ᐃᖃᓗᖕᓂ ᓴᓂᑭᓗᐊᖅᒧᑦ ᖃᖓᑕᖃᑦᑕᓯᒋᐊᖅᐳᑦ

ᓴᓂᑭᓗᐊᖅ ᒪᐃᔭᖓ ᐅᖃᖅᑐᖅ ᓄᓇᖃᑎᖏᑦ ᐊᒃᑐᐊᓂᖅᓴᐅᔪᓐᓇᕐᓂᐊᓕᖕᓂᖏᓐᓂᒃ ᓄᓇᕗᒥᐅᓂᒃ

ᖃᖓᑕᓲᑦ Pilatus PC-12 ᓄᖅᑲᖔᖅᑐᖅ ᐃᖃᓗᐃᑦ ᒥᕝᕕᐊᓂᒃ ᖃᖓᑦᑕᓚᐅᙱᓐᓂᖓᓂᒃ ᔪᓚᐃ 5-ᒥ. ᐅᓇ ᖃᖓᑕᓲᖅ 8-ᓂ ᐃᓄᖕᓂ ᐅᓯᔪᓐᓇᖅᑐᖅ ᐊᒻᒪᓗ ᓴᓂᑭᓗᐊᕐᒧᙵᐅᕙᒡᓗᓂ ᐱᓇᓱᐊᕈᓯᖅ ᒪᕐᕈᐃᖅᐸᒡᓗᓂᐅ ᐃᖃᓗᖕᓂ. (ᐊᔾᔨᙳᐊᖅ ᐅᕙᙵᑦ ᐋᑐᕆ ᒫᑭ-ᑐᕈᓕ ᐹᓄᕌᒪ ᐃᕕᐃᓴᓐᑯᓐᓂ)

By ᑕᐃᕕᑦ ᕕᐊᓐ

For an English version of this story, see Direct flights between Iqaluit and Sanikiluaq take off

ᔪᓚᐃ 5-ᒥ, 8-ᓂ ᐃᒃᓯᕙᐅᑕᓕᒃ ᖃᖓᑕᓲᖅ Pilatus PC-12 ᒥᓚᐅᖅᓯᒪᕗᖅ ᑕᒃᓯᒃᑯᑦ ᐊᒻᒪ ᐊᓄᕆᒃᑯᑦ ᓴᓂᑭᓗᐊᖅᒧᑦ ᐃᖃᓗᖕᓂ.

ᓄᓇᓕᖕᓄᓪᓕ ᒪᐃᔭᒧ, ᔮᓂ ᑯᑭ, ᖃᖓᑕᓲᖅ ᖃᖓᑕᓂᖓ ᐱᒻᒪᕆᐊᓘᓂᕋᖅᖢᓂᐅᒃ — ᐱᒋᐊᓕᓵᕐᓂᖓ ᑐᕌᕐᓗᓂ ᖃᖓᑕᖃᑦᑕᕐᓂᖓᓂᖓ ᐃᖃᓗᖕᓂ ᓴᓂᑭᓗᐊᖅᒧᑦ, ᓄᓇᕗᒥ ᐃᓄᐃᓪᓚᒦᓛᑦᑎᐊᖅ ᓄᓇᓕᖕᓂ.

“ᖁᕕᐊᓱᒃᑐᖓ ᖃᖓᑕᔪᓐᓇᕐᓂᐊᓕᕋᑦᑕ ᑐᕌᕐᓗᑕ ᓄᓇᕗᑦ ᐊᖓᔪᖅᑳᖃᖅᕕᖓᓄᑦ,” ᐅᖃᖅᑐᖅ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ.

ᑯᑭ ᐊᒻᒪ ᐊᓯᖏ ᒪᓕᒐᓕᕆᓂᕐᒥ ᐱᓕᕆᔨᐅᕙᒃᑐᑦ ᐊᑯᓂᐊᓗᒃ ᖃᖓᑕᓲᖃᖃᑦᑕᖁᔨᓯᒪᖕᒪᑕ ᓄᓇᕗᑦ ᐊᖓᔪᖅᑳᖃᖅᕕᖓᓂᒃ ᐅᕗᖓ ᓂᒋᐊᓃᓛᒧᑦ ᓄᓇᓕᖕᓄᑦ.

