ᐱᔪᒪᓂᖅ ᕿᒻᒥᓄᑦ ᓇᓗᓇᐃᒃᑯᑕᓂᑦ ᖁᕝᕙᕆᐊᖅᐳᖅ ᐃᖃᓗᖕᓂ

For the English version of this story, please see Demand for dog tags soars after passage of controversial bylaw amendments.

ᓄᓇᓕᐸᐅᔭᖅ ᐃᖃᓗᖕᓂ ᑕᑯᕗᖅ ᖁᕝᕙᕆᐊᕐᓂᐅᔪᒥ ᐅᓄᕐᓂᐅᔪᓂ ᐃᓄᖕᓂ ᐊᑎᓕᐅᕆᑎᑦᑎᓂᖏᓐᓂ ᑎᒍᐊᒥᓂᑦ — ᐅᓄᓗᐊᒧᑦ ᑎᑭᓴᐃᒃᑲᓐᓂᕆᐊᖃᓕᖅᐳᑦ ᐅᓄᕐᓂᖅᓴᓂ ᓇᓗᓇᐃᒃᑯᑕᓂᑦ ᓄᓇᓕᖕᓂ ᐊᑐᓕᖅᑎᑦᑎᓂᕐᒧᑦ ᐃᖅᑲᓇᐃᔭᖅᑎᖏᑦ ᑐᓂᐅᖅᑲᐃᓂᖏᓐᓄᑦ.

ᐊᖏᒡᓕᒋᐊᖅᑐᒥ ᐱᔪᒪᓂᐅᔪᒥ ᒪᓕᒃᐳᖅ ᖄᖐᑎᑦᑎᓂᐅᔪᒥ ᐊᖏᖃᑎᒋᔭᐅᙱᑦᑐᒥ ᐆᒪᔪᓄᑦ ᐊᐅᓚᑦᑎᓂᕐᒥ ᒪᓕᒐᕋᓛᖓᓂ ᐃᓚᒋᐊᖅᓯᓂᐅᔪᒥ ᑕᖅᑭᐅᑉ ᐱᒋᐊᕐᓂᐸᓗᐊᓂᐅᓚᐅᖅᑐᒥ ᓇᐃᒡᓕᒋᐊᖅᑎᑦᑎᔪᒥ ᐊᑯᓂᐅᓂᖓᓂ ᓄᓇᓕᖕᓂ ᐊᑐᓕᖅᑎᑦᑎᓂᕐᒧᑦ ᐱᓕᕆᔨᐅᔪᑦ ᑎᒍᒥᐊᕆᐊᖃᕐᓂᖏᓐᓂ ᐃᐱᖅᓯᒪᙱᑦᑐᒥ ᐆᒪᔪᒥ ᐃᑲᕐᕋᓄᑦ 24−ᓄᑦ ᑐᖁᑕᐅᓚᐅᙱᓐᓂᖓᓂ. ᓯᕗᓂᐊᓂ, ᐅᓪᓗᓂ 7−ᖑᓚᐅᖅᐳᖅ.

“ᖄᖏᖅᓯᒪᔪᓂ ᖃᔅᓯᐊᕐᔪᖕᓂ ᐱᓇᓱᐊᕈᓯᕐᓂ, ᑕᑯᓯᒪᕗᒍᑦ ᐅᔾᔨᕐᓇᕐᔪᐊᖅᑐᒥ ᐅᓄᖅᓯᒋᐊᕐᓂᐅᔪᒥ ᐅᓄᕐᓂᐅᔪᓂ ᕿᒻᒥᓄᑦ ᓇᓗᓇᐃᒃᑯᑕᖏᓐᓂ ᑎᑎᕋᖅᑕᐅᓂᐅᔪᓂ, ᐅᓄᕐᓂᖅᓴᐅᔪᓂ ᑐᓂᔭᐅᓚᐅᖅᓯᒪᔪᓂ ᓯᕗᓂᐊᓂ ᐊᕐᕌᒍᑦ ᒪᕐᕉᖕᓂ ᑲᑎᙵᔪᓂ,” ᔫᓂ 18−ᒥ ᑐᓴᒐᒃᓴᓕᐊᖑᔪᒥ ᑐᓂᔭᐅᔪᒥ ᓄᓇᓕᐸᐅᔭᕐᒥ ᐅᖃᓚᐅᖅᐳᖅ.

“ᐅᓇ ᑭᐅᓂᖅ ᑕᑯᒃᓴᐅᑎᑦᑎᕗᖅ ᐊᒥᓱᓂ ᓄᓇᖃᖅᑎᐅᔪᓂ ᐱᓕᕆᓂᖃᖅᐳᑦ ᐊᑎᓕᐅᖅᑕᐅᓂᖏᓐᓂ ᑎᒍᐊᖏᓐᓂ, ᐃᑲᔪᖅᑐᒥ ᐃᑲᔪᖅᓱᐃᓂᕐᒥ ᑐᑭᓯᓇᕐᓂᖅᓴᐅᔪᒥ ᓇᓗᓇᐃᖅᓯᓂᖏᓐᓂ ᐊᒻᒪ ᓱᒃᑲᓂᖅᓴᒥ ᐅᑎᖅᑎᑦᑎᓂᕐᒥ ᔭᒐᐅᖅᑲᔪᓂ ᕿᒻᒥᓂᑦ.”

