ᑐᒡᒐᐅᔾᔪᐊᖅᑐᑦ ᑎᑭᐅᑎᕗᖅ ᑲᖏᖅᖠᓂᕐᒧᑦ

For English version, see Boxing hits Rankin Inlet

ᑲᖏᖅᖠᓂᕐᒥᐅᑕᐃᑦ ᐊᑎᕗᑦ ᐳᐊᓗᓂ, ᐃᓯᒐᖏᓐᓂ ᐊᐅᓚᑎᑦᑎᓪᓗᑎᒃ ᐊᒻᒪ ᑑᖅᓯᒋᐊᖅᖢᑎᒃ ᑐᒡᒐᐅᔾᔪᐊᑎᓂᕐᒥ ᐆᒃᑐᕆᐅᖅᑎᓪᓗᒋᑦ ᓯᕗᓪᓕᖅᐹᒥ ᓄᓇᓕᖕᓂ.

“ᐱᓕᕆᓯᒪᐸᓗᒃᐳᖅ ᑕᐃᒪᓐᓇᑦᑎᐊᖅ ᐃᓱᒪᒋᓚᐅᕐᓂᓐᓂ,” ᐅᖃᓚᐅᖅᐳᖅ ᐋᑉᑕᓚ ᐸᑦ, ᐊᐅᓚᑦᑎᕙᒃᑐᒥ ᐱᓕᕆᐊᖑᓂᐅᔪᒥ.

ᐸᑦ ᓅᓚᐅᖅᓯᒪᕗᖅ ᑲᖏᖅᖠᓂᕐᒧᑦ ᑕᖅᑭᑦ ᑎᓴᒪᐅᓕᖅᑐᓂ ᐊᓂᒍᖅᓯᒪᓕᖅᑐᓂ ᐃᖅᑲᓇᐃᔭᕆᐊᖅᖢᓂ ᒪᓕᒐᓐᓂᐊᖅᑎᐅᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓕᓚᐅᖅᐳᖅ ᑐᒡᒐᐅᔾᔪᐊᕐᓂᕐᒥ ᑭᖑᓂᑦᑎᐊᖓᓂ.

ᐱᓇᓱᐊᕈᓯᑕᒫᒥ ᐃᓕᓐᓂᐊᕐᓂᐅᔪᒥ ᐅᐸᒃᑎᑦᑎᒐᔪᒃᐳᖅ 8−ᓂ 12−ᓄᑦ ᐃᓄᖕᓂ, ᐅᖃᓚᐅᖅᐳᖅ.

ᐱᓕᕆᐊᖑᓂᐅᔪᖅ ᐊᑐᐃᓐᓇᐅᑎᑕᐅᕗᖅ 5 ᐅᓐᓄᒃᑯᑦ 6 ᐅᓐᓄᒃᑯᑦ ᐊᐃᑉᐹᓂ ᐊᒻᒪ ᕿᑎᖅᑰᒥ ᓴᐃᒪᓐ ᐊᓚᐃᑦᑐᖅ ᐃᓕᓐᓂᐊᕐᕕᖓᑕ ᐃᖃᐃᓕᓴᕐᕕᖓᓂ.

ᐸᑦ ᐋᖅᑭᒃᓱᐃᓚᐅᖅᐳᖅ ᐱᓕᕆᐊᖑᓂᐅᔪᒥ ᐊᓕᐊᓇᐃᒋᕐᔪᐊᕐᓂᖓᓄᑦ ᑐᒡᒐᐅᔾᔪᐊᕐᓂᕐᒥ ᐊᒻᒪ ᐱᕚᓪᓕᕈᑕᐅᔪᓄᑦ ᑐᓂᔭᐅᔪᓂ ᑕᑯᕙᒃᑕᖏᓐᓂ ᐱᙳᐊᕐᓂᐅᔪᒥ ᑕᐃᒃᑯᓄᖓ ᐃᓚᐅᖃᑕᐅᔪᓄᑦ.

