ᔭᓗᓇᐃᒥ ᐋᓐᓂᐊᕕᐊᓗᒃ ᕿᑎᕐᒥᐅᓂᒃ ᑲᒪᒋᔭᖃᒃᑲᓐᓂᓯᔪᑦ ᐋᓐᓂᐊᕐᕕᓕᐊᖅᑐᓂᒃ

For English version, see Yellowknife hospital reopens to Kitikmeot medical travellers

ᓯᑖᓐᑕᓐ ᓄᓇᑦᓯᐊᕐᒥ ᐋᓐᓂᐊᕕᐊᓗᒃ ᔭᓗᓇᐃᒥ ᒫᓐᓇ ᐋᓐᓂᐊᕐᕕᓕᐊᕆᐊᓕᖕᓂ ᐱᓕᕆᐊᖃᓕᕐᒥᔪᑦ ᕿᑎᕐᒥᐅᓂᒃ, ᐅᖃᓚᐅᕐᑐᑦ ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᒃᑑᐱᕆ 3-ᖑᑎᓪᓗᒍ.

ᐋᓐᓂᐊᕕᐊᓗᒃ ᑕᖅᑭᐅᓚᐅᕐᑐᒥ ᒪᑐᐃᒃᑲᓐᓂᓕᓚᐅᕐᑐᑦ ᓄᖅᑲᖅᑎᑦᑎᓚᐅᖅᖢᑎᒃ ᐱᔨᑦᑎᕋᐅᑎᓂᒃ ᐃᑯᐊᓚᔪᓄᑦ ᓄᓇᑦᓯᐊᑉ ᐊᖓᔪᖅᑳᖃᕐᕕᖓᑕ ᖃᓂᒋᔭᖓᓂ ᐊᐅᔭᐅᔪᖅ. ᐃᑯᐊᓚᔪᒧᑦ ᓄᓇᓖᑦ ᕿᒪᐃᑎᑕᐅᓚᐅᕐᓯᒪᔪᑦ ᐋᒐᓯ 17-ᖑᑎᓪᓗᒍ.

ᐋᓐᓂᐊᖅᑐᑦ ᐋᐴᑕᒧᑦ ᐊᒻᒪ ᐅᐃᓂᐱᒡᒧ ᐊᐅᓪᓚᖅᑎᑕᐅᖔᑲᑕᓕᖅᖢᑎᒃ ᐃᑯᐊᓚᓂᕐᒧᑦ.

ᕿᒪᐃᑎᑦᑎᓇᓱᖕᓂ ᔭᓗᓇᐃᒥ ᐱᔨᑦᑎᕋᐅᑎᒃᑲᓐᓂᕐᓂ ᐱᓕᕆᐊᖃᓕᓚᐅᕐᑐᑦ ᐋᓐᓂᐊᕐᑐᑦ ᐊᐅᓪᓚᖅᑎᑕᐅᔭᕆᐊᖃᖅᑐᓄᑦ ᐊᒻᒪ ᖃᐅᔨᓴᖅᑕᐅᕝᕕᖃᖅᑐᓄᑦ ᑕᒫᙶᖅᑐᓂᒃ ᕿᑎᕐᒥᐅᓂᒃ, ᐅᖃᓚᐅᕐᑐᖅ ᑏᓇᕇ ᓴᒧᕕᐊᓪ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᖅᑎᖓ.