ᓄᓇᕗᒻᒥᐅᑦ ᑐᖁᓂᖅᓴᐅᔪᓐᓇᖅᐳᑦ ᐳᕙᒃᑯᑦ ᑳᓐᓱᒧᑦ: ᖃᐅᔨᓴᖅᑕᐅᓂᖅ

For the English version of this story, please see Study suggests Nunavimmiut more likely to die from lung cancer.

ᓄᑖᖑᔪᒥ ᖃᐅᔨᓴᖅᑕᐅᓂᐅᔪᒥ ᐅᖃᖅᑑᔮᖅᐳᖅ ᐃᓄᐃᑦ ᓄᓇᕕᖕᒥᐅᑕᐅᔪᑦ ᑐᖁᓂᖅᓴᐅᔪᓐᓇᕐᓂᖏᓐᓂ ᐳᕙᒃᑯᑦ ᑳᓐᓱᒧᑦ.

ᖃᐅᔨᓴᖅᑕᐅᓂᐅᔪᖅ, ᑎᑎᕋᖅᑕᐅᔪᒥ ᕕᕗᐊᕆ 20−ᒥ ᑲᓇᑕᒥ ᐃᓅᓕᓴᖅᑕᐅᓂᕐᒧᑦ ᑲᑐᔾᔨᖃᑎᒌᖑᔪᑦ ᑎᑎᕋᖅᑕᐅᕙᒃᑐᒥ ᐅᖃᓕᒫᒐᒃᓴᐅᔪᒥ, ᑕᐅᑐᒃᖢᒍ ᐳᕙᒃᑯᑦ ᑳᓐᓱᒧᑦ ᑎᑎᕋᖅᑕᐅᕙᓪᓕᐊᓲᖑᔪᒥ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᓂᐅᔪᓂ ᐃᓚᖃᖅᑐᒥ ᐋᓐᓂᐊᕕᓕᐊᖅᓯᒪᔪᓄᑦ ᒪᓐᑐᕆᐋᓪᒥ ᐊᒻᒪ ᓄᓇᕕᖕᒥ ᓱᖅᑯᐃᖅᑕᐅᓚᐅᖅᑐᓂ ᕿᑎᐊᓂ 2005−ᒥ ᐊᒻᒪ 2017−ᒧᑦ.

ᖃᓄᐃᓕᖓᓂᐅᔪᑦ ᐊᕕᒃᑐᖅᑕᐅᓚᐅᖅᐳᑦ ᐅᑯᓇᓂ ᒪᕐᕉᔪᓂ ᖃᓄᐃᑦᑑᓂᖏᓐᓂ ᐳᕙᒃᑯᑦ ᑳᓐᓱᓄᑦ: ᒥᑭᑦᑐᓂ ᐃᔭᕈᕙᐅᔭᕐᓂ ᐊᒻᒪ ᒥᑭᙱᑦᑐᓄᑦ ᐃᔭᕈᕙᐅᔭᕐᓂ. 80−ᒥ 85 ᐳᓴᓐᑎᐸᓗᖕᒥ ᑳᓐᓱᓂ ᒥᑭᙱᑦᑐᓄᑦ ᐃᔭᕈᕙᐅᔭᕐᓂ  ᐊᔾᔨᒌᙱᓐᓂᐅᔪᓂ, ᐅᖃᐅᓯᐅᓪᓗᓂ ᐊᒥᐊᓕᑲᒥ ᑳᓐᓱᒧᑦ ᑲᑐᔾᔨᖃᑎᒌᖑᔪᓄᑦ.

ᖃᐅᔨᓴᕐᓂᖅ ᓇᓂᓯᓚᐅᖅᐳᖅ ᓄᓇᕕᖕᒥᐅᑕᐃᑦ ᕿᑎᖅᐸᓯᐊᓂ ᐆᒪᔪᓐᓇᕐᓂᕐᒧᑦ ᐊᑯᓂᐅᑎᒋᔪᒥ ᐅᓪᓗᓂ 321−ᓂ ᑕᐅᑐᒃᖢᒍ ᐅᓪᓗᓂ 720−ᓂ ᒪᓐᑐᕆᐋᓪᒥᐅᑕᐅᔪᓄᑦ ᒥᑭᙱᑦᑐᓄᑦ ᐃᔭᕈᕙᐅᔭᕐᓂ ᐳᕙᒃᑯᑦ ᑳᓐᓱᒧᑦ.

ᒥᑭᑦᑐᓂ ᐃᔭᕈᕙᐅᔭᕐᓂ ᑳᓐᓱᒧᑦ ᓱᖅᑯᐃᖅᑕᐅᓂᐅᔪᓄᑦ, ᓄᓇᕕᖕᒥᐅᑕᐃᑦ ᕿᑎᖅᐸᓯᐊᓂ ᐆᒪᔪᓐᓇᕐᓂᕐᒧᑦ ᐊᑯᓂᐅᑎᒋᔪᒥ ᐅᓪᓗᓂ 190−ᓂ, ᑕᐅᑐᒃᖢᒍ ᐅᓪᓗᓂ 270−ᓂ ᒪᓐᑐᕆᐋᓪᒥᐅᑕᐅᔪᓄᑦ.

ᓄᓇᕕᖕᒥᐅᑕᐃᑦ ᓯᕗᓕᖅᓱᕈᑎᓂᒃ ᑐᕌᖓᓂᖃᙱᓚᑦ ᐳᕙᒃᑯᑦ ᑳᓐᓱᒧᑦ, ᖃᐅᔨᓴᕐᓂᖅ ᐅᖃᓚᐅᖅᐳᖅ. ᐃᒪᓐᓇᖔᖅ, ᖃᓄᐃᓐᓂᐅᔪᑦ ᐱᑎᑕᐅᔪᒃᓴᐅᔪᒃᓴᐅᕗᑦ ᖃᓄᐃᓐᓂᐅᔪᒥ “ᑮᓇᐅᔭᖃᖅᑎᑕᐅᙱᓗᐊᕐᓂᐅᔪᓂ ᐊᒻᒪ ᐃᑲᔪᕈᑎᒃᓴᖃᙱᓗᐊᕐᓂᖏᓐᓂ ᓄᓇᕕᐅᑉ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᕐᓂᖏᓐᓂ, ᐊᒻᒪᓗᑦᑕᐅᖅ ᐱᑕᖃᙱᓗᐊᕐᓂᖓᓂ ᐃᓄᖕᓂ ᑭᒡᒐᖅᑐᐃᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔭᐅᓂᕐᒥ ᑐᓂᓯᓂᐅᔪᒥ.”

ᓘᒃᑖᖅ ᓈᑕᓕ ᐳᓛᓐᔭᐃ, ᐃᓕᓯᒪᔪᒥ ᐱᔨᑦᑎᕋᕐᓂᕐᒧᑦ ᑐᑭᒧᐊᒃᑎᑦᑎᔨᖓ ᐅᖓᕙ ᑐᓚᑦᑕᕐᕕᒃ ᐋᓐᓂᐊᕕᖓᓂ ᑰᔾᔪᐊᕐᒥ, ᐅᖃᓚᐅᖅᐳᖅ ᖃᐅᔨᓴᕐᓂᐅᑉ ᖃᓄᐃᓕᖓᓂᖓ ᐃᒻᒥᓂᒃ “ᑕᐸᐃᖅᑎᑦᑎᓚᐅᖅᐳᖅ”.

ᕿᒥᕐᕈᐊᖅᖢᓂ ᖃᐅᔨᓴᕐᓂᐅᔪᒥ ᑕᐃᒪᐃᑦᑐᑎᑐᑦ, ᐅᖃᓚᐅᖅᐳᖅ, “ᐃᓕᖕᓄᑦ ᐅᖃᕐᓇᖅᐳᖅ, ᐅᐊᑲᓪᓚᖔ ᐊᑐᐃᓐᓇᖃᖅᑎᑦᑎᔪᓐᓇᙱᓚᒍᑦ ᐱᐅᓂᖅᓴᐅᔪᒥ ᑖᔅᓱᒥᖓ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᐅᔪᒥ ᐃᓄᒋᐊᒃᑐᖁᑎᑦᑎᓐᓄᑦ?”