ᔫᓂ 18−ᖑᓕᖅᑎᓪᓗᒍ, 264−ᓂ ᓇᓗᓇᐃᒃᑯᑕᓂᑦ ᑐᓂᐅᖅᑲᖅᑕᐅᓯᒪᕗᑦ ᑎᒍᐊᖃᖅᑎᐅᔪᓄᑦ ᐃᓚᖃᖅᑐᒥ 173−ᓂ ᑐᓂᐅᖅᑲᖅᑕᐅᔪᓂ ᖄᖏᖅᓯᒪᓕᖅᑐᓂ ᑕᖅᑭᓂ ᒪᕐᕉᖕᓂ.

ᐊᕐᕌᒎᓚᐅᖅᑐᒥ, 151 ᓇᓗᓇᐃᒃᑯᑕᓂᑦ ᑐᓂᐅᖅᑲᖅᑕᐅᓚᐅᖅᐳᑦ.

ᒫᓐᓇ, ᓄᓇᓕᐸᐅᔭᒃᑯᑦ ᐱᖁᑎᒋᔭᖏᓐᓂ ᐆᒪᔪᓄᑦ ᓇᓗᓇᐃᒃᑯᑕᖏᓐᓂᑦ “ᓄᖑᑦᑎᐊᓕᖅᐳᑦ” 24−ᑐᐃᓐᓇᓂ ᐊᒥᐊᒃᑯᔪᓂ ᑐᓴᒐᒃᓴᓕᐊᖅ ᐅᖃᓚᐅᖅᐳᖅ.

ᐅᓄᕐᓂᖅᓴᐅᔪᓂ ᑎᑭᓴᖅᑕᐅᓯᒪᓕᖅᐳᑦ, ᐊᒻᒪ ᓄᓇᓕᐸᐅᔭᖅ ᐅᑕᖅᑭᑎᓪᓗᒋᑦ ᓄᑖᖑᔪᓂ ᐱᖁᑎᓂ, ᑎᒍᒥᐊᖅᑕᐅᓂᖓᓂ ᐊᑯᓂᐅᓂᖓ ᐆᒪᔪᓄᑦ ᐱᔭᐅᔪᓄᑦ ᓄᖅᑲᖅᑎᑕᐅᓚᐅᑲᖕᓂᐊᖅᐳᖅ ᐱᓇᓱᐊᕈᓯᐅᑉ ᓄᙳᐊᓂ ᑐᓂᓯᓂᕐᒥ ᑎᒍᐊᖃᖅᑎᐅᔪᓂ ᐱᕕᒃᓴᖃᖅᑎᑕᐅᒃᑲᓐᓂᕐᓂᖏᓐᓂ ᐅᑎᖅᑎᑕᐅᓂᕐᒧᑦ. ᐊᒻᒪᓗᑦᑕᐅᖅ, ᓄᓇᓕᐸᐅᔭᖅ ᐃᓕᓯᓂᐊᖅᐳᑦ ᐅᖃᐅᔾᔨᓂᐅᔪᓂ ᕿᒻᒥᓂᑦ ᓇᓂᔭᐅᓚᐅᖅᑐᓂ ᐃᑭᐊᖅᑭᕕᖓᓂ ᐊᒻᒪ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ ᒪᒃᐱᒐᖏᓐᓂ.

ᓄᓇᓕᐸᐅᔭᖅ ᐊᔭᐅᕆᒋᕗᑦ ᓄᓇᖃᖅᑎᐅᔪᓂ ᑐᓂᓯᓂᖏᓐᓂ ᑎᒍᐊᖏᓐᓂ ᓇᖕᒥᓂᖅ ᐋᖅᑭᒋᐊᖅᑕᐅᓯᒪᔪᓂ ᓇᓗᓇᐃᒃᑯᑕᓂᑦ ᐅᕝᕙᓘᓐᓃᑦ ᐱᓕᕆᓂᐅᔪᓂ ᑎᒍᐊᖃᖅᑎ ᖃᐅᔨᒋᐊᖅᑕᐅᔪᓐᓇᕐᓂᖓᓂ. ᐅᑯᐊ ᐊᑦᑕᑕᖅᑕᐅᔪᓐᓇᖅᐳᑦ ᐆᒪᔫᑉ ᖁᖓᓯᕈᖓᓄᑦ.

“ᐊᑐᓂ ᓇᓗᓇᐃᒃᑯᑕᖅ ᐃᑲᔪᓲᖑᕗᖅ ᕿᒻᒥᓂᑦ ᐊᑦᑕᓇᔾᔭᐃᖅᓯᒪᓂᖏᓐᓂ ᐊᔪᕐᓇᙱᑎᑦᑎᓂᖅᓴᐅᓗᓂ ᓇᓗᓇᐃᖅᓯᓂᖏᓐᓂ ᐊᒻᒪ ᐅᑎᖅᑎᑕᐅᓗᑎᒃ ᐊᖏᕐᕋᖓᓄᑦ ᐊᓯᐅᔨᔭᐅᒍᑎᒃ,” ᓄᓇᓕᐸᐅᔭᖅ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ.

“ᐅᓇ ᒥᑭᑦᑐᒥ ᐱᓕᕆᓂᐅᔪᒥ ᐊᖏᔪᐊᓗᖕᒥ ᐊᔾᔨᒋᙱᑦᑐᓕᐅᖅᐳᖅ ᑕᒪᒃᑭᓄᑦ ᑎᒍᐊᕆᔭᐅᔪᓄᑦ ᐊᒻᒪ ᐃᓚᖏᓐᓄᑦ.”