ᑐᓂᕐᕈᑎᑦ ᑎᒍᒥᐊᑐᐃᓐᓇᕆᐊᖃᖅᐳᖅ ᐱᕕᒃᓴᖓᓂ ᓯᕗᓂᒃᓴᖓᓄᑦ ᑐᓂᒃ ᑕᐃᒻᒧᑦ: ᐊᖓᔪᖅᑳᖅ

For the English version of this story, please see Canada Post grant may hold key to future for Toonik Tyme.

$15,000−ᒥ ᑲᓇᑕᒥ ᑎᑎᖅᑲᕐᓂᐊᕐᕕᖕᒥ ᑐᓂᕐᕈᑎᒥᑦ ᑎᒍᒥᐊᑐᐃᓐᓇᕆᐊᖃᖅᐳᖅ ᐱᕕᒃᓴᖓᓂ ᓯᕗᓂᒃᓴᖓᓄᑦ ᐃᖃᓗᖕᓂ ᐊᑯᓂᐅᓛᖑᔪᒥ−ᐊᐅᓚᔪᒥᒃ ᖁᕕᐊᓱᒍᑕᐅᔪᒥ.

ᐃᖃᓗᖕᓂ-ᑐᙵᕕᓕᖕᒥ ᑲᑐᔾᔨᖃᑎᒌᖑᔪᖅ 123Go! ᐱᓚᐅᖅᐳᑦ ᑮᓇᐅᔭᓂ ᐅᒃᑐᐱᕆ 1−ᒥ ᑲᓇᑕᒥ ᑎᑎᖅᑲᕐᓂᐊᕐᕕᖓᓂ ᓄᓇᓕᖕᓂ ᑐᙵᕕᐅᔪᒥ. ᑐᙵᕕᐅᔪᖅ ᑐᓂᓯᓲᖑᕗᖅ ᑐᓂᕐᕈᑎᓂᑦ ᐃᑲᔪᖅᓱᐃᓂᕐᒧᑦ ᒪᒃᑯᒃᑐᓄᑦ-ᐊᐅᓚᑕᐅᔪᓂ ᐊᒻᒪ ᒪᒃᑯᒃᑐᓂ-ᑕᐅᑐᒃᑕᑐᐊᖃᑲᐃᓐᓇᖅᑐᒥ ᖃᓄᐃᓐᓂᐅᔪᓄᑦ.

ᐋᖅᑭᒃᓱᐃᔨᐅᓪᓗᑎᒃ ᑲᑎᒪᔨᕋᓛᓂ ᑐᓄᐊᓂ ᐃᖃᓗᖕᓂ ᐊᕐᕌᒍᑕᒫᒥ ᑐᓂᒃ ᑕᐃᒻ ᖁᕕᐊᓱᒍᑕᐅᔪᒥ, 123Go! ᑲᑎᒪᔨᖏᑦ ᑐᕌᖅᐸᓪᓕᐊᕗᑦ ᑐᓂᕐᕈᑎᒥᑦ ᐱᓕᕆᓂᐅᓪᓗᓂ ᓇᓗᓇᐃᖅᓯᓂᕐᒥ ᐊᕐᕌᒍᓄᑦ−59-ᓄᑦ ᖁᕕᐊᓱᒍᑕᐅᔪᒥ ᓯᕗᓂᒃᓴᒥ ᐱᓕᕆᑦᑎᐊᕈᓐᓇᕐᓂᖓᓂ.

ᐱᕙᓪᓕᐊᑎᑦᑎᔪᓐᓇᑐᐃᓐᓇᕆᐊᖃᖅᐳᖅ ᐋᖅᑭᒃᓱᐃᔨᐅᔪᓂ ᑲᑎᒪᔨᕋᓛᓄᑦ ᒪᓕᒃᑐᒥ ᐸᕐᓇᐅᑎᖓᓂ.

