ᖃᐅᔨᓴᖅᑐᕕᓂᕐᒥ ᖃᐅᔨᓴᕈᑎᓂᒃ ᑐᓴᕐᓇᓗᐊᙱᑦᑐᖅ ᐆᒧᖓ ᐃᖃᓗᖕᓂ ᐃᒪᕐᒧᑦ ᑐᐊᕕᕐᓇᖅᑐᕕᓂᕐᓄᑦ
ᕿᒥᕐᕈᐊᕐᓂᖅ ᐅᑯᓂᖓ ᐃᓚᖃᓚᐅᕐᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ, ᓄᓇᓕᖕᓂ ᐊᒻᒪ ᒐᕙᒪᒃᑯᓐᓂᒃ ᐱᔨᑦᑎᕋᐅᑎᓕᕆᔨᓂᒃ ᐊᒻᒪᓗ ᓄᓇᓕᐸᐅᔭᐃᑦ ᐱᓕᕆᔨᖏᓐᓂᒃ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᖅᑎᖓᑦ ᑏᓇᕇ ᓴᒧᕕᐊᓪ ᐅᖃᓚᐅᕐᑐᖅ ᐊᓯᖏᓐᓂᒃ ᕿᒥᕐᕈᐊᕐᓂᐊᖅᑐᓂᒃ ᓄᓇᕗᒥᑦ ᒐᕙᒪᒃᑯᑦ ᖃᓄᐃᓕᐅᕈᑎᖏᓐᓂᒃ ᐃᓗᖕᓂ ᐃᒪᕐᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᐊᒻᒪᓗ ᑖᓐᓇ “ᓱᓕ ᐱᓕᕆᐊᖑᓪᓗᓂ.” (ᐊᔾᔨᙳᐊᖁᑎᖓ ᒥᓚᓂ ᐅᕆᑦᓵᑦ)
For an English version of this story, see Few details available for 3rd-party review of Iqaluit water emergency
ᖃᐅᔨᓴᖅᑎᑦᑎᓂᖅ ᐅᑯᓂᖓ ᒐᕙᒪᒃᑯᑦ ᖃᓄᐃᓕᐅᕈᑎᕕᓂᖏᓐᓂᒃ ᐆᒧᖓ ᐃᖃᓗᖕᓂ ᐃᒪᕐᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᐅᑭᐊᒃᓵᖑᓚᐅᕐᑐᖅ ᓱᓕ ᐱᒋᐊᖅᑕᐅᓚᐅᙱᓚᖅ ᐊᒻᒪᓗ ᐋᖅᑭᒃᓯᓯᒪᙱᖢᑎᒃ ᖃᑯᒍ ᐱᓕᕆᐊᖑᓂᐊᕐᒪᖔᑦ.
ᑏᓇᕇ ᓴᒧᕕᐊᓪ, ᐅᖃᖅᑎᒋᔭᐅᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐅᖃᓚᐅᕐᑐᖅ ᖃᕋᓴᐅᔭᒃᑯᑦ ᑎᑎᖃᑎᒍᑦ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᕿᒥᕐᕈᐊᕐᓂᖅ ᐅᑯᓂᖓ ᐃᓚᐅᑎᑦᑎᓂᐊᕐᓂᖏᓐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ, ᓄᓇᓕᖕᓂ ᐊᒻᒪ ᒐᕙᒪᒃᑯᓐᓂᒃ ᐱᔨᑦᑎᕋᐅᑎᓕᕆᔨᓂᒃ ᐊᒻᒪᓗ ᓄᓇᓕᐸᐅᔭᐃᑦ ᐱᓕᕆᔨᖏᓐᓂᒃ.
ᒐᕙᒪᒃᑯᑦ ᓱᓕ ᓇᓗᓇᐃᕐᓯᓚᐅᙱᑦᑐᑦ ᑭᒃᑯᓐᓄᑦ ᑕᒪᓐᓇ ᕿᒥᕐᕈᐊᖅᑕᐅᓂᐊᕐᒪᖔᑦ, ᓴᒧᕕᐊᓪ ᐅᖃᖅᑐᖅ.
ᐅᖃᕈᓐᓇᓚᐅᙱᒻᒥᔪᖅ ᖃᓄᑎᒋ ᐊᑯᓂᐅᑎᒋᓇᔭᕐᒪᖔᑦ ᐅᕝᕙᓘᓐᓃᑦ ᐊᑭᒋᓇᔭᕐᑕᖓᓂᒃ ᑕᒪᑐᒧᖓ.
