ᓱᒃᑲᔪᒥ ᐃᓱᒪᓂᐅᔪᒥ ᓄᖅᑲᖅᑎᑦᑎᕗᖅ ᓄᓇᕕᖕᒥ ᑕᓯᖓᓐᓂ ᐃᒪᐃᕈᑎᑦᑕᐃᓕᓂᕐᒧᑦ

For the English version of this story, see Quick action prevents Nunavik lake from draining.

ᑕᓯᕐᒥ ᐊᑐᖅᑕᐅᕙᒃᑐᒥ ᑐᓂᓯᓂᕐᒧᑦ ᑲᖏᖅᓱᐊᓗᔾᔪᐊᕐᒥ ᐃᒥᖅᑕᐅᕙᒃᑐᒥ ᐃᒪᕐᒥ ᓂᕆᐅᒋᔭᐅᕗᖅ ᐅᑎᕐᓂᐊᕐᓂᖓᓂ ᐊᑦᑕᓇᙱᑦᑐᒧᑦ ᑭᒡᓕᐅᔪᒧᑦ ᑕᖅᑭᐅᑉ ᓄᙳᐊᓂ, ᑐᐊᕕᕐᓇᖅᑐᒥ ᐸᕐᓇᐅᑎᒥᒃ ᐃᒻᒥᖅᑕᐅᒃᑲᓐᓂᕐᓂᖓᓂ ᐱᓕᕆᔭᐅᓚᐅᖅᑎᓪᓗᒍ ᑲᑎᕕᒃ ᐊᕕᒃᑐᖅᓯᒪᔪᓄᑦ ᒐᕙᒪᖏᓐᓄᑦ.

ᐱᔾᔪᑎᖓ ᓄᖑᑉᐸᓪᓕᐊᔪᒥ ᐃᒪᖓᑕ ᑭᒡᓕᒋᔭᖓᓂ ᓱᕋᒃᓯᒪᔪᒥ ᓄᓇᐅᑉ ᐊᑖᓂ ᓱᓪᓗᑯᑖᖕᒥ, ᐅᖃᓚᐅᖅᐳᖅ ᓄᓇᓕᖕᓂ ᓴᓇᔪᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓ ᕼᐅᓴᐃᓐ ᓴᕕᒡᕼᐊᑎ.

ᐅᖃᓚᐅᖅᐳᖅ ᐅᑭᐅᒃᑯᑦ, ᐃᒪᖅ ᑕᓯᕐᒥ, ᐃᒥᖅᑕᕐᕕᐅᑉ ᑕᓯᖓ, ᕿᕿᖃᑦᑕᖅᐳᑦ ᓱᓪᓗᑯᑖᓂ ᓄᖅᑲᖓᑐᐃᓐᓇᕈᓂ, ᑐᑭᖃᖅᖢᓂ ᐃᖏᕐᕋᐃᓐᓇᐅᔭᕆᐊᖃᕐᓂᖓᓂ. ᓄᓇᓕᖕᓂ ᓱᓪᓗᑯᑖᓄᑦ ᐱᓕᕆᔾᔪᓯᖓ ᓴᖅᑭᑎᑦᑎᕗᖅ ᑕᐃᔅᓱᒥᖓ ᐃᖏᕐᕋᐃᓐᓇᐅᔭᕐᓂᖓᓂ ᐃᒪᕐᒥ.

ᑭᓯᐊᓂ, ᐊᑕᐅᓯᐊᖅᑐᒥ ᐅᑭᐅᒃᑯᑦ, ᐊᔪᕐᓇᖅᑎᓪᓗᒍ ᑭᓱᑐᐃᓐᓇᒥᒃ ᑕᑯᔭᕆᐊᒃᓴᖅ ᐊᐳᑎᐅᑉ ᐊᑖᓂ, ᐊᑕᐅᓯᐅᔪᒥ ᓱᓪᓗᑯᑖᖑᔪᓂ ᓱᕋᒃᑐᖃᓚᐅᖅᐳᖅ.

