500 ᐃᓄᐃᑦ ᐃᖃᓗᖕᓂ ᓂᕆᔭᖅᑐᕐᕕᖃᙱᑦᑐᑦ ᐅᓇ ᓂᕆᔭᕐᑐᕐᕕᒃ ᓱᓪᓗᓕᖏᑦ ᖁᐊᕐᓯᒪᔪᑦ ᐱᓕᕆᐊᖑᓂᖏᓐᓂᒃ

For English version, see 500 people in Iqaluit go without daily meal as food centre deals with burst pipes

ᖁᕐᕖᑦ, ᑐᒪᐃᑐᐃᑦ ᐊᒻᒪᓗ ᐊᓂᐊᓐᔅ ᖁᐊᓚᐅᕐᑐᑦ ᖃᔪᖅᑐᕐᕕᒃᒥ ᕕᕝᕗᐊᕆ 25 ᐱᓇᓱᐊᕈᓯᐅᑉ ᓄᙳᐊᓂ, ᐃᒪᕐᒧ ᐸᒻᒪ ᖄᖅᖢᓂ, ᐊᒻᒪ ᐊᓐᓄᕌᓄᑦ ᐅᐊᓴᕈᑎ ᐊᒻᒪ ᓂᕐᕆᓯᓄᑦ ᐅᐊᓴᕈᑎ ᓱᕋᓚᐅᕆᓪᓗᑎᒃ ᐊᒻᒪᓗ ᐃᖅᑲᓇᐃᔭᖅᑎᐅᔪᑦ ᓱᓕ ᕿᓂᑲᑕᒃᑐᑦ ᓱᕋᒃᑐᕕᓂᕐᓂᒃ.

ᐊᒻᒪᓗ, ᖃᔪᖅᑐᕐᕕᐅᑉ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᖓ ᐅᕇᓱᓪ ᐸᓚᐃ ᐃᓱᒪᑲᑕᓕᓚᐅᖅᖢᓂ ᖃᓄᖅ 500-ᓂ ᓂᕆᔭᐅᓂᐊᖅᑐᓂᒃ ᐃᓄᖕᓄᑦ ᐱᔭᐅᑎᑦᑎᓇᔭᕐᒪᖔ ᑖᒃᑯᓄᖓ ᐅᐸᒍᑎᖃᑦᑕᕐᓯᒪᔪᓄᑦ.

ᓇᐅᑦᑎᐅᒃᑯᒫᓕᕆᔩᑦ ᐋᖕᓕᑲᓐ ᑐᒃᓯᐊᕐᕕᒃᒧᑦ, ᑖᒃᑯᐊ ᐃᒡᓗᒥ ᐱᖃᖅᑎᐅᓪᓗᑎᒃ, ᐊᒻᒪᓗ ᐅᖅᓱᖅ ᑯᐊᐳᕇᓴᓐ, ᑲᒪᒋᔭᓕᒃ ᐅᕐᓱᐊᓗᖃᖅᑎᑦᑎᓂᕐᒥᒃ ᑲᔪᖅᑐᕐᕕᒃᒥ, ᕿᒥᕐᕈᐊᕐᓂᐊᖅᑐᑦ ᓱᕋᒃᑐᕕᓂᕐᓂᒃ — ᐊᒻᒪᓗ ᐋᖅᑭᒃᓯᓇᓱᒃᖢᑎᒃ ᑭᓇ ᑖᔅᓱᒧᖓ ᐊᑭᓖᓂᐊᕆᐊᒃᓴᖓᓂᒃ.

“ᐅᓇ ᓈᒻᒪᙱᓕᐅᕈᑎᒻᒪᕆᐊᓗᒃ ᐅᓐᓄᒃᑯᓪᓗ ᐃᖅᑯᒪᔾᔪᑎᒋᕙᒃᖢᒍ ᐃᒪᓐᓇ: ‘ᑕᕝᕙᓕ ᑕᐃᒪᐃᑦᑐᐊᓘᓐᓂᖅᐸ?’” ᐸᓚᐃ ᐅᖃᓚᐅᕐᑐᖅ ᐊᐱᖅᓱᖅᑕᐅᑎᓪᓗᒍ.