“ᐃᓱᒪᕗᖓ ᓴᓇᓲᖑᓂᖓᓂ ᓴᙱᓂᕐᔪᐊᖑᔪᒥ [ᐊᒻᒪᓗ] ᐃᓅᑦᑎᐊᕋᓱᖕᓂᕐᒥ,” ᐅᖃᓚᐅᖅᐳᖅ, ᑐᒡᒐᐅᔾᔪᐊᕐᓂᖅ ᐃᒻᒥᒃᑰᖅᑐᒥ ᐱᙳᐊᕐᓂᐅᖕᒪᑦ ᐱᔭᕆᐊᖃᖅᑎᑦᑎᔪᒥ ᑐᒡᒐᐅᔾᔪᐊᖅᑎᒥ ᐊᖏᖅᓯᒪᓂᖓᓂ ᐊᔪᕈᓐᓃᖅᐸᓪᓕᐊᓂᕐᒥ.

ᐃᓱᒪᒋᓇᒍ ᐱᙳᐊᕐᓂᐅᑉ ᐃᒻᒥᒃᑰᕐᓂᖓᓂ ᖃᓄᐃᓕᖓᓂᖓᓂ, ᑭᒃᑯᓕᒫᓂ ᐱᓕᒻᒪᒃᓴᕐᓂᖏᓐᓂ ᐃᖃᐃᓕᓴᕐᕕᖕᒥ ᑲᑎᙵᓪᓗᑎᒃ ᐱᕈᖅᓴᐃᓲᖑᕗᖅ ᐃᒃᐱᒍᓱᖕᓂᐅᔪᒥ ᐅᒃᐱᕈᓱᖕᓂᕐᒥ ᐊᒻᒪ ᐱᖃᓐᓇᕆᔭᖃᕐᓂᕐᒥ, ᐸᑦ ᐅᖃᓚᐅᖅᐳᖅ.

ᐸᑦ ᑐᒡᒐᐅᔾᔪᐊᕐᓂᕐᒥ ᐊᑐᕐᓂᑯᖏᓐᓂ ᐱᒋᐊᓚᐅᖅᐳᖅ ᐊᕐᕌᒍᑦ ᖁᓕᑲᓴᖕᓂ. ᓄᖅᑲᓚᐅᖅᐳᖅ ᐊᑭᑦᑐᕋᐅᑎᓂᕐᒥ ᐱᙳᐊᕐᓂᐅᔪᒥ, ᐱᓯᒃᑖᕐᓂᕐᒥ, ᒪᓕᒐᓕᕆᓂᕐᒧᑦ ᐃᓕᓐᓂᐊᕆᐊᕐᓂᕐᒧᑦ. ᐃᓗᓪᓕᖅᓯᓂᕐᒥ ᐃᓚᑰᓂᐅᔮᖅᑐᒥ ᐱᓯᒃᑖᕐᓂᕐᒥ ᐃᖅᑲᓇᐃᔭᓕᖅᑎᓪᓗᒍ, ᐱᓕᕆᓕᓚᐅᖅᐳᖅ ᑐᒡᒐᐅᔾᔪᐊᕐᓂᕐᒥ.

ᐅᖃᓚᐅᖅᐳᖅ ᐱᐅᒋᕙᖓ ᑐᒡᒐᐅᔾᔪᐊᕐᓂᖅ ᓄᑕᐅᙱᖦᖢᓂ ᐱᓯᐊᕐᓂᐅᓂᖓᓂ ᐊᒻᒪ ᐱᓕᕆᔾᔪᓯᖃᖅᖢᓂ ᐊᒻᒪ ᐊᔪᙱᓐᓂᐅᔪᓂ ᐃᓕᑦᑎᔭᕆᐊᓕᖕᒥ ᐱᕙᓪᓕᐊᑎᑕᐅᓯᒪᔪᓂ ᐊᕐᕌᒍᒐᓴᖕᓄᑦ.

“ᐊᓕᐊᓇᐃᒋᑦᑎᐊᖅᖢᒍ ᐱᙳᐊᕐᓂᐅᕗᖅ,” ᐸᑦ ᐅᖃᓚᐅᖅᐳᖅ.

ᐋᖅᑭᒃᓱᐃᓂᕐᒥ ᐱᓕᕆᐊᖑᓂᐅᔪᒥ ᑲᖏᖅᖠᓂᕐᒥ, ᐸᑦ ᑎᑎᕋᕆᐊᖃᓚᐅᖅᐳᖅ ᑐᒃᓯᕋᐅᑎᒥᒃ ᐊᒻᒪ ᐱᓕᒻᒪᒃᓴᓂᕐᒧᑦ ᐸᕐᓇᐅᑎᒥᒃ ᕼᐋᒻᓚᒃᑯᓐᓄᑦ. ᐋᖅᑭᒃᓱᖅᓯᒪᕗᖅ ᑑᖅᓯᑦᑕᐃᓕᒪᓂᖃᖅᖢᓂ, ᑐᑭᖃᖅᑐᒥ ᑐᒡᒐᐅᔨᓂᖃᙱᓪᓗᓂ ᐅᓇᑕᕐᓂᕐᒥᓪᓘᓐᓃᑦ ᐊᓯᐊᓂ ᐃᓄᖕᒥ.

ᐃᒪᓐᓇᖔᖅ ᐃᓄᐃᑦ ᑑᖅᓯᓲᖑᕗᑦ ᓂᕈᒻᒫᒃᑯᑕᓂ ᐊᒻᒪ ᑕᐅᑐᒃᑕᑐᐊᖃᑲᐃᓐᓇᖅᐳᑦ ᐱᓕᕆᔾᔪᓯᐅᔪᓂ. ᐱᓕᕆᐊᖑᓂᐅᔪᖅ ᐱᓕᕆᑦᑎᐊᕈᓂ ᐊᒻᒪ ᐃᓄᐃᑦ ᐱᕈᖅᓴᐃᔪᓐᓇᕐᓂᐊᕈᑎᒃ ᓈᒻᒪᒃᑐᒥ ᐱᒋᐊᕐᓂᐅᔪᓂ ᐊᔪᙱᓐᓂᐅᔪᓂ, ᑐᒡᒐᐅᔾᔪᐊᕐᓂᕐᒥ ᐊᔪᕐᓇᙱᑐᐃᓐᓇᕆᐊᖃᖅᐳᖅ ᓯᕗᓂᒃᓴᒥ, ᐸᑦ ᐅᖃᓚᐅᖅᐳᖅ.

12−ᐸᓗᖕᓂ ᐃᓄᖕᓂ ᓴᖅᑮᓐᓇᐅᔭᖅᐳᑦ ᐸᑦ ᐃᓕᓐᓂᐊᖅᑎᑕᖏᓐᓄᑦ ᑭᓯᐊᓂ ᐃᓂᒃᓴᖃᖅᐳᖅ 30−ᐸᓗᖕᓄᑦ ᐃᓄᖕᓂ ᐃᓚᐅᖃᑕᐅᓂᕐᒥ. ᐱᓕᕆᐊᖑᓂᐅᔪᖅ ᐊᐅᓚᕙᖕᒪᑦ 5 ᐅᓐᓄᒃᑯᑦ 6 ᐅᓐᓄᒃᑯᑦ, ᐊᔪᕐᓇᓲᖑᕗᖅ ᐃᓚᖏᓐᓂ ᐃᓄᖕᓂ ᓴᖅᑭᓐᓂᖏᓐᓂ, ᐸᑦ ᐅᖃᓚᐅᖅᐳᖅ.

“ᑕᐃᒪᑐᖅ ᐊᓯᔾᔨᕈᓂ ᐅᓄᕐᓂᖅᓴᐅᔪᓂ ᐃᓄᖕᓂ ᓴᖅᑭᑦᑐᓐᓇᖅᓯᓂᐊᖅᐳᑦ,” ᐅᖃᓚᐅᖅᐳᖅ.

ᖄᖓᓂ ᐃᖃᐃᓕᓴᕐᓂᑦᑎᐊᕙᐅᔪᒥ, ᐸᑦ ᐅᖃᓚᐅᖅᐳᖅ ᑐᒡᒐᐅᔾᔪᐊᕐᓂᖅ ᐃᓱᒪᒧᑦ ᖃᓄᐃᙱᑦᑎᐊᖅᑎᑦᑎᔪᓐᓇᕆᕗᖅᑕᐅᖅ.

ᓴᖅᑮᓐᓇᐅᔭᕐᓂᕐᒥ, ᐃᒻᒥᓂᒃ ᐊᒃᓱᕈᖅᑎᑦᑎᓂᕐᒥ ᐊᒻᒪ ᐱᐅᓯᕙᓪᓕᐊᓂᕐᒥ ᐱᙳᐊᕐᓂᐅᔪᒥ ᑐᕌᖅᑎᑦᑎᔪᓐᓇᖅᐳᖅ ᐱᐅᓂᖅᓴᐅᔪᒥ ᑕᐅᑦᑐᖃᕐᓂᕐᒥ ᐃᓱᒪᒧᑦ.

ᐅᖃᖅᑕᐅᒐᔪᖅᑰᔨᒐᓗᐊᖅᑎᓪᓗᒍ, ᑐᒡᒑᕆᔭᖃᕐᓂᕐᒥ ᓂᕈᒻᒫᒃᑯᑎᐅᔪᒥ ᐱᓕᕆᓂᐅᔪᓐᓇᖅᐳᖅ ᐃᓄᖕᓂ ᐊᓂᐊᑎᑦᑎᓂᖏᓐᓂ ᐊᑲᐅᒃᓴᙱᓐᓂᕆᔭᖏᓐᓂ, ᐸᑦ ᐃᓚᒋᐊᖅᓯᓚᐅᖅᐳᖅ. ᐅᖃᓚᐅᖅᐳᖅ ᑕᑯᓯᒪᕙᖓ ᐃᓅᓯᓕᒫᖓᓂ ᑐᒡᒐᐅᔾᔪᐊᕐᓂᖓᓂ, ᑭᓇᑐᐃᓐᓇᖅ ᐃᓚᐅᖃᑕᐅᓕᕐᓗᓂ ᐱᙳᐊᕐᓂᐅᔪᒥ ᐊᑲᐅᒃᓴᙱᓐᓂᖏᓐᓂ ᐊᓂᐊᑎᑦᑎᓂᖓᓂ.

“ᐊᒻᒪ ᖃᓄᐃᓐᓂᐅᔪᒥ ᐊᓕᐊᓇᐃᒋᔭᐅᕐᔪᐊᓕᕐᓂᖓᓂ ᐱᙳᐊᕐᓂᐅᔪᒥ,” ᐸᑦ ᐅᖃᓚᐅᖅᐳᖅ.

“ᓴᖑᓲᖑᕗᖅ ᐱᓕᕆᖅᑦᑎᐊᕐᓂᐅᔪᒥ ᐊᒻᒪ ᐱᐅᓂᐅᔪᒧᑦ.”

ᕼᐋᒻᓚᒃᑯᑦ ᐱᙳᐊᖅᑐᓕᕆᔨᖓ A.J. ᑰᓕ ᐅᖃᐅᓯᖃᓚᐅᕆᕗᖅ ᖁᕕᐊᓐᓂᖓᓂ ᐱᖃᕐᓂᖓᓂ ᑐᒡᒐᐅᔾᔪᐊᖅᑐᒥ ᐱᓕᕆᐊᖑᓂᐅᔪᒥ ᑲᖏᖅᖠᓂᕐᒥ.

“ᑕᒪᑦᑕ ᐃᓱᒪᓚᐅᖅᐳᒍᑦ ᐱᐅᓇᔭᕐᓂᖓᓂ ᑕᐃᒪᐃᑦᑐᒐᓚᖕᒥ ᐱᑕᖃᕐᓂᖓᓂ ᐱᑕᖃᓚᐅᖅᓯᒪᙱᑦᑐᒥ ᐅᕙᓂ,” ᑰᓕ ᐅᖃᓚᐅᖅᐳᖅ.