ᐅᖃᐅᓯᒃᓴᓂ ᓴᖅᑭᕐᔪᐊᖅᐳᑦ ᑭᖑᓂᐊᒍᑦ ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᐊᐱᕆᒐᒥ ᐃᒡᓗᑖᕋᓱᖕᓂᕐᒧᑦ ᐅᑕᖅᑭᔪᓂ-ᑎᑎᕋᖅᓯᒪᓂᐅᔪᓂ

For English version, see Comments pour in after MP asks about housing wait-lists

“ᐅᑕᖅᑭᔪᓂ ᑎᑎᕋᖅᓯᒪᓂᐅᔪᓃᓯᒪᕗᖓ ᐊᕐᕌᒍᓄᑦ 11−ᓄᑦ.”

“ᐅᑕᖅᑭᓚᐅᖅᐳᖓ ᐊᕐᕌᒍᓂ 10−ᓂ ᐱᓂᕐᒥ ᒪᕐᕉᖕᓂ ᐃᒡᓗᕈᓯᓕᖕᓂ.”

“ᑐᒃᓯᕋᓚᐅᖅᐳᖓ 18−ᖑᕋᒪ; 30−ᖑᕐᓂᐊᓕᖅᐳᖓ ᑕᖅᑭᓂ 6−ᓂ.”

ᐅᑯᐊ ᐅᓄᙱᑦᑐᑦ ᐆᒃᑑᑎᐅᔪᓂ ᐅᓄᕐᓂᖅᓴᐅᔪᓂ 700−ᓂ ᐅᖃᐅᓯᒃᓴᓕᐊᖑᔪᓂ ᑎᑎᕋᖅᑕᐅᓚᐅᖅᑐᓂ ᐅᕘᓇ ᕕᕗᐊᕆ 2−ᒥ ᕙᐃᔅᐳᒃᑯᑦ ᑎᑎᕋᖅᑕᐅᓂᐅᔪᒥ ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᓗᐊᕆ ᐃᓪᓚᐅᒻᒥᑦ, ᐊᐱᕆᔪᒥ ᓄᓇᕗᒻᒥᐅᓂ ᖃᔅᓯᐅᔪᓂᑦ ᐃᒡᓗᒃᓴᒧᑦ ᐅᑕᖅᑭᔪᓂ ᑎᑎᕋᖅᓯᒪᓂᐅᔪᓃᓐᓂᖏᓐᓂ ᐊᒻᒪ ᖃᓄᖅ ᐊᑯᓂᐅᑎᒋᔪᒥ.

ᔮᔅᒥᓐ ᓇᒋᔭᒃ ᐅᑕᖅᑭᔪᓂ ᑎᑎᕋᖅᓯᒪᓂᐅᔪᓃᓯᒪᕗᖅ ᐊᕐᕌᒍᑲᓴᖕᓂ 6−ᓂ, ᐅᖃᓚᐅᖅᐳᖅ ᕕᕗᐊᕆ 5. ᐅᖃᐅᓯᒃᓴᓕᐅᓚᐅᕆᕗᖅ ᐃᓪᓚᐅᑦ ᑎᑎᕋᖅᑕᖓᓂ.

“ᐱᐅᓛᖑᓂᐅᔪᒥ ᐱᔪᒪᑐᐃᓐᓇᖅᐳᖓ ᐅᕙᓐᓄᑦ ᐊᒻᒪ ᐸᓂᓐᓄᑦ ᐊᒻᒪ ᐅᐃᓐᓄᑦ ᓴᖕᒥᓂᖅ ᐃᓂᖃᕐᓗᑕ ᐊᖏᕐᕋᕆᓂᕋᖅᑕᑦᑎᓐᓂ,” ᐅᖃᓚᐅᖅᐳᖅ.