ᐋᒐᓯᐅᓚᐅᖅᑐᒥ ᐊᕐᕌᓂ, ᑕᓯᐅᔭᕐᔪᐊᒧᑦ ᒪᓕᒐᓕᐅᖅᑎ ᐋᓚᓐ ᐅᕌᒻᐳᑦ ᐅᖃᓚᐅᖅᓯᒪᖕᒪ ᓄᕙᒡᔪᐊᕐᓇᖅ-19 ᐊᒃᑐᐃᒍᑎᒃᑲᓐᓂᐅᓚᐅᕐᓯᒪᓂᖓᓂ ᓴᓂᑭᓗᐊᖅ ᓱᖁᑎᒋᔭᐅᒃᑲᓐᓂᙱᓗᐊᕐᓂᖓᓂᒃ ᓄᓇᕗᒥᑦ.

ᓴᓂᑭᓗᐊᕐᒥᐅᑕᑦ ᐅᐃᓂᐱᒡᒧ ᖃᖓᑕᖃᑦᑕᓚᐅᖅᓯᒪᔪᑦ ᐊᓯᖏᓐᓄᑦ ᓄᓇᓕᖕᓄᐊᕈᓐᓇᕐᓂᐊᕐᒪᑕ ᓄᓇᕗᒥᑦ, ᐊᒻᒪᓗ ᖃᓪᓗᓈᑎᒎᒋᐊᖃᕐᓂᖏᓐᓄᑦ ᐅᓪᓗᓂ 14-ᓂ ᐃᓄᑑᓐᓇᖅᑐᒦᑦᑕᕆᐊᖃᖅᐸᒃᖢᑎᒃ ᓄᓇᕗᒥᑦ ᒐᕙᒪᒃᑯᓐᓄ ᐃᓄᑑᓐᓇᖅᑐᒃᑯᕕᐅᑎᑕᖓᓂᒃ.

ᐊᐱᕆᓚᐅᕐᑐᖅ ᐃᖏᕐᕋᔾᔪᑎᓕᕆᓂᖅᒧᑦ ᒥᓂᔅᑕᒥ ᑕᐃᕕᑦ ᐊᕿᐊᕈᖅᒥ ᐊᑐᖁᔨᓪᓗᓂ ᒐᕙᒪᑐᖃᒃᑯᓐᓂ ᐃᑲᔫᑎᓂᒃ ᖃᖓᑕᔾᔪᑎᐅᓇᔭᖅᑐᒥᒃ ᐋᖅᑭᒃᓱᐃᖁᔨᓪᓗᓂ ᑐᑭᓕᐊᖅᓗᓂ ᐃᖃᓗᖕᓂ ᓴᓂᑭᓗᐊᖅᒧᑦ.

ᐅᑯᐊ ᐋᑎᒃ ᕗᕋᔅ ᐱᓕᕆᐊᒃᓴᖅ ᓕᒥᑎ ᐱᓕᕆᖃᑎᖃᖅᖢᑎᒃ ᐸᓄᕋᒪ ᐃᕕᐃᓴᓐᑯᓐᓂ ᑐᓂᔭᐅᓕᓚᐅᖅᓯᒪᔪᑦ ᒐᕙᒪᒃᑯᑦ ᑳᓐᑐᕌᒃᑲᑦ ᖃᖓᑕᓲᓕᕆᔾᔪᑎᒃᓴᖏᓐᓂᒃ ᐄᐳᕉᓚᐅᖅᓯᒪᔪᒥᒃ.

ᑕᖅᑭ 6-ᓂ ᑖᓐᓇ ᐱᓕᕆᐊᒃᓴ ᐱᒋᐊᕐᓂᐊᓕᖅᑎᓪᓗᒍ ᒪᐃᒥ, ᑭᓯᐊᓂᓕ ᐅᖓᕙᕆᐊᖅᑕᐅᓚᐅᖅᓯᒪᔪᖅ ᐋᓐᓂᐊᕕᒡᔪᐊᕐᓇᒧᑦ. ᐊᓂᒍᐃᑦᑎᐊᖅᐸᑦ ᐃᓚᒋᐊᖅᓯᓇᔭᖅᑐᑦ ᑕᖅᑭᒃᑲᓐᓂᕐᓂᒃ 18-ᓂ ᐊᐅᓚᑦᑎᔾᔪᑎᒃᓴᓂᒃ. ᒐᕙᒪᒃᑯ ᐃᓱᒪᖕᒪᑕ ᐊᒃᓱᓪᓘᓐᓃᑦ 6-ᓂ ᐃᒃᓯᕙᐅᑕᓂ ᐃᓄᖃᖃᑦᑕᕋᔭᕆᐊᒃᓴᖓᓂ ᖃᖓᑕᔭᕌᖓᑦ.