“ᒪᒃᑯᖕᓂᖅᓴᓂ ᐱᐅᓯᖃᑎᒌᖑᔪᓂ ᐃᓇᖏᖅᓯᖁᕙᕗᑦ ᑐᓂᒃ ᑕᐃᒻᒥ ᓯᕗᓂᒃᓴᒥ ᑐᓂᒃ ᑕᐃᒻ ᐃᖏᕐᕋᑎᑕᐅᖏᓐᓇᕐᓂᐊᕐᒪᑦ,” ᐅᖃᓚᐅᖅᐳᖅ ᐱᑦᓯᐅᓛᖅ ᐊᓚᐃᙵ, ᐊᖓᔪᖅᑳᖅ ᖁᕕᐊᓱᒍᑕᐅᔪᒥ ᑲᑎᒪᔨᐅᔪᓄᑦ, ᐃᑲᔪᖅᓯᒪᔪᒥ ᐋᖅᑭᒃᓱᐃᓂᖓᓂ ᖃᓄᐃᓐᓂᐅᔪᒥ ᐊᕐᕌᒍᑦ 10 ᐅᖓᑖᓄᑦ.

“ᐅᓇ ᑐᕌᒐᕆᓚᐅᖅᑕᕗᑦ. ᑐᓂᒃ ᑕᐃᒻ ᐃᖏᕐᕋᑎᑦᑏᓐᓇᕐᓂᕐᒧᑦ ᐊᓯᐅᔨᔾᔮᙱᓐᓇᑦᑕ ᐃᓕᖅᑯᓯᐅᔪᒥ ᑐᓂᒃ ᑕᐃᒻᒥ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓂ ᐃᑲᔪᖃᑎᒌᖕᓂᕐᒥ.”

ᑲᓇᑕᒥ ᑎᑎᖅᑲᕐᓂᐊᕐᕕᖕᒥ ᑮᓇᐅᔭᖃᖅᑎᑕᐅᓂᐅᔪᒥ ᐃᑲᔪᖅᓱᐃᓂᐊᖅᐳᖅ ᑲᑎᒪᔨᓂ ᐋᖅᑭᒃᓱᐃᓂᕐᒥ ᒪᒃᑯᒃᑐᓄᑦ−ᐊᐅᓚᑕᐅᔪᓄᑦ ᖃᓄᐃᓐᓂᐅᔪᒥ, ᐃᑲᔪᕋᔭᖅᑐᒥ ᐱᕙᓪᓕᐊᑎᑦᑎᓂᕐᒥ ᒪᒃᑯᒃᑐᓂ ᓯᕗᓕᐅᖅᑎᓂ ᓯᕗᓂᒃᓴᒧᑦ ᖁᕕᐊᓱᒍᑕᐅᔪᓄᑦ, ᐅᖃᓚᐅᖅᐳᖅ.

ᐊᕐᕌᓂᐅᓂᐊᖅᑐᒥ ᓴᖅᑭᑕᐅᓯᒪᔪᒥ ᑐᓂᒃ ᑕᐃᒻᒥ ᓇᓗᓇᐃᖅᓯᓂᐊᖅᐳᖅ ᐊᕐᕌᒍᓂ 60−ᓂ ᑕᐃᒪᙵᓂ ᓴᐃᒨᓂ ᐊᓚᐃᙵᐅᓚᐅᖅᑐᒥ ᐊᒻᒪ ᐳᕋᐃᔭᓐ ᐱᐅᓴᓐ−ᖑᓚᐅᖅᑐᒥ, ᐊᓯᖏᓐᓂ ᐋᖅᑭᒃᓱᐃᔨᐅᔪᓂ, ᐃᑲᔪᓚᐅᖅᐳᑦ ᐋᖅᑭᒃᓱᐃᓂᕐᒥ ᓯᕗᓪᓕᖅᐸᐅᔪᒥ ᖁᕕᐊᓱᒍᑕᐅᔪᒥ 1965−ᒥ.

