ᒪᕐᕈᖓᓂ ᐊᕐᕌᒍᑕᒫᒥ ᐃᓄᑐᖃᐃᑦ ᐅᓪᓗᖓᓂ ᐱᓇᓱᐊᑦᑕᖏᓐᓂ ᐱᒋᐊᖅᑎᑕᐅᔪᒥ ᓄᓇᕕᖕᒥ
ᑕᖅᑭᓕᒫᒥ-ᐊᑯᓂᐅᑎᒋᔪᒥ ᐱᒋᐊᕈᑕᐅᔪᒥ ᐃᓚᖃᕐᓂᐊᖅᐳᖅ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐱᓕᕆᔾᔪᑕᐅᔪᓂ, ᐃᑲᔪᕈᑎᒃᓴᓂ ᐊᒻᒪ ᐃᓕᓐᓂᐊᕐᓂᐅᔪᓂ ᑲᑎᒪᓂᕐᓂ
ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐱᓕᕆᕙᓪᓕᐊᕗᑦ ᑕᖅᑭᓕᒫᒥ−ᑕᑭᑎᒋᔪᒥ ᐱᓇᓱᐊᑦᑕᖏᓐᓂ ᐅᒃᑐᐱᕆᒥ ᖁᕝᕙᖅᓴᐃᓂᕐᒥ ᐃᓄᑐᖃᕐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ. ᐅᕙᓂ ᐊᔾᔨᙳᐊᒥᒃ, ᓄᓇᖃᖅᑎᐅᔪᑦ ᑐᓵᔨᐊᐱᒃ ᐃᓄᑐᖃᐃᑦ ᐊᖏᕐᕋᖓᓂ ᑰᔾᔪᐊᕐᒥ ᐃᓕᑦᑎᕗᑦ ᐊᑐᕐᓂᕐᒥ ᐊᐃᐹᑦᓂ 2014−ᒥ. (ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓ)
For the English version of this story, please see 2nd annual Elders Day campaign launched in Nunavik.
ᓄᓇᕕᖕᒥ ᐃᓄᑐᖃᐃᑦ ᐅᓪᓗᖓᓂ ᐱᓇᓱᐊᑦᑕᖏᓐᓂ ᐅᑎᖅᐳᖅ ᒪᕐᕈᖓᓄᑦ ᐊᕐᕌᒍᖓᓄᑦ.
ᐱᓇᓱᐊᑦᑕᖏᓐᓂ ᐊᑐᐃᓐᓇᖃᖅᑎᑦᑎᕗᖅ ᖃᓄᐃᓕᐅᕈᑕᐅᔪᓂ ᐊᒻᒪ ᐃᑲᔪᕈᑎᒃᓴᓂ ᐃᑲᔪᕐᓂᕐᒧᑦ ᐃᓄᑐᖃᕐᓂᑦ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᕐᒥ ᐊᒻᒪ ᖃᓄᐃᙱᑦᑎᐊᕐᓂᕐᒥ, ᐅᖃᐅᓯᖃᓚᐅᖅᐳᑦ ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ, ᐋᖅᑭᒃᓱᐃᔨᐅᔪᑦ ᖃᓄᐃᓐᓂᐅᔪᒥ, ᑐᓴᒐᒃᓴᓕᐊᖑᔪᒥ ᐱᓇᓱᐊᕈᓯᐅᓚᐅᖅᑐᒥ.
ᐱᒋᐊᓚᐅᖅᐳᖅ ᐅᒃᑐᐱᕆ 1−ᒥ ᐊᒻᒪ ᐊᐅᓚᓂᐊᖅᐳᖅ ᑕᖅᑭᓕᒫᒥᒃ.