ᒪᕐᕉᒃ ᓱᓪᓗᓕᕆᔩᑦ ᖃᔪᖅᑐᕐᕕᐅᑉ ᐃᒪᖏᓐᓄᑦ ᓱᓪᓗᖏᓐᓂᒃ ᐱᓕᕆᐊᖃᓚᐅᕐᑑᒃ ᐱᓇᓱᐊᕈᓯᐅᓚᐅᕐᑐᒥ. (ᐊᔾᔨᓕᐅᕆᔨ ᑕᐃᕕᑦ ᕕᐊᓐ)

ᓱᕋᒃᓯᒪᔪᑦ ᖃᐅᔨᓕᓚᐅᕐᓯᒪᔭᖏᑦ ᐃᖅᑲᓇᐃᔭᕆᐊᕋᒥ ᕕᕝᕗᐊᕆ 27-ᒥ. ᓱᓪᓗᓕᕆᔩᑦ ᐃᒪᖓᓂ ᐃᖏᕐᕋᑎᑦᑎᓚᐅᑲᓚᐅᕐᑐᑦ ᕕᕝᕗᐊᕆ 28-ᒥ ᑭᓯᐊᓂᓕ ᐅᓄᕈᓘᔭᕐᑐᓂᒃ ᑯᑐᑲᑕᒃᑐᖃᓕᓚᐅᕐᑐᖅ ᐊᒻᒪᓗ ᑖᓐᓇ ᐃᒪᖓ ᓄᖃᖅᑎᑕᐅᔭᕆᐊᖃᓕᖅᖢᓂ.

ᑕᐃᒪᙵᓪᓕ ᓱᓪᓗᓕᕆᔩᑦ ᑕᕝᕗᙵᑲᑕᒃᑐᑦ ᓴᓇᓇᓱᒃᖢᒍ ᐃᒪᕐᒧᑦ ᐊᖅᑯᑎ, ᑭᓯᐊᓂᓕ ᐊᓯᖏᓐᓄᑦᑕᐅᖅ ᑐᐊᕕᕐᓇᖅᑐᓄᑦ ᐅᐸᒍᑎᔭᕆᐊᖃᑲᑕᒃᖢᑎᒃ.

ᒫᔅᓯ 2 ᐅᓪᓛᖓᓂᒃ ᑎᓴᒪᑦ ᐃᖅᑲᓇᐃᔭᖅᑏᑦ ᕿᒥᕐᕈᐊᓚᐅᕐᓯᒪᔪᑦ ᓂᕿᑖᖅᑎᑦᑎᓂᕐᒧᑦ ᐱᓕᕆᐊᒃᓴᓂᒃ, ᑖᓐᓇᓗ ᐃᖏᕐᕋᔪᓐᓇᓚᐅᕐᒪ ᑐᒃᓯᐊᕕᒃ ᑲᔪᖅᑐᕐᕕᒃᒥ ᐃᖅᑲᓇᐃᔭᖅᑎᓂᒃ ᐊᓇᕐᕕᖓᓂ ᐊᑐᖅᑎᑦᑎᑲᑕᓚᐅᕐᒪᑦ. ᖃᔪᖅᑐᕐᕕᐅᑉ ᐊᓇᕐᕕᖏᑦ ᖁᕐᕕᖏᑦ ᐊᒻᒪ ᐅᐊᓴᕐᕕᖏᑦ ᓄᑎᒃᓯᒪᐅᓚᐅᕐᒪᑕ.

ᖃᔪᖅᑐᕐᕕᒃᒥ ᐃᒪᖃᐅᑎᐅᑉ ᖃᓂᒋᔮᓃᑦᑐᖅ ᐱᖁᑎᖃᕐᕕᒃᒥ ᑯᑐᒃᑐᖅ. (ᐊᔾᔨᓕᐅᕆᔨ ᑕᐃᕕᑦ ᕕᐊᓐ)

ᑲᔪᖅᑐᕐᕕᒃ ᓄᖅᑲᖅᑎᑦᑎᓚᐅᕐᑐᖅ ᓂᕿᓕᐅᕐᓂᕐᒥ ᐃᓕᓐᓂᐊᖅᑎᑦᑎᖃᑦᑕᖅᑐᓂᒃ ᐊᒻᒪᓗ ᐅᓪᓗᕈᒻᒥᑕᕐᓇᒥᒃ, ᑖᒃᑯᐊ ᖃᐅᑕᒫᑦ ᐱᓕᕆᐊᖑᕙᓚᐅᕐᑐᑦ 11:30-ᒥ ᐅᓪᓛᑯᑦ 1:00-ᒧ ᐅᓪᓗᒃᑯᑦ ᐊᒻᒪᓗ ᐃᓄᒃᓯᐅᑎᓂᒃ ᓂᕆᑎᑦᑎᖃᑦᑕᕐᓂᖏᓐᓂᒃ ᓲᖃᐃᒻᒪ ᐃᒪᖃᙱᓪᓗᑎᒃ ᓂᕿᓕᕆᔪᓐᓇᙱᒻᒪᑕ.

