ᓄᐊᑕᐅᓯᒪᔪᑦ ᓂᔾᔮᔪᑦ ᖁᕕᐊᓲᑎᖃᖅᑐᑎᑦ ᐃᓄᓐᓂᑦ ᓂᔾᔭᐅᓯᔭᖅᑎᓂᒃ ᐃᓐᖏᖅᑎᓂᒃ
‘ᐱᓯᕗᑦ 2025’ ᐃᓗᓕᖃᖅᑐᖅ ᐱᖓᓲᔪᖅᑐᓂᒃ ᓄᓇᕕᒻᒦᓐᖔᖅᓯᒪᔪᓂᒃ ᐃᓐᖏᖅᑎᓂᒃ
ᐃᓐᖏᖅᑎ ᑭᐅᕈᓚᐃᓐ ᐋᓕᒃᓵᓐᑐ ᐱᓕᕆᖃᑕᐅᓯᒪᔪᖅ ᓄᓇᖃᖅᑳᖅᓯᒪᔪᑦ ᓂᐱᖏᓐᓂ ᓴᖅᑭᖅᑕᐅᓪᓗᑎᑦ ᐊᕙᑕᒃᑯᓐᓄ ᐱᖅᑯᓯᓕᕆᔨᓄᑦ, ᐃᓅᓯᓕᒫᐸᓗᒃ ᐃᓐᖏᖅᑎᐅᓪᓗᓂ ᐃᓐᖏᒐᓂᓪᓗ ᑎᑎᕋᖅᑎᐅᓪᓗᓂ (ᐱᔭᐅᓯᒪᔪᖅ ᑭᐅᕈᓚᐃᓐ ᐋᓕᒃᓵᓐᑐᒥᑦ)
For English version, see Compilation album celebrates Inuit musical voices
ᑭᐅᕈᓚᐃᓐ ᐋᓕᒃᓵᓐᑐ ᐃᓐᖏᕆᐅᖅᐸᓪᓕᐊᓕᓚᐅᖅᓯᔪᖅ ᐊᑑᑎᖃᕐᓂᐊᓂᖅᐹᖑᑎᓪᓗᒍ.
ᐳᕕᕐᓂᖅᑐᒥ ᐱᕈᔅᓴᓯᒪᔪᖅ, ᐃᓚᖏᑦ ᖃᒻᒪᒥᐅᑕᐅᓚᐅᖅᓯᒪᔪᑦ ᐊᑖᖓᓗ ᐊᒃᑲᖓᓗ ᓴᓇᓯᒪᔭᖓᓐᓂ; ᖃᐅᒪᖃᕐᓇᑎᑦ ᑲᑉᐳᔭᖅᑐᓂᒃ ᑯᕕᓲᖃᕐᓇᑎᑦ. ᐃᖅᑲᐅᒪᔪᖅ ᓂᐅᕕᖅᑎᒃᑯᑦ (Hudson’s Bay Company) ᓂᐅᕕᕐᕕᖃᖅᑐᑎᑦ ᓄᓇᓕᓐᓂ ᓂᐹᕈᑎᓂᑦ ᓂᐅᕕᐊᔅᓴᖃᖃᑦᑕᖅᑐᑎᑦ.
“ᐃᓐᖏᖅᑕᐅᔪᑦ ᑐᓴᖅᑕᐅᓪᓗᑎᑦ ᐃᓐᖏᔫᒻᒥ ᑕᐃᒫᒃ ᐊᑦᑐᖅᑕᐅᓚᐅᖅᓯᒪᒐᒪ ᐆᒻᒪᑎᒃᑯᑦ ᐃᓐᖏᖅᑎᕈᕈᒪᓪᓗᖓᓗ,” ᐊᓕᒃᓵᓐᑐ ᐅᖃᖅᑐᓂ, ᖃᓪᓗᓇᐅᔭᑦᑎᐊᕈᓐᓇᕐᓇᓂᓗ ᑕᐃᔅᓱᒪᓂ.
