ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᖅ: ᑭᓱᓪᓚᕆᖕᒥ ᓄᓇᕗᑦ ᐊᑎᓕᐅᕆᓂᖃᖅᐸᑦ?

For English version, see The devolution agreement: What is Nunavut signing onto, anyway?

ᓇᓗᓇᐃᖅᑕᐅᓯᒪᔪᒥ ᐊᖏᓛᖑᔪᒥ ᓄᓇᒥ ᓅᑕᐅᓂᖓᓂ ᑲᓇᑕᒥ ᐊᑐᖅᑕᐅᓯᒪᔪᓂ, ᓄᓇᕗᑦ ᑲᒪᒋᔭᖃᖅᑐᒃᓴᐅᕗᑦ ᐊᐅᓚᑦᑎᓂᐅᔪᒥ ᐊᖏᔪᒻᒪᕆᐊᓗᖕᒥ ᑕᒪᒃᑭᒐᓚᖕᒥ ᑭᖕᒧᑦ ᓄᓇᖁᑎᖏᓐᓂ ᐅᕘᓇ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᒃᑯᑦ, ᐊᖏᕈᑕᐅᔪᒥ ᓱᓕᓂᕋᐃᔪᒥ ᓇᒃᓴᕐᓂᐊᕐᓂᖓᓂ ᐃᖅᑲᓇᐃᔮᒃᓴᓂ, ᑮᓇᐅᔭᓂ ᐊᒻᒪ ᐃᓱᒪᓕᐅᕆᓂᐅᔪᒥ ᐱᔪᓐᓇᕐᓂᐅᔪᓂ ᓄᓇᕗᒻᒥᐅᓄᑦ.

ᓄᓇᕗᑦ ᑭᖑᓪᓕᖅᐹᖑᓪᓗᓂ ᐱᔪᓐᓇᕐᓂᖃᕐᓂᐅᔪᒥ ᑲᓇᑕᒥ ᑎᑭᐅᑎᓂᖓᓄᑦ ᐊᖏᕈᑕᐅᔪᒥ ᑕᐃᒪᐃᑦᑐᒥᒃ ᒐᕙᒪᑐᖃᒃᑯᓐᓂ, ᔫᑳᓐ ᑕᐃᒪᐃᓚᐅᖅᑎᓪᓗᒍ 2003−ᒥ ᐊᒻᒪ ᓄᓇᑦᓯᐊᖅ 2014−ᒥ.

ᐊᖏᕈᑎ ᐃᒻᒥᓂᒃ ᐅᓄᕐᓂᖅᓴᐅᕗᖅ 200−ᓂ ᒪᒃᐱᖅᑐᒐᕐᓂ. ᐅᓇ ᐃᒥᕐᕈᓂᐅᕗᖅ ᑭᓱᑦ ᐃᓗᐊᓃᓐᓂᖓᓂ.

 ‘ᑭᖑᓪᓕᖅᐹᖅ ᑎᑎᕋᖅᑕᐅᓂᖓ’

ᐅᔾᔨᕐᓇᓛᖅ ᐊᓯᔾᔨᕐᓂᐅᔪᖅ ᑎᑭᓐᓂᐊᖅᑐᖅ ᖃᓄᐃᓕᖓᓂᖓᓂ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ ᓄᓇᕗᑦ ᑭᖑᓪᓕᖅᐹᒥ ᐅᖃᕐᓂᖃᕐᓂᐊᖅᐳᖅ ᐱᕙᓪᓕᐊᑎᑦᑎᓂᕐᒥ ᓄᓇᕗᒻᒥ.

ᒫᓐᓇᐅᔪᒥ, ᑕᐃᓐᓇ “ᑭᖑᓪᓕᖅᐹᒥ ᑎᑎᕋᖅᑕᐅᓂᖓᓂ,” ᓯᕗᓕᖅᑎ P.J. ᐊᕿᐊᕈᖅ ᑕᐃᓚᐅᖅᑕᖓᓂ ᒫᓐᓇᓕᓴᐅᔪᒥ ᐊᐱᖅᓱᖅᑕᐅᓂᐅᔪᒥ, ᐱᒋᔭᐅᕗᖅ ᒐᕙᒪᑐᖃᒃᑯᑦ ᒥᓂᔅᑕᖓᓂ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ.

