ATCO ᓂᐅᕕᖅᐳᖅ ᑮᓇᐅᔭᓕᐅᕋᓱᐊᕐᓂᕐᒥ ᑲᒻᐸᓂᐅᔪᒥ ᑐᓄᐊᓃᑦᑐᒥ ᖁᕐᓗᖅᑐᐊᕐᔪᕐᒧᑦ ᐱᓕᕆᐊᒃᓴᐅᔪᒥ

For English version, see ATCO buys 40% stake in company behind Grays Bay project

ᐊᖏᔪᒥ ᓇᑉᐸᖅᑎᕆᓂᕐᒧᑦ ᐱᓕᕆᐊᒃᓴᐅᔪᒥ ᐊᒻᒪ ᐃᖅᑲᓇᐃᔭᐅᑏᑦ ᑲᒻᐸᓂᐅᔪᒥ ᐊᑭᓖᓂᐊᖅᐳᑦ $10 ᒥᓕᐊᓐᓂ 40 ᐳᓴᓐᑎᒥ ᐊᐅᓚᑦᑎᓂᐅᔪᒥ ᐱᓇᔪᒃᓯᒪᔪᓪᓗᐊᑕᖓᓂ ᖁᕐᓗᖅᑐᐊᕐᔪᒃ ᐊᖅᑯᑎᖓᓂ ᐊᒻᒪ ᑐᓚᒃᑕᕐᕕᖕᒧᑦ ᐱᓕᕆᐊᒃᓴᒧᑦ.

ᑭᐊᓪᒍᕆᒥ-ᑐᙵᕕᓕᒃ Atco Ltd. ᐅᖃᐅᓯᖃᓚᐅᖅᐳᖅ ᑮᓇᐅᔭᓕᐅᕋᓱᐊᕐᓂᖓᓂ ᕿᑎᕐᒥᐅᑦ ᐱᖓᖕᓇᖓᓂ ᐊᑐᖅᑐᒃᓴᑦ ᑯᐊᐳᕇᓴᖓᓄᑦ ᒫᔾᔨ 23−ᒥ.

“ᐃᓱᒪᕗᒍᑦ ᐅᓇ ᐱᒻᒪᕆᐅᓪᓗᓂ ᐱᓕᕆᐊᒃᓴᐅᓂᖓᓂ,” ᔨᒻ ᓛᓐᑎᓐ, ᐊᖓᔪᖅᑳᖅ Atco Frontec−ᑯᓐᓄᑦ, ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ ᒫᔾᔨ 24−ᒥ.

“ᑐᓚᒃᑕᕐᕕᑐᐊᖑᓂᐊᖅᐳᖅ ᐅᑭᐅᖅᑕᖅᑐᒥ ᑲᑎᙵᓂᖃᕐᓂᐊᖅᑐᒥ ᐊᖅᑯᑎᒃᑯᑦ.”

Atco Frontec ᓇᖕᒥᓂᖁᑎᒃᑲᓐᓂᖓᐅᕗᖅ Atco Ltd.−ᑯᓐᓂ ᐱᓕᕆᐊᖃᓪᓚᕆᒃᑐᒥ ᐊᐅᓚᑕᐅᓂᐅᔪᓂ ᐊᒻᒪ ᓴᐳᔾᔨᓯᒪᓂᕐᒧᑦ ᐃᑲᔪᖅᓱᐃᓂᕐᒥ ᐅᖓᓯᒃᑐᓄᑦ ᐃᓂᐅᔪᓄᑦ.

“ᐃᓚᒋᔭᐅᖃᑕᐅᕗᒍᑦ Atco−ᑯᓐᓂ ᐊᖏᓛᖑᔪᒥ ᐊᐅᓚᑕᐅᓂᐅᔪᓂ ᐅᑭᐅᖅᑕᖅᑐᒥ,” ᓛᓐᑎᓐ ᐅᖃᓚᐅᖅᐳᖅ.