ᐊᓈᓇᖓ ᐳᕙᓪᓗᒋᐊᖅᑎᑕᐅᓪᓗᓂ ᐅᑭᐅᓐᓄᑦ ᒪᕐᕉᓐᓄᒃ, ᑕᐃᑲᓂ ᐋᓕᒃᓵᓐᑐ ᐅᖃᖅᑐᓂ ᐸᕝᕕᓴᑦᑕᐅᖃᑦᑕᖅᑐᒥᓂᐅᒋᐊᖓ ᐃᓕᓐᓂᐊᕕᓐᓂ ᐃᓄᑑᔮᓕᖅᑐᓂᓗ.
“ᐃᓅᓱᑦᑑᓪᓗᖓ ᓂᔾᔭᔪᓂᑦ ᑐᓵᖃᑦᑕᕈᒪᓪᓗᖓ. ᑕᐃᔅᓱᒪᓂ ᑲᑉᐱᐊᓇᖅᑐᒃᑰᕐᓂᕆᓚᐅᖅᓯᒪᔭᒃᑲ ᑲᑉᐱᐊᓱᓐᓂᒃᑲᓗ ᓴᖅᑭᑲᓐᓂᖅᑐᑎᑦ. ᑭᓯᐊᓂᓕ ᓂᓪᓕᐊᔾᔪᑎᒋᔪᓐᓇᖃᑦᑕᓚᐅᓐᖏᑦᑕᒃᑲ ᐃᓄᓐᓄᑦ, ᐃᓐᖏᑐᐃᓐᓇᖅᑐᒋᑦ,” ᐅᖃᖅᑐᓂ.
ᐊᑯᓐᓂᖏᓐᓂ ᕖᕝᕗᐊᕆ 2024 ᐊᐃᐳᓗᒥᓗ ᑕᕝᕙᓂ ᐊᕐᕌᒍᒥ, ᐊᕙᑕᒃᑯᑦ ᐱᖅᑯᓯᓕᕆᔩᑦ ᒪᓐᑐᐊᒦᑦᑐᑎᑦ ᐱᓕᕆᖃᑎᒋᓕᓚᐅᖅᓯᒪᔭᒃᑲ ᑲᒪᔨᐅᔪᖅ ᓴᐃᒪᓐ ᐅᐊᔅ ᐊᒻᒪᓗ ᐊᑎ ᓂᐱᓕᐅᕆᔩᑦ ᓂᐱᓕᐅᖅᓯᓪᓗᑕ ᐱᖓᔫᔪᖅᑐᓂᒃ ᓄᓇᕗᒻᒥᑦ ᐃᓅᒃᔪᐊᒥ, ᓴᓪᓗᐃᑦ ᑰᔾᔪᐊᒥᓗ.
ᑕᐃᑲᓐᖓᑦ ᐱᓯᕗᑦ 2025, 14−ᖑᓪᓗᑎᑦ ᓂᔾᔮᒍᓐᓇᖅᑐᑦ ᓴᖅᑭᓚᐅᖅᓯᒪᔪᖅ, ᐱᖓᓱᑦ ᐃᓐᖏᖅᑕᐅᓪᓗᑎᑦ ᐋᓕᒃᓵᓐᑐᒧᑦ.
ᐅᖃᖅᑐᓂᓗ ᐅᐊᑦᑎᐊᕈ, ᓂᐱᓕᐅᕈᑎᓄᑦ ᐊᓂᑯᓗᐊᑕ ᓂᐱᓕᐅᕈᑎᖓᓐᓄᑦ ᓂᐱᓕᐅᕆᖃᑦᑕᖅᑐᒥᓂᖅ ᑭᓯᐊᓂᓕ ᓂᐱᓕᐅᖅᑕᐅᓪᓚᕆᓪᓗᑎᑦ ᐱᓚᐅᖅᓯᒪᓐᖏᑦᑐᑦ. ᐊᕙᑐᒃᑯᑦ ᐱᕕᖃᖅᑎᑦᑎᓚᐅᖅᑐᑦ, ᐊᖏᖅᑕᐅᑎᒋᓚᐅᓐᖏᑦᑑᒐᓗᐊᖅ.
“ᑕᐃᔅᓱᒪᓂ, ᐊᐃᖏᕋᑖᖅᑐᖓᓪᓗ ᓱᒍᒪᓚᐅᖅᓯᒪᓐᖏᑦᑎᐊᕋᒪ.”
