ᖃᖓᑕᓲᖅᑎᐅᔪᑦ ᐊᒻᒪ ᓯᓚᑦᑐᖅᓴᕐᕕᒡᔪᐊᖅ ᖃᖓᑕᖃᑎᒌᒃᐳᑦ ᐱᓕᒻᒪᒃᓴᐃᓂᕐᒥ ᐃᓄᖕᓂ ᖃᖓᑕᓲᖅᑎᐅᔪᓂ

ᑲᓇᐃᑎᐊᓐ ᓄᐊᑦ ᐱᓕᕆᖃᑎᖃᖅᓯᒪᕗᑦ ᒫᓂᑑᐸᒥ ᓯᓚᑦᑐᖅᓴᕐᕕᒡᔪᐊᒥ ᓴᖅᑭᑎᑦᑎᓂᕐᒥ ᖃᖓᑕᓂᕐᒧᑦ ᐃᓕᓐᓂᐊᕐᕕᐅᔪᒥ ᑲᒪᒋᔭᖃᖅᑐᒥ ᐃᓄᖕᓂ ᐃᓕᓐᓂᐊᖅᑎᐅᔪᓂ.

ᖃᖓᑕᓲᖃᖅᑎᐅᔪᑦ ᐃᓄᖕᓂ ᖃᖓᑕᓲᖅᑎᖃᖅᐳᑦ ᑭᓯᐊᓂ ᐱᒋᐊᖅᑎᑦᑎᔪᒪᓕᓚᐅᖅᐳᑦ ᓄᑖᖑᔪᒥ ᐱᓕᕆᐊᖑᔪᒥ ᐳᕌᕕᑕᓐᔅ ᓯᓚᑦᑐᖅᓴᕐᕕᒡᔪᐊᒥ ᓯᓚᑦᑐᖅᓴᕐᕕᒃ, ᐅᒃᐱᖅᑐᓄᑦ ᐃᓕᓐᓂᐊᕐᕕᒃ ᐅᓄᕐᓂᖅᓴᐅᔪᓂ than 600−ᓂ ᐃᓕᓐᓂᐊᖅᑎᓕᑦ, ᓄᑖᙳᕆᐊᖅᑎᑦᑎᓚᐅᖅᑎᓪᓗᒋᑦ ᖃᖓᑕᓲᓄᑦ ᐱᓕᒻᒪᒃᓴᓂᕐᒥ ᐱᓕᕆᐊᖑᔪᒥ ᑐᓂᓯᓂᖓᓂ ᓄᑖᖑᔪᒥ ᓚᐃᓴᓐᓯᒥ ᐅᕘᓇ ᑲᑎᙵᓂᐅᔪᒥ ᖃᖓᑕᓲᓄᑦ ᐅᓯᑲᑦᑕᕐᓂᕐᒥ ᖃᖓᑕᓲᖅᑎᐅᔪᒥ ᓚᐃᓴᓐᓯᖓᓂ ᐱᓕᕆᐊᖑᔪᒥ.

“ᑲᑎᙵᓂᐅᔪᒥ ᖃᖓᑕᓲᓄᑦ ᐅᓯᑲᑦᑕᕐᓂᕐᒥ ᖃᖓᑕᓲᖅᑎᐅᔪᒥ ᓚᐃᓴᓐᓯᖓᓂ ᐱᓕᕆᐊᖑᔪᒥ ᐅᕙᑦᑎᓐᓂ ᐱᔪᓐᓇᖅᑎᑦᑎᕗᖅ ᐱᔨᑦᑎᕋᕐᓂᕐᒥ ᖃᖓᑕᓲᖃᖅᑎᓂ ᑐᕌᖓᔪᒥ,” ᐅᖃᓚᐅᖅᐳᖅ ᑭᐊᓐᑕᓐ ᐋᓐᑐᓴᓐ, ᐊᖓᔪᖅᒡᑳᖑᔪᖅ ᐳᕌᕕᑕᓐᔅ.

ᐱᕙᓪᓕᐊᑎᑦᑎᑎᓚᐅᖅᐳᑦ ᐱᓕᕆᐊᖑᔪᒥ ᐅᐱᕐᙶᒥ ᐊᒻᒪ ᐃᓗᐊᓂ ᑕᖅᑭᓂ ᑎᓴᒪᓂ, ᐸᕐᓇᒃᓯᒪᓕᓚᐅᖅᐳᖅ, ᐋᓐᑐᓴᓐ ᐅᖃᓚᐅᖅᐳᖅ.

