ᑕᖅᓴᖃᐅᖅᑐᖅ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓴᖅᑭᑉᐳᑦ ᓇᐅᔮᑦ ᖃᓂᒋᔭᖓᓂ
ᐊᐅᐸᔮᖓᔪᖅ-ᖁᖅᓱᖅᑕᒥ ᐊᑭᑐᔫᑎᓂ ᐅᔭᖅᑲᓂ ᑎᒃᑯᐊᕆᔪᓐᓇᖅᐳᖅ ᐊᑭᑐᔫᑎᓄᑦ ᐅᔭᕋᖕᓂᐊᕐᕕᐅᒧᒥ ᑭᓯᐊᓂ ᐱᓕᕆᓂᖃᒃᑲᓐᓂᖃᕆᐊᖃᖅᐳᖅ, North Arrow ᐊᐅᓚᑦᑎᔨᒻᒪᕆᖓ ᐅᖃᖅᐳᖅ
0.31-ᑭᐊᕆᑦ ᑕᖅᓴᑦᑎᐊᕆᒃᑐᖅ, ᑭᑉᐹᕆᒃᑐᑯᑖᒃ radiant-cut ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ (ᑕᓕᖅᐱᖕᒥ) ᐊᒻᒪ ᐊᔾᔨᐸᓗᐊᓂ 0.21-ᑭᐊᕆᑦ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᑕᐃᒪᓐᓇᑦᑕᐃᓐᓇᖅ ᐊᐅᐸᔮᖓᔪᖅ-ᖁᖅᓱᖅᑕᒥ ᑕᖅᓴᓕᒃ ᐊᒡᒍᖅᑕᐅᓯᒪᕗᖅ ᐊᒻᒪ ᕿᓪᓕᖅᓴᖅᑕᐅᓪᓗᓂ ᐲᖅᑕᐅᓚᐅᖅᑎᓪᓗᒍ ᐃᓕᒃᑯᐊᒥ ᐆᒃᑐᒐᒃᓴᒥ ᓇᐅᔮᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᒧᑦ ᐱᓕᕆᐊᒃᓴᐅᔪᒥ. ᐱᑕᖃᒐᔪᙱᕐᔪᐊᖅᑐᒥ ᑕᖅᓴᖃᖅᑐᑦ ᑕᐃᒪᓐᓇ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓇᓗᓇᐃᒃᑯᑕᐅᔪᓐᓇᖅᐳᑦ ᐊᑭᑐᔫᑎᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓄᑦ ᐅᔭᕋᖕᓂᐊᕐᕕᖕᒥ ᓯᓚᑖᓃᑉᐳᖅ ᓄᓇᕗᒻᒥ ᕼᐋᒻᓚᐅᔪᒥ, North Arrow Minerals ᐊᖓᔪᖅᑳᖓ ᑭᐊᓐ ᐋᒻᔅᑐᕌᖕ ᐅᖃᓚᐅᖅᐳᖅ. (ᐊᔾᔨᖁᑎᒋᔭᐅᔪᑦ North Arrow Minerals Inc.−ᑯᓐᓂ)
For English version, see Colourful diamonds surface near Naujaat
ᑕᓪᓕᒪᓂ ᐱᓕᕆᐊᖑᔪᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᒧᑦ ᐅᔭᕋᖕᓂᐊᕐᕕᖕᓂ ᑲᓇᑕᒥ: ᐱᖓᓱᑦ ᓄᓇᑦᓯᐊᕐᒥ, ᐊᑕᐅᓯᖅ ᐋᓐᑎᐊᕆᐅᒥ ᐊᒻᒪ ᐊᑕᐅᓯᖅ ᑯᐸᐃᖕᒥ.
