ᐳᐃᒍᙱᓪᓗᓯᐅ ᓄᓇᕗᒥᑦ ᐃᓄᖃᙱᓗᐊᖅᑐᓃᑦᑐᑦ ᓄᓇᒋᔭᐅᔪᑦ

ᖁᕕᐊᓲᑎᖃᕋᑦᑕ ᓄᓇᕗᑦ 20-ᐅᓕᕐᓂᖓᓂᒃ ᕿᒥᕐᕈᐊᖅᖢᑎᒍᑦ ᑖᔅᓱᒪ ᓇᖕᒥᓂᖅ ᒐᕙᒪᓕᕆᔨᖃᖅᑐᑦ ᑎᐅᕆᑑᕆᐅᑉ ᐊᓂᒍᐃᓯᒪᓂᖏᓐᓂ ᐊᒻᒪ ᐱᓇᓱᒋᐊᖃᖅᓯᒪᔭᖏᓐᓂᒃ ᒫᙵᑦ ᑎᑕᐅᓯᕆᓂᕐᒥᒃ ᐊᒻᒪ ᑕᑯᓐᓇᒐᒃᓴᓕᕆᓂᕐᒥᒃ ᒪᐅᖓ ᑮᓇᐅᔭᓕᐅᕋᓱᖕᓂᕐᒧᑦ, ᐃᓄᒃᑐᑦ ᖃᓄᐃᓕᕐᓂᖓᓂᒃ ᐊᒻᒪᓗ ᓯᓚᐅᑉ ᐊᓯᙳᖅᓂᖓᓂᒃ. ᐃᓚᖏᓐᓂᒃ ᓄᓇᕗᒻᒥᐅᑕᑦ ᐅᓂᒃᑲᐅᓯᖏᓐᓂᒃ ᑐᓴᕐᓂᐊᖅᑐᒍ ᖃᓄᖅ ᓄᓇᕗᑦ ᑐᑭᖃᕐᒪᖔᑦ ᑖᒃᑯᓄᖓ ᐊᒻᒪᓗ ᖃᓄᐃᑦᑐᓂ ᐊᓯᙳᕈᑎᒃᓴᓂᒃ ᑕᑯᔪᒪᖕᒪᖔᖏᓐᓂᒃ ᐊᕐᕌᒍ 20 ᐊᒡᒋᖅᑐᓂᒃ.

ᒫᑦᓯ 20, 1999-ᒥᑦ, ᐃᖃᓗᖕᓃᓚᐅᕐᓯᒪᕗᖓ ᐊᑖᑕᒐ ᐱᖃᑎᒋᓪᓗᒍ, ᓵᓕ ᓚᐃᐅᓪ, ᑕᐃᔅᓱᒪᓂ ᐊᖓᔪᖅᑳᖑᓚᐅᕐᓯᒪᔪᖅ ᕿᑎᕐᒥᐅᑦ ᑲᑐᔾᔨᖃᑎᒌᓄᑦ (ᐃᓄᐃᑦ ᓇᖕᒥᓂᖅ ᑲᒻᐸᓂᖓ ᐅᑯᑎᒎᓇᖅ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᖏᑦᑎᒍᑦ). ᑕᕝᕙᓂ ᐅᓪᓗᕐᒥ, ᕿᒥᕐᕈᐊᖅᑎᑕᐅᓚᐅᕐᑐᒍᑦ ᐱᐊᓂᒃᑕᐅᓕᒑᔪᒥᑦ ᒪᓕᒐᓕᕆᕕᒃᓴᒥᑦ ᐊᒻᒪᓗ ᐱᐅᒋᑲᐅᑎᒋᓪᓗᑎᒍᑦ, ᕿᓯᖕᓂ ᐃᒃᓯᕙᐅᑕᖏᑦ ᖄᖃᖅᖢᑎᒃ ᐊᒻᒪ ᐃᓯᒃᕙᐅᑕᑯᑖᖏᑦ, ᐊᖕᒪᓗᕈᔪᖕᓂᖓ ᐃᒡᓗᕕᒐᖅᑎᑑᖓᓪᓗᓂ, ᐊᒻᒪᓗ ᓇᓗᓇᐃᒃᑯᑎᖓ ᓴᓇᓯᒪᔪᖅ ᕿᓚᓗᒐᐅᑉ ᑑᒑᖓᓂᒃ, ᓴᓇᙳᐊᖅᓯᒪᔪᓂᒃ ᐅᔭᕋᖕᓂᒃ ᐊᒻᒪ ᐅᔭᕋᐅᔭᓂᒃ ᐊᑭᑐᔪᓂᒃ. ᐱᒻᒪᕆᐅᓂᖓ ᐃᓱᒪᒋᓗᐊᓚᐅᙱᑕᕋ ᑕᕝᕙᓂ, ᑭᓯᐊᓂᓕ ᑕᕝᕙᓂ ᐅᓪᓗᕐᒥ, ᐅᐸᒍᑎᓯᒪᓚᐅᕐᐳᒍᑦ ᒪᑐᐃᖅᑕᐅᓂᖓᓂᒃ ᓄᓇᕗᒥᑦ ᒪᓕᒐᓕᐅᕐᕕᐅᑉ ᓇᓗᓇᐃᒃᑯᑎᖓᓂ(mace). ᑕᐃᑲᓃᓚᐅᕐᐳᒍᑦ ᑕᐅᑐᒋᐊᖅᑐᖅᖢᑕ ᐃᑲᔪᖅᑐᐃᓪᓗᑕᓗᑦ ᓯᕗᓕᖅᐹᓂᒃ ᓄᓇᕗᒥᑦ ᒪᓕᒐᓕᕆᔨᓂᒃ.

ᐅᓇ ᐱᒻᒪᕆᐅᓚᐅᕐᓯᒪᔪᖅ ᐃᓄᐃᑦ ᐊᑐᖅᐸᓪᓕᐊᓂᖓᒍᑦ. ᐊᑐᓕᖅᑎᑦᑎᓂᖅ ᓄᓇᕗᑦᒥ ᓄᓇᑖᕐᓂᕐᒧᑦ ᐊᖏᕈᑎᑦ ᐱᖁᔭᕐᔪᐊᖓᓂᒃᐊᒻᒪᓗ ᓄᓇᕗᑦ ᐱᖁᔭᕐᔪᐊᖓᓂ ᑐᑭᖃᓚᐅᕐᐳᖅ ᐃᓄᐃᑦ ᓄᓇᕗᒥᑦ ᓯᕗᒧᒃᐸᓪᓕᐊᓂᖏᓐᓂᒃ ᓇᖕᒥᓂᖅ ᐊᐅᓚᔪᓐᓇᕐᓯᓂᕐᒧᑦ. ᖁᔭᓐᓇᒦᒃ ᐊᒥᓱᓄᑦ ᐋᔩᖅᑎᐅᖃᑦᑕᓚᐅᕐᑐᑦ, ᐃᓄᐃᑦ ᐱᔪᓐᓇᐅᑎᖃᕐᓂᐊᓕᖅᑐᑦ ᓄᓇᖏᓐᓂᒃ, ᐃᒪᕐᒥᑦ, ᐊᖑᓇᓱᖕᓂᕐᒥᒃ ᐊᒻᒪ ᐃᓕᖁᓯᕐᒥᒃ. ᐅᕙᓐᓄᓪᓕ, ᓯᕗᓕᖅᐹᖅ ᓄᓇᕗᑦ ᒪᓕᒐᓕᕆᔨᖏᑦ ᓇᓗᓇᐃᕈᑎᒻᒪᕆᐅᕗᖅ ᐃᓄᐃᑦ ᐃᒻᒥᒃᑯᑦ ᐱᔪᓐᓇᓕᕐᓂᕐᒥᒃ ᐊᒻᒪ ᐱᔪᒪᓂᓪᓚᕆᖕᒥᑦ.