ᓇᒋᔭᒃ, ᐅᐃᖓ ᓴᐃᒪᓐ ᐃᓄᐊᐱᒃ ᓄᑲᖅᖠᖅ ᐊᒻᒪ ᒪᕐᕉᖕᓂ-ᐅᑭᐅᓕᒃ ᐸᓂᖓ ᒫᓂᑲ ᓇᒋᔭᒃ ᓄᓇᖃᖅᓯᒪᕗᑦ ᕿᑎᐊᓂ ᑎᑭᕋᕐᔪᐊᒥ ᐊᒻᒪ ᐊᕐᕕᐊᓂᑦ ᖄᖏᖅᓯᒪᔪᓂ ᐊᕐᕌᒍᓄᑦ ᒪᕐᕉᖕᓄᑦ ᑕᐃᒪᙵᓂ ᐸᓂᖓ ᐃᓅᓚᐅᖅᑎᓪᓗᒍ. ᒫᓐᓇᓕᓴᐅᔪᒥ ᓅᓚᐅᖅᐳᑦ ᐃᓄᐊᕆᐅᑉ ᐃᓚᖏᓐᓂ ᑎᑭᕋᕐᔪᐊᒥ, ᐃᒡᓗᖃᖃᑕᐅᓪᓗᑎᒃ ᐱᖓᓱᓂ-ᐃᒡᓗᕈᓯᖃᖅᑐᒥ 7−ᓂ ᐊᓯᖏᓐᓂ ᐃᓄᖕᓂ.

ᓯᕗᓂᐊᓂ ᐆᒧᖓ ᐃᒡᓗᖃᕐᓂᕐᒥ ᖃᓄᐃᓐᓂᐅᔪᒥ, ᐃᓚᒌᑦ ᐃᒡᓗᖃᖃᑕᐅᓚᐅᖅᐳᑦ ᓇᒋᔭᐅᑉ ᐊᓈᓇᖓᓂ ᐊᕐᕕᐊᓂᑦ 6−ᓂ ᐊᓯᖏᓐᓂ ᐃᓄᖃᖅᑐᒥ ᒪᕐᕉᖕᓂ-ᐃᒡᓗᕈᓯᓕᖕᒥ ᐊᖏᕐᕋᐅᔪᒥ.

ᓇᒋᔭᒃ ᐅᖃᓚᐅᖅᐳᖅ ᐃᒡᓗᖃᕐᓂᕐᒥ ᐸᖕᒥᐅᓗᐊᖅᑐᒥ ᐃᒡᓗᒥᑦ ᐊᒃᓱᕈᖅᑎᑦᑎᔪᓐᓇᖅᐳᖅ ᑮᓇᐅᔭᓂᑦ ᐊᒻᒪ ᐱᑎᑦᑎᓗᓂ ᐃᓚᒌᖑᔪᓂ ᐊᑲᐅᙱᓕᐅᕈᑕᐅᔪᓂ.

“ᐅᕙᓐᓄᑦ ᐊᔪᕐᓇᖅᐳᖅ ᐅᖃᐅᓯᕆᔭᕆᐊᒃᓴᖅ,” ᐅᖃᓚᐅᖅᐳᖅ.

ᐃᓪᓚᐅᑦ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ ᖁᒃᓴᓪᓚᓚᐅᖅᐳᖅ ᐊᒥᓱᒻᒪᕆᐊᓗᖕᓂ ᑭᐅᓂᐅᔪᓂ ᐊᐱᖅᑯᑎᒋᔭᖓᓄᑦ.

ᒐᕙᒪᑐᖃᒃᑯᑦ ᐅᖃᐅᓯᖃᓚᐅᖅᐳᑦ ᔭᓄᐊᕆᒥ ᐸᕐᓇᐅᑎᒥᒃ ᓴᓇᓂᕐᒧᑦ 750−ᓂ ᐊᖏᕐᕋᓂᑦ ᓄᓇᕗᒻᒥ ᐊᐅᓚᑦᑎᖃᑎᖃᕐᓗᑎᒃ ᓄᓇᕗᒻᒥ ᒐᕙᒪᒃᑯᓐᓂ ᐊᒻᒪ ᓄᓇᕗᒻᒥ ᑐᙵᕕᒃᑯᓐᓂ.

