ᐱᔭᕇᖅᓯᓂᐅᔪᒥ ᐳᕕᕐᓂᖅᑐᕐᒥ ᒥᕝᕕᖓᓂ ᐱᓕᕆᓂᐅᔪᒥ ᑭᖑᕙᕆᐊᖅᑎᑕᐅᕗᖅ 2025−ᒧᑦ

For English version, see Completion of Puvirnituq runway renovations postponed to 2025

ᐱᔭᕇᖅᓯᓂᐅᔪᒥ ᒥᕝᕕᖓᓂ ᓄᑖᙳᕆᐊᖅᑎᑕᐅᓂᖓᓂ ᐳᕕᕐᓂᖅᑑᑉ ᒥᑦᑕᕐᕕᖓᓂ ᑭᖑᕙᕆᐊᖅᑎᑕᐅᓯᒪᕗᖅ ᐊᐅᔭᐅᔪᒥ 2025−ᒧᑦ ᐱᔪᓐᓇᖅᑎᑦᑎᓂᕐᒥ ᑐᐊᐸᖓᓂ ᖃᐅᔨᓴᖅᑕᐅᒃᑲᓐᓂᕐᓂᖓᓄᑦ.

ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᐅᓯᒃᓴᓕᐅᓚᐅᖅᐳᑦ ᑭᖑᕙᕆᐊᖅᑕᐅᓂᖓᓂ ᐱᓇᓱᐊᕈᓯᐅᓚᐅᖅᑐᒥ ᑐᓴᒐᒃᓴᓕᐊᖑᔪᒥ.

ᑯᐸᐃᖕᒥ ᒐᕙᒪᖓᑦ ᐅᖃᐅᓯᖃᓚᐅᖅᐳᑦ ᐊᐃᑉᕆᓕᒥ ᐊᖏᖅᓯᒪᓂᖓᓂ ᖃᓂᒋᔭᖓᓂ $90 ᒥᓕᐊᓐᓂ ᐊᒥᓱᓄᑦ ᓄᓇᕕᖕᒥ ᒥᑦᑕᕐᕕᐅᔪᓄᑦ ᐋᖅᑭᒋᐊᖅᑕᐅᒃᑲᓐᓂᕐᓂᖏᓐᓄᑦ.

ᕿᑎᐊᓂ $25 ᒥᓕᐊᓐᓂ ᐊᒻᒪ $50 ᒥᓕᐊᓐᓂ ᐊᑐᖅᑕᐅᓂᐊᓚᐅᖅᐳᑦ ᐳᕕᕐᓂᖅᑑᑉ ᒥᑦᑕᕐᕕᖓᓄᑦ, ᐱᓗᐊᖅᑐᒥ ᓄᑖᙳᕆᐊᖅᑎᑕᐅᓂᐅᔪᓂ ᒥᕝᕕᖓᓂ ᐊᒻᒪ ᐊᕙᓗᓯᒪᓂᖓᓂ ᐃᓚᖏᓐᓄᑦ.

ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᐅᓯᖃᓚᐅᖅᐳᑦ ᑕᖅᑭᐅᓚᐅᖅᑐᒥ ᓄᑖᙳᕆᐊᖅᑎᑕᐅᓂᐅᔪᑦ ᒥᑦᑕᕐᕕᖕᒧᑦ ᐋᖅᑭᒃᑕᐅᓯᒪᓚᐅᖅᐳᖅ ᔪᓚᐃ 15−ᒥ ᓯᑎᐱᕆ 30−ᒧᑦ, ᐊᒻᒪ ᖃᖓᑕᓲᒃᑯᑦ ᐊᐅᓪᓛᕐᓂᐅᔪᒥ ᐊᒻᒪ ᖃᖓᑦᑕᐅᑎᓕᐅᕐᓂᕐᒥ ᐊᒃᑐᖅᑕᐅᑐᐃᓐᓇᕆᐊᖃᕐᓂᖓᓂ.