ᐋᖅᑭᒃᓱᐃᓚᐅᖅᐳᑦ ᖃᔅᓯᒐᓚᖕᓂ ᐱᖅᑯᓯᑐᖃᖅᑎᒍᑦ ᖃᓄᐃᓕᐅᕈᑕᐅᔪᓂ ᓴᓇᓯᒪᔪᓂ ᐃᑲᔪᕐᓂᕐᒧᑦ ᐃᖃᓗᖕᒥᐅᓂ ᓴᖅᑭᓐᓂᖏᓐᓂ ᑖᖅᑐᒥ ᐅᓕᒃᓯᒪᔪᒥ ᐅᑭᐅᖑᔪᒥ ᐊᓕᐊᓇᐃᒋᔭᖃᕐᓂᕐᒥ ᐅᐱᕐᙶᑉ ᐆᓇᕐᓂᖓᓂ ᖁᕕᐊᓇᖅᑐᓂ ᐊᒻᒪ ᐃᖅᑲᐅᒪᓇᖅᑐᓂ ᖃᓄᐃᓕᐅᕈᑕᐅᔪᓂ ᐃᓚᒌᓄᑦ ᐊᒻᒪ ᐱᖃᓐᓇᕆᔭᓄᑦ.

ᖁᕕᐊᓱᒍᑕᐅᔪᖅ ᐱᕈᖅᓯᒪᕗᖅ ᐋᖅᑭᒃᑕᐅᓯᒪᓂᐅᔪᒥ ᐃᓄᖕᓄᑦ ᐱᙳᐊᕈᑎᓂ ᐊᒻᒪ ᓄᓇᓕᖕᓂ ᓂᕆᕕᒡᔪᐊᕐᓂᐅᔪᒥ ᐅᓪᓗᓄᑦ−10-ᓄᑦ ᖃᓄᐃᓐᓂᐅᔪᒥ ᐃᓚᖃᖅᑐᒥ ᕿᒧᒃᓯᐅᔾᔭᐅᕐᓂᕐᒥ; ᑏ ᐊᒻᒪ ᐸᓚᐅᒑᓕᐅᕐᓂᕐᒥ ᓵᓚᖃᕋᓱᐊᕐᓂᐅᔪᒥ; ᐃᒡᓗᒥᐅᑕᐅᑎᓪᓗᓂ, ᐅᕝᕙᓘᓐᓃᑦ ᐃᒡᓗᕕᒐᓕᐅᕐᓂᕐᒥ ᓵᓚᖃᕋᓱᐊᕐᓂᐅᔪᒥ; ᐃᓄᑐᖃᕐᓄᑦ ᐱᙴᒥ ᐊᒻᒪ ᓱᕈᓯᓄᑦ ᐱᙳᐊᕐᓂᐅᔪᓂ; ᐊᒻᒪ ᑭᒻᒥᕈᒻᒧᑦ ᓱᒃᑲᓴᐅᑎᓂᐅᔪᒥ ᖃᒧᑎᖃᖅᖢᑎᒃ.

ᖁᕕᐊᓱᒍᑕᐅᔪᖅ ᐱᒻᒪᕆᐅᕗᖅ ᐃᖃᓗᖕᓄᑦ ᑮᓇᐅᔾᔭᒃᓴᓂᖓᓄᑦ ᐳᓚᕋᖅᑐᓕᕆᓂᕐᒥ ᖃᓄᐃᓐᓂᐅᔪᒥ ᖁᕝᕙᕆᐊᖅᑎᑦᑎᓲᖑᖕᒪᑦ ᐱᔪᒪᓂᐅᔪᒥ ᓄᓇᓕᖕᓂ ᐱᔨᑦᑎᕋᕐᓂᐅᔪᒥ, ᐅᖃᓚᐅᖅᐳᖅ ᔨᐊᕝ ᐸᐃᓐ, ᐱᕙᓪᓕᐊᔪᓕᕆᔨ ᓄᓇᓕᐸᐅᔭᒧᑦ ᐃᖃᓗᖕᓂ.