“ᓱᓇᐅᕝᕙ ᐊᑕᐅᓯᐅᔪᒥ ᒪᕐᕉᔪᓂ ᓱᓪᓗᑯᑖᓂᑦ ᖁᐱᓯᒪᓂᖃᓚᐅᕐᒪᑦ, ᐊᒻᒪ ᐅᑭᐅᖑᑎᓪᓗᒍ, ᖃᐅᔨᒪᓚᐅᙱᓐᓇᑦᑕ ᖁᐱᓂᖃᕐᓂᖓᓂ ᓇᓗᓇᐃᖅᓯᓂᖃᙱᒻᒪᑦ ᑭᓱᓕᒫᒃ ᐊᐅᒃᑳᖓᑕ ᐅᐱᕐᙶᒥ,” ᓴᕕᒡᕼᐊᑎ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

ᐅᖃᐅᔾᔨᔨᐅᔪᑦ ᐃᖅᑲᓇᐃᔭᖅᑎᑕᐅᓚᐅᖅᐳᑦ ᖃᐅᔨᓴᕐᓂᕐᒥ ᐱᔾᔪᑕᐅᔪᒥ ᖁᐱᓂᐅᔪᒥ, ᐊᒻᒪ ᓇᓂᓯᓚᐅᖅᐳᑦ ᓱᓪᓗᑯᑖᖅ ᐊᑯᓂᐅᓗᒃ ᓱᕋᒃᓯᒪᓚᐅᕐᓂᖓᓂ.

“ᐃᒪᐃᖅᓯᑦᑎᐊᐸᓗᓚᐅᖅᐳᖅ ᑕᓯᕐᒥ,” ᓴᕕᒡᕼᐊᑎ ᐅᖃᓚᐅᖅᐳᖅ.

ᐊᐅᐸᖅᑐᖅ ᑐᑭᓕᐊᕐᓂᐅᔪᖅ ᑭᒡᒐᖅᑐᐃᕗᖅ 1.3 ᑭᓛᒥᑐᒥ ᓱᓪᓗᑯᑖᖑᔪᒥ ᐃᓕᔭᐅᓯᒪᔪᒥ ᐃᒪᕐᒥ ᓅᑎᕆᓂᕐᒧᑦ ᖓᖏᓂᖅᓴᐅᔪᒥ ᑕᓯᕐᒥ ᑕᐃᑯᖓ ᐃᒥᖅᑕᕐᕕᓕᐊᖑᓯᒪᔪᒥ ᑕᓯᖓᓄᑦ ᑲᖏᖅᓱᐊᓗᔾᔪᐊᑉᒧᑦ. (ᓄᓇᙳᐊᖅ ᑐᓂᔭᐅᓯᒪᔪᖅ Google Earth−ᑯᓐᓄᑦ)

ᓱᒃᑲᔪᒥ ᐋᖅᑭᒃᓯᓂᖃᕆᐊᖃᓚᐅᖅᐳᑦ ᐃᒪᕐᒥ ᐊᓱᐃᔨᒃᑲᓐᓂᖅᑕᐃᓕᒪᓂᕐᒧᑦ, ᐅᖃᓚᐅᖅᐳᖅ, ᑕᐃᒫᒃ ᑲᑎᕕᒃ ᐊᕕᒃᑐᖅᓯᒪᔪᓄᑦ ᒐᕙᒪᖓᑦ ᐃᓕᓯᓚᐅᖅᐳᑦ ᐳᓪᓚᒃᓴᐅᑎᓂ ᓄᓇᓕᖕᓄᑦ ᓅᑎᕆᓂᕐᒥ ᐃᒪᕐᒥ ᑕᓯᖅ ᐃᓚᓯᒥ ᖃᓂᑦᑐᒧᑦ ᐃᒪᖃᕈᓐᓃᑲᓴᒃᑐᒥ ᑕᓯᕐᒧᑦ.

ᐊᐅᓚᑕᐅᓂᖓ ᐊᔪᕐᓇᖅᑐᑯᓘᓚᐅᙱᓚᖅ ᐱᓕᕆᓪᓗᒍ. ᓯᕗᓪᓕᕐᒥ, ᑲᑎᕕᒃ ᐊᕕᒃᑐᖅᓯᒪᔪᓄᑦ ᒐᕙᒪᖓᑦ ᐊᑐᖅᑐᐊᕆᐊᖃᓚᐅᖅᐳᑦ ᐳᓪᓚᒃᓴᐅᑎᓂ ᐊᒻᒪ ᓂᐅᕕᕐᓗᑎᒃ ᓱᓪᓗᑯᑖᓂᑦ ᐊᓱᐃᓛᒃ ᐅᓯᑲᑦᑕᖅᑕᐅᓗᑎᒃ ᑰᔾᔪᐊᕐᒧᑦ ᑎᑭᐅᑎᓚᐅᙱᓐᓂᖏᓐᓂ ᑲᖏᖅᓱᐊᓗᔾᔪᐊᕐᒧᑦ, ᐃᓄᒋᐊᖕᓂᖃᖅᑐᒥ 1,000−ᑲᓴᖕᓂ ᐃᓄᖕᓂ.

