ᕿᑭᖅᑖᓗᒃ ᑎᒥᖁᑎᖓᑦ ᐊᑎᓕᐅᕆᕗᖅ ᐱᓕᕆᔾᔪᓯᐅᔪᒥ ᐱᓂᕐᒧᑦ ᓄᑖᖑᔪᒥ ᐃᖃᓪᓕᐊᕐᓂᕐᒧᑦ ᐅᒥᐊᕐᔪᐊᒧᑦ
ᓴᐳᑎ II ᐱᓕᕆᒃᑲᓐᓂᕈᓐᓇᕐᓂᐊᖅᐳᑦ ᐅᓄᕐᓂᖅᓴᓂ ᑭᖑᒃᐸᓂᑦ ᐊᒻᒪ ᖃᓕᕋᓕᖕᓂᑦ ᑲᒻᐸᓂᐅᔪᒥ ᒫᓐᓇᐅᔪᒥ ᓇᑖᕐᓇᒐᓲᑎᖓᓂ
ᑎᑎᕋᐅᔭᖅᑕᐅᓂᖓ ᓴᐳᑎ II−ᒥ, ᓄᐊᕖᔾᔭᒃᑯᓐᓂ ᐱᓕᕆᔨᐅᔪᓄᑦ Skipsteknisk−ᒥ, ᖁᓛᓂ ᑕᑯᒃᓴᐅᕗᖅ. ᓴᐳᑎ II ᓇᑉᐸᖅᑎᕆᔭᐅᓂᐊᖅᐳᖅ ᔅᐸᐃᓐᒥ ᐊᒻᒪ ᐱᔭᕇᖅᑕᐅᓂᐊᖅᐳᖅ ᐊᕐᕌᒍᓂ ᒪᕐᕉᖕᓂ ᓇᑉᐸᖓᓂᓪᓗ ᕿᓚᒻᒥᐅᓂᖅᓴᒥᓪᓘᓐᓃᑦ, ᕿᑭᖅᑖᓗᒃ ᑎᒥᖁᑎᖓᑦᑕ ᑐᑭᒧᐊᒃᑎᑦᑎᔨᖓ ᐃᖃᓗᓕᕆᓂᕐᒧᑦ ᔨᐊᕆ ᐅᐊᑦ ᐅᖃᓚᐅᖅᐳᖅ. (ᕿᑭᖅᑖᓗᒃ ᑎᒥᖁᑎᖓᑦᑕ ᐊᔾᔨᖁᑎᖓ)
For the English version of this story, see Qikiqtaaluk Corp. signs deal to acquire new fishing vessel.
ᕿᑭᖅᑖᓗᒃ ᑎᒥᖁᑎᖓᑦ ᑎᑭᐅᑎᓯᒪᕗᑦ ᐱᓕᕆᖃᑎᖃᕐᓂᐅᔪᒥ ᓂᐅᕕᕐᓂᕐᒧᑦ ᓄᑖᒥᒃ ᐃᖃᓗᒐᓲᑎᒥᒃ ᓇᑖᕐᓇᒐᓲᑎᒥᑦ, ᑕᐃᔭᐅᓂᐊᖅᑐᒥ ᓴᐳᑎ II−ᒥᒃ, ᓴᐹᓂᔅᒥ ᐱᓕᕆᔨᐅᔪᓂ.
“ᐊᖏᔪᐊᓘᓪᓗᓂ ᐱᓕᕆᐊᒃᓴᐅᕗᖅ,” ᔨᐊᕆ ᐅᐊᑦ, ᑲᒻᐸᓂᐅᑉ ᑐᑭᒧᐊᒃᑎᑦᑎᔨᖓ ᐃᖃᓗᓕᕆᓂᕐᒧᑦ, ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ ᐊᖏᕈᑕᐅᔪᒥ ᐊᑎᓕᐅᖅᑕᐅᓂᑯᒥ ᓯᑎᐱᕆ 26−ᒥ ᐅᒥᐊᕐᔪᐊᓕᐅᖅᑎᐅᔪᓄᑦ Freire Shipyard Vigo, Spain−ᒥ.
ᐅᐊᑦ ᐅᖃᓚᐅᖅᐳᖅ ᐊᕐᕌᒍᓄᑦ ᒪᕐᕉᖕᓄᑦ ᓇᑉᐸᖓᓂᓗ ᓴᓇᔭᐅᓇᔭᖅᖢᓂ ᐅᒥᐊᕐᔪᐊᖅ, ᑭᓯᐊᓂ ᕿᑭᖅᑖᓗᒃ ᑎᒥᖁᑎᖓᑦ, ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔨᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ, ᓂᕆᐅᒃᐳᑦ ᐱᔭᕇᖅᓵᓕᓂᖅᓴᐅᔪᓐᓇᕐᓂᐊᕐᓂᖓᓂ.
ᓴᐳᑎ II ᐱᓕᕆᕝᕕᐅᓗᓂ-ᖁᐊᖅᓰᕕᐅᓗᓂ ᐃᖃᓗᒐᓱᖕᓂᕐᒧᑦ ᓇᑖᕐᓇᒐᓲᑎᐅᓂᐊᖅᐳᖅ, ᐃᖃᓗᖕᓂ ᖁᐊᖑᑎᑦᑎᔪᓐᓇᕐᓂᐊᖅᑐᒥ ᐱᔭᐅᓚᐅᖅᑎᓪᓗᒋᑦ ᑭᓯᐊᓂ ᐅᒥᐊᕐᔪᐊᖅ ᐅᑎᕈᓂ ᑐᓚᒃᑕᕐᕕᖓᓄᑦ ᓂᐅᕙᓐᓛᓐᒧᑦ ᐊᒻᒪ ᓛᐸᑐᐊᒧᑦ. ᐊᖏᓂᖓ 80 ᒦᑕᑲᓴᖕᓂ ᑕᑭᓂᖃᕐᓂᐊᖅᐳᖅ ᐊᒻᒪ 17 ᒦᑕᓂ ᓯᓕᖕᓂᖃᕐᓗᓂ.
ᓴᓇᓯᒪᓪᓗᓂ ᖃᔅᓯᒐᓚᖕᓄᑦ ᐆᒪᔪᐃᑦ ᐊᔾᔨᒌᙱᓐᓂᖏᓐᓂ, ᐅᒥᐊᕐᔪᐊᖅ ᐱᓇᓱᒍᓐᓇᕐᓂᐊᖅᐳᖅ ᑭᖑᒃᐸᓂᑦ ᐊᒻᒪ ᖃᓕᕋᓕᖕᓂᑦ.
ᕿᑭᖅᑖᓗᒃ ᑎᒥᖁᑎᖓᑦ ᐊᐅᓚᑦᑎᖃᑦᑖᓂᒃᐳᖅ ᐊᑕᐅᓯᕐᒥ ᐃᖃᓗᒐᓲᑎᒥᒃ ᓇᑖᕐᓇᒐᓲᑎᒥᑦ, ᓴᐳᑎᒥ.
ᓴᐳᑎ II ᖁᕝᕙᕆᐊᖅᑎᑕᐅᓂᐅᓂᐊᖅᐳᖅ ᑲᒪᒋᔭᖃᕈᓐᓇᕐᓂᐊᕐᒪᑦ 750 ᑕᓐᓂ ᑭᖑᒃᐸᓂᑦ ᐊᒻᒪ 1,100 ᑕᓐᓂ ᖃᓕᕋᓕᖕᓂᑦ, ᐅᖃᐅᓯᐅᓪᓗᓂ ᑲᒻᐸᓂᐅᔪᒥ ᑐᓴᒐᒃᓴᓕᐊᖑᔪᒥ. ᑕᐅᑐᒃᖢᒍ ᓴᐳᑎ ᑲᒪᒋᔭᖃᕈᓐᓇᖅᐳᖅ 580 ᑕᓐᓂ ᑭᖑᒃᐸᓂᑦ ᐊᒻᒪ 900 ᑕᓐᓂ ᖃᓕᕋᓕᖕᓂᑦ.
