ᐃᖃᓗᒻᒥᐅᑕᑦ ᓄᕕᐱᕆᒧᑦ ᐃᒥᖅᑕᖅᑕᐅᔾᔪᑎᖏᓐᓄᑦ ᐊᑭᓖᔭᕆᐊᖃᙱᑦᑐᑦ

ᐃᖃᓗᒻᒥᐅᑕᑦ ᐊᑭᓖᔭᕆᐊᖃᔾᔮᙱᑦᑐᑦ ᐃᒪᕐᒧᑦ ᓄᕕᐱᕆᒧᑦ ᐅᑯᐊ ᓄᓇᓕᐸᐅᔭᓄᑦ ᑲᑎᒪᔩᑦ ᓂᕈᐊᓚᐅᖅᑎᓪᓗᒋᑦ ᐃᑲᔪᕐᓂᐊᕐᓂᕋᖅᖢᑎᒃ ᑕᒪᐃᓐᓂᓕᒫᖅ ᐆᒧᖓ ᐃᒪᕐᒧᑦ ᑐᐊᕕᕐᓇᖅᑐᓕᕆᓚᐅᕐᓯᒪᓂᕐᒧᑦ.

ᐅᓇ ᑕᐃᒪᐃᓕᐅᕈᑎ ᐃᖃᓗᐃᑦ ᓄᓇᓕᐸᐅᔭᖓ ᐊᑭᓖᓂᐊᕐᓗᑎᒃ $1.7 ᒥᓕᐊᓐᑖᓚᖏᓐᓂᒃ, ᑖᓐᓇᓗ ᓄᓇᓕᐸᐅᔭᐃᑦ ᐃᓱᒪᒋᓪᓗᓂᔾᔪᑦ ᓄᓇᕗᒥᑦ ᒐᕙᒪᒃᑯᓐᓄᑦ ᐊᑭᓕᖅᑕᐅᔪᓐᓇᕐᓂᐊᕐᓗᓂ.

ᓄᓇᕗᒥᑦ ᒐᕙᒪᒃᑯᑦ ᐃᒪᕐᒥᒃ ᐃᒥᑲᑕᖁᔨᔪᓐᓃᓚᐅᕐᓯᒪᔪᑦ ᐅᒃᑑᐱᕆ 12-ᒥᑦ ᑎᑭᖢᒍ ᑎᓯᐱᕆ 10 ᐅᖅᓱᐊᓗᖃᓕᕐᓯᒪᓂᖓᓄᑦ ᓄᓇᓕᐸᐅᔭᐃᑦ ᐃᒪᖓ.

“ᓄᓇᓕᐸᐅᔭᐃᑦ ᓄᓇᖃᖅᑐᓂᒃ ᐃᑲᔪᕆᐊᖃᕐᓂᖏᓐᓂᒃ ᓄᓇᖃᖅᑐᓂᒃ,” ᑲᑎᒪᔨ ᔮᓐ ᕚᓴᑦ, ᑖᓐᓇ ᐱᖁᔨᕗᖔᓕᐅᕐᓂᑯ ᓄᓇᓕᐸᐅᔭᐃᑦ ᐊᑭᓖᑎᑦᑎᙱᓪᓗᑎᒃ ᓄᓇᖃᖅᑐᓂᒃ ᐊᐃᑉᐹᓂᒃ ᑲᑎᒪᔩᑦ ᑲᑎᒪᑎᓪᓗᒋᑦ.

ᐅᓇ ᑕᖅᑭ ᐊᐃᑉᐸᕆᓕᕐᑕᖓ ᓄᓇᓕᐸᐅᔭᐃᑦ ᑲᑎᒪᔨᖏ ᐃᓱᒪᓕᐅᕆᓪᓗᑎᒃ ᐊᑭᓕᐅᑎᐅᔭᕆᐊᓕᖕᓂ ᓄᓇᓕᐸᐅᔭᓂ ᐃᑲᔪᕈᒪᓪᓗᑎᒃ. ᑭᓯᐊᓂᓕ ᒫᓐᓇᐅᔪᖅ ᐃᓚᖓ ᑲᑎᒪᔨᐅᔪᖅ ᑕᒪᑐᒥᖓ ᓈᒻᒪᒃᓴᓚᐅᙱᑦᑐᖅ.

ᑲᑎᒪᔨ ᑲᐃᐅᓪ ᓴᐳᑦ ᕚᓴᑦ ᐱᖁᔨᕗᖔᕈᑎᖓᓂᒃ ᐋᖅᑭᒋᐊᖅᑎᑦᑎᒋᐊᓚᐅᕐᑐᖅ 50 ᐳᓴᓐᑎᖓᓂᒃ ᓄᓇᓕᐸᐅᔭᐃᑦ ᐊᑭᓖᓂᐊᕐᓗᑎᒃ ᓄᕕᐱᕆᒧᑦ.

ᐅᖃᖅᖢᓂ ᐃᓱᒪᒋᑦᑎᐊᕐᓂᕋᖅᖢᓂᐅᒃ ᐃᒪᕐᒧᑦ ᑐᐊᕕᕐᓇᖅᑐᓕᕆᓂᐅᓚᐅᕐᑐᖅ ᓄᓇᓕᖕᓄᑦ ᑭᓯᐊᓂᓕ ᓄᓇᓕᐸᐅᔭᐃᑦ ᑮᓇᐅᔭᖃᕆᐊᖃᕐᒪᑕ ᐃᒪᕐᒧᑦ ᐊᐅᓚᑦᑎᓂᕐᒧᑦ, ᒪᑯᓄᖓᓗᑦ ᑯᕕᖅᑕᐅᑎᓕᕆᓂᕐᒧᑦ ᐊᒻᒪᓗ ᐱᓕᕆᖃᑎᖃᕐᓂᕐᒧᑦ ᒐᕙᒪᑐᖃᒃᑯᓐᓂᒃ ᐊᒻᒪ ᓄᓇᕗᒥᑦ ᒐᕙᒪᒃᑯᓐᓂᒃ ᐊᓯᖏᓐᓂᒃ ᐱᓕᕆᐊᒃᓴᓄᑦ.

ᐊᒻᒪᓗ ᐅᖃᓚᐅᕐᒥᔪᖅ ᓄᓇᓕᐸᐅᔭᐃᑦ ᐃᒪᖓ ᖃᐅᔨᓴᖅᑕᐅᑎᓪᓗᒍ ᐅᒃᑑᐱᕆ 23-ᒥ ᐅᕐᓱᐊᓗᖃᕐᓂᕋᖅᑕᐅᓚᐅᕐᓯᒪᓪᓗᓂ.

“ᐃᒪᐃᒻᒪᑦ ᓄᓇᓕᐸᐅᔭᐃᑦ ᐃᒪᑦᑎᐊᕙᖕᒥ ᐱᓕᕆᐊᖃᓚᐅᕐᓯᒪᔪᑦ,” ᓴᐳᑦ ᐅᖃᖅᑐᖅ. “ᐊᒻᒪᓗ ᖃᓄᐃᓕᐅᕈᑎᐅᓚᐅᕐᑐᖅ ᑕᐃᑕᐃᑎᓚᐅᙱᖢᑎᒍᑦ.”

ᓴᐳᑦ ᐅᖃᓚᐅᕐᑐᖅ ᓄᓇᖃᖅᑐᑦ ᐊᑐᓚᐅᕐᓂᖏᓐᓂᒃ ᐃᒪᕐᒥ ᐊᑐᖃᑦᑕᖅᑕᖏᑦᑎᑐᑦ ᓄᕕᐱᕆᒥ.

ᕚᓴᑦ ᓴᐳᑦ ᐅᖃᐅᓯᖓᓂᒃ ᐊᖏᖃᑎᖃᓚᐅᙱᑦᑐᑦ ᐊᒻᒪᓗ ᓴᐳᑦ ᓂᕈᐊᖅᖢᓂ ᐃᓚᐃᓐᓇᖓᓂ ᐊᑭᓖᔪᒪᓂᕐᒥᒃ.

