ᐳᕕᕐᓂᖅᑐᒥ ᐃᓕᓐᓂᐊᖅᑏᑦ ᐱᒃᐱᒍᓱᒃᐳᑦ ᓴᓇᐅᒐᓕᕆᓂᕐᒥ ᓵᓚᖃᕐᓂᕐᒥ

For English version, see Puvirnituq students feel the art of victory

ᑳᓂ ᐃᑦᑐᑲᓪᓚᒃ ᐅᖃᖅᐳᖅ “ᐸᑦᑕᒃᑐᓚᐅᖅᐳᒍᑦ, ᐃᕆᐊᓛᓚᐅᖅᐳᒍᑦ” ᐃᓕᑦᑎᓚᐅᖅᑎᓪᓗᑕ ᒫᔾᔨ 25−ᒥ ᐃᒻᒥᓂᒃ ᐊᒻᒪ ᓄᓇᕕᖕᒥ ᐃᓕᓐᓂᐊᖃᑎᖏᓐᓂ ᓵᓚᖃᓚᐅᕐᓂᖏᓐᓂ Essor ᐃᓕᓴᕆᔭᐅᓂᕐᒥ ᓵᓚᖃᐅᓯᐊᒥᒃ ᓴᓇᐅᒐᓕᕆᓂᐅᔪᓄᑦ ᓴᓇᓚᐅᖅᑕᖏᓐᓂ.

ᑲᑎᙵᓂᐅᔪᑦ ᐱᓕᕆᐊᖏᓐᓂ, ᑕᐃᔭᐅᔪᒥ ᑕᕐᕋᑑᑎᖅ/ᑕᐃᒪ, ᑐᑭᖃᖅᑐᒥ “ᑕᕐᕋᖅᑑᑎ” ᐊᒻᒪᓗ “ᐅᓇ ᓈᒻᒪᒃᐳᖅ,”ᐋᖅᑭᒃᓱᖅᓯᒪᕗᖅ 10−ᓂ ᐱᓕᕆᐊᖑᔪᓂ ᐃᓂᐅᔪᓂ ᓲᕐᓗ ᐊᒥᐊᕆᓂᕐᒥ, ᐊᔾᔨᓕᐅᕆᓂᕐᒥ ᐊᒻᒪ ᑕᕐᕆᔭᓕᐅᕐᓂᕐᒥ. ᓵᓚᖃᐅᓯᐊᖅ ᑐᓂᔭᐅᓚᐅᖅᐳᖅ ᑲᓇᑕᒥ ᑕᑯᔭᒐᖃᕐᕕᖕᒥ ᓴᓇᐅᒐᓕᕆᓂᕐᒧᑦ ᑯᐸᐃᖕᒥ ᑯᐸᐃᒃ ᓯᑎᒥ.

25-ᓂ ᐳᕕᕐᓂᑐᕐᒥ ᐃᓕᓐᓂᐊᖅᑏᑦ ᐃᖁᐊᖅᓯᕕᒃ ᐃᓕᓐᓂᐊᕐᕕᖓᓂ ᐃᓚᐅᖃᑕᐅᓚᐅᖅᐳᑦ ᓴᖅᑭᑎᑦᑎᓂᕐᒥ ᓴᓇᓯᒪᔪᓂ ᐊᔾᔨᒌᙱᕐᔪᐊᖅᑐᓂ ᐃᒻᒥᖕᓂᑦ. ᐊᑐᓂ ᓴᓇᓯᒪᔪᖅ 5−ᓂ 10−ᓄᑦ ᐃᓕᓐᓂᐊᖅᑎᓂ ᐱᓕᕆᓂᖏᓐᓂ ᑕᖅᑭᒐᓴᖕᓄᑦ ᐊᑕᐅᑦᑎᒥᑦ.

ᐊᑕᐅᓯᖅ ᓴᓇᐅᒐᖅ, ᓲᕐᓗ, ᑕᕐᕆᔭᓕᐊᖑᔪᒥ ᐊᔾᔨᓕᐅᖅᑕᐅᔪᒥ ᖃᖓᑕᔪᒥ ᐊᔾᔨᓕᐅᕈᒻᒥ, ᐊᔾᔨᓕᐅᖅᑕᐅᓪᓗᓂ ᐅᓪᓗᓂ 15−ᓂ 15−ᑲᓴᖕᓂ ᐃᓕᓐᓂᐊᖅᑎᓂᒃ ᐱᓕᕆᕙᒃᖢᑎᒃ.

ᐊᒃᓱᕈᕐᓂᖏᑦ ᐃᓕᓴᕆᔭᐅᓚᐅᖅᐳᑦ ᐱᒋᐊᕈᑕᐅᔪᒥ ᓵᓚᖃᐅᓯᐊᒥ, ᐊᑕᐅᓯᐅᔪᒥ Essor ᐃᓕᓴᕆᔭᐅᓂᐅᔪᒥ ᓵᓚᖃᐅᓯᐊᓂ ᑐᓂᔭᐅᕙᒃᑐᓂ ᐊᕐᕌᒍᑕᒫᒥ ᑯᐸᐃᒃ ᒐᕙᒪᒃᑯᓐᓂ ᒥᓂᔅᑕᖃᕐᕕᐅᔪᒥ ᐃᓕᓐᓂᐊᖅᑐᓕᕆᓂᕐᒥ ᐊᒻᒪ ᐃᓕᖅᑯᓯᒥᒃ.