“ᐱᓕᕆᐊᒃᓴᐅᔪᒥ ᑕᐃᒪᐃᑦᑐᒥ, ᑭᒡᓕᖃᖅᑎᑕᐅᓂᐅᔪᖅ ᐊᑯᓂᐅᓂᖓᓂᐅᓚᐅᖅᐳᖅ,” ᐅᖃᓚᐅᖅᐳᖅ ᓴᕕᒡᕼᐊᑎ.

ᑰᔾᔪᐊᕐᒥ ᑲᖏᖅᓱᐊᓗᔾᔪᐊᕐᒧᑦ, ᐅᓯᑲᑦᑕᕆᐊᖃᓚᐅᖅᐳᑦ ᐱᓕᕆᔾᔪᑎᓂ ᐅᒥᐊᒃᑯᑦ. ᐅᑕᖅᑭᓂᖏᓐᓂ, ᓯᕿᙳᔭᖅ ᐃᖏᕐᕋᓂᖃᓚᐅᖅᐳᖅ ᐃᒪᐃᖅᐸᓪᓕᐊᑎᓪᓗᒍ ᑕᓯᕐᒥ.

ᓇᓂᓯᓚᐅᖅᐳᑦ ᓄᓇᓕᖕᒥᐅᑕᒥ ᓇᖕᒥᓂᖃᖅᑐᒥ ᐃᖃᓗᒐᓲᑕᐅᔪᒥ ᐅᒥᐊᕐᒥ ᐊᖏᓂᖃᖅᑐᒥ ᓇᒃᓴᕐᓂᖓᓂ ᐱᓕᕆᔾᔪᑕᐅᔪᓂ ᓄᓇᓕᖕᒥ ᓄᓇᓕᖕᒧᑦ.

“ᐃᖅᑲᓇᐃᔭᖃᑎᒃᑲ ᑲᒪᓇᖅᑐᐊᓗᖕᓂ ᐱᓕᕆᓯᒪᕗᑦ, ᓲᕐᓗ ᓱᐸᒫᓐᑎᑐᑦ ᐱᓕᕆᓂᐅᔪᓂ ᐆᒥᖓ ᐃᖏᕐᕋᓯᑎᑦᑎᓇᓱᐊᖅᖢᑎᒃ,” ᐅᖃᓚᐅᖅᐳᖅ ᓴᕕᒡᕼᐊᑎ.

ᐊᖏᓂᖅᓴᒻᒪᕆᖕᒥ ᑕᓯᕐᒥ ᓂᕈᐊᖅᑕᐅᔪᖃᓚᐅᖅᐳᖅ ᐃᒻᒥᖅᓱᐃᓂᖓᓂ ᒥᑭᓐᓂᖅᓴᐅᔪᒥ ᑕᓯᕐᒧᑦ ᐃᒪᐃᔭᖅᐸᓪᓕᐊᔪᒥ ᓱᕋᒃᓯᒪᔪᒧᑦ ᓱᓪᓗᑯᑖᒧᑦ, ᑕᐃᒫᒃ ᖃᓂᓐᓂᖅᓴᐅᔪᒥ 1.3 ᑭᓛᒥᑐᓂ ᓱᓪᓗᑯᑖᒥ ᐃᓕᔭᐅᓚᐅᖅᐳᖅ ᑕᐅᕘᓇ ᓇᖅᓴᒃᑯᑦ ᐅᐊᖕᓇᒥ ᐱᓇᖕᓇᖓᓂ ᐃᒪᖃᙱᑦᑐᒥ ᑕᓯᕐᒥ.

“ᑕᐃᒪᙵᓂ [ᐱᓇᓱᐊᕈᓰᑦ ᒪᕐᕉᖕᓂ ᐊᓂᒍᖅᓯᒪᔪᓂ], ᐃᒪᕐᒥ ᐳᓪᓚᒃᓴᖅᑕᐅᓯᒪᕗᖅ ᐊᒻᒪ ᑕᓯᖅ ᐱᕈᖅᐹᓪᓕᖅᓯᒪᕗᖅ 14 ᐃᓐᓯᔅᐸᓗᖕᓂ ᐃᒪᓪᓗᐊᒥᒃ,” ᓴᕕᒡᕼᐊᑎ ᐅᖃᓚᐅᖅᐳᖅ.

ᓂᕆᐅᒃᐳᖅ ᑕᓯᖅ ᑎᑭᓂᐊᕐᓂᖓᓂ ᑐᕌᒐᒃᓴᖓᓄᑦ ᐃᒪᕐᒧᑦ ᑭᒡᓕᐅᔪᒧᑦ ᑎᖑᓪᓕᖅᐹᖓᓂ ᐅᒥᐊᕐᔪᐊᖃᓚᐅᙱᑎᓪᓗᒍ, ᑕᐃᒫᒃ ᐳᓪᓚᒃᓴᐅᑎᑦ ᐅᓯᑲᑦᑕᖅᑕᐅᔪᓐᓇᕐᓂᐊᕐᒪᑕ ᑕᐅᓄᖓ ᖃᓪᓗᓈᑦ ᓄᓇᖓᓐᓄᑦ.

ᑕᐃᔅᓱᒪᓂᒃᑲᓐᓂᖅ ᓱᓪᓗᑯᑖᒥᒃ ᓱᕋᒃᑐᖃᕌᖓᑦ ᐊᒻᒪ ᐱᕕᒃᓴᖃᕐᓂᖃᙱᒃᑯᑎᒃ ᐱᓕᕆᓂᕐᒥ ᐋᖅᑭᒃᓯᓂᕐᒥ ᑕᐃᒪᐃᑦᑐᑎᑐᑦ ᒫᓐᓇᒨᖓᔪᑎᑐᑦ, ᑲᑎᕕᒃ ᐊᕕᒃᑐᖅᓯᒪᔪᓄᑦ ᒐᕙᒪᖓᑦ ᑐᓂᓯᕙᓚᐅᖅᐳᑦ ᐃᒪᕐᒥ ᖃᓛᖅᑎᑦᑎᔭᕆᐊᓕᖕᒥ ᐅᖃᐅᔾᔨᓂᐅᔪᒥ ᐊᒻᒪ ᐃᒥᖅᑕᐅᒻᒧᑦ ᓄᓇᓯᐅᑎᒥᒃ ᐃᒥᖅᑕᖅᑕᐅᕙᒃᖢᑎᒃ ᐊᓯᐊᓂ ᑕᓯᕐᒥ ᕿᓚᒻᒥᐅᔪᒥ ᐱᓕᕆᓂᐅᓂᖓᓄᑦ.

“ᐅᖃᕈᓐᓇᙱᓚᒍᑦ ᑕᐃᒪᐃᒃᑲᓐᓂᔾᔮᕈᓐᓃᕐᓂᖓᓂ,” ᓴᕕᒡᕼᐊᑎ ᐅᖃᓚᐅᖅᐳᖅ ᐊᑲᐅᙱᓕᐅᕈᑕᐅᔪᒥ ᐱᑎᑕᐅᔪᒥ ᓱᕋᒃᑐᒥ ᓱᓪᓗᑯᑖᖕᒥ.

ᐅᖃᓚᐅᖅᐳᖅ ᓄᓇᓕᐅᔪᑦ ᑲᒪᒋᔭᖃᖅᐳᑦ ᐋᖅᑭᐅᒪᑎᑦᑎᓂᕐᒥ ᐊᒥᓱᓂ ᑭᓛᒥᑐᓂ ᓱᓪᓗᑯᑖᖕᒥ ᓄᓇᐅᑉ ᐊᑖᓃᑦᑐᒥ. ᐱᔾᔪᑎᖃᖅᑐᒥ ᐊᕐᕌᒎᑉ ᐃᓚᖓᓐᓂ ᖁᕝᕙᕆᐊᕐᓂᖓᓂ ᐊᒻᒪ ᑲᑕᖕᓂᐅᔪᒥ ᐅᖅᑰᓂᖓᓂ ᓂᒡᓚᓱᖕᓂᖓᓂ, ᓱᓪᓗᑯᑖᑦ ᑕᒪᒃᑭᑦ ᓅᓲᖑᕗᑦ ᐊᒻᒪ ᓴᖑᓪᓗᑎᒃ ᑭᓇᑐᐃᓐᓇᒧᑦ ᑕᑯᔭᐅᔪᓐᓇᕋᑎᒃ ᐊᐳᑎᐅᑉ ᐊᑖᓂ.