ᐊᑲᐅᙱᓕᐅᕈᑕᐅᔪᖅ ᐳᓛᓐᔭᐃ ᐅᖃᓚᐅᖅᐳᖅ ᑕᑯᔭᖓᓐᓂ ᑭᖑᕙᕆᐊᖅᑕᐅᓂᐅᔪᓂ ᓇᐅᒃᑯᓕᒫᖅ ᑎᑭᐅᑎᓂᐅᔪᒥ ᐸᖅᑭᔭᐅᓂᐅᔪᒥ ᐋᓐᓂᐊᕕᓕᐊᖅᑐᓄᑦ.

“ᐊᑯᓂᒻᒪᕆᐊᓗᒃ ᑎᒥᒧᑦ ᐊᔾᔨᓕᐅᖅᑕᐅᔭᖅᑐᕐᓂᖃᖅᐳᖅ, ᐊᒻᒪ ᑭᖑᕙᕆᐊᕐᓂᖃᖅᐳᖅ ᐊᑐᐃᓐᓇᖃᕐᓂᕐᒥ ᐋᓐᓂᐊᓕᖕᓄᑦ ᐱᓕᕆᐊᖃᕐᓂᐅᔪᓄᑦ,” ᐅᖃᓚᐅᖅᐳᖅ.

ᐃᓅᓕᓴᖅᑕᐅᓂᖅ ᑳᓐᓱᒧᑦ ᐃᒻᒥᓂᒃ ᐱᓕᕆᓂᐅᕗᖅ ᖃᔅᓯᒐᓚᖕᓂ ᑕᖅᑭᓂ ᐱᓕᕆᐊᖑᕙᒃᖢᓂ ᐊᒻᒪ ᐊᒃᓱᕈᕐᓇᕐᔪᐊᓲᖑᕗᖅ ᐋᓐᓂᐊᕕᓕᐊᖅᑐᓄᑦ ᓵᓚᒋᓇᓱᐊᕐᓂᖏᓐᓂ ᖄᖓᓂ ᐋᓐᓂᐊᕐᓂᐊᔪᒥ ᐃᒻᒥᓂᒃ, ᐅᖃᓚᐅᖅᐳᖅ ᐳᓛᓐᔭᐃ.

ᑕᒪᒃᑭᑦ ᐳᕙᒃᑯᑦ ᑳᓐᓱᒧᑦ ᐋᓐᓂᐊᕕᓕᐊᖅᑐᓄᑦ ᓄᓇᕕᖕᒥ ᐃᓅᓕᓴᖅᑕᐅᓲᖑᕗᑦ ᒪᒋᐅᓪ ᓯᓚᑦᑐᖅᓴᕐᕕᒡᔪᐊᖓᓂ ᐋᓐᓂᐊᕕᖓᓂ ᒪᓐᑐᕆᐋᓪᒥ. ᐊᒥᓱᑦ ᐋᓐᓂᐊᕕᓕᐊᖅᑐᑦ ᑎᑭᒐᔪᙱᓚᖅ ᒪᓕᒃᑎᐅᔪᓂ ᐊᒻᒪ ᑭᓇᑐᐃᓐᓇᒥᒃ ᖃᐅᔨᒪᔭᖃᕐᓇᑎᒃ ᓄᓇᓕᐸᐅᔭᒥ ᑐᓂᓯᔪᓐᓇᕋᔭᖅᑐᓂ ᐃᑲᔪᖅᓱᐃᓂᐅᔪᒥ.

“ᐅᓄᖅᑐᐊᓗᖕᓂ ᐃᓄᖕᓂ ᖃᖓᐅᓕᖅᑎᓪᓗᒍ ᓄᖅᑲᑐᐃᓐᓇᕈᒪᓕᖅᑐᓂ,” ᐳᓛᓐᔭᐃ ᐅᖃᓚᐅᖅᐳᖅ.