ᐃᓪᓚᐅᑦ ᐅᖃᓚᐅᖅᐳᖅ ᑕᒪᓐᓇ ᓈᒻᒪᙱᓗᐊᕐᓂᖓᓂ ᐋᖅᑭᒃᓯᓂᕐᒥ ᓄᓇᕘᑉ ᐃᒡᓗᑭᒃᓴᓗᐊᕐᓂᖓᓂ.

“ᑭᓱ ᓈᒻᒪᒃᑲᔭᕐᓂᖓᓂ,” ᐅᖃᓚᐅᖅᐳᖅ, “ᓱᓕᓪᓚᕆᖕᓂᕋᕈᑎᓂ ᐃᒡᓗᒃᓴᓕᐅᕐᓂᕐᒥ ᑮᓇᐅᔭᖃᖅᑎᑕᐅᓂᐊᕐᓂᖓᓂ ᐃᓕᓯᒪᐃᓐᓇᖅᑐᒥ ᑐᙵᕕᓕᖕᒥ ᑭᐅᓂᕐᒧᑦ ᐃᒡᓗᒃᓴᓂ ᐱᔭᕆᐊᓕᖕᓂ ᒫᓐᓇᐅᔪᒥ.”

ᒐᕙᒪᑐᖃᒃᑯᑦ ᒫᓐᓇᐅᔪᒥ ᑮᓇᐅᔭᖃᖅᑎᑦᑎᓂᕐᒥ ᐆᒃᑑᑎᐅᔪᖅ ᓄᓇᕗᒻᒧᑦ ᐃᓚᖃᙱᓚᖅ ᓇᓗᓇᐃᖅᑕᐅᓯᒪᔪᓂ ᑐᓐᓂᖅᓴᐃᓂᐅᔪᓂ ᐃᒡᓄᖃᖅᑎᑦᑎᓂᕐᒧᑦ, ᐃᓪᓚᐅᑦ ᐅᖃᓚᐅᖅᐳᖅ.

“ᑮᓇᐅᔭᖃᖅᑎᑦᑎᓂᖃᙱᓗᐊᖅᐳᖅ ᓯᕗᓪᓕᐅᔪᒥ ᐊᒻᒪ ᑕᐃᒫᒃ ᐃᓱᓕᓚᐅᖅᐳᒍᑦ ᐆᒥᖓ ᐋᖅᑭᒃᓯᒪᓂᐅᔪᒥ ᑕᐊᓐᓇᓚᖏᓐᓂ ᐊᒻᒪ ᕼᐊᓐᓇᓚᖏᓐᓂ ᐃᓄᖕᓂ ᐅᑕᖅᑭᔪᓂ ᑎᑎᕋᖅᓯᒪᓂᐅᔪᓃᓯᒪᔪᓂ [ᐊᕐᕌᒍᒐᓵᓗᖕᓄᑦ],” ᐅᖃᓚᐅᖅᐳᖅ.

ᓄᓇᕗᒻᒥ ᓯᕗᓕᐊᖅᑎᐅᓚᐅᖅᑐᖅ P.J. ᐊᕿᐊᕈᖅ ᐅᖃᐅᓯᖃᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᑦ ᐸᕐᓇᐅᑎᖓᓂ 2022−ᒥ ᒥᒃᖠᒋᐊᖅᑎᑦᑎᓂᕐᒥ ᐃᒡᓗᓄᑦ ᐊᒥᒐᓗᐊᕐᓂᐅᔪᓄᑦ. ᑕᐃᔭᐅᔪᒥ ᓄᓇᕗᑦ 3000−ᒥ, ᑐᕌᒐᒃᓴᖓ ᓴᓇᓂᕐᒧᑦ 3,000−ᓂ ᐃᒡᓗᒃᓴᓂ 2030−ᖏᕋᓱᖕᓂᖓᓂ $2.6 ᐱᓕᐊᓐᓄᑦ. ᒐᕙᒪᑐᖃᒃᑯᑦ ᔭᓄᐊᕆᒥ ᐅᖃᐅᓯᒃᓴᓕᐊᖓ ᐃᓚᐅᖃᑕᐅᓂᐊᖅᐳᖅ ᐆᒧᖓ ᑐᕌᒐᒃᓴᐅᔪᒥ.