ᐱᓕᕆᐊᒃᓴᐅᔪᑦ ᓱᓕ ᓄᓇᕗᒻᒥ ᐸᕐᓇᐃᔨᒃᑯᑦ ᑲᑎᒪᔨᒃᑰᖃᑦᑕᕐᓂᐊᖅᐳᑦ, ᕿᒥᕐᕈᔪᒥ ᒪᓕᑦᑎᐊᖅᓯᒪᓂᐅᔪᒥ ᐊᑲᐅᙱᓕᐅᕈᑕᐅᔪᓂ, ᐊᒻᒪᓗᑦᑕᐅᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ, ᖃᐅᔨᓴᐃᕙᒃᑐᓂ ᐊᕙᑎᒥ ᐊᒻᒪ ᐃᓅᖃᑎᒌᖑᔪᓄᑦ ᐊᒃᑐᐃᓂᐅᑐᐃᓐᓇᕆᐊᖃᖅᑐᓂ.

ᑕᒪᓐᓇ ᐅᖃᖅᖢᒍ, ᒥᑭᑦᑐᓂ ᐋᖅᑭᒋᐊᖅᓯᓂᖃᕐᓂᐊᖅᐳᖅ ᑎᒃᑯᐊᖅᓯᓂᐅᔪᒥ ᑕᐃᒃᑯᓄᖓ ᑲᑎᒪᔨᐅᔪᓄᑦ, ᑐᓂᓯᒃᑲᓐᓂᕐᓂᕐᒥ ᓄᓇᕗᒻᒥ ᐅᖃᕐᓂᖅᓴᐅᔪᓐᓇᕐᓂᕐᒥ.

ᓲᕐᓗ, ᒫᓐᓇᐅᔪᒥ ᒪᕐᕉᖕᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ ᑎᒃᑯᐊᖅᑕᐅᓲᖑᕗᑦ ᒐᕙᒪᑐᖃᒃᑯᓐᓂ ᒥᓂᔅᑕᐃᑦ ᑲᑎᒪᔨᖏᓐᓂ ᒥᓂᔅᑕᐅᔪᒥ, ᑎᓴᒪᑦ ᑎᒃᑯᐊᖅᑕᐅᓲᖑᕗᑦ ᒐᕙᒪᑐᖃᒃᑯᓐᓂ ᒥᓂᔅᑕᐅᔪᒥ ᐱᖁᔭᐅᓇᔭᖅᑐᒥ ᐃᓄᖕᓂ ᑲᑐᔾᔨᖃᑎᒌᖑᒧᓂᑦ, ᐊᒻᒪ ᒪᕐᕉᒃ ᑎᒃᑯᐊᖅᑕᐅᓲᖑᕗᑦ ᓄᓇᕗᒻᒥ ᒥᓂᔅᑕᐅᔪᒥ.

ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ ᑭᖑᓂᐊᒍᑦ, ᒐᕙᒪᑐᖃᒃᑯᑦ ᐊᒻᒪ ᓄᓇᕗᒻᒥ ᒥᓂᔅᑕᐃᑦ ᐸᐸᑦᑏᓐᓇᕐᓂᐊᖅᐳᑦ ᐱᔪᓐᓇᕐᓂᖏᓐᓂ ᓂᕈᐊᖅᓯᓂᕐᒥ ᒪᕐᕉᖕᓂ ᐃᓚᒋᔭᐅᔪᓂ ᐊᑐᓂ. ᑭᓯᐊᓂ ᑎᓴᒪᑦ ᐊᐃᑉᐸᖏᑦ ᑎᒃᑯᐊᖅᑕᐅᓂᐊᖅᐳᑦ ᓄᓇᕗᒻᒥ ᒥᓂᔅᑕᐅᔪᒥ ᓂᕈᐊᖅᑕᐅᓂᐅᔪᓄᑦ ᑐᓂᔭᐅᔪᓂ ᐃᓄᖕᓂ ᑲᑐᔾᔨᖃᑎᒌᖑᔪᓂ.