ᐃᓄᑭᑦᑐᒥ ᕼᐋᒻᓚᐅᔪᒥ ᓇᐅᓃ ᐃᓄᒋᐊᖕᓂᓕᖕᒥ 1,225−ᒥ, ᐊᖏᕐᕋᕆᔭᐅᔪᓐᓇᖅᐸ 6-ᖓᓄᑦ?
ᕿᓚᒻᒥᐅᓗᐊᖅᐳᖅ ᓂᐅᕕᕐᕕᒃᓴᓕᐅᕐᓂᕐᒥ, ᑭᓯᐊᓂ ᒫᓐᓇᓕᓴᐅᔪᒥ ᓇᓂᓯᓂᐅᔪᒥ ᓄᓇᓖᑦ ᖃᓂᒋᔭᖓᓂ ᐱᑕᖃᒐᔪᙱᕕᒡᔪᐊᖅᑐᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᓴᖅᑭᔮᖅᑐᒥ ᐊᔾᔨᐅᙱᑦᑐᒥ ᐊᐅᐸᔮᖓᔪᖅ-ᖁᖅᓱᖅᑕᒥ ᑕᖅᓴᖓᓂ ᑐᑭᖃᖅᐳᖅ ᐱᑕᖃᑐᐃᓐᓇᕆᐊᖃᕐᓂᖓᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᒧᑦ ᐅᔭᕋᖕᓂᐊᕐᕕᖕᒥ ᓴᓇᔭᐅᔪᓐᓇᕐᓂᖓᓂ.
0.31- ᐊᒻᒪ 0.21-ᑭᐊᕆᑦ ᑭᑉᐹᕆᒃᑐᑯᑖᒃ, radiant-cut ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓄᓱᒃᑕᐅᓚᐅᖅᐳᖅ 1,800-ᑕᓐᓂ ᐃᓕᒃᑯᐊᖑᔪᒥ ᐆᒃᑑᑎᒃᓴᒥ ᐅᔭᕋᖕᓂᐊᕐᕕᖕᒥ ᐱᓕᕆᐊᖑᔪᒥ 2021−ᒥ North Arrow Minerals Inc.−ᑯᓐᓂ, 9 ᑭᓛᒥᑐᒥ ᐅᐊᖕᓇᒥ ᑲᓇᖕᓇᕐᒥ ᓇᐅᔮᓂ ᐃᑉᕈᕐᔭᕕᐅᑉ ᓄᓈᓂ.
ᐅᑯᐊ ᒪᕐᕉᒃ ᐱᑕᖃᒐᔪᙱᕕᒡᔪᐊᖅᑐᓂ ᐊᑭᑐᔫᑎᓂ ᐅᔭᖅᑲᓂ — ᐊᖏᓛᖑᔪᒥ ᐊᒻᒪ ᐱᐅᓂᖅᐹᖑᔪᓂ ᓇᓂᔭᐅᓯᒪᔪᓂ ᓇᐅᔮᓂ — ᐊᒡᒍᖅᑕᐅᓚᐅᖅᐳᑦ ᐊᒻᒪ ᕿᓪᓕᖅᓴᖅᑕᐅᓪᓗᑎᒃ ᖃᖓᒃᑲᓐᓂᖅ ᑕᒪᑐᒪᓂ ᐊᕐᕌᒎᔪᒥ Burgundy ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᒧᑦ ᐅᔭᕋᖕᓂᐊᕐᕕᖓᓂ ᐴᑦ, ᐋᔅᑐᕋᐃᓕᐊᒥ, ᐃᓚᒋᔭᐅᓪᓗᓂ ᖃᐅᔨᓴᖅᑕᐅᖏᓐᓇᖅᑐᒥ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓄᑦ ᐱᑕᖃᑐᐃᓐᓇᕆᐊᖃᕐᓂᖓᓂ ᐃᓂᒋᔭᐅᔪᒥ, ᐅᖃᓚᐅᖅᐳᖅ North Arrow Minerals ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᒻᒪᕆᖓ ᑭᐊᓐ ᐋᒻᔅᑐᕌᖕ.
