ᔨᐊᕆᒥ ᓄᕕᐊᖅ, 39-ᓂᒃ ᐅᑭᐅᓕᒃ, ᓴᓂᕋᔭᖕᒥ ᐊᖏᕐᕋᒥᓂ ᑐᖁᓚᐅᕐᐳᖅ ᒪᐃ 1, 2017-ᖑᑎᓪᓗᒍ ᐸᓖᓯᒃᑯᓐᓂᒃ ᐅᓇᑕᖃᑎᖃᓚᐅᖅᓱᓂ. (ᐊᔾᔨᑐᖃᐃᑦ ᖃᐃᑕᐅᓯᒪᔪᑦ ᓄᕕᐊᖅ ᐃᓚᒌᓂᑦ)
ᑐᑭᓯᓂᐊᕐᓂᕋᖁᔭᐅᕗᑦ 2017-ᖑᑎᓪᓗᒍ ᖁᑭᖅᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ ᐊᖑᑎᐅᑉ ᐃᓅᓪᓗᓂ
ᔨᐊᕆᒥ ᓄᕕᐊᖅ, 39-ᓂᒃ ᐅᑭᐅᓕᒃ, ᑐᖁᓚᐅᕐᐳᖅ ᐳᑭᖅᑕᓖᑦ (ᐸᓖᓯᒃᑯᑦ) ᐅᖄᓚᕝᕕᐅᓚᐅᖅᑎᓪᓗᒋᑦ ᐊᖏᕐᕋᖓᓄᐊᖁᔭᐅᓪᓗᑎᒃ ᓴᓂᕋᔭᐅᑉ ᓄᓇᓕᖓᓂ
For an English version of this story, see Inquest called into 2017 shooting death of Inuk man
ᔨᐊᕆᒥ ᓄᕕᐊᖅ, 39-ᓂᒃ ᐅᑭᐅᓕᒃ, ᑐᖁᓚᐅᕐᐳᖅ ᒪᐃ 1, 2017-ᖑᑎᓪᓗᒍ ᐸᓖᓯᒃᑯᓐᓂᑦ ᖁᑭᖅᑕᐅᒐᒥ ᐅᖄᓚᕝᕕᐅᓚᐅᖅᑎᓪᓗᒋᑦ ᐊᖏᕐᕋᖓᓄᐊᖁᔭᐅᓪᓗᑎᒃ. ᓯᕗᕐᖓᓂ ᐅᓐᓄᒃᓴᖓᓂ, ᓄᕕᐊᖅ ᐅᐊᔭᒨᖅᑐᒃᑰᕈᑎᑎᒍᑦ ᐴᔅᐳᒃᑯᑦ ᒪᒃᐱᕋᒥᓂ ᐅᓗᕆᐊᖅᓵᕆᓚᐅᕐᒪᑦ “ᐃᒻᒥᓃᖅᑎᑕᐅᓂᐊᕐᓂᕐᒥᓂᒃ ᐸᓖᓯᒃᑯᓐᓂᑦ.”
ᑐᑭᓯᓂᐊᕋᓱᖕᓂᖓᑦ ᑕᒪᑐᒧᖓ ᖃᐅᔨᒋᐊᕈᑎᐅᓂᐊᕐᐳᖅ ᖃᓄᐃᓕᖓᓚᐅᕐᓂᐅᔪᓄᑦ ᑐᖁᓚᐅᕐᓂᖓᑕ ᓄᕕᐊᖅ ᐊᒻᒪᓗ ᐃᓱᒪᒃᓴᖅᓯᐅᕈᑎᐅᓗᓂ ᖃᓄᖅ ᑐᖁᔾᔪᑎᖃᖃᑦᑕᕈᖕᓃᖁᓪᓗᒋᑦ ᑕᐃᒪᓐᓇᐃᑦᑐᖃᕋᔭᕐᒥᒃᐸᑦ.
ᑐᑭᓯᓂᐊᕈᑕᐅᓂᐊᖅᐳᖅ ᓄᓇᓕᐅᔪᑉ ᐱᖖᒍᐊᕐᕕᖓᓂ ᓴᓂᕋᔭᖕᒥ ᕕᑉᕈᐊᕆ 28-ᒥᑦ ᒫᔾᔨ 4-ᒧᑦ.
ᓯᕗᓕᖅᑎᖃᕐᓂᐊᖅᑐᑦ ᑐᖁᖓᔪᓕᕆᔨᒃᑯᑦ ᒪᓕᒐᓕᕆᔨᖓᓂᑦ, ᓯᐅᓪᑕᓐ ᑑᓄᕐ, ᐊᒻᒪᓗ ᐊᐅᓚᑕᐅᓂᖃᕐᓗᓂ ᓄᓇᕗᒻᒥ ᐃᓱᒪᑕᐅᓪᓗᓂ ᑐᖁᖓᔪᓕᕆᔨᖓᓂᑦ ᑭᓐ ᓴᒐᑦᕌᑲ.
(0) Comments