ᖁᕐᓗᖅᑐᐊᕐᔪᕐᒥ ᐊᖅᑯᑎᖓ ᐊᒻᒪ ᑐᓚᒃᑕᕐᕕᖕᒧᑦ ᐱᓕᕆᐊᒃᓴᖅ ᐱᓕᕆᔭᐅᕙᓪᓕᐊᓯᒪᕗᖅ ᐊᕐᕌᒍᒐᓵᓗᖕᓂ. ᑲᑎᖃᑎᖃᕋᔭᖅᐳᖅ ᑐᒃᓯᕋᖅᑕᐅᔪᒥ ᐃᑎᔪᒥ ᑕᕆᐅᕐᒥ ᑐᓚᒃᑕᕐᕕᖕᒧᑦ ᖁᕐᓗᖅᑐᐊᕐᔪᒥ ᐱᖓᖕᓇᖓᓂ ᓄᓇᕗᒻᒥ ᐊᒥᐊᒃᑯᖓᓄᑦ ᑲᓇᑕᒧᑦ ᐅᕘᓇ ᐊᕐᕌᒍᓕᒫᒥ ᐊᖅᑯᑎᒃᑯᑦ. ᓂᕆᐅᒋᔭᐅᕗᖅ ᑐᓚᒃᑕᕐᕕᒃ ᐊᒻᒪ ᐊᖅᑯᑎᖓ ᐊᑐᖅᑕᐅᓇᔭᕐᓂᖓᓂ ᑲᓇᑕᒥ ᓴᐳᓐᓂᐊᖅᑎᒃᑯᓐᓂ.

ᑲᓇᑕᒥ ᐊᖓᔪᖅᑳᕐᔪᐊᖓ ᒫᒃ ᑳᓂ ᒫᓐᓇᓕᓴᐅᔪᒥ ᐅᖃᐅᓯᖃᓚᐅᖅᐳᖅ ᐱᓕᕆᐊᒃᓴᐅᔪᖅ ᐅᕗᙵᖅᑎᑕᐅᓯᒪᓂᖓᓂ ᒐᕙᒪᑐᖃᒃᑯᑦ ᐊᖏᔪᓄᑦ ᐱᓕᕆᐊᒃᓴᐅᔪᓄᑦ ᑎᑎᕋᕐᕕᖓᓄᑦ ᓱᒃᑲᒃᑎᑕᐅᒋᐊᒃᑕᐅᒃᑲᓐᓂᕐᓂᕐᒧᑦ.

“ᐃᓱᒪᒋᔭᐅᓂᖓ ᑖᖦᓱᒧᖓ, ᐅᖃᐅᓯᖃᕐᓂᕐᒥ ᐃᑲᔪᖅᓱᐃᓂᕐᒥ ᐅᔭᕋᖕᓂᐊᕐᓂᕐᒥ ᐱᓕᕆᓂᕐᔪᐊᖑᔪᓂ ᐊᒻᒪᓗ ᓴᐳᓐᓂᐊᖅᑎᒃᑯᓐᓂ ᐃᓱᒪᒋᔭᐅᓂᐅᔪᒥ, ᐱᒻᒪᕆᕐᔪᐊᖑᕗᖅ,” ᓛᓐᑎᓐ ᐅᖃᓚᐅᖅᐳᖅ.

“ᐃᓱᒪᕗᒍᑦ ᑭᓱᒥᒃ ᓇᒃᓴᕈᓐᓇᕐᓂᑦᑎᓐᓂ ᐱᓕᕆᔪᓄᑦ ᐱᔾᔪᑎᖃᖅᑐᒥ ᐊᑐᕐᓂᑯᑦᑎᓐᓂ ᐊᐅᓚᑦᑎᓂᐅᔪᓂ, ᐃᖅᑲᓇᐃᔭᐅᑏᑦ ᐊᒻᒪ ᐃᓂᒋᔭᐅᔪᒥ ᐱᔨᑦᑎᕋᕐᓂᕐᒥ ᐅᑭᐅᖅᑕᖅᑐᒥ.”

ᐳᕋᓐᑕᓐ ᐱᐅᓪ, ᐊᐅᓚᑦᑎᔨᒻᒪᕆᒃ ᕿᑎᕐᒥᐅᑦ ᐱᖓᖕᓇᖓᓂ ᐊᑐᖅᑐᒃᓴᑦ ᑯᐊᐳᕇᓴᖓᓄᑦ, ᐊᖏᖃᑎᖃᓚᐅᖅᐳᖅ.