ᑭᖑᓪᓕᖅᐹᒥ ᐅᖃᕈᓐᓇᕐᓂᐅᔪᒥ ᑲᑎᒪᔨᒃᑯᑦ ᐃᒃᓯᕙᐅᑕᖓᓐᓂ ᓴᖑᓂᐊᖅᐳᖅ ᒐᕙᒪᑐᖃᒃᑯᓐᓂ ᒥᓂᔅᑕᖓᓂ ᓄᓇᕗᒻᒧᑦ ᒥᓂᔅᑕᐅᔪᒥᑦᑕᐅᖅ, ᐅᖃᖃᑎᖃᓚᐅᖅᑎᓪᓗᒋᑦ ᐱᓕᕆᖃᑎᒋᔭᖏᓐᓂ.

ᓄᓇᕗᒻᒥ ᐸᕐᓇᐃᔩᑦ ᐊᒻᒪ ᓄᓇᕗᒻᒥ ᐃᒪᓕᕆᔨᑦ ᑲᑎᒪᔨᖏᑦ ᑕᑯᓂᐊᕆᕗᑦ ᐊᔾᔨᐸᓗᖏᓐᓂ ᐊᓯᔾᔨᕐᓂᐅᔪᓂ ᑎᒃᑯᐊᖅᑕᐅᓂᖏᓐᓄᑦ ᐱᓕᕆᓂᐅᔪᓂ.

ᑕᑯᑎᙵ ᑮᓇᐅᔭᓂ

ᓄᓇᑦᓯᐊᕐᒥ ᐊᑎᓕᐅᕆᑎᓪᓗᒋᑦ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒧᑦ ᐊᖏᕈᑎᖓᓐᓄᑦ, ᑎᑭᓐᓂᖃᓚᐅᖅᐳᖅ ᒥᓕᐊᓐ−ᖏᓐᓂ ᑮᓇᐅᔭᓂ ᐃᑲᔪᕈᑎᒃᓴᓂ ᑮᓇᐅᔭᖅᑖᕆᔭᐅᕙᓪᓕᐊᔪᓂ.

ᑕᐃᒪᙵᓂ 2015−ᒥ, ᓄᓇᑦᓯᐊᖅ ᑲᑎᖅᓱᐃᓯᒪᕗᑦ ᑕᐃᒪᐃᒐᔪᒃᑐᒥ $90 ᒥᓕᐊᓐᓂ ᐊᕐᕌᒍᑕᒫᒥ ᓂᖏᖅᑕᕐᓂᓂ ᓄᓇᑦᓯᐊᑉ ᑕᐃᒪᓐᒥ ᐅᔭᕋᖕᓂᐊᕐᕕᖓᓂᑐᐊᖅ. ᐊᑎᑦᑎᐊᖓᓂ 40 ᐳᓴᓐᑎᖓᓂ ᑕᐃᑲᙵᑦ ᑮᓇᐅᔭᓂ ᑐᓂᔭᐅᖃᓯᐅᑎᕙᒃᐳᖅ ᓄᓇᖃᖅᑳᖅᓯᒪᔪᓄᑦ ᑲᑎᙵᓂᐅᔪᓄᑦ.

ᓄᓇᕗᒻᒥ, ᐃᑲᔪᕈᑎᒃᓴᓂ ᓂᖏᖅᑕᕐᓂᓂ ᑮᓇᐅᔭᓕᐅᖅᑕᐅᓂᖃᔾᔮᙱᓚᑦ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ ᑭᖑᓂᐊᒍᑦ ᓄᓇᕘᑉ ᐊᐅᓚᑕᐅᔪᑦ ᐅᔭᕋᖕᓂᐊᕐᕕᖏᑦ ᐃᒃᓯᕚᕐᒪᑕ ᐃᓄᖕᓄᑦ−ᓇᖕᒥᓂᕆᔭᐅᔪᓄᑦ ᓄᓇᓂ ᓂᖏᖅᑕᕐᓂᓂ ᐊᖏᕈᑎᓂ ᓄᓇᓕᖕᓂ ᐃᓄᖕᓂ ᐃᓕᓯᒫᓂᖕᒪᑕ.