ᐊᖏᖅᑕᓯᓐᓇᓕᖅᑐᓂ ᓯᕗᓪᓕᖅᐹᒥ ᓂᐱᓕᐅᒐᐃᑦ ᓴᖅᑭᑕᐅᓪᓗᑎᑦ ᓇᒻᒥᓂᖅ ᐊᑦᑎᖅᑐᓂᒋᑦ ᑭᐅᕈᓚᐃᓐ ᐋᓕᒃᓵᓐᑐ, ᓰᑏᑉᐱᕆᒥ 27, 2024. ᑲᓐᑐᓕᓐᓂᑦ ᖃᓪᓗᓈᑎᑐᓪᓗ ᐃᓐᖏᖅᑐᓂᒃ ᐱᕕᐊᕈᓱᑦᑐᓂ.
ᓵᓕ ᑕᖅᑭᒃ ᐃᓚᒋᔭᐅᔪᖅ ᐱᖓᓲᔪᖅᑐᓂᒃ ᐃᓐᖏᖅᑎᓂᒃ ᓄᐊᑦᑕᐅᓯᒪᔪᑦ ᓂᔾᔮᓯᒪᔪᑦ ᐊᔾᔨᒌᓐᖏᑦᑐᓂᒃ ᓄᓇᖃᖅᑳᖅᓯᒪᔪᓂᒃ ᓂᐱᖏᓐᓂ. ᓴᖅᑭᕚᓪᓗᑕᖓᓐᓂ ᓂᔾᔭᐅᓯᔭᕐᓂᖅ ᑕᖅᑭᖅ ᓯᕗᓪᓕᖅᐹᖑᓚᐅᖅᓯᒪᔪᖅ ᓂᔾᔮᑎᑦᑎᕙᑦᑐᓂᒃ (iTunes) ᑲᓇᑕᒥ ᔫᓂᐅᑎᓪᓗᒍ ᓇᓗᓇᐃᖅᑕᐅᓪᓗᓂ. (ᐊᔾᔨᓐᖑᐊᖅ ᐱᔭᐅᓯᒪᔪ)ᖅ ᓵᓕ ᑕᖅᑭᒥᑦ)
ᐳᕕᕐᓂᖅᑐᖅ, ᑐᕌᖅᑎᑦᑐᓂᐅᒃ ᓄᓇᓕᒻᒥᓄᑦ, ᓄᐊᑕᐅᓯᒪᔪᓂᑦ ᓂᐱᓕᐅᖃᓯᐅᑎᓯᒪᔪᖅ.
“ᐃᓐᖏᕐᓂᑦ ᐅᕙᓐᓃᖏᓐᓇᖅᑐᖅ ᐃᓅᓯᕐᓂᑦ,” ᐋᓕᒃᓵᓐᑐ ᐅᖃᖅᑐᓂ.
ᓄᓇᕗᒻᒥᑦᑕᐅ ᐃᓐᖏᖅᑎ ᐱᖃᑕᐅᒻᒥᔪᖅ ᐱᓯᕗᑦ 2025 ᓵᓕ ᑕᖅᑭᒃ, ᓴᖅᑮᓯᒪᔪᖅ ᓯᕗᓪᓕᖅᐹᖑᓯᒪᓪᓗᓂᓗ ᓂᓪᓕᐊᑎᑕᐅᖃᑦᑕᕐᓂᖓ (iTunes Canada) ᐃᓐᖏᖅᑐᓂᒃ ᐅᓪᓗᓄᑦ ᑕᓪᓕᒪᓄᑦ ᓴᖅᑭᔮᖅᑎᑕᐅᓪᓗᑎᑦ ᔫᓂᒥᑦ.
ᑕᖅᑭᖅ, ᐃᓄᑦᑎᑑᖅᑐᖅ ᑕᖅᑭᐅᑉ ᒥᔅᓵᓄᑦ, ᓂᐱᓕᐅᖅᑕᐅᖃᓯᐅᔾᔭᐅᓯᒪᔪᖅ ᐱᖓᓲᔪᖅᑐᓂᒃ ᐅᓪᓗᓂᒃ ᐃᓚᖓ ᐊᕝᕙᐅᓪᓗᓂ ᓴᓪᓗᓂᑦ ᐊᒻᒪᓗ ᒪᓐᑐᕆᐊᒥ ᐅᑭᐅᖑᓚᐅᖅᑐᖅ.