ᐅᐊᑦ ᐅᖃᓚᐅᖅᐳᖅ ᑲᒻᐸᓂᐅᔪᖅ ᐊᐅᓚᑦᑏᓐᓇᕐᓂᐊᖅᐸᑕ ᑕᒪᒃᑭᓂ ᐅᒥᐊᕐᔪᐊᖑᔪᓂ ᐅᕝᕙᓘᓐᓃᑦ ᓂᐅᕕᐊᒃᓴᖃᕈᒪᓕᑳᓪᓚᒃᐸᑕ ᓴᐳᑎᒥᒃ ᓴᐳᑎ II ᐱᔭᕇᖅᑕᐅᒃᐸᑦ ᒪᓕᖕᓂᐊᖅᐳᖅ ᐃᖃᓗᒐᓱᖕᓂᕐᒥ ᐱᔪᓐᓇᕐᓂᕆᔭᐅᑎᑕᐅᓯᒪᔪᓄᑦ, ᐋᖅᑭᒃᑕᐅᓯᒪᔪᒥ ᒐᕙᒪᑐᖃᒃᑯᓐᓂ.
ᒫᓐᓇᐅᔪᒥ, ᐅᖃᓚᐅᖅᐳᖅ, “ᓈᒻᒪᒃᑐᒥ ᐱᔪᓐᓇᕐᓂᕆᔭᐅᑎᑕᐅᓯᒪᔪᖁᑎᖃᖅᐳᑦ ᑖᔅᓱᒥᖓ [ᓴᐳᑎ II] ᐱᔭᒃᓴᖃᐃᓐᓇᕐᓂᕐᒧᑦ.”
ᐅᐊᑦ ᐅᖃᕈᒪᓚᐅᙱᓚᖅ ᐊᑭᓪᓚᕆᒋᔭᖓᓂ ᓴᐳᑎ II−ᒥ, ᑭᓯᐊᓂ ᐅᖃᓚᐅᖅᐳᖅ ᑕᐃᑲᓂᒐᓚᒃ $100 ᒥᓕᐊᓐ−ᖏᓐᓃᓚᐅᖅᐳᖅ.
ᐅᖃᓚᐅᖅᐳᖅ ᓄᑖᖅ ᐅᒥᐊᕐᔪᐊᖅ ᐊᖏᒡᓕᒋᐊᖅᑎᑦᑎᓇᔭᖅᐳᖅ ᐃᓄᖕᓄᑦ ᐃᖅᑲᓇᐃᔮᖃᖅᑎᑦᑎᓂᕐᒥ ᐊᒻᒪ ᑮᓇᐅᔾᔭᒃᓴᓂᖏᓐᓂ, ᐱᕚᓪᓕᕈᑎᖃᖅᑎᑦᑎᓂᐊᖅᑐᒥ ᓄᓇᓕᖕᓂ.
ᓴᐳᑎ II ᐃᖅᑲᓇᐃᔭᖅᑎᑦᑎᓂᐊᖅᐳᖅ 28−ᓂ 30−ᓄᑦ ᐃᓄᖕᓂ, ᑲᒻᐸᓂᒃᑯᑦ ᐸᕐᓇᒃᖢᓂ ᐃᖅᑲᓇᐃᔭᖅᑎᑦᑎᒃᑲᓐᓂᕐᓂᕐᒥ ᐅᓄᕐᓂᖅᓴᓂ ᐃᓄᖕᓂ.