“ᐅᐱᒋᔭᐅᔫᔮᖅᐳᖓ,” ᐅᖃᓚᐅᖅᐳᖅ ᕕᓕᓯ ᐋᑕᒻᔅ, ᖁᑦᑎᖕᓂᓕᖕᒥ 5−ᒥ ᐃᓕᓐᓂᐊᖅᑎᒥᒃ ᐃᓚᐅᖃᑕᐅᓚᐅᖅᑐᒥ ᐱᓕᕆᐊᒃᓴᐅᔪᒥ. “ᑕᐃᒪᑐᖅ ᑕᐃᒪᐃᑦᑐᓕᕋᒃᑲᓐᓂᓛᖅᐳᖓ ᑕᐃᒪᐃᑦᑐᒐᓚᖕᒥ ᕿᓚᒻᒥᐅᔪᒥ.”

ᐱᓕᕆᓂᐅᔪᒥ ᐱᓕᕆᐊᒃᓴᐅᔪᒥ ᐊᕐᕌᒍᓕᒫᑲᓴᖕᒥ ᐱᓕᕆᐊᖑᓚᐅᖅᐳᖅ. ᐃᑦᑐᑲᓪᓚᖕᒧᑦ, ᐱᓕᕆᓂᐅᓚᐅᖅᐳᖅ ᐅᖃᐅᓯᖃᕐᓂᕐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ.

ᓴᓇᐅᒐᓂ ᑕᑯᒃᓴᐅᑎᑕᐅᓂᐅᔪᖅ ᐃᒡᓗᐊᕐᓯᕕᒃ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᓂ ᑕᑯᒃᓴᐅᑎᑕᐅᕗᖅ ᑲᓇᑕᒥ ᑕᑯᔭᒐᖃᕐᕕᖕᒥ ᓴᓇᐅᒐᐅᓯᒪᔪᓂ ᑯᐸᐃᖕᒥ ᑯᐸᐃᒃ ᓯᑎᒥ. (ᔭᐃᑦ ᐱᕐᓂᐊᐃ ᐊᔾᔨᓕᐅᖅᑕᖏᑦ/ᑲᑎᕕᒃ ᐃᓕᓴᕐᓂᓕᕆᓂᖅ)

“ᐊᑐᖅᓯᒪᕙᕗᑦ ᓇᖕᒥᓂ ᒥᑭᑦᑐᓂ ᓄᓇᓕᖁᑎᑦᑎᓐᓂ,” ᐅᖃᓚᐅᖅᐳᖅ.

“ᐅᖃᐃᓐᓇᐅᔭᖅᐳᑦ ᐱᔾᔪᑎᖃᕐᓂᖓᓂ ᓯᑯᒥ ᐊᐅᒃᐸᓪᓕᐊᓂᖓᓂ, ᑭᓯᐊᓂ ᐊᖏᓂᖅᓴᒻᒪᕆᐅᔪᖅ [ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ] ᓯᑯᖓᓂ ᐊᐅᒃᐸᓪᓕᐊᓂᖓᓂ.”

ᐃᑦᑐᑲᓪᓚᒃ ᐊᒻᒪ ᐋᑕᒻᔅ ᑕᒪᒃᑭᑦ ᐅᖃᓚᐅᖅᐳᑦ ᐊᑐᕐᓂᑯᖏᑦ ᐅᔾᔨᕆᑎᑦᑎᓯᒪᕗᖅ ᖃᓄᑎᒋ ᐊᓕᐊᓇᐃᒋᔭᖃᕐᓂᖏᓐᓂ ᓴᓇᐅᒐᓕᕆᓂᕐᒥ.

“ᐅᖃᐅᓯᖃᕐᓂᕐᒥ ᐃᒃᐱᒋᔭᓐᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᓕᐊᓇᐃᒋᓛᕆᓚᐅᖅᐸᕋ,” ᐅᖃᓚᐅᖅᐳᖅ ᐃᑦᑐᑲᓪᓚᒃ. ᐃᓚᒋᐊᖅᓯᓚᐅᖅᐳᖅ ᐃᓕᓐᓂᐊᖃᑎᖓ ᐋᑕᒻᔅ “ᓴᓇᐅᒐᓕᕆᔨᐅᕗᖅ ᐆᒻᒪᑎᖓᓂ.”

