ᓂᕆᐅᖕᓂᐊᖅᐳᓯ ᓇᐅᑦᑎᕐᓱᕐᓂᖅᓴᐅᖃᑦᑕᕐᓂᐊᖅᑐᓂᒃ ᐃᖃᓗᖕᓂ ᐊᐅᔭᐅᔪᖅ

ᐸᓖᓯᒃᑯᑦ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓯᒡᔭᓂᒃ ᓇᐅᑦᑎᖅᓱᑲᑕᒃᑐᑦ; ᐃᓱᒫᓘᑎᐅᔪᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᐱᕐᕈᓗᐊᕿᑎᑦᑎᑦᑕᐃᓕᓂᖅᒧᑦ

ᐸᓖᓯᒃᑯᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᖅ ᒑᕕᐅᑦ ᐃᓕᐊᑦ ᓄᖅᑲᖅᖢᓂ ᐅᖃᓪᓚᖃᑎᖃᖅᐳᑦ ᓴᓚᒨᓂ ᐊᕐᓇᖁᖅᒥ ᓄᐊᑦᒫᑦ ᓯᓚᑖᓂ ᐱᓱᑲᑕᒃᖢᓂ ᓄᓇᓕᑦᑎᒍᑦ ᐱᓕᕆᐊᖃᕆᐅᖅᑎᓪᓗᒍ 2018-ᒥᑦ. ᐸᓖᓯᒃᑯᑦ ᑕᐃᒪᓐᓇ ᐅᑎᕐᓂᐊᓕᕐᒥᔪᑦ ᐊᐅᔭᖅ ᑖᒃᑯᐊ ᓇᓃᕈᓘᔭᖅᑎᑕᐅᓗᑎᒃ ᓄᓇᓕᐸᐅᔭᓂᒃ. (ᐊᔾᔨᙳᐊᖁᑎᒋᔭᐅᔪᖅ ᑯᐊᑦᓂ ᐃᐊᑦᒍ)

By Krista

For an English version of this story, see Expect to see bolstered security in Iqaluit this summer

ᐃᖃᓗᖕᓂ ᓄᓇᖃᖅᑐᑦ ᐅᔾᔨᕈᓱᒃᑐᒃᓴᐅᕗᑦ ᐸᓖᓯᑕᖃᐅᕐᓂᖅᓴᐅᓕᕐᓂᖓᓂᒃ ᐊᒻᒪᓗ ᓇᐅᑦᑎᖅᓱᖅᑎᓂᒃ ᓄᓇᓕᐸᐅᔭᓂ ᐊᐅᔭᐅᔪᖅ, ᐅᑯᓇᓃᓐᓂᐊᕆᓪᓗᑎᒃ ᓯᒡᔭᓂᒃ, ᑕᒫᓂᓗ ᐃᓄᒋᐊᑦ ᑲᑎᖃᑕᓚᐅᕐᒪᑕ ᐊᒻᒪᓗ ᓯᕐᓗᐊᕆᔭᐅᔪᑦ ᐃᑭᑎᑕᐅᕙᒃᖢᑎᒃ ᑕᒪᒃᑯᐊᓗ ᑲᑎᒪᔨᓄᑦ ᐅᔾᔨᕆᔭᐅᓯᒪᓗᐊᖅᖢᓂ.

ᑕᒪᐃᓐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐸᓖᓯᒃᑯᑦ ᐱᓇᓱᐊᕈᓯᐅᓚᐅᖅᑐᒥ ᐊᑐᓂ ᑐᓴᒐᒃᓴᓕᐅᕈᑎᖃᓚᐅᖅᑐᑦ ᑭᒃᑯᓕᒫᓂᒃ ᖃᐅᔨᒪᖁᔨᓪᓗᑎᒃ ᓇᐅᑦᑎᖅᓱᖅᑎᐅᕙᒃᑐᑦ ᐅᓄᖅᓯᕚᓕᕐᓂᐊᕐᓂᖏᓐᓂᒃ.

ᐱᓗᐊᖅᑐᕐᓕ ᐅᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖃᐅᔨᓴᖃᑦᑕᕐᓂᐊᕐᒪᑕ ᐃᖃᓗᐃᑦ ᓯᓈ ᐃᓄᐃᑦ ᓇᖕᒥᓂᖅ ᓯᒡᔭᒋᔭᖏᓐᓂᒃ, ᑖᓐᓇᓗ ᐊᒻᐆᑏᑯᑦ ᓯᒡᒐᔭᖓᓂᒃ (MOT) ᐃᒃᓴᖅᕕᒃᑯ ᐊᒻᒪᓗ ᐃᖃᓗᐃᑦ ᐅᖃᓕᒫᒐᖃᖅᕕᒃ ᑎᑭᑕᐅᓗᓂ.

ᐃᓄᐃᑦ ᓇᐅᑦᑎᖅᓱᖅᑎᓂᒃ ᑕᑯᓂᕐᓴᐅᖃᑦᑕᕐᓂᐊᖅᑐᑦ ᐅᓪᓗᑐᐃᓐᓇᒃᑯᑦ ᐊᒻᒪ ᓯᕙᑖᖅᕕᐅᑉ ᐅᓐᓄᖓᒍᑦ ᐱᓇᓱᐊᕈᓯᕐᓂ ᑎᓴᒪᓂᒃ.

“ᑖᒃᑯᐊ ᐱᑕᖃᕐᓂᖅᓴᐅᓕᕐᓂᖏ ᐃᓚᒋᔭᐅᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐸᕐᓇᐅᑎᖓᓄ ᐱᓕᕆᐊᖃᖅᑎᓪᓗᒋ ᐃᖃᓗᐃᑦ ᓯᓈ ᐊᑦᑕᓇᙱᑦᑐᒦᑎᑕᐅᓇᓱᒃᖢᓂ ᐊᒻᒪ ᐊᑐᐃᓐᓇᐅᑎᑕᐅᓇᓱᒃᖢᓂ ᕿᑭᖅᑕᓂ ᐃᓄᖕᓄᑦ ᐊᖑᓇᓱᒋᐊᖅᐸᒃᑐᓄᑦ,” ᐅᖃᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᑐᓴᒐᒃᓴᖏᑦ.

ᑲᑐᔾᔨᖃᑎᒌᑦ ᑭᐅᔪᖃᓚᐅᙱᑦᑐᑦ ᓄᓇᑦᓯᐊᕐᒥ ᐱᕙᓪᓕᐊᔪᑦ ᖃᐅᔨᓇᓱᒃᑎᓪᓗᒋᑦ ᑖᓐᓇ ᐅᓄᖅᓯᒋᐊᖅᑎᑦᑎᓂᖅ ᐱᔾᔪᑎᖃᕆᐊᒃᓴᖓᓂᒃ ᑲᑎᒪᔨᓂᙶᖅᑐᓂᒃ ᐅᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᐊᖃᖁᔭᐅᓂᖏᓐᓄᑦ ᓯᒡᔭᖅ ᐊᑦᑕᓇᖅᑐᒦᑎᑕᐅᑦᑕᐃᓕᖁᔭᐅᓗᓂ.

ᒪᐃᔭᐅᑉ ᑐᒡᓕᖓ ᔮᓇᑦ ᐳᕉᔅᑐ ᐅᖃᓚᐅᖅᑐᖅ ᒪᐃ 27-ᒥ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋ ᐃᓱᒫᓘᑎᖃᓚᐅᕐᓂᖏᓐᓂᒃ ᐃᑯᐊᓪᓚᑐᐃᓐᓇᕆᐊᓕᖕᓂ ᓄᓇᓕᐸᐃᔭᐃᑦ ᓯᒡᔭᖓᓃᑦᑐᓂᒃ ᓯᕐᓗᐊᓂᒃ ᐊᒻᒪᓗ ᐃᓱᒫᓘᑎᖃᕐᓂᕋᖅᖢᓂ ᐃᓄᐃᑦ ᐅᓗᕆᐊᓇᙱᑦᑐᒦᙱᒃᑲᓗᐊᕆᐊᒃᓴᖏᓐᓂ ᓯᒡᔭᒦᑦᑐᑦ.

ᐃᑲᕐᕋᒐᓴᐃᑦ ᐊᓂᒍᖅᑎᓪᓗᒋᑦ ᑲᑎᒫᓂᒃᑎᓪᓗᒋ, ᒪᕐᕉᒃ ᓯᕐᓗᐊᒃ ᐃᑭᖢᑎᒃ ᓄᖑᓚᐅᖅᓯᒪᔫᒃ ᐊᒻᒪᓗ ᒪᕐᕈᒃᑲᓐᓃᒃ ᐊᑐᕈᓐᓇᐃᓪᓕᒋᓪᓗᑎᒃ. ᐋᓐᓂᖅᑐᖃᓚᐅᙱᑦᑐᖅ ᑖᒃᑯᓄᖓ ᐃᑭᒃᑐᓄᑦ.

ᐸᓖᓯᒃᑯ ᓴᖅᑭᔮᕐᓂᖅᓴᐅᓂᐊᕐᒥᔪᑦ ᓄᓇᓕᐸᐅᔭᐃᑦ ᓯᒡᔭᖓᓂ, ᐅᕙᓂᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓇᖕᒥᓂᖅ ᓯᒡᔭᖁᑎᒋᔭᖓᓂᒃ, ᐊᒻᒪᓗ ᐃᖃᓗᐃᑦ ᑰᖓᓂ ᓯᐊᕕᖓ ᒍᕆᓂᐊᓪ ᒥᕐᖑᐃᖅᓯᕕᒃᒥᑦ, ᐃᖃᓗᐃᑦ ᐱᙳᐊᖅᕕᖏᓐᓂᒃ ᓯᓚᒦᑦᑐᓂᒃ ᐊᒻᒪᓗ ᓂᐊᖁᙴᒥᑦ ᐊᒻᒪᓗ ᒥᑦᑕᖅᕕᒃᒥᑦ.

ᐸᓖᓯᒃᑯᑦ ᐃᖃᓗᐃᑦ ᐊᖅᑯᑎᖏᑦᑎᒎᖃᑦᑕᕐᓂᐊᕐᒥᔪᑦ ᓲᖃᐃᒻᒪ ᐸᓖᑎᑦ ᓄᓇᓕᖕᓂ ᐱᕐᕈᓗᐊᕿᑎᑦᑎᑦᑕᐃᓕᔨᐅᖕᒪᑕ ᐊᒻᒪᓗ ᓇᐅᑦᑎᖅᓱᖅᑎᐅᓪᓗᑎᒃ, ᐅᕘᓇᓕ ᐸᓖᓯᒃᑯᑦ ᐅᖃᖅᑎᖓᒍᑦ ᑰᐳᕈᓪ ᐹᓖᓐ ᒥᓛᓐᓴᓐ, ᐊᒻᒪᓗ ᐃᓄᖕᓃᑲᑕᒡᓗᓂ ᑕᐃᒪᓐᓇ ᑲᒪᒋᔭᖃᑦᑎᐊᕈᓐᓇᕐᓇᖅᒪᑦ.

“ᐅᓇ ᑭᒃᑯᑐᐃᓐᓇᕐᓂ ᐸᓖᓯᒃᑯᓐᓂ ᐅᖃᓪᓚᖃᑎᖃᕈᓘᔭᕈᑎᐅᓐᓇᕐᓂᐊᖅᑐᖅ ᐊᒻᒪᓗ ᖃᐅᔨᒪᕚᓪᓕᕈᑎᐅᓗᓂ ᑖᒃᑯᓂᖓ ᐊᒻᒪᓗ ᐸᓖᓯᒃᓄᑦ ᖃᐅᔨᕚᓕᕈᑎᐅᖕᒥᓗᓂ ᐃᓄᖕᓂ ᐊᒻᒪ ᓄᓇᓕᖕᓂ ᐱᔨᑦᑎᕋᖅᕕᒋᔭᖏᓐᓂᒃ,” ᑎᑎᕋᓚᐅᖅᑐᖅ ᖃᕋᓴᐅᔭᒃᑯᑦ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ.

ᐅᓇ ᓯᕗᓪᓕᖅᐹᖑᙱᑦᑐᖅ ᐸᓖᓯᒃᑯᑦ ᐅᓄᖅᓯᕚᓪᓕᖅᑎᑦᑎᓯᒪᓂᖏᓐᓂᒃ ᐊᐅᔭᒃᑯᑦ.

2018 ᐊᐅᔭᖓᓂᑦᑕᐅᖅ ᐅᓄᕐᓂᖅᓴᐅᑎᑕᐅᒻᒪᕆᓚᐅᖅᓯᒪᔪᑦ ᐊᒻᒪ ᐅᖃᐅᓯᐅᓪᓗᓂ “ᐊᒃᓱᕈᖅᓇᖅᑐᐊᓗᒃᑯᑦ ᑕᖅᑭᒥ ᐸᓖᓯᒃᑯᓐᓄᑦ,” ᑕᕝᕙᓂᓗ ᒪᕐᕉᖕᓂ ᑐᖂᑦᑎᔪᖃᓚᐅᖅᓯᒪᓪᓗᓂ ᒪᐃᒥ.

Share This Story

(0) Comments

Join the Conversation

Your email address will not be published. Required fields are marked *

*