ᑲᑎᒪᔨ ᓰᓚ ᕙᓚᐅᕋᑎ ᐅᖃᓚᐅᕐᑐᖅ ᐅᖃᐅᓯᖃᕈᒪᓂᕋᖅᖢᓂ ᐃᑲᔪᕈᑎᒃᓴᐅᔭᖅᑐᓂᒃ ᑎᑭᓪᓗᒍ ᑎᓯᐱᕆ 10, ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᐃᓱᖃᕐᕕᒋᑎᑕᐅᖅᑕᖓᓄᑦ.

ᑭᓯᐊᓂᓕ ᐊᑕᐅᓯᑦᑕᐃᓐᓇᕐᒥ ᐱᖁᔨᕗᖔᕈᑎᒥ ᑕᐃᒪᐃᑦᑐᓐᓇᓚᐅᙱᒻᒪᑕ, ᒪᐃᔭ ᑭᐊᓂ ᐱᐊᓪ ᐅᖃᖅᑐᖅ.

ᒪᐃᔭ ᐅᖃᓚᐅᕐᑐᖅ ᐃᒪᕐᒧᑦ ᑐᐊᕕᕐᓇᖅᑐᓕᕆᓕᓚᐅᕐᓯᒪᓂᖏᓐᓂᒃ ᐅᒃᑑᐱᕆ 12-ᒥ ᑭᓯᐊᓂᓕ ᓄᓇᖃᖅᑐᑦ ᐅᒃᑑᐱᕆᓕᒫᒧᑦ ᐃᑲᔪᖅᑕᐅᓚᐅᕐᑐᑦ.

ᑎᓯᐱᕆ 14ᒥ ᑲᑎᒪᑎᓪᓗᒋᑦ, ᑲᑎᒪᔩ ᓂᕈᐊᓚᐅᕐᑐᑦ $1.67 ᒥᓕᐊᓐᑖᓚᓂ ᐊᑐᕐᓂᐊᕐᓗᑎᒃ ᓄᓇᕗᒥᑦ ᒐᕙᒪᒃᑯᑦ ᓄᓴᓕᖕᓄᑦ ᐃᑲᔪᖅᑕᐅᔾᔪᑎᑖᕈᑎᖓᓂᒃ ᒪᑯᓄᖓ ᐊᑭᓕᐅᑎᐅᔭᕆᐊᖃᓕᓚᐅᕐᑐᓄᑦ ᓄᕕᐱᕆᒥᒃ ᐃᒪᓕᕆᓂᕐᒧᑦ.

ᐃᓱᒪᒋᔭᐅᖕᒪᑦ ᒫᓃᑦᑕᕆᐊᒃᓴᖓᓂᒃ $965,677 ᑕᖅᑭᒧᑦ, ᑖᓐᓇᓕ ᐋᖅᑭᒃᓯᒪᓇᓱᒃᖢᓂᒃ ᑕᖅᑭᓄᑦ 6ᓄ, ᐅᖃᓚᐅᕐᑐᖅ ᓄᓇᓕᐸᐅᔭᐃᑦ ᐊᐅᓚᑦᑎᔨᖓ ᐱᓕᕆᐊᖃᖅᑐᓄᑦ, ᐋᓕᓴᓐ ᑐᕋᒪᓐ.

ᐃᖃᓗᐃᑦ ᓄᓇᓕᐸᐅᔭᓄᑦ ᑲᑎᒪᔩ ᐊᐱᕆᓚᐅᕐᓯᒪᔪᑦ ᓄᓇᕗᒥᑦ ᒐᕙᒪᒃᑯᓐᓂᒃ ᐱᔪᒪᓪᓗᑎᒃ $1.5 ᒥᓕᐊᓐᑖᓚᓂ ᐃᑲᔪᕈᑎᐅᓂᐊᖅᑐᓂᒃ ᐃᒪᕐᒧᑦ ᑐᐊᕕᕐᓇᖅᑐᓕᕆᓂᕐᒨᖓᔪᓄᑦ ᐅᒃᑑᐱᕆᒥ ᐊᑐᖅᑕᐅᓚᐅᕐᑐᓂᒃ.