ᐊᖅᑯᑎᒋᔭᐅᔪᖅ ᐃᓚᖃᕐᒥᔪᖅ ᒪᕐᕉᖕᓂ ᐅᑎᒧ ᖃᑕᖓᕙᒃᖢᑎᒃ ᓇᒡᒐᔾᔭᐅᒥᒃ ᐊᒻᒪ ᑎᓴᒻᒥᒃᑯᑦ. ᖃᖓᑦᑕᐅᑎ ᐊᑭᖃᖅᑐᑦ $1,207.

ᐅᖃᓪᓚᒃᑎᒋᔭᐅᔪᖅ ᐸᓄᕋᒪ ᐃᕕᐃᓴᓐᑯᓐᓄᑦ, ᑲᒻᐸᓂ ᐃᖅᑲᓇᐃᔭᖅᑎᖃᖅᖢᓂ ᒫᓂ 30-ᓂ, ᐅᖃᓚᐅᖅᑐᖅ ᓄᓇᕗᒥᑦ ᒐᕙᒪᒃᑯᓐᓂ ᐊᓯᐊᒍᑦ ᑳᓐᑐᕌᒃᑯᑦ ᐱᓕᕆᖃᑎᖃᖅᓯᒪᓂᖏᓐᓂᒃ ᓯᕗᓂᐊᒍᑦ ᐊᒻᒪᓗ ᓂᕆᐅᖕᓂᕋᖅᖢᓂ ᐅᑭᐅᕐᑕᖅᑐᕐᒧᙵᐅᖃᑦᑕᕐᓂᐊᕐᓂᖏᓐᓂᒃ.

“ᐊᑯᓂᐊᓗᒃ ᑕᒫᓃᒃᑲᑦᑕ ᑖᒃᑯᓂᖓᑦᑕᐃᓐᓇ ᐃᓄᖕᓂ ᐱᓕᕆᖃᑎᖃᖅᖢᑕ ᐊᒻᒪ ᖃᖓᑕᓲᖅᑎᖃᖅᖢᑕ,” ᐅᖃᖅᑐᖅ ᑲᒻᐸᓂᒧᑦ ᐅᖃᖅᑎᒋᔭᐅᔪᖅ ᐋᑐᕆ ᒫᑭ-ᑐᕈᓚᑦ, ᐅᖃᒃᑲᓐᓂᖅᖢᓂ ᑖᓐᓇ ᒥᑭᑦᑐᖅ ᑲᒻᐸᓂ ᓈᒻᒪᑐᐃᓐᓇᕐᓂᖓᓂᒃ ᐃᖏᕐᕋᑲᑕᖃᑦᑕᕐᓂᐊᕐᓂᖓ ᑖᒃᑯᖕᓄᖓ ᓄᓇᓕᖕᓄᑦ.

“ᐅᓇ ᓇᓗᓇᐃᖅᓯᓯᒪᒃᑲᓐᓂᖅᑐᖅ ᐱᔨᑦᑎᕋᐅᑎᓕᕆᓂᓯᖅ,” ᐅᖃᖅᑐᖅ.

ᐋᑎᒃ ᕗᕋᔅ ᐱᓕᕆᐊᒃᓴᑦ ᐃᓚᒋᔭᐅᔪᖅ ᐋᑎᒃ ᕗᕋᔅᑯᓐᓄᑦ, ᐃᒡᓗᓕᖕᒥ ᐱᓕᕆᕝᕕᐅᔪᖅ ᐱᒋᐊᖅᑕᐅᓂᑰᓪᓗᓂ ᓯᑎᐱᕆ 2017-ᒥᑦ ᐅᕉᑕ ᐊᖑᑎᒻᒪᕆᒃᒧᑦ ᐊᒻᒪ ᐊᐃᑉᐸᖓᓄᑦ, ᒨᓕᓐ ᕋᓰᓄᔅᒧᑦ, ᑖᓐᓇᑦᑕᐅᖅ ᕼᐋᒻᒪᓚᒃᑯᓐᓄᑦ ᒪᐃᔭᐅᖕᔪᒥᔪᖅ.