ᐱᓇᓱᐊᑦᑕᖏᓐᓂ ᑭᐅᓂᖃᖅᐳᖅ ᐃᓄᑐᖃᐃᑦ ᐊᑦᑕᓇᔾᔭᐃᖅᓯᓯᒪᓂᖏᓐᓂ ᐊᒻᒪ ᖃᓄᐃᙱᑦᑎᐊᕐᓂᕐᒧᑦ ᐃᓱᒫᓘᑕᐅᔪᓂ ᐅᑯᓇᙵᑦ ᐱᑦᑎᐊᖅᑕᐅᙱᓐᓂᐅᔪᒥ ᐊᒻᒪ ᐃᒃᓯᖕᓇᑰᓂᖏᓐᓂ ᐃᓄᑑᑎᑦᑎᓂᕐᒧᑦ ᐊᒻᒪ ᑭᒡᓕᖃᖅᑐᒥ ᐊᑐᐃᓐᓇᖃᕐᓂᕐᒥ ᐸᖅᑭᔭᐅᓂᕐᒥ ᐊᒻᒪ ᐱᔨᑦᑎᕋᕐᓂᕐᓄᑦ, ᐅᖃᓚᐅᖅᐳᖅ ᔫᓯ ᑐᐸᓛᓐᑎ, ᐃᖅᑲᓇᐃᔭᖅᑐᒥ ᐃᓄᑐᖃᐃᑦ ᖃᓄᙱᑦᑎᐊᕐᓂᖏᓐᓄᑦ ᐸᕐᓇᐃᓂᐅᔪᓂ ᐊᒻᒪ ᐱᓕᕆᐊᖃᕐᓂᐅᔪᓂ ᐱᓕᕆᕝᕕᖓᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑲᑎᒪᔨᐅᔪᓄᑦ, ᖃᕋᓴᐅᔭᑎᒍᑦ ᑎᑎᕋᕐᓂᒃᑯᑦ.
ᐊᕕᒃᑐᖅᓯᒪᓂᐅᔪᒥ ᓱᖏᐅᔾᔨᓂᐅᕗᖅ ᓄᓇᕐᔪᐊᒥ ᐱᓇᓱᐊᑦᑕᖏᓐᓂ ᖁᕕᐊᓱᒍᑕᐅᒐᔪᒃᑐᒥ ᐅᒃᑐᐱᕆ 1−ᒥ ᑲᓇᑕᒥ. ᓄᓇᕕᖕᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑲᑎᒪᔨᐅᔪᓄᑦ, ᐸᕐᓇᐃᓂᖅ ᐊᒻᒪ ᐱᓕᕆᐊᖃᕐᓂᐅᔪᒥ ᐱᓕᕆᕝᕕᖓ ᐅᖓᕙᕆᐊᖅᓯᔪᒪᓕᓚᐅᖅᐳᑦ ᐱᒋᐊᕈᑕᐅᔪᒥ ᑕᖅᑭᓕᒫᒧᑦ.
ᓂᐱᑦᑕᖅᑐᓂ ᐸᓂᖅᑐᓂ-ᐲᔭᒐᒃᓴᐅᔪᓂ ᑎᑎᕋᕐᕕᒃᓴᓂ, ᖃᐅᔨᒋᐊᕐᕕᒃᓴᓄᑦ ᐊᐅᒃᑕᔫᓂ ᐊᒻᒪ ᑕᑯᒃᓴᐅᓂᐅᔪᓂ ᑕᓕᐊᕐᓂ ᑐᓐᓂᖅᓴᖅᑕᐅᓂᐊᖅᐳᑦ ᐃᓄᑐᖃᕐᓄᑦ ᐊᕕᒃᑐᖅᓯᒪᓂᓕᒫᒧᑦ ᐃᑲᔪᕐᓂᕐᒥ ᐊᑦᑕᓇᔾᔭᐃᖅᓯᓯᒪᓂᕐᒧᑦ. ᐅᓇ ᑲᔪᖏᖅᓴᖅᑕᐅᓚᐅᖅᐳᖅ ᔫᓕᐊ ᓴᐃᓐᑦ-ᐊᐅᐱᓐᒧᑦ, ᐃᓄᑐᖃᐃᑦ ᐱᓕᕆᔨ ᑲᖏᖅᓱᐊᓗᔾᔪᐊᕐᒥ, ᓴᖅᑭᑎᑦᑎᓚᐅᖅᑐᒥ ᐊᓯᐊᒎᖅᑐᒥ ᖃᓄᐃᓐᓂᐅᔪᒥ ᔫᓂᐅᓚᐅᖅᑐᒥ.
“ᐊᕐᕌᓂᓂ ᐃᓄᑐᖃᐃᑦ ᐊᑦᑕᓇᔾᔭᐃᖅᓯᓯᒪᓂᕐᒥ ᐅᓪᓗᖓᓂ, ᔪᓕᐊ ᓇᓗᓇᐃᖅᓯᓚᐅᖅᐳᖅ ᐱᔭᕆᐊᖃᕐᓂᐅᔪᒥ ᐅᖃᐅᓯᐅᔪᒥ ᑕᒪᒃᑭᓄᑦ ᐃᓄᑐᖃᕐᓄᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᔪᓂ ᓄᓇᓕᖓᓐᓂ,” ᑐᐸᓛᓐᑎ ᐅᖃᓚᐅᖅᐳᖅ.