“ᖃᓪᓗᓈᑦ ᓄᓇᖓᓐᓄᐊᕈᒪᔪᓐᓃᓲᖑᕗᑦ ᐃᓅᓕᓴᖅᑕᐅᓂᕐᒧᑦ ᐊᒻᒪ ᑳᓐᓱᒧᑦ ᑐᖁᓪᓗᑎᒃ, ᐊᖅᓱᕈᕐᓇᓗᐊᕐᒪᑦ ᐃᒻᒥᓄᑦ.”

ᐅᖃᓚᐅᖅᐳᖅ ᑕᑯᔪᒪᓇᔭᖅᐳᖅ ᑎᒥᒧᑦ ᐊᔾᔨᓕᐅᖅᑕᐅᓂᕐᒧᑦ ᐊᑐᐃᓐᓇᐅᓂᖓᓂ ᑕᒪᒃᑭᓂ ᑰᔾᔪᐊᕐᒥ ᐊᒻᒪ ᐳᕕᕐᓂᖅᑐᒥ ᐋᓐᓂᐊᕕᖏᓐᓂ. ᐱᔪᓐᓇᖅᑎᑦᑎᓇᔭᖅᐳᖅ ᐊᒥᓱᓂ ᐋᓐᓂᐊᕕᓕᐊᖅᐸᒃᑐᓂ ᐊᐅᓪᓛᕆᐊᖃᙱᓐᓂᖏᓐᓂ ᖃᔅᓯᒐᓚᖕᓄᑦ ᐅᓪᓗᓄᑦ ᑕᑯᔭᐅᕝᕕᒃᓴᖃᕐᓂᕐᒧᑦ 90 ᒥᓂᑦᐸᓗᖕᓂ ᐱᔭᕇᖅᑕᐅᕙᒃᑐᒥ.

ᐋᓐᓂᐊᕕᓕᐊᖅᐸᒃᑐᓂ ᑕᑯᓲᖑᒋᕗᑦ ᐊᔾᔨᖓᓂ ᐊᑲᐅᙱᓕᐅᕈᑕᐅᔪᒥ ᐃᕕᐊᖏᒃᑯᑦ ᑳᓐᓱᒧᑦ, ᐳᓛᓐᔭᐃ ᐅᖃᓚᐅᖅᐳᖅ. ᐃᕕᐊᖏᒃᑯᑦ ᐊᔾᔨᓕᐅᖅᑕᐅᓂᕐᒧᑦ, 15 ᒥᓂᑦᐸᓗᖕᓂ ᐱᓕᕆᐊᖑᓪᓗᓂ, ᐊᑐᐃᓐᓇᐅᒐᔪᙱᓚᑦ ᓄᓇᕕᖕᒥ ᐊᒻᒪ ᐃᓚᖏᑦ ᐋᓐᓂᐊᕕᓕᐊᖅᑐᑦ ᐊᐅᓪᓛᕆᐊᖃᖅᐳᑦ ᐱᓇᓱᐊᕈᓯᒐᓚᖕᓂ ᐊᔾᔨᓕᐅᖅᑕᐅᔭᖅᑐᖅᖢᑎᒃ.

ᐱᓕᕆᔾᔪᑎᒥᒃ ᑐᓂᓯᔪᓐᓇᖅᑐᒥ ᐅᑯᓂᖓ ᑎᒥᒧᑦ ᐊᔾᔨᓕᐅᖅᑕᐅᓂᕐᒧᑦ ᐃᑲᔫᑎᖃᕋᔭᕆᕗᖅ ᑕᑯᓂᕐᒥ ᐃᖅᑐᕐᒥ ᑳᓐᓱᒥᒃ, ᓈᒃᑯᑦ ᐱᐅᙱᓐᓂᐅᔪᓂ ᐊᒻᒪᓗ ᓇᓗᓇᐃᖅᓯᓂᕐᒥ ᖃᓄᐃᑦᑑᓂᖓᓂ ᓄᖀᖅᑎᑦᑐᖃᕐᓂᕈᓂ, ᐳᓛᓐᔭᐃ ᐅᖃᓚᐅᖅᐳᖅ.