“ᕿᓪᓕᖅᓴᖅᓯᒪᓂᖓᓂ ᐱᑕᖃᕐᓂᖓᓂ ᑕᒪᒃᑭᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ 38 ᐳᓴᓐᑎᒐᓚᐅᖅᕗᖅ ᐊᖏᐸᓗᒃᑐᒥ ᐱᐅᓯᒋᐊᕐᓂᐅᕗᖅ ᑕᐃᔅᓱᒪᓂᒃᑲᓐᓂᖅ ᕿᓪᓕᖅᓴᐃᓂᐅᔪᓂ ᐊᒃᓱᕈᕈᑕᐅᔪᓂ, ᐊᒻᒪ 0.31-ᑭᐊᕆᑦ ᐅᔭᖅᑲᖅ ᒪᕐᕈᐃᓪᓗᐊᖅᑐᒥ ᐅᖓᑖᓂ ᐅᖁᒪᐃᓐᓂᖃᖅᐳᖅ ᓯᕗᓂᐊᓂ ᑕᖅᓴᑦᑎᐊᕆᒃᑐᓂ ᕿᓪᓕᖅᓴᖅᓯᒪᔪᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐅᔭᕋᖕᓂᐊᕐᕕᖕᒥ,” ᐅᖃᓚᐅᖅᐳᖅ.
ᐅᑯᓂᖓ ᒪᕐᕉᔪᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐱᕐᔪᐊᖑᓂᖏᓐᓂ ᐊᖏᓂᖓᓂᐅᙱᑦᑐᖅ, ᑭᓯᐊᓂ ᖃᓄᖅ ᐃᔅᓴᒃᓯᒪᑦᑎᐊᕐᓂᖓᓂ ᐊᐅᐸᔮᖓᔪᖅ-ᖁᖅᓱᖅᑕᒥ ᑕᖅᓴᖓᓂ.
“ᓄᓇᕐᔪᐊᒥ ᐋᖅᑭᒃᓱᖅᓯᒪᔫᔮᕐᓂᖓᓂ, ᐊᖏᓗᐊᕌᓗᙱᑦᑐᑦ, ᑭᓯᐊᓂ ᑕᐃᔭᐅᔪᒥ “ᐃᔅᓴᒃᓯᒪᑦᑎᐊᕐᓂᖓᓂ”−ᑕᖅᓴᖓ ᑕᐃᒪᓐᓇᑎᒋ ᑕᖅᓴᖃᕐᓂᖃᖅᐳᖅ ᑕᐃᑲᓂᓗᒃᑖᖅ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ,” ᐋᒻᔅᑐᕌᖕ ᐅᖃᓚᐅᖅᐳᖅ.
ᖁᖅᓱᖅᑕᑦ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᐊᖏᓂᖅᓴᐅᒐᔪᒃᐳᑦ ᑕᐃᒃᑯᓂᖓ ᓇᓂᔭᐅᕙᒃᑐᓂ ᓇᐅᔮᓂ ᐊᒻᒪ ᓚᒪᓐᑎᑐᑦ-ᖁᖅᓱᖅᑐᒥ ᑕᖅᓴᖃᕐᓂᖅᓴᐅᕗᖅ. ᓇᐅᔮᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ−ᖑᔪᑦ ᑕᑯᒃᓴᐅᓂᖃᖅᐳᑦ ᖁᖅᓱᕐᓂᖅᓴᐅᔪᒥ ᑕᖅᓴᓕᖕᒥ ᒥᑭᓐᓂᖅᓴᐅᔪᒥ.
“ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐊᖏᓂᖅᓴᐅᒐᓚᒋᐊᖃᖅᐳᑦ ᖃᐅᒪᓂᖓᓂ ᐃᓗᐊᓃᖏᓐᓇᕈᓐᓇᕐᓂᖓᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐊᑯᓂᐅᓂᖅᓴᒥ ᐱᓂᖓᓂ ᑕᖅᓴᖓᓂ ᐊᒻᒪ ᐃᔨᖕᓄᐊᖅᑎᑕᐅᓗᓂ,” ᐋᒻᔅᑐᕌᖕ ᐅᖃᓚᐅᖅᐳᖅ.
“ᐱᑕᖃᒐᔪᙱᕕᒡᔪᐊᖅᐳᖅ ᑕᐃᒪᐃᑦᑐᒥ ᑕᖅᓴᓕᖕᒥ ᐅᑯᓇᓂ ᒥᑭᑦᑑᑎᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ.”
ᖃᐅᔨᓴᕐᕕᖕᒥ-ᐱᕈᑦᑎᑕᐅᔪᓂ ᑕᖅᓴᓕᖕᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐱᑕᖃᒐᔪᒃᑎᓪᓗᒍ, ᑕᖅᓴᓕᖕᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓇᓂᔭᐅᔪᓂ ᓄᓇᒥ ᐱᑕᖃᒐᔪᙱᕕᒡᔪᐊᖅᐳᑦ.
ᐋᒻᔅᑐᕌᖕ ᐅᖃᓚᐅᖅᐳᖅ ᐊᔪᕐᓇᖅᐳᖅ ᐃᓱᒪᓕᐅᕆᓂᖓᓐᓂ ᑮᓇᐅᔭᑎᒍᑦ ᐊᑭᑐᓂᖏᓐᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᑭᓯᐊᓂ ᐊᑭᖃᓪᓗᐊᖅᐳᑦ “ᐊᖏᕐᔪᐊᖅᑐᒥ ᐊᑭᑐᓂᖅᓴᐅᔪᒥ” ᖃᐅᓪᓗᖅᑐᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐊᔾᔨᖓᓂ ᐊᖏᓂᖓᓂ ᐊᒻᒪ ᑕᑯᒃᓴᐅᑦᑎᐊᕐᓂᖓᓂ.
“ᓲᕐᓗ, ᖃᐅᓪᓗᖅᑐᒥ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᖃᕈᕕᑦ ᐊᑭᖃᓪᓗᐊᖅᑐᒥ $1,000−ᒥ, ᐅᑯᐊ $10,000−ᑐᕋᔭᖅᐳᑦ,” ᐅᖃᓚᐅᖅᐳᖅ.
ᐅᑯᐊ ᒪᕐᕉᒃ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᑕᐃᒪᓐᓇᑎᒋ ᐊᑭᑐᔪᒃᓴᐅᙱᓚᑦ, ᐅᖃᓚᐅᖅᐳᖅ, ᑭᓯᐊᓂ ᑕᑯᒃᓴᐅᓂᐅᔪᒥ ᐊᑭᖏᓐᓂ ᓇᓗᓇᐃᖅᓯᕗᖅ ᐊᑭᑐᓂᖓᓂ ᐅᑯᓇᓂ ᐊᐅᐸᔮᖓᔪᓂ−ᖁᖅᓱᖅᑕᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ.
North Arrow Minerals ᓇᒃᓯᐅᔾᔨᓂᐊᖅᐳᑦ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᐊᑭᑐᔪᓂ ᐅᔭᖅᑲᓄᑦ ᐱᓕᕆᕝᕕᐅᔪᒥ ᐊᒥᐊᓕᑲᒥ, ᑐᙵᕕᖃᖅᑐᒥ ᑳᓕᕘᓂᐊᒥ, ᓇᓗᓇᐃᖅᑕᐅᓂᖓᓂ ᓄᓇᒥ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ−ᖑᓂᖓᓂ ᑕᖅᓴᓕᖕᒥ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓄᑦ ᖃᐅᔨᓴᖅᑕᐅᓂᖓᓂ ᐅᓂᒃᑳᓕᐊᖑᔪᒥ, ᓇᓗᓇᐃᖅᓯᕙᒃᑐᒥ ᓂᐅᕕᐊᒃᓴᐅᔪᖅᑎᓪᓗᒍ ᖃᐅᔨᓴᕐᕕᖕᒥ-ᐱᕈᖅᓴᔭᐅᔪᓂ, ᐊᒻᒪᓗ ᐃᑲᔪᕐᓂᕐᒧᑦ ᐃᓱᒪᓕᐅᕆᓂᖓᓐᓂ ᐊᑭᓪᓗᐊᖓᓂ.
ᓇᐅᔮᓂ ᐅᔭᕋᖕᓂᐊᕐᕕᖃᑐᐃᓐᓇᕆᐊᖃᕐᓂᖓᓂ, ᐋᒻᔅᑐᕌᖕ ᐅᖃᓚᐅᖅᐳᖅ ᕿᓚᒻᒥᐅᓗᐊᖅᐳᖅ ᖃᐅᔨᒪᓂᕐᒥ ᑮᓴᐅᔾᔭᒃᓴᓂᕐᒧᑦ ᐱᔪᓐᓇᕋᔭᕐᒪᖔᑦ.
ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓇᓂᔭᐅᓲᖑᕗᑦ ᑕᐃᒪᓐ ᐃᓂᒋᒐᔪᒃᑖᓂ, ᐅᔭᖅᑲᒥ ᐅᕙᙶᖅᑐᓂ ᐃᑦᑕᕐᓂᓵᓗᖕᓂ ᐅᑯᔪᐊᓗᖕᓂ 150−ᒥ 450 ᑭᓛᒥᑐᓂ ᐊᑖᓂ ᓄᓇᕐᔪᐊᑉ ᖄᖓᓂ.
ᑕᐃᒪᓐ ᐃᓂᒋᒐᔪᒃᑖᓂ ᓱᓪᓗᑯᑖᑦ, ᖁᒻᒧᑦ ᐊᒻᒧᓪᓗ ᑐᑭᒧᐊᖓᔪᑦ ᓴᓇᓯᒪᔪᓂ ᓄᓇᕐᔪᐊᑉ ᖄᖅᐸᖓᓂ, ᐅᓯᓲᖑᕗᑦ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓄᓇᕐᔪᐊᑉ ᖄᖓᓄᑦ.
ᐊᐅᓚᓂᑐᐃᓐᓇᐅᕗᖅ ᐅᓯᔪᓐᓇᕐᓂᖓᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ ᓄᓇᕐᔪᐊᑉ ,” ᐋᒻᔅᑐᕌᖕ ᐅᖃᓚᐅᖅᐳᖅ.
ᐊᔪᕐᓇᕋᔪᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᕐᒥ ᐱᓕᕆᐊᖑᔪᓐᓇᙱᓚᖅ ᑭᓯᐊᓂ North Arrow Minerals ᐃᓱᒪᓕᐅᕆᒍᓂ ᖃᓄᑎᒋ ᑕᐃᒪᓐ ᐃᓂᒋᒐᔪᒃᑖᓂ ᓄᓇᒦᓐᓂᖓᓂ.
ᒫᓐᓇᐅᔪᒥ, ᑲᒻᐸᓂᐅᔪᖅ ᓂᕆᐅᖕᓂᖃᖅᐳᑦ ᓄᓱᒃᓯᒃᑲᓐᓂᕐᓂᐊᕐᓂᖏᓐᓂ ᐊᖏᓂᖅᓴᐅᔪᒥ ᐅᔭᕋᖕᓂᐊᕐᕕᒃᓴᒥ 10,000 ᑕᓐ−ᐸᓗᖕᓂ, ᑭᓯᐊᓂ ᐱᓕᕆᖃᑎᖃᕆᐊᖃᕋᔭᖅᐳᑦ Burgundy ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᐅᔭᕋᖕᓂᐊᕐᕕᖓᓂ ᑎᑭᐅᑎᓂᕐᒥ ᑮᓇᐅᔭᓕᕆᓂᕐᒧᑦ ᐸᕐᓇᐅᑎᒥᒃ ᑲᑎᖅᓱᐃᓂᕐᒥ ᐊᖏᓂᖅᓴᐅᔪᒥ ᐆᒃᑑᑎᒃᓴᐅᔪᒥ.
