ᖁᓪᓕᖅ ᐆᒪᖅᑯᑎᓕᕆᔨᒃᑯᑦ ᐱᐊᓂᓚᐅᕐᑐᑦ ᓄᑖᒥᒃ ᐊᐅᓚᐅᑎᑐᖃᕐᕕᒃᓴᒥᑦ ᖃᐅᔨᓴᖅᑕᐅᓂᖓᓂᒡᓗ ᐅᕙᓂ ᐃᒃᐱᐊᕐᔪᒃᒥ.">

ᓄᑖᖅ ᐊᐅᓚᐅᑎᖃᕐᕕᒃ ᐃᒃᐱᐊᕐᔪᒃᒥᑦ ᐃᖏᕐᕋᓯᕗᖅ ᐊᒻᒪ ᐊᑐᖅᑕᐅᓕᖅᖢᓂ

ᐊᕐᕌᒍᓂ 45-ᓂ ᐊᐅᓚᐅᑎᖃᕐᕕᐅᓯᒪᔪᖅ ᐊᓯᔾᔨᖅᑕᐅᕗᖅ

ᐅᓇ ᓄᓇᙳᐊᖅ ᐃᒃᐱᐊᕐᔪᒃᒥᑦ ᓴᖅᑭᑎᑦᑎᓯᒪᔪᖅ ᓄᑖᕐᒥ ᐊᐅᓚᐅᑎᖃᕐᕕᒃᒥ ᓴᓇᔭᐅᓚᐅᕐᑐᒥᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᖓᔪᖅᑳᖅ ᐊᐅᓚᑦᑎᔨ ᐅᕆᒃ ᕼᐊᓐᑦ ᐅᖃᓚᐅᕐᑐᖅ ᐊᐅᓚᐅᑎᖃᕐᕕᒃ ᐆᒻᒪᖅᑯᑎᖃᕈᓐᓇᕐᓂᖓᓂᒃ ᐃᓚᒋᐊᖅᑕᐅᓯᒪᔪᒥᒃ. (ᐊᔾᔨᙳᐊᖅ ᐅᑯᓇᙵᑦ ᖁᓪᓗᖅ ᐆᒻᒪᖅᑯᑎᓕᕆᔨᒃᑯᓐᓂ)

By ᓄᓇᑦᓯᐊᕐᒥ ᐱᕙᓪᓕᐊᔪᖅ

For an English version of this story, see New power plant in Arctic Bay up and running

ᖁᓪᓕᖅ ᐆᒪᖅᑯᑎᓕᕆᔨᒃᑯᑦ ᐱᐊᓂᓚᐅᕐᑐᑦ ᓄᑖᒥᒃ ᐊᐅᓚᐅᑎᑐᖃᕐᕕᒃᓴᒥᑦ ᖃᐅᔨᓴᖅᑕᐅᓂᖓᓂᒡᓗ ᐅᕙᓂ ᐃᒃᐱᐊᕐᔪᒃᒥ.

ᐅᓇ ᐱᐊᓂᒃᑕᐅᓵᓕᓚᐅᕐᓯᒪᔪᖅ ᐊᒻᒪᓗ ᐊᐅᓚᑕᐅᔪᓐᓇᖅᓯᓪᓗᓂ, ᐆᒻᒪᖅᑯᑎᓕᕆᔨᒃᑯᑦ ᐅᖃᓚᐅᕐᓯᒪᔪᑦ ᑎᓯᐱᕆ   24-ᒥ.

“ᐅᓇ ᓄᑖᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᐅᑎᖃᕐᕕᖓ ᐊᑐᖅᑕᐅᓂᐊᓕᕐᒥᔪᖅ ᐊᑯᓂᐊᓗᒃ ᐃᒃᐱᐊᕐᔪᒃᒥᐅᓄᑦ,” ᔪᐊᓇ ᖁᐊᓴ, ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕ ᐊᒻᒪ ᑲᒪᒋᔭᖃᖅᖢᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᒃ ᐅᖃᓚᐅᕐᑐᖅ ᑐᓴᒐᒃᓴᓕᐅᕐᖢᑎᒃ.

ᐅᓇ $32.4 ᒥᓕᐊᓐᑖᓚᑐᕐᑐᖅ ᐊᐅᓚᐅᑎᖃᕐᕕᒃ ᐃᓇᖏᕐᓯᔾᔪᑎᐅᓚᐅᕐᑐᖅ 45-ᓂ ᐊᕐᕌᒍᓂ ᐊᐅᓚᐅᑎᖃᕐᕕᕕᓂᕐᒥᒃ ᐃᒃᐱᐊᕐᔪᒃᒥ, ᓄᑕᐅᙱᓛᖑᖃᑕᐅᔪᖅ ᓄᓇᕗᒥᑦ ᐊᒻᒪᓗ ᐊᑐᕈᓐᓇᕐᓂᖓ ᐃᓱᓕᖢᑎᒃ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖃᓚᐅᕐᑐᑦ.

ᐅᓇ ᑐᓴᒐᒃᓴᓕᐊᕆᔭᖓᑦ ᐅᖃᕐᓯᒪᓚᐅᕐᑐᖅ ᑖᓐᓇ ᐆᒻᒪᖅᑯᑎᖃᕐᕕᒃ ᐊᑐᓗᐊᕐᓇᙱᑦᑐᓂᒃ ᔭᓄᕇᑕᖃᕐᓂᕋᖅᑕᐅᓪᓗᓂ ᑕᐃᒪᓐᓇᓗ ᐅᖅᓱᐊᓗᒃᒥ ᑏᓱᒥ ᐊᑐᓗᐊᕐᓇᙱᓐᓂᕐᓴᐅᓪᓗᓂ.

ᐅᕆᒃ ᕼᐊᓐᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᖓ ᐅᖃᓚᐅᕐᑐᖅ ᑐᓴᒐᒃᓴᑎᒍᑦ ᐅᓇ ᓄᑖᖅ ᐊᐅᓚᐅᑎᖃᕐᕕᒃ ᓄᓇᓖᑦ ᓯᓚᑖᓃᑎᑕᐅᓪᓗᓂ ᕼᐋᒻᒪᓚᒃᑯᑎᒍᑦ.

ᐅᐱᕐᙶᖅ ᓄᓇᓕᖕᓂ ᓂᕆᕕᒡᔪᐊᕐᓇᒥ ᐸᕐᓇᓯᒪᔪᑦ ᑖᓐᓇ ᐊᐅᓚᐅᑎᖃᕐᕕᒃ ᒪᑐᐃᖅᑕᐅᓪᓚᕆᖕᓂᖓᓂᒃ.

Share This Story

(0) Comments