ᐸᓚᐃ ᐅᖃᓚᐅᕐᑐᖅ ᑲᔪᖅᑐᕐᕕᒃ ᒫᓂ 500-ᓂ ᐃᓄᖕᓂ ᐅᐸᒃᑕᐅᕙᒃᑐᖅ ᖃᐅᑕᒫᑦ ᐅᓪᓗᕈᒻᒥᑕᕆᐊᖅᑐᓂᒃ — ᐅᓄᕐᓯᕚᓪᓕᕐᓯᒪᓪᓗᑎ ᖃᖓᑦᑎᐊᓵᕐᓂᒃ ᐊᒻᒪᓗ ᐃᓛᒌᓄᑦ ᓱᕈᓯᕐᓄᓪᓗ ᐅᐸᒃᑕᐅᓂᕐᓴᐅᕙᓕᖅᖢᓂ.

“ᐅᓄᒻᒪᕆᒃᑐᓂᒃ ᓄᓇᖃᖅᑐᓂᒃ ᐊᑐᖅᑐᖃᖅᑎᓪᓗᒍ ᒪᑯᓂᖓ ᐃᑲᔫᑎᒋᔭᐅᕙᒃᑐᓂᒃ ᒪᑯᓄᖓ ᐊᑐᖅᑕᐅᔭᕆᐊᖃᖅᑐᓄᑦ … ᑕᒪᓐᓇ ᓄᓇᓕᖕᓂ ᒪᓂᑐᐃᓐᓇᓕᕐᓇᓗᐊᕐᑐᖅ,” ᐸᓚᐃ ᐅᖃᕐᑐᖅ.

ᑭᐅᔾᔪᑎᖃᕈᓐᓇᙱᑦᑐᖅ ᐃᖅᑲᓇᐃᔭᖅᑎᖏᓐᓄᑦ ᐅᕝᕙᓘᓐᓃᑦ ᓄᓇᓕᖕᓄᑦ, ᐃᓚᖏ ᓱᓕ ᑕᕝᕗᖓ ᐅᐸᑲᑕᐃᓐᓇᕐᒪᑕ ᐅᓪᓗᕈᒻᒥᑕᕐᓇᒥ.

ᐅᑎᖅᑎᑕᐅᑐᐃᓐᓇᖃᑦᑕᖅᑐᑦ ᐃᖅᑲᓇᐃᔭᖅᑎᒧᑦ ᑎᑎᕋᖅᓯᒪᔪᒥᓪᓘᓐᓃᑦ ᑕᑯᔭᕌᖓᒥᒃ ᐃᒪᐃᓕᖓᔪᒥᒃ: “ᐅᓪᓗᒥ ᓂᕆᓐᓇᙱᑦᑐᖅ. ᖁᐊᖑᖕᒪᑕ ᓱᓪᓗᓖᑦ.”

ᐸᓚᐃ ᐅᖃᓚᐅᕐᑐᖅ ᐅᓇ ᐃᒪᕐᒧᑦ ᓈᒻᒪᙱᓕᐅᕈᑎᐅᔪᖅ ᓴᖅᑭᑎᑦᑎᓕᕐᑐᖅ ᓄᓇᕗᑦ ᒐᕙᒪᖏᓐᓂᒃ ᐊᒻᒪ ᒐᕙᒪᑐᖃᒃᑯᓐᓂᒃ ᐱᓕᕆᐊᖃᙱᓗᐊᕐᓂᖏᓐᓂᒃ ᐊᔪᕐᓴᕐᓂᖅᒥᒃ ᐊᒻᒪᓗ ᐃᑲᔫᑎᖃᖅᑎᑦᑎᙱᓗᐊᕐᓂᖏᓐᓂᒃ ᐃᑲᔪᖅᑐᐃᔨᐅᕙᒃᑐᓂᒃ.