ᐃᓄᐃᑦ ᓄᓇᕗᒥᑦ ᐊᑐᕐᓯᒪᕗᑦ ᐊᓯᐊᓂ ᓄᓇᖃᓕᖅᑎᑕᐅᓂᕐᒥᑦᒫᙵ ᓄᓇᖏᓐᓂᒃ ᐊᐅᓪᓛᕈᓯᖏᓐᓂᒡᓗᒪᐅᖓ ᓄᓇᓕᖕᓄᑦ ᑲᓇᑕ ᐅᑭᐅᕐᑕᖅᑐᕐᒥᑦ ᐱᑖᕋᓱᒻᒪᕆᒃᑎᓪᓗᒍ ᑮᓇᐅᔭᓕᐅᕈᑎᐅᔪᓐᓇᖅᑐᓂᒡᓗᑕᒫᓂ. ᐊᒻᒪᓗ, ᐃᓄᐃᑦ ᐊᑐᕐᓯᒪᒋᕗᑦ ᕿᑐᕐᖓᖏᑦ ᐊᐅᓪᓚᖅᑎᑕᐅᓪᓗᑎᒃ ᐋᓐᓂᐊᕐᕕᓕᐊᖅᖢᑎᒃ(ᐃᓚᖏᓪᓕ ᐊᕐᕌᒍᒐᓴᖕᓂ ᐊᐅᓪᓚᕐᓯᒪᓪᓗᑎ ᐃᓚᖏᓪᓗ ᐅᑎᙲᓐᓇᕐᓂᑯᑦ) ᐊᒻᒪ ᐃᓕᓐᓂᐊᕆᐊᖅᑎᑕᐅᓪᓗᑎᒃ ᐃᓚᒌᑦᑎᑑᕈᓐᓃᖅᖢᑎᒃ, ᐃᑲᔪᖅᑕᐅᙱᖢᑎᒃ ᐅᕝᕙᓘᓐᓃᑦ ᐅᖃᐅᓯᖏᓐᓂᒃ ᐅᖃᓪᓚᖃᑦᑕᖁᔭᐅᙱᖢᑎᒃ. ᑕᒪᒃᑯᖑᒐᓗᐊᖅᑎᓪᓗᒋᑦ ᑎᒥᒃᑯᑦ ᐊᒻᒪ ᐃᓱᒪᑯᑦ ᐊᒃᓱᕈᕐᓇᖅᑐᐃᑦ, ᐃᓄᐃᑦ ᐊᒻᒪ ᐱᓕᕆᐊᖃᕆᐊᖃᓕᓚᐅᕐᓯᒪᕗᑦ ᐱᕙᓪᓕᐊᒍᑎᓂᒃ ᑕᒪᒃᑯᐊᓗ ᓇᓗᓇᙱᑦᑎᐊᖅᖢᓂ ᐊᖑᓇᓱᖕᓂᖏᓐᓂᒃ ᐊᓯᙳᖅᑎᑦᑎᓯᒪᔪᑦ, ᑕᒪᓐᓇᓗ ᐱᒻᒪᕆᐅᓪᓗᓂ ᐃᓄᐃᑦ ᐃᓕᖁᓯᖓᓂᒃ ᐆᒪᑎᑦᑎᓂᕐᒥᒃ.

ᓯᕗᒧᑦ2019-ᒧᑦ ᐃᓄᐃᑦᑕᐅᖅᓱᓕ ᐃᓱᒫᓘᑎᖃᖅᐳᑦ ᐊᔾᔨᒌᙱᑎᑦᑎᓂᕐᒥᒃ ᐊᒻᒪᐃᓕᖁᓯᑦᑎᓐᓂᒃ ᑐᑭᓯᐅᒪᙱᓐᓂᕐᒥᒃ,ᐃᒡᓗᖃᙱᓗᐊᕐᓂᕐᒥᒃ ᐊᒻᒪ ᐊᖏᕐᕋᖃᙱᓐᓂᕐᒥᒃ, ᓂᕿᖃᑦᑎᐊᙱᓐᓂᕐᒥᒃ, ᐊᓱᕉᑎᐅᔪᓂᒃ ᐃᓕᖁᓯᑦᑎᓐᓂᒃ ᐅᖃᐅᓯᑦᑎᓐᓂᒡᓗ ᐱᓴᒪᓇᓱᖕᓂᕐᒥᒃ, ᑐᒃᑐᓂᒃᐱᑕᖃᕈᓐᓃᓕᕐᑐᓂ, ᐃᓚᖃᖅᖢᒋᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐱᓕᕆᐊᖑᔪᑦ ᐊᒃᑐᐃᒍᑎᒋᓇᔭᖅᑕᖏᓐᓂᒡᓗ. ᓱᓕ, ᐃᓱᒪᓕᕌᖓᒪ ᐃᓄᖕᓂ ᐊᒻᒪ ᓄᓇᕗᑦ ᐃᓕᖁᓯᖓᓂᒃ, ᐃᓱᒪᕙᒃᐳᖓ ᓱᖁᓯᖅᑕᐃᓕᒪᓂᕐᒥᒃ. ᖁᑦᑎᖕᓂᖅᐹᖑᒐᓗᐊᖅᑎᓪᓗᒍ ᐃᒻᒥᓃᕐᓂᖅ ᐊᒻᒪ ᐃᓕᓐᓂᐊᕐᕕᖕᒥ ᓄᖃᑐᐃᓐᓇᖅᓯᒪᔪᓂᒃ ᐊᒻᒪ ᖁᑦᑎᖕᓂᖅᐹᖑᖃᑕᐅᓪᓗᓂ ᐃᓄᐊᖅᓯᕙᖕᓂᕐᒥᒃ ᐃᓄᒋᐊᑎᒍᑦ ᑕᐅᑐᒃᓗᒋᑦ ᑲᓇᑕᒥ, ᐃᓄᐃᑦ ᐊᒻᒪ ᓄᓇᕗᑦ ᓱᓕ ᐱᕙᓪᓕᐊᖏᓐᓇᖅᐳᑦ.

ᒪᕐᕉᒃ ᓱᕈᓰᒃ ᐱᙳᐊᖅᑑᒃ ᑕᓗᕐᔪᐊᓂ. (ᐊᔾᔨᓕᐅᕆᔨ ᔮᓇᑕᓐ ᓇᔅ)

ᑕᒪᕐᒥᒃ ᓄᓇᓖᑦ ᓄᓇᕗᒥᑦ ᓇᖕᒥᓂᖅ ᐊᔾᔨᐅᙱᓐᓂᖃᖅᑐᑦᒪᐅᓇᐅᒐᓗᐊᕈᓂ ᐅᖃᐅᓯᒃᑯᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ, ᓄᓇᐅᑉ ᖃᓄᐃᓕᖓᓂᖓᒍᑦ ᐊᒻᒪ ᐊᔾᔨᒌᖏᓐᓂᖃᕆᓪᓗᑕ ᐃᓕᖁᓯᑦᑎᒍᑦ ᒪᐅᓇ ᐊᖑᓇᓱᒃᐸᖕᓂᒃᑯᑦ ᒪᓕᒃᖢᒍ ᓯᓚᐅᑉᖃᓄᐃᓕᖓᓂᖓ ᐊᒻᒪ ᐱᔭᐅᔭᕆᐊᖃᕐᓂᒃᑯᑦ. ᐊᑕᐅᓯᕐᓕ ᐊᔾᔨᒌᒍᑎᐅᕙᒃᑐᖅᓄᓇᑦᑎᓐᓂ ᐃᒪᓐᓇ ᐊᑐᕆᐊᖃᖅᑕᑦᑎᓐᓂᒃ ᐃᓅᓇᓱᖕᓂᕐᒧᑦ ᐱᔪᒪᓪᓗᑕ ᒪᑯᓂᖓ ᓂᕿᓂᒃ ᐊᒻᒪ ᐃᒡᓗᖃᕐᓂᕐᒥ. ᐅᑯᐊ ᓄᑖᖑᙱᑦᑐᑦ ᐅᖃᐅᓰ: ᓱᓕ ᐊᒃᓱᕈᑲᑕᒃᐳᒍᑦ. ᒪᐅᓇ ᐊᑐᕆᐊᖃᖅᑕᑦᑎᓐᓂᒃ ᐱᑕᖃᖅᑎᑦᑎᓇᓱᖕᓂᒃᑯᑦ, ᒪᐅᓇᑐᐃᓐᓇᐅᙱᑦᑐᖅᓄᓇᓕᒃᑎᒍᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᓂᒃᑯᑦ ᑎᐅᕆᑑᕆ/ᐳᕌᕕᓐᓯᑎᒍ ᑭᓯᐊᓂᓕ ᑕᒪᐃᓐᓄᓕᒫᖅ ᑲᓇᑕᒥᐅᓄᑦ,ᑮᓇᐅᔭᓕᐅᕈᑎᖃᕈᒪᓪᓗᑕ ᐃᓂᒋᔭᑦᑎᓐᓄᑦ. ᑐᑭᓯᑎᑦᑕᕆᐊᖃᕋᑦᑎᒍᑦ ᒐᕙᒪᒋᔭᕗᑦ ᐃᓱᒪᓕᐅᕆᔪᓐᓇᒃᑲᓐᓂᕐᓗᑎᒃ ᑕᒪᑐᒥᖓ ᐊᑐᓕᕐᓂᐊᕐᒪᑕ. ᐊᐱᖅᓱᖃᑦᑕᐃᓐᓇᕆᐊᖃᖅᑕᕗᑦ ᓯᕗᓕᐅᕐᑎᕗ ᓄᓇᖃᖅᑐᓪᓗ ᐃᒪᓐᓇ, “ᖃᓄᖅ ᐱᐅᓂᕐᓴᒃᑯᑦ ᐱᓕᕆᔪᓐᓇᖅᐱᑕ?”

