕᐅᔪᓐᓇᖅᑐᒥᒃ, ᐊᒻᒪᓗ ᓄᑖᒥᑦ ᓄᓇᑦᓯᐊᕐᒥᑦ ᐃᓄᐃᕕᐊᓗᐃᑦ ᓴᓇᐅᒐᓕᐅᕐᑎᓄᑦ ᑲᑐᔾᔨᖃᑎᒌᓂᒃ, ᑕᐃᔭᐅᔪᑦ Traditional Techniques Tweaked to Galvanize Indigenous Northern Artisans(ᐃᓕᖁᓯᑐᖃᒃᑯᑦ ᐊᑐᖅᑕᐅᕙᒃᑐᑦ ᐱᐅᓯᕚᓪᓕᖅᑎᑦᑎᓂᕐᒥᒃ ᐅᑭᐅᕐᑕᖅᑐᕐᒥᑦ ᓄᓇᖃᖅᑳᖅᑐᑦ ᓴᓇᐅᒐᓕᐅᕐᑎᓄᑦ).
ᐅᑭᐊᕐᑕᖅᑐᕐᒥᑦ ᐱᓕᕆᔪᒥᓇᕐᓂᕐᒧᑦ ᓵᓚᒃᓴᐅᓯᐊᖅ ᐱᒋᐊᖅᑕᐅᓚᐅᕐᓯᒪᔪᖅ 2012-ᒥᑦ ᕚᓐᑰᕙᒥᐅᑕᓄᑦ ᐋᓄᑦ ᕗᐃᑦᔨᒃ (Arnold Witzig) ᐊᒻᒪ ᓯᒪ ᓱᕇᕕᒧᑦ (Sima Sharifi).
ᑖᓐᓇ ᓵᓚᒃᓴᐅᓯᐊᖅ ᐱᕈᖅᐸᓪᓕᐊᔪᖅ ᐃᑲᔪᖅᑕᐅᓂᖓᒍᑦ ᐊᒻᒪ, 2018-ᒥᑦ, ᕗᐃᑦᔨᒃ ᐊᒻᒪ ᓱᕇᕕ ᑐᓂᓯᓚᐅᕐᓯᒪᔫᒃ ᑕᒪᐃᓐᓂᐸᓗᒃ ᑮᓇᐅᔭᖏᓐᓂᑦ—$60 ᒥᓕᐊᓐ—ᐅᑯᓄᖓ AIP-ᑯᑦ ᐃᑲᔫᑎᒃᓴᓄᑦ ᐸᐸᑦᑎᕕᐊᓄᑦ, ᑖᒃᑯᐊ ᓵᓚᒃᓴᐅᓯᐊᒃᓴᖅᑖᕈᑎ ᑲᔪᓯᑏᓐᓇᕈᓐᓇᖁᓪᓗᒍᑦ ᓯᕗᓂᒃᓴᒧᑦ.
ᑕᒪᑐᒪᓂ ᐅᑭᐅᖅ ᓵᓚᒃᓴᐅᓯᖅᑖᕈᑎ 7-ᒋᓕᖅᐸᖓ ᐊᒻᒪᓗ ᓯᕗᓪᓕᖅᐹᒥᑦ ᐃᓕᓴᕆᔭᐅᔾᔪᑎᓕᕆᓂᕐᒧᑦ ᖁᕕᐊᓲᑎᖃᕐᓂᖅ ᐅᑭᐅᕐᑕᖅᑐᕐᒥ ᐱᓕᕆᐊᖑᓚᐅᕐᑐᖅ.
(0) Comments