ᓄᑖᙳᕆᐊᖅᑎᑕᐅᓂᖓᓂ ᐊᑐᖅᑕᐅᔪᒃᓴᖅ ᐊᕕᒃᑐᖅᓯᒪᕗᖅ ᑎᓴᒪᓄᑦ ᐱᓕᕆᓂᐅᔪᓄᑦ. ᐱᓕᕆᓂᖅ 1, ᔪᓚᐃ 15−ᒥ ᐋᒍᔅᑎ 6−ᒧᑦ, ᐃᓚᖃᓚᐅᖅᐳᖅ ᐸᕐᓇᐃᕙᓪᓕᐊᓂᕐᒥ ᐊᒻᒪ ᐅᓯᓕᐅᔾᔨᒃᑲᓐᓂᕐᓂᕐᒧᑦ ᐱᓕᕆᓂᐅᔪᒥ. ᒥᕝᕕᖓ ᒪᑐᓯᒪᓚᐅᖅᐳᖅ ᑕᐃᒃᑯᓇᓂ ᐅᓪᓗᖏᓐᓂ ᕿᑎᐊᓂ 7 ᐅᓐᓄᒃᑯᑦ ᐊᒻᒪ 9 ᐅᓪᓛᙳᕋᓱᐊᕐᓂᖓᓂ ᑐᐊᕕᕐᓇᖅᑐᒃᑯᑦ ᖃᖓᑕᓲᓂᑐᐊᖅ ᖃᖓᑕᓲᓂ ᐱᔪᓐᓇᖅᑎᑕᐅᓪᓗᑎᒃ.

ᐱᓕᕆᓂᖅ 2, ᖄᓕᐅᒃᑲᓐᓂᕐᓂᐅᔪᒥ ᒥᕝᕕᖓᓂ, ᑭᖑᕙᕆᐊᖅᑕᐅᕗᖅ. ᑭᓯᐊᓂ ᑭᖑᕙᕆᐊᖅᑎᑦᑎᔾᔮᙱᓚᖅ ᐱᓕᕆᓂᖅ 3 ᐊᒻᒪ 4−ᒥ, ᐋᖅᑭᒃᑕᐅᓯᒪᔪᓂ ᐊᐅᓚᓂᐊᕐᓂᖓᓂ ᐋᒍᔅᑎ 14−ᒥ ᓯᑎᐱᕆ 24−ᒧᑦ. ᐅᓇ ᐱᓕᕆᓂᐅᔪᖅ ᐱᓕᕆᐊᖑᓂᐊᖅᐳᖅ ᑕᐃᑲᓂᑦᑕᐃᓐᓇᖅ ᐅᓐᓄᐊᖏᓐᓇᕐᒥ ᐊᑐᖅᑕᐅᔪᒃᓴᒥ, ᑭᓯᐊᓂ ᐅᓪᓗᒃᑯᑦ ᖃᖓᑕᓂᐅᔪᑦ ᐊᒃᑐᖅᑕᐅᔾᔮᙱᓚᑦ, ᑐᓴᒐᒃᓴᓕᐊᖅ ᐅᖃᓚᐅᖅᐳᖅ.

ᐊᕕᒃᑐᖅᓯᒪᓂᐅᔪᒥ ᒥᓂᔅᑕᖃᕐᕕᒃ ᐃᖏᕐᕋᔪᓕᕆᓂᕐᒥ ᖃᐅᔨᓴᖅᑳᕆᐊᖃᖅᐳᖅ ᑐᐊᐸᖓᓂ “ᓇᓗᓇᐃᖅᓯᓂᖓᓂ ᑭᐅᓂᖓᓂ ᖁᑦᑎᖕᓂᖅᓴᐅᔪᒥ ᐊᑐᒐᒃᓴᐅᑦ ᐋᖅᑭᒃᑕᐅᓯᒪᓂᖏᓐᓂ ᐱᐅᓂᖓᓄᑦ ᐊᒻᒪ ᐊᑦᑕᓇᔾᔭᐃᖅᓯᓯᒪᓂᕐᒥ” ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ. ᖃᐅᔨᓴᖅᑕᐅᓂᖅ ᐱᓕᕆᐊᖑᓂᐊᖅᐳᖅ ᐊᐅᔭᓕᒫᒥ.

ᖄᓕᐅᒃᑲᓐᓂᕐᓂᐅᔪᒥ ᐱᔭᕇᖅᐸᑦ, ᐳᕕᕐᓂᖅᑑᑉ ᒥᑦᑕᕐᕕᖓ ᐊᖏᔪᒥ ᐱᐅᓯᕐᔪᐊᖅᑎᑦᑎᓇᔭᖅᐳᖅ ᒥᕝᕕᖓᓂ ᖄᖓᓂ ᐱᔪᓐᓇᖅᑐᒥ ᒥᕝᕕᐅᔪᓐᓇᕐᓂᖓᓂ ᖃᓄᐃᑦᑐᒃᑲᓐᓂᕐᓂᐅᔪᓂ ᖃᖓᑕᓲᓂᑦ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᓚᐅᖅᐳᖅ.