ᐊᑕᐅᓯᕐᒥ-ᐊᖏᓂᓕᒃ−ᓈᒻᒪᒋᔭᐅᔪᖅ− ᑭᒃᑯᓕᒫᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᕌᒐᕆᔭᐅᔪᖅ ᐱᓕᕆᑦᑎᐊᔾᔮᙱᓚᖅ, ᐱᓇᖕᓇᒥ ᓯᕗᓕᖅᑎᐅᔪᑦ ᐅᖃᖅᐳᑦ

For English version, see One-size-fits-all climate change approach won’t work, western premiers say

“ᐊᑕᐅᓯᕐᒥ-ᐊᖏᓂᓕᒃ−ᓈᒻᒪᒋᔭᐅᔪᖅ− ᑭᒃᑯᓕᒫᓄᑦ” ᑐᕌᒐᕆᔭᐅᔪᒥ ᑕᐃᒪᐃᓪᓗᐊᖅᑎᑕᐅᓂᕐᒧᑦ ᐊᒻᒪ ᐅᓇᑕᕋᓱᐊᕐᓂᕐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐃᓱᒪᒋᔭᖃᙱᓚᖅ ᐊᔾᔨᐅᙱᑦᑐᓂ ᖃᓄᐃᓕᖓᓂᐅᔪᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓯᕗᓕᖅᑏᑦ ᐅᖃᖅᐳᑦ.

ᓯᕗᓕᐅᖅᑎᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐱᓇᖕᓇᒥ ᑲᓇᑕᐅᑉ ᐊᕕᒃᑐᖅᓯᒪᓂᐅᔫᑉ ᑲᑎᒪᓚᐅᖅᐳᑦ Whistler, B.C.−ᒥ, ᔫᓂ 27−ᒥ ᐅᖃᐅᓯᖃᕐᓂᕐᒧᑦ ᐊᔾᔨᒌᙱᕈᓘᔭᖅᑐᓂ ᐅᖃᐅᓯᒃᓴᐅᔪᓂ ᐃᓚᖃᖅᑐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ, ᑮᓇᐅᔾᔭᒃᓴᓂᕐᒧᑦ ᐱᕙᓪᓕᐊᑎᑦᑎᓂᕐᒥ, ᐆᒻᒪᖅᑯᑎᓄᑦ ᐊᑐᐊᒐᓂ ᐊᒻᒪ ᐅᑭᐅᖅᑕᖅᑐᒥ ᐊᐅᓚᑦᑎᒍᓐᓇᕐᓂᕐᒥ.

“ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᑦ ᑕᑯᕙᒃᑕᑦᑎᓐᓂ ᐅᑭᐅᖅᑕᖅᑐᒥ ᑲᓇᑕᒥ ᐊᒃᑐᖅᑕᐅᓴᕋᐃᑎᑦᑎᕗᑦ” ᓄᓇᕐᔪᐊᓕᒫᒥ, ᓄᓇᕗᒻᒥ ᓯᕗᓕᖅᑎ P.J. ᐊᕿᐊᕈᖅ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ ᑭᖑᓂᐊᓂ ᓯᕗᓕᖅᑎᐅᔪᑦ ᑲᑎᒪᓂᖓᓂ.

ᐃᓚᖏᑦ ᓯᕗᓕᖅᑎᐅᔪᑦ ᐅᖃᓚᐅᖅᐳᖅ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑕᐅᕙᖕᓂᖓᓂ ᓇᓕᒧᙱᑦᑐᒥ ᑐᓐᓂᖅᓴᖅᑕᐅᓲᖑᕗᑦ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐊᒻᒪ ᖃᐃᖁᔨᓂᖃᖅᐳᑦ ᑮᓇᐅᔭᖃᖅᑎᑕᐅᓂᐅᔪᒥ ᐊᑐᓂ−ᐃᓄᖕᒧᑦ ᑐᙵᕕᖃᖅᑐᒥ, ᐅᖃᓚᐅᖅᐳᖅ ᑲᑎᒪᕕᒡᔪᐊᕐᓂᐅᔪᒥ ᑲᒪᔨᐅᔪᖅ ᓯᕗᓕᖅᑎ ᑕᐃᕕᑦ ᐃᐱ B.C.−ᒥᐅᑕᖅ.

ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᑦ ᐱᔭᕆᐊᖃᖅᐳᑦ ᐊᓯᐊᒎᖅᑐᒥ ᐋᖅᑭᒃᓱᖅᑕᐅᓯᒪᓂᐅᔪᓂ ᐱᔪᓐᓇᕐᓂᐊᕐᒪᑕ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᐅᔪᓂ ᐃᑲᔪᖅᓱᐃᓂᕐᓂ ᐱᔭᕆᐊᓕᖏᓐᓂ, ᐅᖃᓚᐅᖅᐳᖅ ᐋᓪᐴᑕ ᓯᕗᓕᖅᑎ ᑕᓂᐅᓪ ᓯᒥᑦ.

“ᐅᑭᐅᖅᑕᖅᑐᖅ ᐊᔾᔨᐅᙱᓚᖅ, ᐊᒻᒪ ᐅᖃᓪᓚᐅᓯᖃᖅᑎᓪᓗᑎᑦ ᑕᐃᒪᐃᓪᓗᐊᖅᑎᑕᐅᓂᕐᒥ ᐊᒻᒪ ᐊᔾᔨᒌᓂᒃ ᐱᔨᑦᑎᕋᕐᓂᐅᔪᒥ” ᐊᓯᐊᒎᖅᑐᒥ ᐃᓱᒪᒃᓴᖅᓯᐅᕆᓂᕐᒥ ᑐᓂᔭᐅᔭᕆᐊᖃᖅᐳᑦ, ᓯᕗᓕᖅᑎ ᑳᓚᐃᓐ ᑳᒃᕆᓐ ᓄᓇᑦᓯᐊᕐᒥ ᐅᖃᓚᐅᖅᐳᖅ.

ᐅᑭᐅᖅᑕᖅᑐᖅ, ᐃᓗᓕᖃᖅᑎᓪᓗᒍ ᖃᓂᒋᔭᖓᓂ 40 ᐳᓴᓐᑎᒥ ᑲᓇᑕᐅᑉ ᓄᓇᖁᑎᖏᓐᓂ, ᐃᓗᓕᖃᑐᐃᓐᓇᖅᐳᖅ ᐅᓄᙱᓐᓂᖅᓴᐅᔪᒥ 0.3 ᐳᓴᓐᑎᒥ ᐃᓄᒋᐊᖕᓂᐅᔪᓂ, ᐅᖃᐅᓯᐅᓪᓗᓂ 2021−ᒥ ᑭᓪᓕᓯᓂᐊᕐᓂᐅᔪᒥ.

ᓯᒥᑦ ᓇᓗᓇᐃᖅᓯᓚᐅᖅᐳᖅ ᒐᕙᒪᑐᖃᒃᑯᑦ ᒫᓐᓇᓕᓴᐅᔪᒥ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐋᓐᑎᐊᕆᐅᒥ, ᐅᔾᔨᕆᓪᓗᓂ ᒐᕙᒪᒃᑯᑦ ᑐᓂᓯᓚᐅᕐᓂᖏᓐᓂ $13 ᐱᓕᐊᓐᓂ ᐃᑲᔫᓯᖅᑕᐅᕙᒃᑐᓂ Volkswagen−ᒧᑦ ᓴᓇᔪᓐᓇᕐᓂᐊᕐᒪᑕ ᐅᐊᔭᒨᖅᑐᒧᑦ ᓄᓇᓯᐅᑎᓄᑦ ᓴᓇᕝᕕᒃᓴᐅᔪᒥ ᑲᓇᑕᐅᑉ ᐊᕕᒃᑐᖅᑕᐅᓯᒪᓂᖓᓂ.

ᐋᓪᐴᑕ ᑕᑯᔪᒪᓇᔭᕆᕗᑦ ᑕᐃᒃᑯᓂᖓ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐱᓇᖕᓇᒥ ᑲᓇᑕᒥ, ᐅᖃᓚᐅᖅᐳᖅ.

“ᐃᓱᒪᕗᖓ ᑐᓐᓂᖅᓴᐃᒃᑲᓐᓂᖃᕆᐊᖃᕐᓂᖓᓂ ᑮᓇᐅᔭᖁᑎᕐᔪᐊᖑᔪᓂ,” ᑳᒃᕆᓐ ᐅᖃᓚᐅᖅᐳᖅ. ᒐᕙᒪᑐᖃᒃᑯᑦ ᑐᓂᓯᓪᓗᐊᙱᓚᑦ “ᑕᒪᒃᑭᒐᓚᖕᓂ ᑮᓇᐅᔭᖃᖅᑎᑕᐅᓂᐅᔪᓂ ᑲᓇᖕᓇᒧᑦ ᑲᓇᑕᒥ ᐊᕕᒃᑐᖅᓯᒪᓂᐅᔪᓄᑦ.”

ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᑦ ᕿᒻᒪᑰᕐᔪᐊᖅᐳᑦ ᑲᓇᑕᒥ ᐊᕕᒃᑐᖅᓯᒪᓂᐅᔪᓄᑦ ᐅᓇᐅᑎᓪᓗᒍ ᑮᓇᐅᔾᔭᒃᓴᓂᕐᒥ ᐱᕙᓪᓕᐊᑎᑦᑎᓂᐅᔪᓂ ᐊᒻᒪ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ.

“ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᖃᖅᐳᒍᑦ ᐊᖏᔪᕐᔪᐊᖑᔪᓂ” ᐊᒻᒪ ᐊᒥᓱᑦ ᐊᖅᑯᑎᖃᙱᓚᑦ ᑲᑎᖃᑎᒌᖕᓂᐅᔪᓂ, ᑳᒃᕆᓐ ᐅᖃᓚᐅᖅᐳᖅ.

“ᐆᒻᒪᖅᑯᑎᓄᑦ ᓇᑭᙶᕐᓂᐅᔪᑦ ᑕᐃᕙᓃᙱᓚᑦ ᐱᖃᕋᔭᖅᑐᒃᓴᐅᑎᓪᓗᑕ. ᑐᓴᐅᒪᑎᑦᑎᔾᔪᑎᖃᙱᓚᒍᑦ ᐃᓄᐃᑦ ᐃᓱᒫᓘᑎᒋᕙᙱᑕᖏᓐᓂ ᐅᕙᓂ,” ᐅᖃᓚᐅᖅᐳᖅ.

“ᑕᐃᒫᒃ ᐅᖃᓪᓚᒃᑎᓪᓗᑕ ᑕᐃᒪᐃᓪᓗᐊᖅᑎᑕᐅᓂᕐᓂ, ᓇᓗᓇᐃᖅᓯᔭᕆᐊᖃᖅᐳᒍᑦ ᐃᓄᐃᑦ [ᐅᑭᐅᖅᑕᖅᑐᒥ] ᑕᐃᒪᓐᓇᑦᑕᐃᓐᓇᖅ ᑭᒡᓕᐅᔪᒥ ᐱᔨᑦᑎᕋᕐᓂᐅᔪᓂ ᐃᓄᖕᓂ ᖃᓪᓗᓈᑦ ᓄᓇᖓᓐᓂ ᐃᓱᒪᖅᓲᑎᖃᖅᐸᖕᓂᖏᓐᓂ.”

ᐅᑭᐅᖅᑕᖅᑐᖅ ᐊᑐᕐᔪᐊᓲᖑᕗᑦ ᐅᖅᓱᐊᓗᑐᐃᓐᓇᕐᒥ, ᐅᖃᓚᐅᖅᐳᖅ ᑳᒃᕆᓐ, ᐊᒻᒪ ᐊᓯᐊᓂ ᓂᕈᐊᒐᒃᓴᖃᙱᓚᑦ ᒫᓐᓇᐅᔪᒥ.

“ᐊᑕᐅᓯᕐᒥ ᐊᑐᐊᒐᓕᐅᕈᓐᓇᙱᓚᓯ ᓈᒻᒪᖕᓂᐊᖅᑐᒥ ᑲᓇᑕᓕᒫᒧᑦ. ᐸᐅᕐᒧᑦ ᑖᒃᓯᖓ ᐊᖏᔫᓪᓗᓂ ᐆᒃᑑᑎᐅᕗᖅ ᑖᔅᓱᒥᖓ.”

ᐱᓕᕆᐊᑦᑎᐊᕙᐅᕗᖅ ᐃᑲᔪᕐᓂᕐᒧᑦ ᐸᐅᖑᔪᓐᓃᖅᑎᑦᑎᓇᓱᐊᕐᓂᖓᓂ ᑮᓇᐅᔾᔭᒃᓴᓂᐅᔪᒥ — ᑭᓯᐊᓂ ᐊᓯᐊᓂ ᓂᕈᐊᒐᒃᓴᖃᙱᑎᓪᓗᑎᑦ ᑕᐃᒪᓐᓇᑎᑐᑦ ᐅᑭᐅᖅᑕᖅᑐᒥ, ᑳᒃᕆᓐ ᐃᓚᒋᐊᖅᓯᓚᐅᖅᐳᖅ.

ᓯᒥᑦ ᐅᒃᐱᕈᓱᒃᑭᕗᖅ ᒐᕙᒪᑐᖃᒃᑯᑦ ᑐᕌᒐᕆᔭᖓ ᑕᒻᒪᖅᓯᒪᓂᖓᓂ.

“ᓈᒻᒪᒍᓱᙱᓚᒍᑦ ᐅᖅᓱᐊᓗᒃ ᐊᒻᒪ ᓄᓇᒥ ᒑᓯᑦ ᐊᑐᖅᑕᐅᔪᓐᓃᕐᓂᐊᕐᓂᖏᓐᓂ,” ᐅᖃᓚᐅᖅᐳᖅ.

“ᐃᓱᒪᕗᖓ ᑕᒪᒃᑭᑦ ᓯᕗᓕᖅᑎᐅᔪᑦ ᐅᕙᓂ ᑲᑎᒪᓂᐅᔪᒥ ᐊᖏᖃᑎᒌᖕᓂᖏᓐᓂ,” ᑳᒃᕆᓐ ᐃᓚᒋᐊᖅᓯᓚᐅᖅᐳᖅ. “ᐅᕙᒍᑦ [ᐅᑭᐅᖅᑕᖅᑐᒥ] ᓯᕗᓂᐊᓃᑉᐳᒍᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ. ᓯᕗᓂᐊᓃᑉᐳᒍᑦ ᒥᐊᓂᖅᓯᓂᕐᒥ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥ.”

“ᑲᓇᑕᒥᐅᑕᓂ ᑐᑭᓯᐅᒪᖁᔨᕗᒍᑦ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐅᑭᐅᖅᑕᖅᑐᒥ ᐱᖓᓱᐃᖅᓱᓪᓗᐊᖅᑐᒥ ᐅᓗᕆᐊᓇᕐᓂᐅᕗᖅ ᐱᕕᒃᓴᖃᕐᓂᐅᔪᓄᑦ [ᐱᔭᐅᔪᓂᑦ],” ᓯᕗᓕᖅᑎ ᕌᓐᔨ ᐱᓚᐃ ᔫᑳᓐᒥᐅᑕᖅ ᐅᖃᓚᐅᖅᐳᖅ.

ᒪᑐᐃᖅᓯᖅ ᐅᑭᐅᖅᑕᖅᑐᒥ ᐃᑲᔪᖅᓱᐃᓂᐊᖅᐳᖅ ᑲᓇᑕᐅᑉ ᓅᑉᐸᓪᓕᐊᓂᖓᓂ ᐆᔭᐅᔭᕐᒧᑦ ᑮᓇᐅᔾᔭᒃᓴᓂᐅᔪᒧᑦ ᑐᓂᓯᓗᑎᒃ ᐊᑐᐃᓐᓇᖃᕐᓂᕐᒥ ᐱᓪᓚᕆᐅᔪᓄᑦ ᐅᔭᕋᐅᔭᓂᑦ ᓄᑖᖑᔪᒧᑦ ᑮᓇᐅᔾᔭᒃᓴᓂᐅᔪᒧᑦ. ᐱᕙᓪᓕᐊᑎᑦᑎᓂᖅ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᐱᐅᓯᒋᐊᖅᑎᑦᑎᓂᕐᒥ ᐅᐊᔭᒨᖅᑐᓄᑦ ᐆᒻᒪᖅᑯᑎᓄᑦ ᐊᒻᒪ ᑐᓴᐅᒪᑎᑦᑎᔾᔪᑎᓂᑦ ᑲᓱᖃᑎᒌᒃᓯᒪᔪᓄᑦ ᑐᓂᓯᓂᐊᖅᐳᖅ ᐱᕕᒃᓴᖃᕐᓂᐅᔪᓂ ᑮᓇᐅᔾᔭᒃᓴᓂᕐᒧᑦ ᐱᕙᓪᓕᐊᑎᑕᐅᓂᖓᓂ. ᐅᓇ ᖁᕝᕙᕆᐊᖅᑎᑦᑎᓂᐊᖅᐳᖅ ᐅᑭᐅᖅᑕᖅᑐᒥ ᐊᐅᓚᑦᑎᒍᓐᓇᕐᓂᕐᒥ, ᐅᖃᓚᐅᖅᐳᖅ.

“ᐃᓱᒪᕗᖓ ᐸᖅᑭᔭᕆᐊᖃᕐᓂᖏᓐᓂ ᐱᓇᖕᓇᒥ ᐊᒻᒪ ᐅᑭᐅᖅᑕᖅᑐᒥ. ᑲᓇᑕᒥᐅᑕᐃᓐᓇᐅᕗᒍᑦ, ᐊᒻᒪ ᐱᓕᕆᑦᑎᐊᖃᑕᐅᓪᓗᐊᖅᐳᒍᑦ,” ᑳᒃᕆᓐ ᐅᖃᓚᐅᖅᐳᖅ.