ᐃᓱᒪᙳᐊᓚᐅᕆᑦ ᒥᑭᓐᓂᕐᓴᒧᑦ ᓄᓇᓕᖕᓄᐊᕐᓗᑎᑦᐆᑐᓇᖅ ᑕᓗᕐᔪᐊᖅᑎᑐᑦ, ᓇᓗᓇᐃᒃᑯᑎᒋᓗᒍ, ᑖᓐᓇᓗ ᒐᕙᒪᓕᕆᕝᕕᐅᙱᖢᓂ (ᐅᓄᕐᓂᕐᓴᐃᑦᓄᓇᕗᒥᑦ ᓄᓇᓕᐅᔪᑦ ᒐᕙᒪᓕᕆᕝᕕᖃᙱᑦᑐᑦ, ᑐᑭᖃᖅᖢᓂ ᒐᕙᒪᒃᑯᑦ ᐃᖅᑲᓇᐃᔮᖏᑦ ᑖᒃᑯᓇᓂ ᐱᑕᖃᖅᑎᑕᐅᙱᑦᑐᑦ)ᐃᓄᖃᖅᖢᓂ 1,000-ᓂᒃ. ᐅᓇ ᓄᓇᑐᖃᕋ. ᐃᓅᓯᖅ ᐊᒃᓱᕈᕐᓇᖅᑐᐊᓗᒃ ᑕᐃᑲᓂ. ᐅᓄᕐᓂᕐᓴᐃᑦ ᐃᓄᐃᑦ ᒐᕙᒪᒃᑯᑦ ᐃᓄᓕᕆᔨᖏᓂᒃ ᐃᑲᔪᖅᑕᐅᔭᕆᐊᖃᖅᑐᑦ. ᐃᑲᔫᑎᑖᒡᒍᓪᓗᑎᒃ ᒫᓂ $600-ᓂᒃ ᑕᖅᑭᒧᑦ. ᑕᐃᒪᓕᑖᓐᓇ ᓈᒻᒪᒃᑎᒐᓱᒋᐊᖃᒻᒪᕆᒃᑐᖅ ᐃᓚᒌᓄᑦ ᐱᖓᓱᓄᑦ ᐅᖓᑖᓂᓪᓘᓐᓃᑦᑕᖅᑭᒧᑦ.ᒪᑯᓂᖓᓘᓐᓃᑦ ᐱᔭᐅᔭᕆᐊᖃᐃᓐᓇᐅᔭᖅᑐᓂᒃᓂᐊᖂᔭᓂᒃ, ᐃᒻᒧᒃ, ᐸᑕ ᐊᒻᒪ ᒪᓐᓂᖕᓂᑦ, ᑕᒪᒃᑯᐊ ᐊᑭᖃᓕᕇᕋᔭᖅᑐᑦᖃᓂᒋᔭᖓᓂᒃ $50.00-ᑕᓚᐅᑉ, ᑕᐃᒪᓕ ᖃᐅᔨᒪᓇᕐᐳᖅ ᖃᓄᖅ ᑮᓇᐅᔭᖅ ᓄᖑᑲᐅᖅᑐᕋᔭᕐᓂᖏᓐᓂᒃ. ᓄᓇᓖᑦ ᐱᔨᑦᑎᕋᖅᑕᐅᔪᑦ ᓄᓇᓯᐅᑎᒧᑦ ᐃᒥᖅᑕᖅᑕᐅᕙᒃᖢᑎᒃ ᐊᒻᒪ ᑯᕕᖅᑕᖅᑕᐅᕙᒃᖢᑎᒃ, ᓄᓇᓖᑦ ᐅᓄᕐᑐᑦ ᑕᐃᒪᓐᓇ ᓄᓇᕗᒥᑦ ᐊᔾᔨᖏᓐᓂᒃ. ᓄᓇᓕᖕᓂ ᓄᓇᖃᕈᕕᑦ, ᓄᓇᓯᐅᑎᒧᑦ ᐱᔨᑦᑎᕋᖅᑕᐅᓗᑎ, ᖃᐅᔨᒪᕗᑎ ᐃᒪᐃᕈᑎᓪᓗᓂ(ᐃᓛᓐᓂᑦ ᐅᓪᓘᙱᑦᑐᕐᓘᓐᓃᑦ) ᐅᕝᕙᓘᓐᓃᑦ ᑕᑕᒍᔾᔨᓪᓗᓂ ᑯᕕᖅᑕᕐᕕᒃᒥᑦ ᐊᒻᒪ ᓯᓚᑎᑦᑎᐊᕐᓄᑦ ᑯᕕᔪᐊᓘᓕᖅᓗᓂ. ᐃᓄᐃᑦ ᐃᒪᕐᒥᒃᐊᑐᑦᑎᐊᕈᓐᓇᖅᓯᖃᑦᑕᖅᑐᑦ ᑕᐃᒪᐃᓐᓂᖓᓄᑦ.

ᐃᖅᑲᓇᐃᔮᖅᑖᕋᓱᒃᖢᓂ ᑕᕝᕙᓂ, ᐱᔭᒃᓴᐃᑦ ᐅᓄᙱᒻᒪᑕ. ᐃᖅᑲᓇᐃᔮᖅᑕᕐᕕᐅᔪᓐᓇᖅᑐᑦ ᐅᑯᐊ ᕼᐋᒻᒪᓚᒃᑯᑦ (ᐱᒋᐊᓕᓵᕐᓂᒃᑰᓐᓇᖅᖢᓂ), ᑯᐊᐸᒃᑯᓐᓂᑦ ᐅᕝᕙᓘᓐᓃᑦ ᓄᐊᑕᓐ ᓂᐅᕕᕐᕕᒃᒥᑦ, ᐅᕝᕙᓘᓐᓃᑦ ᒐᕙᒪᒃᑯᑦ ᐃᖅᑲᓇᐃᔮᒃᓴᖓᓄᑦ ᐱᔪᓐᓇᕐᓯᓯᒪᒍᕕᑦ. ᒪᕐᕉᖕᓂ ᓇᖕᒥᓂᖅ ᒥᑭᑦᑑᖕᓂ ᓇᖕᒥᓂᕆᔭᐅᔪᓂᒃ ᐱᓕᕆᐊᓂᒃ ᐱᑕᖃᖅᑐᖅ ᑕᓗᕐᔪᐊᕐᒥᑦ, ᐊᒻᒪᓗ ᑕᒪᓃᖏᓐᓇᕐᓯᒪᔪᑦ ᓄᓇᓕᖕᓄᑦ ᐃᑲᔫᑎᒻᒪᕆᐅᕗᑦ. ᓱᓪᓗᓕᖕᓂᑦ ᐸᐃᑉᐹᖅᑖᕐᓯᒪᔪᓂᒃ ᐱᑕᖃᙱᑦᑐᖅ, ᐅᐊᔭᓕᕆᔨᓂᒡᓗ, ᑕᐃᒪᓕ ᓇᖕᒥᓂᖅ ᐃᒡᓗᖃᕈᕕ, ᐃᓕᖕᓂ ᐱᓇᓱᕈᓘᔭᕆᐊᖃᖅᐳᑎᑦ. ᐅᖃᕈᒪ ᐃᑲᔪᖅᑕᐅᔭᕆᐊᖃᕐᓂᕐᓴᐅᔪᑦ ᓄᓇᓖᑦ ᒥᑭᓐᓂᕐᓴᑦ ᐃᓄᑭᑦᑑᑎᑦ ᑲᓇᑕᒥ, ᐅᖃᙳᐊᙱᓚᖓ.

ᓄᓇᓕᖕᓅᓚᐅᕐᓯᒪᙱᒃᑯᕕᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᕐᕕᐅᙱᑦᑐᓂᒃ, ᖃᐅᔨᑳᓪᓚᖕᓇᖅᑐᐊᓗᒃ, ᓲᖃᐃᒻᒪ ᓄᓇᓕᐸᐅᔭᓂᙶᕈᕕᓪᓘᓐᓃᑦ ᐃᖃᓗᖕᓃᓪᓘᓐᓃᑦ, ᑕᐃᒪᓕ ᓱᖏᐅᑎᓯᒪᕗᑎᑦᐊᑐᖅᑕᐅᔭᕆᐊᖃᖅᐸᒃᑐᑦ ᐊᑐᐃᓐᓇᐅᓂᖏᓐᓂᒃ. ᑭᓯᐊᓂᓕ ᐊᓯᐊᓂᒃ ᓄᓇᖃᖅᑐᑦ ᐅᔾᔨᕈᓱᓕᔭᒻᒪᑕ ᐱᑖᕆᐊᖃᓪᓚᕆᒃᑐᓂᒃ. ᑕᐅᑐᖕᓂᕐᓴᐅᔭᕆᐊᖃᕋᑦᑕ ᐱᐅᓯᕚᓪᓕᖅᑎᑦᑎᓇᓱᖕᓂᕐᒥᑦ ᑖᒃᑯᓇᓂ ᓄᓇᓕᖕᓂᑦ. ᐃᓱᒪᓇᕐᒥᖕᒪᑕ, ᐊᒻᒪᓗ ᖃᐅᔨᒪᑎᑦᑕᕆᐊᖃᖅᖢᑎᒍᑦ ᖃᓄᐃᓕᐅᕐᓂᑦᑎᒍᑦ.

ᐃᓱᒪᓕᕌᖓᒪ ᐊᑖᑕᒐᓗ ᐃᖃᓗᖕᓃᓚᐅᕐᓯᒪᓂᑦᑎᓐᓂᒃ, ᑕᐃᔅᓱᒪᓂ ᓂᕆᐅᖕᓂᖅᑕᖃᓚᐅᕐᑐᖅ ᐊᒥᓱᓄᑦ. ᐊᑯᓂᕈᓗᒃ ᐊᑐᕐᓯᒪᓕᖅᑕᕗᑦ ᐊᒻᒪ ᓱᓕ ᐊᑯᓂᐊᓗᒃ ᐊᑐᒐᒃᓴᖃᖅᖢᑕ. ᐃᓕᖁᓯᕗᑦ ᐱᓯᒪᔭᕗᑦ ᓱᓕ ᐊᒻᒪ ᐱᒻᒪᕆᐅᓛᖅ ᓱᓕ ᐱᓇᓱᒃᑲᑦᑕ.

ᒦᒐᓐ ᐲᔪ ᒪᐃᐅᓪ ᐊᐅᓚᑦᑎᔨᐅᔪᖅ ᐊᑐᖅᑐᐊᕐᕕᒃ ᑯᐊᐳᕇᓴᓐᑯᓐᓂᑦ ᐊᒻᒪ ᓄᓇᖃᖅᖢᓂ ᑲᖏᖅᖠᓂᖅ, ᓄᓇᕗᑦ. ᐃᓱᒪᒋᔭᖓᓕ ᐃᓄᖕᓄᑦ ᐃᖅᑲᓇᐃᔮᓄᑦ ᐊᔪᙱᓐᓂᕐᓴᐅᓕᕐᓗᑎᒃ ᐊᒻᒪ ᐱᔨᑦᑎᕋᐅᑎᓄᑦ ᑲᓇᑕᒥᐅᑕᑎᑐᑦ ᐊᒻᒪᓗ ᐃᓄᐃᑦ ᐅᖃᐅᓯᖓ ᐃᓕᖁᓯᖓᓗᑦ ᓴᙱᑎᑕᐅᖏᓐᓇᓗᓂ.