ᓴᓪᓕᓃᑦᑐᑦ ᐃᓐᖏᖅᑎ ᑎᑎᕋᖅᑎᓗ ᐱᔪᒪᑦᑎᐊᓚᐅᓐᖏᑦᑑᒐᓗᐊᖅ.
“ᑲᑉᐱᐊᓱᕈᔪᓕᖅᑕᖓ ᐃᓐᖏᕆᐊᔅᓴᖅ ᐃᓄᐃᑦ ᓵᖓᓐᓂ ᖃᐅᔨᒪᔭᐅᓕᕐᓗᖓᓗ. ᓂᓪᓕᐊᒐᔪᓐᖏᓐᓇᒪ ᑭᒃᑯᐃᓐᓇᕐᓄᑦ,” ᑕᖅᑭᖅ ᐅᖃᖅᑐᓂ.
ᓂᕈᐊᖅᑐᓂ ᓯᐊᕐᓂᓴᒥᒃ, ᐆᒻᒪᑎ ᓯᖁᒥᑦᑎᓪᓗᒍ ᓴᒃᑯᐃᒋᐊᖃᓕᕐᓂᖓᓐᓂ, ᓄᐊᑕᐅᓯᒪᔪᑦ ᓂᔾᔮᔪᓃᑦᑐᖅ.
“ᓴᓐᖏᓂᖃᕐᓂᐅᔪᖅ. ᐃᓄᐃᑦ ᓇᒻᒥᓂᕆᔭᕆᐊᖃᓐᖏᓐᓇᕕᒋᑦ. ᓴᒃᑯᐃᒋᐊᖃᕋᑦᑎᒍ ᐱᐅᒋᔭᐅᓐᖏᒃᑯᑦᑕ,” ᐅᖃᖅᑐᓂ ᐃᓐᖏᐅᓯᕐᒥᓂᒃ.
ᑕᖅᑭᒥ ᐊᐃᑉᐸᖓ ᐃᓐᖏᖅᑕᐅᔪᓂᑦ.
“ᑲᖑᖅᓯᐅᓂᕐᒥᑦ ᐱᔪᖅ,” ᐅᖃᖅᑐ. “ᐃᓱᐊᓂ, ᑐᓴᖅᐃᑦ ᑲᖑᕐᕙᓗᐃᑦ ᓂᓐᖏᐅᓯᖅ ᐃᓱᓕᓕᖅᑎᓪᓗᒍ.”
ᓂᓪᓕᐊᒐᔪᓐᖏᒻᒪᑦ ᑕᐃᒪᐃᑦᑑᒍᒪᓪᓗᓂᓗ, ᑕᖅᑭᖅ ᐅᖃᖅᑐᓂ ᐃᖏᕐᕈᒪᒐᔭᖅᑐᖅᑲᐃ ᐃᓄᐃᑦ ᓵᖓᓐᓂ 2026−ᒥ.
“ᖁᔭᓕᔪᖓ ᓈᓚᑦᑕᐅᒍᓐᓇᕐᖓᑕ ᕿᓪᓕᖅᑐᕋ,” ᐅᖃᖅᑐᓂ.
ᐱᓯᕗᑦ 2025, ᐃᓄᑦᑎᑐᐃᓐᓇᖅ ᐃᓐᖏᖅᑐᑦ, ᖃᕋᓴᐅᔭᒃᑯᓪᓗ ᓈᓚᑦᑕᐅᒍᓐᓇᕐᒥᔪᑦ, ᐊᓪᓛᒃ ᐊᓯᖏᑎᒍᑦ ᒪᑯᑎᒎᓇ ᐋᐳ (Apple Music) ᐊᒻᒪᓗ ᓯᐹᑎᐸᐃ (Spotify).
who are you to tell god what to do you say in your audio recording ? i tell god and jesus to keep my faith strong and bless me everyday. now im telling god what to do !!