ᐃᓕᓐᓂᐊᕐᕕᒃ ᐊᒻᒪ ᖃᖓᑕᓲᖅᑎᐅᔪᑦ ᓂᕆᐅᒃᐳᑦ ᐱᓕᒻᒪᒃᓴᐃᔨᑖᕐᓂᐊᕐᓂᖏᓐᓂ ᐱᓕᕆᐊᖑᔪᒥ ᕿᒪᒻᒥᐅᑎᒋᔪᒥ ᓯᑎᐱᕆᒥ, ᑭᓯᐊᓂ ᐋᓐᑐᓴᓐ ᐊᒻᒪ ᑲᓇᐃᑎᐊᓐ ᓄᐊᑦ ᐊᐅᓚᑦᑎᔨᒻᒪᕆᖓ ᒪᐃᑯᓪ ᕌᑎᓂᐅᒃ ᑕᒪᒃᑭᑦ ᓇᓗᓇᐃᖅᓯᕗᑦ ᐊᒃᓱᕈᕐᓇᕐᓂᐊᕐᓂᖓᓂ ᑕᐅᑐᒃᖢᒍ ᕿᓚᒻᒥᐅᔪᒥ ᐊᑯᓂᐅᓂᕆᓂᐊᖅᑕᖓᓂ.

ᕌᑎᓂᐅᒃ ᐅᖃᓚᐅᖅᐳᖅ ᖁᕕᐊᓱᖕᓂᐊᖅᐳᖅ ᐃᓕᓐᓂᐊᕐᕕᒃ ᒪᕐᕉᖕᓂ ᐃᓕᓐᓂᐊᖅᑎᑖᕈᓂ ᐱᓕᕆᐊᖑᔪᒥ ᓯᑎᐱᕆ ᑎᑭᒃᑯᓂ.

“ᐊᒥᓱᐊᓗᖕᓂ ᐊᒥᒐᕐᓂᖃᖅᐳᖅ ᖃᖓᑕᓲᖅᑎᐅᔪᓂ ᓴᓇᓯᒪᔪᓄᑦ, ᓄᓇᕐᔪᐊᓕᒫᒥ,” ᕌᑎᓂᐅᒃ ᐅᖃᓚᐅᖅᐳᖅ.

ᕌᑎᓂᐅᒃ ᐅᖃᓚᐅᖅᐳᖅ ᑲᓇᐃᑎᐊᓐ ᓄᐊᑦᒥ ᐱᓇᓱᐊᖅᑎᐅᔪᖅ ᖃᖓᑕᕗᖅ ᐅᑭᐅᖅᑕᖅᑐᓕᒫᒥ, ᓇᓂᓯᓇᓱᐊᕐᓂᕐᒥ ᐃᓕᓐᓂᐊᖅᑎᐅᔪᓐᓇᕋᔭᖅᑐᓂ ᓄᑖᖑᔪᒧᑦ ᐱᓕᕆᐊᖑᓂᐅᔪᒧᑦ. ᐅᖃᓚᐅᖅᐳᖅ ᐱᒻᒪᕆᐅᕗᖅ ᐱᓂᕐᒥ ᐱᐅᓛᖑᔪᓂ ᐃᓄᖕᓂ ᕿᓚᒻᒥᐅᒐᓗᐊᖅᑎᓪᓗᒍ ᓇᓗᓇᐃᖅᓯᔪᒪᖕᒪᑦ ᐃᓱᓕᑦᑎᔪᑦ ᐱᓕᕆᑦᑎᐊᕈᓐᓇᕐᓂᐊᕐᓂᖏᓐᓂ ᓴᓇᓯᒪᔪᓄᑦ.

ᑲᓇᐃᑎᐊᓐ ᓄᐊᑦ ᐊᑐᐃᓐᓇᖃᖅᑎᑦᑎᓂᐊᖅᐳᑦ ᐃᖅᑲᓇᐃᔮᒃᓴᒥ ᐃᓱᓕᑦᑎᔪᓄᑦ.

ᐃᓯᖅᓯᒪᓕᕈᑎᒃ ᐱᓕᕆᐊᖑᔪᒥ, ᐃᓕᓐᓂᐊᖅᑎᐅᔪᑦ ᓂᕈᐊᕈᓐᓇᕐᓂᐊᖅᐳᑦ ᐱᓕᒻᒪᒃᓴᓂᕐᒥ ᖃᖓᑕᓲᖅᑎᒻᒪᕆᐅᓂᖓᓂ ᐅᕝᕙᓘᓐᓃᑦ ᐃᓚᐅᖃᑕᐅᓗᓂ ᐃᓕᓐᓂᐊᕐᕕᖕᒥ ᐃᓕᓐᓂᐊᕐᓂᐅᔪᒥ ᐱᓕᕆᓂᐅᔪᒥ, ᐃᓚᖃᖅᑐᒥ ᓇᖕᒥᓂᖃᕐᓂᕐᒥ ᐱᓕᒻᒪᒃᓴᓂᐅᔪᒥ.