ᑭᖑᓂᐊᒍᑦ-ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ, ᓄᓇᕗᑦ ᐊᒻᒪ ᑲᓇᑕ ᒪᕐᕉᖕᓂ ᓂᕈᐊᒐᒃᓴᖃᖅᐳᑦ ᐱᑎᑦᑎᓂᕐᒥ ᓂᖏᖅᑕᕐᓂᓂ. ᐊᔪᕐᓇᙱᓛᖑᔪᖅ ᐱᔪᓐᓇᖅᑎᑦᑎᕗᖅ ᓄᓇᕗᒻᒥ ᒐᕙᒪᒃᑯᓐᓂ ᑲᑎᖅᓱᐃᓂᕐᒥ $9 ᒥᓕᐊᓐᓂ ᐊᕐᕌᒍᑕᒫᒥ ᓂᖏᖅᑕᕐᓂᓂ ᓯᕗᓂᒃᓴᒥ ᐱᓕᕆᐊᒃᓴᐅᔪᓂ ᐱᒋᐊᒪᐅᙱᓐᓂᖏᓐᓂ ᑕᑯᓂᕐᒧᑦ ᐲᖅᑕᐅᓂᐅᔪᓂ ᒐᕙᒪᑐᖃᒃᑯᑦ ᐊᕐᕌᒍᑕᒫᒥ ᓅᑕᐅᓂᖓᓄᑦ ᐊᑭᓕᐅᑎᐅᔪᒥ.

ᓄᓇᕗᑦ ᐱᓕᕆᓂᐊᕆᕗᑦ ᑲᒪᒋᔭᖃᕐᓂᕐᒥ ᐊᒻᒪ ᐊᑭᓕᕆᐊᓕᖕᓂ ᓇᓗᓇᐃᖅᓯᓂᕐᒥ ᓄᓇᐃᑦ ᐃᓕᖅᑯᓯᖓᓐᓄᑦ ᐅᑎᖅᑎᑕᐅᓂᖏᓐᓂ ᐱᕙᓪᓕᐊᑎᑕᐅᓚᐅᖅᑎᓪᓗᒍᑦᑕᐅᖅ.

ᐃᓄᖕᓄᑦ ᐱᔪᓐᓇᕐᓂᐅᔪᓂ

ᐃᓚᖏᓐᓂ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᐅᔪᓂ ᐃᓂᖃᖅᑎᑕᐅᔪᓂ ᓄᓇᕗᒻᒥ ᑲᔪᓯᓂᐊᖅᑎᓪᓗᒋᑦ ᐃᓂᒋᔭᖏᓐᓂ ᐅᕘᓇ ᑭᖑᓂᐊᒍᑦ-ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ, ᐅᑯᐊ ᐊᖓᔪᖅᑳᖃᕐᕕᖕᒦᑎᑕᐅᔪᑦ ᐋᑐᕚᒥ ᑲᔪᓯᔾᔮᙱᓚᑦ. ᐅᓇ ᓴᖅᑭᑎᑦᑎᓂᐊᖅᐳᖅ 100−ᐸᓗᖕᓂ ᓄᑖᓂ ᐃᓂᒃᓴᐅᔪᓂ ᓄᓇᕗᒻᒥ.

ᒐᕙᒪᑐᖃᒃᑯᑦ ᑐᓂᓯᓂᐊᖅᐳᑦ $67 ᒥᓕᐊᓐᓂ ᐃᑲᔪᕐᓂᕐᒧᑦ ᓄᓇᕗᒻᒥ ᒐᕙᒪᒃᑯᓐᓂ ᐸᕐᓇᖕᓂᖏᓐᓂ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒧᑦ, ᐊᒻᒪ ᑕᒪᕐᒥᒐᓚᖕᓂ ᐱᓕᕆᓂᐅᔪᓂ ᐃᓚᖃᕐᓂᐊᖅᐳᖅ ᐱᓕᒻᒪᒃᓴᓂᕐᒥ ᐊᒻᒪ ᐱᕙᓪᓕᐊᑎᑦᑎᓂᕐᒥ ᑕᐃᒃᑯᓄᖓ ᓄᑖᖑᔪᓄᑦ ᐃᖅᑲᓇᐃᔮᖅᑖᕆᔭᐅᔪᓄᑦ.

ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ ᐊᖏᕈᑎ ᐃᓱᒪᒋᔭᖃᖅᐳᖅ ᑎᑎᕋᖅᑕᐅᓯᒪᓂᐅᔪᒥ 23−ᒥ ᓄᓇᕗᒻᒥ ᐊᖏᕈᑎᖓᓂ, ᐱᔾᔪᑎᖃᖅᑐᒥ ᐅᓄᕐᓂᐅᔪᓂ ᐃᓄᖕᓂ ᐃᖅᑲᓇᐃᔭᖅᑐᓂ ᓄᓇᕘᑉ ᐃᓄᓕᒫᓄᑦ ᐱᔨᑦᑎᕋᕐᓂᐅᔪᒥ. ᑎᑎᕋᖅᑕᐅᓯᒪᓂᐅᔪᖅ 23 ᐅᖃᖅᓯᒪᕗᖅ ᐅᓄᕐᓂᐅᔪᑦ ᑭᒡᒐᖅᑐᐃᓪᓗᐊᖅᐳᖅ ᑕᒪᒃᑭᖅᑐᒥ ᐃᓄᒋᐊᖕᓂᐅᔪᒥ, 85 ᐳᓴᓐᑎᐸᓘᓪᓗᓂ.

ᑕᐃᑯᖓ ᐃᓱᐊᓄᑦ, ᓄᓇᕗᒻᒥ ᒐᕙᒪᒃᑯᑦ ᓂᕆᐅᒋᔭᐅᕗᖅ ᐊᑐᐃᓐᓇᖃᖅᑎᑦᑎᓂᕐᒥ ᐱᓕᒻᒪᒃᓴᓂᐅᔪᒥ ᐊᒻᒪ ᐃᓕᓐᓂᐊᕐᓂᐅᔪᒥ ᐱᕕᒃᓴᖃᕐᓂᐅᔪᓂ ᐃᑲᔪᕐᓂᕐᒥ ᐃᓄᖕᓂ ᐃᓗᓪᓕᖅᓯᓂᖏᓐᓂ ᑕᐃᒃᑯᓄᖓ ᓄᑖᖑᔪᓂ ᐃᓂᒃᓴᐅᔪᓂ.

ᓱᒃᑲᐃᑦᑐᒻᒪᕆᐊᓗᒃ

ᐊᓯᐊᓂ ᖁᕕᐊᓱᒍᑕᐅᓚᐅᖅᑐᒥ ᐱᓇᓱᐊᕈᓯᐅᓚᐅᖅᑐᒥ, ᓄᓇᕗᒻᒥᐅᑦ ᑕᑯᓪᓚᕆᔾᔮᙱᓚᑦ ᐊᓯᔾᔨᕐᓂᐅᔪᓂ ᑭᓯᐊᓂ ᐊᐃᑉᕆᓕ 1, 2027−ᒥ, ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᖅ ᐋᖅᑭᒃᑕᐅᓯᒪᓂᖓᓂ ᐊᑐᓕᕐᓂᐊᕐᓂᖓᓂ.

ᑕᒪᓐᓇ ᓴᓇᔭᐅᓂᐅᕗᖅ, ᐅᖃᓚᐅᖅᐳᖅ ᐊᕿᐊᕈᖅ.