“ᐊᑭᑐᔪᐊᓘᕗᖅ, ᐊᒻᒪ ᖃᐅᔨᓇᓱᒋᐊᖃᖅᐳᒍᑦ ᖃᓄᖅ ᑮᓇᐅᔭᖃᖅᑎᑕᐅᔪᓐᓇᕐᓂᖓᓂ,” ᐋᒻᔅᑐᕌᖕ ᐅᖃᓚᐅᖅᐳᖅ.
“ᓇᓗᓇᙱᓚᖅ, ᐱᑲᐅᑎᒋᓐᓇᐅᙱᓚᖅ ᐅᕝᕙᓘᓐᓃᑦ ᐱᒋᐊᑐᐃᓐᓇᕋᔭᖅᐳᒍᑦ.”
ᑭᓯᐊᓂ, ᐊᔾᔨᐅᙱᓐᓂᖓᓂ ᖃᓄᐃᓐᓂᖓᓂ ᐱᑕᖃᒐᔪᙱᕕᒡᔪᐊᖅᑐᓂ ᐊᑭᑐᔫᑎᓂ ᐅᔭᖅᑲᓂ ᐋᒻᔅᑐᕌᖕ ᐊᒻᒪ ᑲᑎᙵᓂᕆᔭᖓᓂ ᐱᔪᒪᓂᖃᖅᑎᑦᑎᕐᔪᐊᖅᐳᖅ ᕿᓃᓐᓇᕐᓂᖏᓐᓂ ᓇᐅᔮᓂ ᐃᓂᒋᔭᖓᓂ.
“ᐃᓱᒪᕗᒍᑦ ᓈᒻᒪᒃᑐᒥ ᐊᑭᖃᓪᓗᐊᕋᔭᕐᓂᖓᓂ, ᐅᑯᓂᖓᑐᐊᖅ ᑕᖅᓴᓕᖕᓂ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐᓂ, ᒥᑭᑦᑐᑯᓗᖕᒥ ᐃᓚᒋᔭᐅᒐᓗᐊᖅᑎᓪᓗᒋᑦ ᑕᒪᐃᑎᒍᑦ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ ᐅᓄᕐᓂᖏᓐᓂ ᐅᕙᓂ ᐅᔭᕋᖕᓂᐊᕐᕕᒃᓴᐅᔪᒥ,” ᐋᒻᔅᑐᕌᖕ ᐅᖃᓚᐅᖅᐳᖅ.
“ᐃᓱᒪᕗᒍᑦ ᓈᒻᒪᒃᑐᒥ ᐱᑕᖃᕐᓂᖓᓂ ᐱᓕᕆᐊᒃᓴᐅᔪᒥ ᐱᓕᕆᔪᓐᓇᕋᔭᕐᓂᖓᓂ, ᑭᓯᐊᓂ ᓈᒻᒪᒃᑐᒥ ᐱᐅᓂᖃᕈᓂ.”
ᑕᐃᒫᒃ ᓇᓗᓇᖅᐳᖅ, ᓇᐅᔮᓂ ᐅᔭᕋᖕᓂᐊᕐᕕᖕᒥ ᐅᔭᖅᑲᓂᑦ ᑎᓯᓂᖅᐹᑦ ᑕᐃᒪᓐ−ᖑᔪᓐᓇᖅᐳᖅ ᓄᓇᒥᙶᑐᒥᐅᔪᓐᓇᖅᐳᖅ.
(0) Comments