ᑎᑎᕋᕐᓯᒪᔪᖅ ᓂᐱᐅᓯᕐᓯᒪᓪᓗᓂ ᐃᓗᓪᓕᕐᒥ ᐹᖓᓂ ᖃᔪᖅᑐᕐᕕᐅᑉ ᐃᒪᐃᓕᖓᔪᖅ “ᐅᓪᓗᒥ ᓂᕆᓐᓇᙱᑦᑐᖅ. ᖁᐊᖑᖕᒪᑕ ᓱᓪᓗᓖᑦ.” (ᐊᔾᔨᓕᐅᕆᔨ ᑕᐃᕕᑦ ᕕᐊᓐ)

ᓲᕐᓗ ᐃᒪᓐᓇ, ᓂᖃᐃᓲᑎᑖᕈᑎᐅᕙᒃᑐᑦ ᓄᓇᕗᒥᑦ ᐊᑦᑎᖕᓂᖅᐹᖑᖃᑕᐅᖕᒪᑕ ᑲᓇᑕᒥ, ᐅᖃᕐᑐᖅ, ᐃᓄᒃ ᐊᑕᐅᓯᖅ ᐃᑲᔫᑎᑖᖅᐸᒃᖢᓂ $680-ᓂ ᑕᖅᑭᒧᑦ. ᐅᓇ ᐋᖅᑭᒃᑕᐅᓯᒪᙱᒻᒥᔪᖅ ᐊᑭᑦᑐᖅᐸᓪᓕᐊᖃᑦᑕᕐᓂᕐᒥᒃ.

ᐊᒻᒪᓗ ᐊᓯᐊ ᐱᐅᓯᕚᓪᓕᕆᐊᖃᕐᒥᔪᖅ, ᐅᖃᕐᑐᖅ ᐸᓚᐃ, ᐅᓇ ᓱᕈᓯᕐᓯᐅᑎ ᐃᑲᔫᑎᐅᕙᒃᑐᖅ ᒪᓕᒃᑎᑕᐅᓯᒪᖕᒪᑦ ᐃᓅᓯᕐᒧᑦ ᐊᑐᕆᐊᓕᖕᓄᑦ, ᓲᖃᐃᒻᒪ ᖃᓪᓗᓈᓂ ᓄᓇᖃᖅᑐᑦ ᐊᔾᔨᑐᐃᓐᓇᖏᓐᓂᒃ ᐱᖃᑦᑕᕐᒪᑕ ᓄᓇᕗᒻᒥᐅᑦ.

“ᒐᕙᒪᒃᑯᑦ ᐃᑲᔫᑎᒃᓴᓕᕆᔨᓂᒃ ᐊᑐᕆᐊᖃᙱᒻᒪᑕ ᐱᔨᑦᑎᕋᐅᑎᓄᑦ ᒪᑯᓄᖓ ᓂᕆᑎᑦᑎᖃᑦᑕᕐᓂᕐᒧᑦ ᐊᒻᒪ ᐊᖏᕐᕋᖃᖅᑎᑦᑎᕙᖕᓂᕐᒧᑦ ᐅᓄᖅᑐᐊᓗᖕᓄᑦ ᐃᓄᖕᓄᑦ,” ᐅᖃᕐᑐᖅ.

“ᓲᖃᐃᒻᒪ ᑕᒪᓐᓇ ᐊᒃᑐᐊᓂᖃᖃᑦᑕᕐᒪᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᖃᓄᐃᑎᑦᑎᑦᑕᐃᓕᓂᕐᒧᑦ ᐅᓄᕐᑐᓄᑦ ᐃᓄᖕᓄᑦ.”

ᒫᓐᓇᓕ, ᐅᓇ ᓂᕆᔭᖅᑐᕐᕕᒃ ᐃᓂᒃᓴᒥ ᒫ*ᓇ ᕿᓂᕐᑐᑦ ᓲᖃᐃᒻᒪ ᒫᓂ 2,500-ᖏᓐᓂ ᓂᕆᔭᐅᓂᐊᖅᑐᓂᒃ ᐊᔾᔭᖅᑐᐃᖃᑦᑕᕐᒪᑕ ᐱᔭᕆᐊᖃᓪᓚᕆᒃᑐᓄᑦ      ᐱᓇᓱᐊᕈᓯᑕᒫᑦ.