ᐊᑦᑕᓇᔾᔭᐃᖅᓯᓯᒪᓂᕐᒥ ᐊᖏᕐᕋᒥ ᐊᒻᒪ ᓄᓇᓕᖕᓂ ᓯᕗᓪᓕᐅᑎᑕᐅᖁᔭᐅᕗᖅ.
“ᐊᒥᓱᐃᑦ ᐃᓄᑐᖃᐃᑦ ᐃᓱᒫᓗᓲᖑᕗᑦ ᐹᓪᓚᖕᓂᕐᒥ, ᑐᐊᕕᕐᓇᖅᑐᒧᑦ ᐅᖃᐅᔾᔨᔨᒃᓴᖃᙱᓐᓂᕐᒧᑦ ᐊᑐᐃᓐᓇᐅᑲᐅᑎᒋᔪᓂ, ᐅᕝᕙᓘᓐᓃᑦ ᖃᐅᔨᒪᙱᓐᓂᕐᒥ ᓇᒧᑦ ᓴᖑᔪᓐᓇᕐᓂᖏᓐᓂ ᐊᑦᑕᓇᖅᑐᒦᑎᓪᓗᒋᑦ,” ᐅᖃᓚᐅᖅᐳᖅ.
ᓄᑖᖑᔪᒥ ᐃᓕᓐᓂᐊᕐᓂᐅᔪᒥ ᑲᑎᒪᓂᕐᒥ, ᑐᙵᕕᖃᖅᑐᒥ ᐅᓪᓘᔪᒥ ᐃᓅᓯᐅᔪᒥ ᐃᓄᑐᖃᕐᒥ, ᐱᒋᐊᖅᑎᑕᐅᓂᐊᖅᐳᖅ ᓂᕈᐊᖅᑕᐅᓯᒪᔪᓂ ᖁᑦᑎᒃᑐᒥ ᐃᓕᓐᓂᐊᕐᕕᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᓂ ᑐᑭᓯᐅᒪᑦᑎᐊᒃᑲᓐᓂᕐᓂᖏᓐᓂ ᓱᓕᓂᐅᔪᓂ ᐃᓐᓇᕈᖅᐸᓪᓕᐊᓂᕐᒥ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᖃᑎᖃᖅᐳᑦ ᑲᑎᕕᒃ ᐃᓕᓴᕐᓂᓕᕐᓂᕐᒥ, ᓄᓇᕕᐅᑉ ᐃᓕᓐᓂᐊᕐᕕᖏᓐᓂ ᑲᑎᒪᔨᖏᓐᓂ, ᓂᕈᐊᖅᓯᓂᕐᒥ ᓇᓕᐊᖕᓂ ᐃᓕᓐᓂᐊᕐᕕᓂ ᐊᒻᒪ ᓄᓇᓕᐅᔪᓂ ᑲᒪᒋᔭᖃᕐᓂᐊᕐᓂᖏᓐᓂ ᓯᕗᓪᓕᖅᐹᖑᔪᒥ ᐱᓕᕆᐊᖑᓇᓱᐊᖅᑐᒥ.
ᐱᓕᕆᑦᑎᐊᕐᓂᖃᖅᐸᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᓂᕆᐅᒃᐳᑦ ᓱᒃᑲᐃᑦᑐᒥ ᐊᖏᒡᓕᒋᐊᖅᑎᑦᑎᓂᕐᒥ ᐱᒋᐊᕈᑕᐅᔪᒥ ᐅᓄᕐᓂᖅᓴᐅᔪᓄᑦ ᐃᓕᓐᓂᐊᕐᕕᓄᑦ ᓯᕗᓂᒃᓴᒥ ᐊᕐᕌᒍᓂᑦ, ᑐᐸᓛᓐᑎ ᐅᖃᓚᐅᖅᐳᖅ.
“ᐃᓱᒪᓂᐅᔪᖅ ᐃᓕᓐᓂᐊᕐᓂᕐᒥ ᑲᑎᒪᓂᐅᔪᒥ ᐃᓚᓕᐅᔾᔭᐅᓂᖓᓂ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ ᑕᒪᒃᑭᓄᑦ ᓄᓇᕕᖕᒥ ᐃᓕᓐᓂᐊᕐᕕᓄᑦ,” ᐅᖃᓚᐅᖅᐳᖅ.
(0) Comments