ᐅᖃᓚᐅᖅᐳᖅ ᓯᕗᓕᐅᖅᑎᐅᔪᑦ ᕿᒥᕐᕈᕗᑦ ᓄᓇᑦᓯᐊᑉ ᐊᑐᕐᓂᑯᖏᓐᓂ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ 2014−ᒥ. ᐱᔪᓐᓇᕐᓂᖃᕐᓂᐅᔪᖅ ᐱᓕᕆᔭᐅᓚᐅᖅᐳᖅ ᑕᖅᑭᓂ 9−ᓂ ᐸᕐᓇᖕᓂᕐᒧᑦ, ᐱᓕᕆᓂᐅᔪᒥ ᐃᓚᖃᖅᑐᒥ ᓴᖅᑭᑎᑕᐅᓂᐅᔪᒥ ᓄᑖᖑᔪᒥ ᐱᓕᕆᕝᕕᐅᔪᒥ ᓄᓇᓕᕆᓂᕐᒧᑦ.

“ᐃᓕᑦᑎᕐᔪᐊᓚᐅᖅᐳᒍᑦ ᐊᑐᖅᑕᐅᓂᑯᓂ ᓄᓇᑦᑎᐊᕐᒥ,” ᐅᖃᓚᐅᖅᐳᖅ ᐊᕿᐊᕈᖅ.

“ᖃᓄᖅ ᕿᓚᒻᒥᐅᑎᒋᔪᒥ ᓅᓐᓂᐅᓚᐅᖅᑐᒥ, ᓱᒃᑲᓂᖅᓴᒻᒪᕆᐅᓚᐅᖅᑐᒥ, ᐃᓱᒪᕗᖓ, ᐊᑐᕐᓂᕆᓂᐊᕐᓂᑦᑎᓐᓂ ᐅᕙᓂ.”

ᐃᓚᖓᓐᓂ ᐱᓕᕆᓂᐅᔪᒥ ᐊᔾᔨᖃᖅᑎᑕᐅᓂᐊᖅᐳᖅ ᖃᔅᓯᒐᓚᖕᓂ ᐃᓚᒋᔭᐅᔪᓂ ᒐᕙᒪᑐᖃᒃᑯᑦ ᐱᖁᔭᓕᕆᓂᐅᔪᒥ ᐅᔭᕋᐅᔭᓂ ᐊᒻᒪ ᓯᒡᔭᒥ ᐅᖅᓱᐊᓗᖕᒥ ᐊᒻᒪ ᐅᖅᓱᒥᒃ ᐱᕙᓪᓕᐊᑎᑦᑎᓂᐅᔪᒥ ᓄᓇᕗᒻᒥ.

ᐅᑯᐊ ᒪᓕᒐᐅᔪᑦ ᐊᑐᓕᖅᑎᑕᐅᒍᑎᒃ, ᓄᓇᕗᒻᒥ ᒪᓕᒐᓕᐅᖅᑎᐅᔪᑦ ᐱᕕᕐᓴᖃᕐᓂᐊᖅᐳᑦ ᓄᑖᙳᕆᐊᖅᑎᑕᐅᓂᖏᓐᓂ ᖃᓄᑐᐃᓐᓇᖅ ᐋᖅᑭᒍᒪᔭᖏᓐᓄᑦ.

ᓂᕆᐅᖕᓂᐊᖅᐳᓯ ᐆᒥᖓ ᐱᓕᕆᓂᐅᔪᒥ ᐊᑯᓂᐸᓘᓂᐊᕐᓂᖓᓂ, ᓄᓇᑦᓯᐊᖅ ᐊᑐᕐᓂᖓ ᐊᑐᖅᑕᐅᒍᓂ ᓇᓗᓇᐃᒃᑯᑕᐅᓂᖓᓂ.

ᑕᐃᑲᓂ, ᐊᕐᕌᒍᑦ ᖁᓖᑦ ᑭᖑᓂᐊᒍᑦ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᑖᕐᓂᕐᒥ, ᐱᓕᕆᓂᐅᔪᖅ ᓱᓕ ᑲᔪᓯᕗᖅ.