ᐃᒃᐱᒍᓱᓲᒥᒃ ᓄᑖᙳᖅᐸᓪᓕᐊᓂᖃᖅᐳᖅ ᐊᑐᐃᓐᓇᐅᔪᒥ ᖃᐅᔨᒪᑎᑦᑎᓇᔭᖅᑐᒥ ᓱᓪᓗᑯᑖᒥᒃ ᓱᕋᒃᑐᖃᖅᐸᑦ, ᑭᓯᐊᓂ ᓴᕕᒡᕼᐊᑎ ᓴᕕᒡᕼᐊᑎ ᐅᖃᓚᐅᖅᐳᖅ ᑭᓯᐊᓂ ᐊᔪᕐᓇᕋᔭᙱᓐᓂᖓᓂ ᐱᔪᓐᓇᙱᑲᓗᐊᕐᒪᑦ ᓄᓇᕕᖕᒥ ᒫᓐᓇᐅᔪᒥ

“ᐅᑯᐊ ᐃᒃᐱᒍᓲᑎᐅᔪᑦ ᒪᑐᓯᒪᔭᕆᐊᖃᕐᒪᑕ ᐅᖅᑰᓴᖅᓯᒪᔪᒥ ᐃᓂᐅᔪᒥ. ᐊᐃᑦᑖᖑᒐᓗᐊᖅ, ᑕᒪᓐᓇ ᐊᖏᓛᖑᓪᓗᓂ ᐊᒃᓱᕈᕈᑕᐅᕗᖅ ᓄᓇᕕᖕᒥ. ᐅᖅᑰᓴᐅᑎᖃᕐᔪᐊᕆᐊᖃᖅᐳᒍᑦ, ᐊᒻᒪ ᐅᖅᑰᓴᐅᑎᑦ ᐊᑭᑐᔫᕗᑦ.”

ᐊᑐᐃᓐᓇᐅᔪᑐᐊᑦ ᐅᖅᑰᓴᐅᑎᓂ ᓄᓇᕕᖕᒥ ᐅᖅᓱᐊᓗᖕᒧᑦ−ᑐᙵᕕᖃᕐᒪᑕ, ᓴᓇᓇᓱᐊᕐᓂᕐᒧᑦ ᐊᒥᓱᒃᑲᓐᓂᕐᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᐅᖅᑰᓴᖅᑕᐅᔭᕆᐊᓕᖕᓂ ᐊᖏᒡᓕᒋᐊᖅᑎᑦᑎᓇᔭᕐᒪᑦ ᐅᓗᕆᐊᓇᕐᓂᖓᓂ ᐅᖅᓱᐊᓗᖕᒥ ᑯᕕᓂᐅᔪᒥ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓂᕐᒧᑦ ᐊᑲᐅᙱᓕᐅᕈᑕᐅᔪᓂ ᐱᔾᔪᑎᖃᖅᑐᒥ ᑐᓂᔭᐅᑦᑎᐊᕈᓐᓇᙱᓐᓂᖓᓂ.

“ᐅᖅᓱᐊᓗᖕᒧᑦ ᐅᖅᑰᓴᐃᓂᕐᒥ ᖁᑦᑎᕐᔪᐊᖅᖢᓂ ᐅᓗᕆᐊᓇᕈᑕᐅᕗᖅ, ᐊᑭᑐᔪᒻᒪᕆᐅᓪᓗᓂᓗ,” ᐅᖃᓚᐅᖅᐳᖅ. “ᐃᓕᓯᔾᔮᙱᓚᖓ ᐅᖅᓱᐊᓗᖃᐅᑎᓂ ᖃᑦᑕᐅᔭᕐᔪᐊᓂ ᓄᓇᒥᓕᒫᖅ, ᑕᒪᓐᓇ ᖄᖅᑕᔫᕌᓘᒥ ᐅᑕᖅᑭᔫᔮᕐᓇᕐᒪᑦ.”