ᐳᕌᕕᑕᓐᔅ ᑐᓂᓯᓯᒪᕗᑦ ᖁᕝᕙᓯᖕᓂᖅᐹᒥ ᓴᓇᐅᒐᓕᐊᓄᑦ ᐊᒻᒪ ᖃᖓᑕᓂᕐᒧᑦ ᐱᓕᕆᐊᖑᔪᒥ ᐊᕐᕌᒍᑲᓴᖕᓂ 40−ᓂ. ᑕᐃᓐᓇ ᐱᓕᕆᐊᖑᔪᖅ ᐊᕕᒃᑕᐅᓯᒪᕗᖅ ᖃᖓᑕᓂᕐᒥ ᐱᓕᒻᒪᒃᓴᓂᐅᔪᒥ ᐅᕘᓇ ᐃᓕᓐᓂᐊᕐᕕᐅᔪᒥ ᑕᐃᔭᐅᔪᒥ ᕼᐋᕝ ᖃᖓᑕᓂᕐᒥ ᐊᒻᒪ ᐃᓕᓐᓂᐊᕐᓂᐅᔪᒥ ᑲᒪᒋᔭᐅᔪᒥ ᐳᕌᕕᑕᓐᔅ−ᑯᓐᓂ. ᐃᓕᓐᓂᐊᖅᑎᐅᔪᑦ ᑲᑐᔾᔭᐅᔪᒥ ᐱᓕᕆᓂᖃᕐᔪᐊᕈᓐᓇᕆᕗᑦ ᖃᖓᑕᓂᐅᔪᒥ ᐊᒻᒪ ᓇᖕᒥᓂᖃᕐᓂᕐᒥ ᐊᓪᓚᕝᕕᓕᕆᓂᕐᒥ.

ᐃᓕᓐᓂᐊᖅᑎᐅᔪᑦ ᐃᓄᖕᓄᑦ ᖃᖓᑕᓂᕐᒧᑦ ᐃᓕᓐᓂᐊᕐᕕᖕᒥ ᐊᖏᕐᕋᖓᓂ ᐅᖓᓯᒋᔭᖃᕐᓂᐊᖅᐳᑦ ᐃᓕᓐᓂᐊᕐᓂᖏᓐᓂ ᑭᓯᐊᓂ ᑐᔪᕐᒥᔪᓐᓇᕐᓂᐊᖅᐳᑦ ᐃᓕᓐᓂᐊᖅᑎᓄᑦ ᑐᔪᕐᒥᕕᖓᓐᓂ ᑕᒪᒃᑭᐅᒪᔪᒥ ᐃᓕᓐᓂᐊᕐᓂᖓᓂ.

ᑲᑎᓪᓗᒍ ᐊᑭᖓ ᐃᓕᓐᓂᐊᕐᓂᕐᒧᑦ ᐊᑭᓕᒐᒃᓴᖏᑦ ᐊᒻᒪ ᖃᖓᑕᓂᕐᒧᑦ ᐃᓕᓐᓂᐊᕐᕕᖓᓄᑦ ᐱᓕᕆᐊᖑᔪᒥ $120,000−ᖑᕗᖅ ᐊᕐᕌᒍᓄᑦ-ᑎᓴᒪᓄᑦ ᐱᓕᕆᐊᖑᔪᒧᑦ. ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᑎᓂᐊᖅᐳᖅ 70 ᐳᓴᓐᑎᖓᓂ.

“ᖃᔅᓯᒐᓚᖕᓂ ᐃᓄᖕᓄᑦ ᑲᑎᙵᓂᐅᔪᓂ, ᐅᖃᕋᔭᖅᐳᖓ, ᐊᖏᖅᓯᒪᕙᒌᖅᑐᓂ ᓇᓗᓇᐃᖅᓯᓂᕐᒥ ᖁᕝᕙᖅᓴᐃᓂᐅᔪᒥ ᐃᓄᖕᓂ ᖃᖓᑕᓲᖅᑎᐅᔪᓂ ᓯᕗᒻᒧᐊᕆᓂᕐᒥ. ᓇᓂᓯᓯᒪᕗᒍᑦ ᑐᙵᓇᖅᑐᓂ ᖁᙱᐊᖅᑎᐅᔪᓂ ᐃᓚᖏᓐᓂ ᐃᓄᖕᓂ ᑲᑎᙵᓂᐅᔪᓂ,” ᕌᑎᓂᐅᒃ ᐅᖃᓚᐅᖅᐳᖅ.