“ᐅᓄᕐᓂᖅᓴᓂ ᐃᖃᓗᖃᑦᑕᕐᓂᐊᓕᖅᐳᒍᑦ, ᓱᒃᑲᓂᖅᓴᒥ ᐃᖃᓗᖃᑦᑕᕐᓂᐊᖅᐳᒍᑦ ᐊᒻᒪ ᐃᖅᑲᓇᐃᔭᖅᑏᑦ ᑮᓇᐅᔾᔭᒃᓴᓂᖅᓴᐅᓂᐊᖅᐳᑦ ᐊᑐᓂ ᑕᓐᒥ ᑐᙵᕕᖃᖅᑐᒥ,” ᐅᐊᑦ ᐅᖃᓚᐅᖅᐳᖅ.
ᓴᐳᑎ II ᐃᖅᑲᓇᐃᔭᖅᑎᑖᒃᑲᓐᓂᕆᐊᖃᕐᓂᖓᓂ ᐱᔭᕆᑐᔪᓂ ᐊᔪᙱᓐᓂᓕᖕᓂ, ᐅᖃᓚᐅᖅᐳᖅ ᑲᒻᐸᓂᐅᑉ ᑐᕌᒐᕆᔭᖓ ᐊᖏᒡᓕᒋᐊᖅᑎᑦᑎᓂᕐᒥ ᐱᔭᕆᑐᔪᓂ ᐱᓕᒻᒪᒃᓴᐃᓂᖓᓂ ᐊᑐᐃᓐᓇᐅᔪᓄᑦ ᐃᓄᖕᓄᑦ.
“ᐅᓪᓘᑉ ᐃᓱᐊᓂ ᐊᖏᓛᖑᔪᒥ ᐃᓄᖕᓄᑦ ᐃᖅᑲᓇᐃᔮᖃᖅᑎᑦᑎᔪᒪᕗᒍᑦ,” ᐅᐊᑦ ᐅᖃᓚᐅᖅᐳᖅ.
ᐱᐅᓂᖅᓴᓂ ᑐᔪᕐᒥᕕᒃᓴᖃᕐᓗᓂ ᐃᖅᑲᓇᐃᔭᖅᑎᐅᔪᓄᑦ ᐃᑭᒪᔪᓄᑦ ᓴᐳᑎ II−ᒥ, ᓄᑖᖅ ᐅᒥᐊᕐᔪᐊᖅ ᐊᑯᓂᐅᓂᖅᓴᒥ ᐃᒪᕐᒦᑦᑐᓐᓇᕐᓂᐊᖅᐳᑦ ᐃᖃᓪᓕᐊᕐᓂᕐᒧᑦ.
ᑐᓴᒐᒃᓴᓕᐊᖓᓐᓂ, ᕿᑭᖅᑖᓗᒃ ᑎᒥᖁᑎᖓᑦ ᐅᖃᓚᐅᖅᐳᖅ ᓄᑖᖑᔪᖅ ᐅᒥᐊᕐᔪᐊᖅ ᐊᑑᑎᖃᑦᑎᐊᕐᓂᖅᓴᐅᔪᒥ ᐊᐅᓚᐅᑎᖃᕐᓂᐊᖅᐳᖅ ᐊᕙᑎᒧᑦ−ᑐᙵᓇᕐᓂᖅᓴᐅᔪᒥ. ᐅᒥᐊᕐᔪᐊᑉ ᓴᓇᓯᒪᓂᖓ ᐱᓕᕆᐊᖑᕗᖅ ᓄᐊᕖᔾᔭᓂ ᐱᓕᕆᔨᐅᔪᓄᑦ Skipsteknisk AS−ᒥ.
2nd round signing a agreement and now cost is more than first round 28% higher than 2021,
Bad move waiting will QFC wait another round ? 3rd round fire the management if this goes up more than $100 million,
Should have had negotiations together with BFC for two Nunavut sister ships and save tons of funds witch would have made sense,
No more bonuses right to the president I say ….
Eyes & ears