“ᐅᖓᑖᓂ ᐃᕐᙲᓐᓇᑲᐅᑎᒋᒥ ᖁᕕᐊᓱᒍᑕᐅᔪᒥ, ᑐᓂᒃ ᑕᐃᒻ ᐃᑲᔪᓲᖑᕗᖅ ᖁᕝᕙᕆᐊᖅᑎᑦᑎᓂᕐᒥ ᐃᖃᓗᐃᑦ ᑕᐅᑦᑐᖓᓂ, ᑲᒪᒋᔭᖃᖅᖢᓂ ᓯᕗᓂᒃᓴᒥ ᐳᓚᕋᖅᑐᓕᕆᓂᕐᒧᑦ ᐊᒻᒪ ᐱᕈᖅᐸᓪᓕᐊᓂᖓᓂ ᐊᕕᒃᑐᖅᓯᒪᓂᐅᔪᒥ ᐳᓚᕋᖅᑐᓕᕆᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᑭᒡᓕᖃᖅᑎᓪᓗᒋᑦ,” ᐅᖃᓚᐅᖅᐳᖅ.

“ᖁᕕᐊᓱᒍᑕᐅᔪᖅ ᐱᔨᑦᑎᕋᖅᐳᖅ ᑕᒪᒃᑭᓂ ᐃᓕᖅᑯᓯᒧᑦ ᖁᕕᐊᓱᒍᑕᐅᔪᒥ ᐊᒻᒪ ᑮᓇᐅᔾᔭᒃᓴᓂᕐᒧᑦ ᐊᐅᓚᑕᐅᓂᖓᓂ, ᐊᐅᓚᑦᑎᓪᓗᓂ ᕿᓚᒻᒥᐅᔪᒥ ᐊᖏᐸᓗᒃᑐᓂ ᕿᓚᒻᒥᐅᔪᒥ ᐱᕚᓪᓕᕈᑎᓂ ᐃᑲᔪᖅᓱᐃᖑᔮᕐᔪᒃᑎᓪᓗᒍ ᑮᓇᐅᔾᔭᒃᓴᓂᕐᒥ ᐱᕙᓪᓕᐊᑎᑦᑎᓂᐅᔪᒥ.”

ᖁᕕᐊᓱᒍᑕᐅᔫᑉ ᓱᖏᐅᓐᓇᙱᑦᑐᒥ ᐊᑎᖓ ᐅᕙᙶᖅᐳᖅ ᐊᑕᐅᓯᐅᔪᒥ ᐅᖃᐅᓯᕐᒥ ᐃᓄᖕᒥ ᑐᓂᕐᓂᑦ, ᖃᐅᔨᒪᔭᐅᔪᒥ ᐃᑦᑕᕐᓂᓴᓕᕆᔨᓂᑦ ᑐᓂᕐᓂᑦ.

ᑐᓃᑦ ᐃᓂᖃᓚᐅᖅᐳᑦ ᒫᓐᓇ ᑲᓛᖦᖠᐅᑉ ᓄᓈᓐᓂᐅᓕᖅᑐᒥ ᐊᒻᒪ ᑲᓇᖕᓇᕐᒥ ᑲᓇᑕᒥ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᓂᐅᔪᖅ ᐃᓂᒋᔭᐅᓚᐅᙱᓐᓂᖓᓂ ᓯᕗᓕᑦᑕ ᐅᓪᓗᒥᐅᔪᒥ ᐃᓄᖕᓂ, ᖃᐅᔨᒪᔭᐅᔪᓂ ᐃᓄᐃᑦ ᓯᕗᕚᖏᓐᓂ, ᐃᖏᕐᕋᓚᐅᖅᑐᓂ ᒫᓐᓇᐅᔪᒥ ᐊᓛᔅᑲᒥ ᐊᕐᕌᒍᑦ ᑕᐅᓴᓐ−ᖑᓕᖅᑐᓂ ᐊᓂᒍᖅᓯᒪᓕᖅᑐᓂ.

ᐅᓪᓗᖏᓐᓂ ᐊᕐᕌᓂᐅᓂᐊᖅᑐᒥ ᑐᓂᒃ ᑕᐃᒻᒧᑦ ᐅᖃᐅᓯᐅᓛᖅᐳᖅ ᓯᕗᓂᐊᓂ ᐊᕐᕌᒎᑉ ᐃᓱᐊᓂ, ᐅᖃᓚᐅᖅᐳᖅ ᑎᑎᕋᖅᑎ ᑮᓇᐅᔭᓕᕆᔨ ᒫᑎᐅ ᐊᓚᐃᙵ.