ᑲᒻᐸᓂᒧ ᐅᖃᓪᓚᒃᑎᐅᔪᖅ ᐅᕋᐃᐊᓐ ᕼᐋᒐᓐ ᐅᖃᓚᐅᖅᑐᖅ ᐅᓇ ᐋᑎᒃ ᕗᕋᔅ ᐱᔨᑦᑎᕋᐅᑎᐅᓇᓱᒃᖢᓂ ᐃᑲᔪᕈᑎᐅᖢᓂ ᓄᓇᓕᖕᓄᑦ.

“ᑕᒪᑐᒥᖓ ᐱᓕᕆᐊᒃᓴᑦᑎᓐᓂ ᐱᓕᕆᐊᖃᕈᒪᒻᒪᕆᒃᑐᒍ ᓴᓂᑭᓗᐊᕐᒥᐅᑕᓄᑦ,” ᐅᖃᖅᑐᖅ.

ᓯᕗᓪᓕᖅᐹᖅ ᖃᖓᑕᓂᐅᔪᑦ ᔪᓚᐃ 5-ᒥ ᐱᖓᓱᓂ ᐃᓄᖕᓂ ᐅᓯᓚᐅᖅᓯᒪᕗᑦ ᑕᒪᐃᓐᓂ ᑕᐃᑯᖓ ᐊᒻᒪ ᐅᑎᒧᑦ.

ᑯᑭ ᐅᖃᓚᐅᖅᑐ ᓱᒃᑲᐃᖢᓂ ᐱᒋᐊᓕᓵᕐᓂᖓᓂᒃ ᐱᔾᔪᑎᖃᖅᑐᒃᓴᐅᓪᓗᓂ ᐊᑭᑐᓂᖓᓄᑦ ᐊᒻᒪᓗ ᒪᓂᓴᐅᑎᐅᓯᒪᙱᓗᐊᕐᓂᖓᓄᑦ, ᑭᓯᐊᓂᓕ ᐅᖃᓚᐅᖅᑐᖅ ᖁᕕᐊᓱᒻᒪᕆᒃᑐᕐᓕ ᓄᓇᖃᑎᖏᑦ ᐊᐅᓪᓚᕈᓐᓇᕐᓂᖅᓴᐅᓂᐊᓕᕐᒪᑕ ᐊᒻᒪᓗ ᐋᓐᓂᐊᕕᖕᓂ ᐊᑐᐃᓐᓇᖃᕐᓂᖅᓴᐅᓗᑎᒃ.

ᐊᓕᒃᓵᓐᑐᕈ ᓚᐳᐊᐃᓐ, ᐸᓄᕋᒪ ᐃᕕᐃᓴᓐᑯᓐᓄᑦ ᖃᖓᑕᓲᓕᕆᔨ ᒥᑦᑕᖅᕕᒃᒥᑦ, ᐅᖃᓚᐅᖅᑎ ᑖᓐᓇ ᐊᑐᖅᑕᐅᖃᑦᑕᓪᓚᕆᖕᓂᐊᕐᓂᖓᓂᒃ.

“ᐊᕐᕌᒎᓕᖅᑐᓂᒃ ᐊᑕᐅᓯᕐᒥ ᒪᕐᕉᖕᓂᓪᓘᓐᓃᑦ ᓴᓂᑭᓗᐊᖅᒧᐊᕌᖓᑦᑕ ᐅᓄᕈᓘᔭᖅᑐᓄᑦ ᐃᓄᖕᓄ ᐊᐱᕆᔭᐅᕙᒃᑲᒪ ᐊᒻᒪ ᖃᖓᑕᓲᖅᑐᑦ, ‘ᐃᑭᒪᔪᓐᓇᖅᐳᖔ ᖃᖓᑕᓲᒥ, ᐃᒃᓯᕙᐅᑕᖅᑖᕈᓐᓇᖅᐳᖔ?” ᓚᐳᐊᐃᓐ ᐅᖃᖅᑐᖅ.

Share This Story

(1) Comment:

  1. Posted by Inu on

    Waste of money; we have been messaging Air Inuit and GN to open the passenger airline to and from Nunavik/Sanikiluaq. Yet nothing. I predict this is and will be a flop. Only those who travels by work and for school will use the money to pay for this airline. And perhaps 1% of individual people will use from their pocket. Even CBC said they are opening airline to Ottawa from anywhere only to those who are fully vaccinated.

    Open the Air Inuit to and from Sanikiluaq instead

Comments are closed.