ᐱᐅᓪ ᐅᖃᓚᐅᖅᐳᖅ ᑲᒻᐸᓂᖓ ᐱᓇᓱᐊᓚᐅᖅᐳᑦ Atco−ᒥ ᐱᔾᔪᑎᖃᖅᑐᒥ “ᖃᓄᐃᑦᑑᓂᖏᓐᓂ ᐊᔪᙱᓐᓂᐅᔪᓂ ᑲᑎᙵᓂᐅᔪᓂ ᓇᒃᓴᖅᑕᖏᓐᓂ ᑭᐳᒧᑦ.”

ᒪᕐᕉᔪᑦ ᓱᓕ ᐱᓕᕆᒐᓗᐊᖅᑎᓪᓗᒋᑦ ᐅᓂᒃᑳᕆᒃᑲᓐᓂᑦᑎᐊᕐᓂᐅᔪᓂ ᐱᓕᕆᓂᐅᔪᒥ, Atco−ᑯᑦ 40 ᐳᓴᓐᑎᖓᓂ ᑮᓇᐅᔭᓕᐅᕋᓱᐊᕐᓂᕐᒥ ᕿᑎᕐᒥᐅᑦ ᐱᖓᖕᓇᖓᓂ ᐊᑐᖅᑐᒃᓴᓂᑦ ᑐᓂᓯᓂᐊᖅᐳᖅ ᐱᓕᕆᕝᕕᐅᔪᒥ 40 ᐳᓴᓐᑎᐸᓗᖕᒥ ᑲᑎᒪᔨᐅᔪᑦ ᐃᒃᓯᕙᐅᑕᖏᓐᓂ, ᐅᖃᓚᐅᖅᐳᖅ.

“ᐊᖏᔪᐊᓘᓪᓗᓂ ᐱᓕᕆᓂᐅᕗᖅ ᐱᔾᔪᑎᖃᖅᑐᒥ ᐱᔪᓐᓇᕐᓂᖓᓂ ᐊᒻᒪ ᐅᒃᐱᕆᔭᐅᔪᓐᓇᕐᓂᕐᒥ ᐅᕙᑦᑎᓐᓄᑦ,” ᐅᖃᓚᐅᖅᐳᖅ.

Atco, ᓄᓇᕐᔪᐊᓕᒫᒥ ᑲᑎᙵᔪᓂ 20,000−ᓂ ᐃᖅᑲᓇᐃᔭᖅᑎᓕᖕᓂ ᐊᒻᒪ $25 ᐱᓕᐊᓐᓂ ᐱᖁᑎᓂ, ᐊᖏᖅᓯᒪᓂᖃᙱᓚᖅ ᓱᓕ ᓴᖕᒥᓂᖅ ᑮᓇᐅᔭᖏᓐᓂ $1.2-ᐱᓕᐊᓐᐸᓗᖕᓂ ᖁᕐᓗᖅᑐᐊᕐᔪᕐᒥ ᓴᓇᓂᐅᔪᒧᑦ, ᐅᖃᓚᐅᖅᐳᖅ ᓛᓐᑎᓐ.

ᑭᓯᐊᓂ Atco−ᑯᑦ ᐃᓚᐅᖃᑕᐅᓂᖓᓂ ᐱᑎᑦᑎᓂᐊᖅᐳᖅ ᓂᐅᕕᕐᓂᕐᒥ ᒐᕙᒪᑐᖃᒃᑯᓐᓂ ᐊᒻᒪ ᓇᖕᒥᓂᕆᔭᐅᔪᓂ ᑮᓇᐅᔭᓕᐅᕋᓱᐊᖅᑎᓂ ᐊᔪᕐᓇᙱᑎᑦᑎᓂᖓᓂ, ᐱᐅᓪ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐊᔪᕐᓇᙱᖦᖢᓂ ᐃᓱᒪᓕᐊᖑᓂᐅᓚᐅᖅᐳᖅ ᓴᓇᓂᕐᒧᑦ “ᑕᐅᑐᒃᖢᒍ ᐅᑭᐅᖅᑕᖅᑐᒥ ᐱᓕᕆᓂᑯᖏᓐᓄᑦ, ᐃᓱᒪᒋᔭᐅᓂᖏᓐᓂ, ᐱᓕᕆᖃᑎᒋᓂᖏᓐᓂ ᐃᓄᖕᓂ ᓄᓇᓕᐅᔪᓂ.”