ᐅᖓᑖᓂ 60 ᐳᓴᓐᑎᒥ ᓄᓇᕗᒻᒥᐅᓂ ᐃᒡᓗᖃᖅᐳᑦ ᐃᓄᓕᒫᓄᑦ ᐃᒡᓗᒋᔭᖏᓐᓂ. ᓇᑉᐸᓪᓗᐊᑲᓴᖓ ᐅᑯᓂᖓ ᐊᖏᕐᕋᐅᔪᓂ — 45 ᐳᓴᓐᑎᒥ — ᐃᓱᒪᒋᔭᐅᕗᑦ ᐸᖕᒥᐅᓗᐊᕐᓂᖏᓐᓂ, ᐅᖃᐅᓯᐅᔪᒥ ᒪᐃ 2025−ᒥ ᐅᓂᒃᑳᓕᐊᒥ ᒪᓕᒐᓕᕆᔨᕐᔪᐊᖅ ᑲᓇᑕᒥ.

ᒪᓕᒐᓕᕆᔨᕐᔪᐊᑉ ᑲᓇᑕᒥ ᐅᓂᒃᑳᓕᐊᖓ ᐅᖃᖅᓯᒪᕗᖅ 3,348−ᓂ ᑐᒃᓯᕋᖅᑎᖃᕐᓂᖓᓂ ᐅᑕᖅᑭᔪᓂ-ᑎᑎᕋᖅᓯᒪᓂᐅᔪᓂ ᐃᒡᓗᒃᓴᓄᑦ ᑕᐃᒪᙵᓂ ᒫᔾᔨ 2025−ᒥ.

ᐅᖃᐅᓯᐅᓪᓗᓂ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᑐᓂᔭᐅᔪᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᕕᕗᐊᕆ 6−ᒥ, ᑕᐃᒪᐃᒐᔪᖕᓂᐅᔪᒥ ᐅᑕᖅᑭᓂᐅᔪᒥ ᐊᑯᓂᐅᓂᖓᓂ ᐊᖏᕐᕋᒧᑦ ᐊᕐᕌᒍᓄᑦ-ᑕᓪᓕᒪᓄᑦ ᐅᖓᑖᓄᓪᓗ. ᑎᓯᐱᕆ 31−ᒥ, 3,715 ᑐᒃᓯᕋᖅᓯᒪᔪᖃᖅᐳᖅ ᐅᑕᖅᑭᔪᓂ ᑎᑎᕋᖅᓯᒪᓂᐅᔪᓂ, ᑭᒡᒐᖅᑐᐃᔪᒥ ᐊᖏᒡᓕᒋᐊᕐᓂᐅᔪᒥ 367−ᓂ ᑐᒃᓯᕋᕐᓂᐅᔪᓂ ᒪᓕᒐᓕᕆᔨᕐᔪᐊᖅ ᑲᓇᑕᒥ ᐅᓄᕐᓂᖏᓐᓂ.

3,715−ᖑᔪᓂ ᑐᒃᓯᕋᖅᓯᒪᔪᓂ ᐅᑕᖅᑭᔪᓂ ᐊᖏᕐᕋᒃᓴᓂ ᓄᓇᕗᒻᒥ, 385 ᐅᑕᖅᑭᓯᒪᕗᖅ ᐊᕐᕌᒍᓄᑦ 10−ᓄᑦ ᐅᖓᑖᓄᓪᓘᓐᓃᑦ.

ᐃᒡᓗᓕᕆᔨᕐᔪᐊᒃᑯᓐᓂ ᒥᓂᔅᑕᖓ ᓯᓯᐅᓪ ᓂᐅᓪᕚᓇ ᓚᐃᔪᓪ ᐊᑐᐃᓐᓇᐅᓚᐅᙱᓚᖅ ᐊᐱᖅᓱᖅᑕᐅᓂᕐᒧᑦ.