“ᐊᓕᐊᓇᐃᒋᓇᔭᑦᑎᐊᖅᐸᕋ ᑭᐱᙳᐃᔭᐅᑎᒋᓗᒍ, ᐃᒻᒪᖄ ᐃᖅᑲᓇᐃᔮᕆᓗᒍ,” ᐅᖃᓚᐅᖅᐳᖅ ᐋᑕᒻᔅ. “ᐊᒥᓱᓂ ᐃᓄᐃᑦ ᓴᓇᐅᒐᖏᓐᓂ ᐱᑕᖃᖅᐳᖅ ᓄᓇᓕᓐᓂ, ᐊᒻᒪ ᑕᒪᒃᑭᒐᓚᑦ ᐅᕙᓐᓂ ᑲᔪᖏᖅᓴᐃᕐᔪᐊᓲᖑᕗᑦ.”

ᓈᑕᓕ ᑯᓘᑦ ᐃᓕᓴᐃᔨᐅᓚᐅᖅᐳᖅ ᐊᔪᕆᖅᓱᐃᓚᐅᖅᑐᒥ ᐃᓕᓐᓂᐊᖅᑎᓂ ᐱᓕᕆᓂᓕᒫᖓᓐᓂ.

“ᑕᑯᔭᒐᖃᕐᕕᒃ ᐅᕙᑦᑎᓐᓄᑦ ᐃᓴᖕᒪᑕ, ᐃᓱᒪᓚᐅᖅᐳᖓ ᐅᐊᑲᓪᓚᖔ, ᐅᓇ ᐱᐅᓇᔭᖅᑐᖅ!” ᐅᖃᓚᐅᖅᐳᖅ.

ᐅᖃᓪᓚᖕᓂᐅᔪᓂ ᑕᑯᔭᒐᖃᕐᕕᖕᒥ ᑭᒡᒐᖅᑐᐃᔨᐅᔪᓂ, ᑯᓘᑦ ᐅᓂᒃᑳᕆᓚᐅᖅᐳᖅ ᐱᒋᐊᖅᑎᑦᑎᓚᐅᕐᓂᖓᓂ ᐱᓪᓚᕆᐅᔪᒥ ᐅᖃᐅᓯᖃᕐᓂᐅᔪᒥ ᐅᖃᐅᓯᖃᕐᓂᕐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐃᓄᖕᓂ ᒪᒃᑯᒃᑐᓂ ᐊᒻᒪ “ᐹᒻ, ᑕᐃᑲᙵᑦ ᑕᒪᕐᒥᒃ ᐱᒋᐊᓚᐅᖅᐳᖅ,” ᐅᖃᓚᐅᖅᐳᖅ.

ᑕᒪᒃᑭᑦ 25 ᐃᓕᓐᓂᐊᖅᑏᑦ ᐃᒻᒥᓂᒃ ᑐᕌᖓᓂᖃᕐᔪᐊᓚᐅᖅᐳᑦ ᐱᓕᕆᐊᒃᓴᐅᔪᒧᑦ, ᐅᖃᐅᓯᐅᓪᓗᓂ ᑯᓘᑦᒧᑦ.

ᓯᐊᕋ ᐊᓘᐸ, ᐊᖓᔪᖅᑳᖑᔪᖅ ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᕐᕕᖕᒥ ᑲᑎᒪᔨᖏᓐᓄᑦ, ᐅᖃᓚᐅᖅᐳᖅ ᐅᐱᒋᔭᖃᕐᓂᖓᓂ ᐃᓕᓐᓂᐊᖅᑎᓂ ᐊᒻᒪ ᖁᕕᐊᓱᖕᓂᖓᓂ ᑕᑯᖅᑯᔾᔨᔪᓐᓇᓚᐅᕐᓂᖏᓐᓂ ᐊᔪᙱᓐᓂᖏᓐᓂ.

“ᑕᑯᒐᔪᙱᓚᒍᑦ ᐱᕕᒃᓴᖃᕐᓂᐅᔪᓂ ᐃᓕᓐᓂᐊᖅᑎᓂ ᐱᖃᕐᓂᖏᓐᓂ ᖃᓪᓗᓈᑦ ᓄᓇᖓᓐᓂ,” ᐅᖃᓚᐅᖅᐳᖅ. “ᐃᔨᓄᑦ−ᒪᑐᐃᖅᓯᓂᐅᕗᖅ ᐃᓕᓐᓂᐊᖅᑎᑦᑎᓐᓄᑦ, ᐊᒻᒪ ᖃᐅᔨᒪᕗᖓ ᑲᔪᖏᖅᓴᐃᓂᐊᕐᓂᓐᓂ ᐱᓕᕆᑦᑎᐊᒃᑲᓐᓂᕐᓂᕐᒥ ᐊᒻᒪ ᐃᓕᓐᓂᐊᕐᓂᖓᓂ ᑲᔪᓯᑎᑦᑎᓂᕐᒥ.”

ᑕᑯᒃᓴᐅᑎᑕᐅᓂᐅᔪᖅ ᑕᑯᔭᒐᖃᕐᕕᖕᒦᖏᓐᓇᕐᓂᐊᖅᐳᖅ ᔫᓂ 2−ᙳᕋᓱᖕᓂᖓᓂ.