ᐅᒃᑑᐱᕆ 2-ᖑᑎᓪᓗᒍ ᐃᓄᐃᑦ ᐅᖃᐅᓯᖃᑲᑕᓕᓚᐅᕐᓯᒪᔪᖅ ᓄᓇᓕᐸᐅᔭᐃᑦ ᐃᒪᖓ ᐅᕐᓱᐊᓗᒃᓱᓐᓂᖓᓂᒃ. ᐅᓪᓗᐃᑦ ᖁᓕᑦ ᐊᓂᒍᖅᑎᓪᓗᒋᑦ ᓄᓇᓕᐸᐅᔭᐃᑦ ᐊᒻᒪᓗ ᓄᓇᕗᒥᑦ ᒐᕙᒪᒃᑯᑦ ᐃᓄᖕᓄ ᐅᖃᓕᓚᐅᕐᓯᒪᔪᑦ ᐃᒪᕐᒥ ᐃᒥᑲᑕᖁᔨᙱᖢᑎᒃ ᐱᐅᔪᓐᓃᕐᓯᒪᓇᓱᒋᔭᐅᓪᓗᓂ. ᐱᓕᕆᔨᒻᒪᕆᐅᔪᑦ ᑭᖑᓂᐊᒍᑦ ᓇᓗᓇᐃᖅᓯᓕᓚᐅᕐᓯᒪᔪᑦ ᐅᕐᓱᐊᓗᖕᒧᑦ ᐱᐅᔪᓐᓃᖅᓯᒪᓂᖏᑦ ᐃᒪᖃᐅᑎᐅᔪᑦ ᐃᒥᖅᑕᖅᕕᒃᒦᑦᑐᑦ.
ᐅᓇ ᐃᒪᕐᒥ ᐃᒥᖅᑕᐃᓕᓂᖅ ᐃᖃᓗᖕᓂ ᐃᓱᓕᓚᐅᕐᓯᒪᔪᖅ ᑕᖅᑮᒃ ᒪᕐᕉᒃ ᐱᐊᓂᒃᑎᓪᓗᒋ ᐱᒋᐊᕐᕕᖓᓂᒃ ᑎᓯᐱᕆ 10-ᒥ.
ᑎᓯᐱᕆᒥ ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ, ᓘᒃᑖᖅ ᒪᐃᑯᓪ ᐹᑐᓴᓐ, ᐅᖃᓚᐅᕐᓯᒪᔪᖅ ᒐᕙᒪᒃᑯᑦ ᖃᓄᐃᓕᐅᕈᑎᕕᓂᖏᓐᓂᒃ ᐃᒪᕐᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᕿᒥᕐᕈᐊᖅᑕᐅᓛᕐᓂᖏᓐᓂᒃ ᐱᓕᕆᙱᑦᑐᓂᒃ ᖃᐅᔨᓇᓱᒡᓗᑎᒃ ᖃᓄᐃᓕᐅᕋᔭᕐᒪᖔᑦ ᑕᐃᒪᓐᓇᐸᓗᑦ ᐊᑐᒃᑲᓐᓂᕐᓂᖅᐸᑕ ᓯᕗᓂᑦᑎᓐᓂᒃ.
ᐃᖃᓗᐃᑦ ᒪᐃᔭᖓ ᑭᐊᓂ ᐱᐊᓪ ᖃᕋᓴᐅᔭᒃᑯᑦ ᑎᑎᕋᕐᓯᒪᓚᐅᕐᓯᒪᔪᖅ ᑎᓯᐱᕆ 23-ᒥ ᑖᓐᓇ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐊᖏᖃᑎᒌᓚᐅᕐᓂᖏᓐᓂᒃ ᖃᐅᔨᓴᕆᐊᖃᕐᓂᖏᓐᓂᒃ ᐅᑯᓂᖓ
ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ, ᓄᓇᓕᖕᓂ ᐊᒻᒪ ᒐᕙᒪᒃᑯᓐᓂᒃ ᐱᔨᑦᑎᕋᐅᑎᓕᕆᔨᓂᒃ.
ᐱᐊᓪ ᐅᖃᓚᐅᕐᒥᔪᖅ ᒐᕙᒪᑐᖃᒃᑯᓐᓂ ᐃᑲᔪᖅᑕᐅᔪᒪᓂᕋᖅᖢᓂ ᖃᐅᔨᓴᖅᑎᑦᑎᓂᕐᒥᒃ ᐱᓕᕆᖃᑕᐅᙱᑦᑐᕕᓂᕐᒥᒃ ᐊᒻᒪᓗ ᖃᐅᔨᓴᕈᑎᕕᓂᕐᓂᒃ ᑭᒃᑯᓕᒫᓄᑦ ᑐᓴᐅᒪᔭᐅᑎᑦᑎᓇᓱᖕᓂᐊᕐᓂᕋᖅᖢᓂ.
(0) Comments