ᐊᖅᑲᑕᖁᔨᙱᓐᓂᖅ ᓱᕋᐃᓯᒪᙱᑐᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ: ᐃᖅᑲᖅᑐᐃᔨ
ᐃᖅᑲᖅᑐᐃᔨᒃᑯᑦ ᒪᓕᒃᓯᒪᔪᑦ ᐱᕋᔭᒃᑐᓄᑦ ᐊᑐᖅᑕᐅᕙᒃᑐᓂᒃ ᐊᕐᕌᒍ ᐊᑕᐅᓯᕐᒥ ᐊᖅᑯᑲᑕᖁᔨᙱᓐᓂᕐᒥ ᐋᖓᔮᖅᑐᕕᓂᕐᓂ
ᓄᓇᕗᒥᑦ ᐃᖅᑲᖅᑐᐃᔨ ᐹᓪ ᐸᐃᓴᒃ ᓄᕕᐱᕆ 23-ᒥ ᐊᖅᑯᑲᑕᖁᔨᙱᓐᓂᖅ ᐋᖓᔮᖅᑐᓂ ᓱᕋᐃᓯᒪᙱᓐᓂᕋᖅᖢᓂᐅᑉ ᐃᓄᐃᑦ ᐊᖑᓇᓱᒍᓐᓇᕐᓂᖏᓐᓂᒃ ᐱᔪᓐᓇᐅᑎᖏᓐᓂᒃ. (ᐊᔾᔨᙳᐊᖁᑎᒋᔭᐅᔪᖅ ᔨᐊᑉ ᐱᐊᑦᓯᐄ)
ᐊᑐᕆᐊᖃᕐᓯᒪᔪᖅ ᐊᖁᑲᑕᒃᑕᐃᓕᑎᑦᑎᓂᖅ ᐋᖓᔮᖅᑐᓂᒃ ᓱᕋᐃᓯᒪᙱᓐᓂᕋᖅᖢᓂᐅᒃ ᐃᓄᐃᑦ ᐊᖑᓇᓱᖃᑦᑕᕐᓂᕐᒧᑦ ᐱᔪᓐᓇᐅᑎᖏᓐᓂᒃ, ᓄᓇᕗᒥᑦ ᐃᖅᑲᖅᑐᐃᔨ ᐅᖃᓚᐅᕐᑐᖅ ᐱᓇᓱᐊᕈᓯᐅᓚᐅᕐᑐᒥᓐ.
ᐃᖅᑲᖅᑐᐃᔨ ᐹᓪ ᐸᐃᓴᒃ ᓴᖅᑭᑎᑦᑎᓚᐅᕐᑐᖅ ᒪᒃᐱᖅᑐᒐᓕᒃᒥ 16-ᓂ ᐃᓱᒪᓕᐊᖓᓄᑦ ᑎᑎᕋᖅᓯᒪᔪᓂᒃ ᓄᕕᐱᕆ 23-ᖑᑎᓪᓗᒍ ᐱᔾᔪᑎᒋᓪᓗᒍ ᒪᓕᒐᖅᑎᒍᑦ ᑭᐅᓘᑎᐅᓇᓱᒃᑐᖅ ᑎᓴᒪᓄᑦ ᐃᓄᖕᓄᑦ ᐊᖑᑎᓄᑦ ᐸᓯᔭᒃᓴᐅᑎᑕᐅᓯᒪᔪᑦ ᐊᖁᓂᑰᓂᖏᓐᓂᒃ ᐋᖓᔮᖅᖢᑎᒃ ᑲᖏᖅᖠᓂᖅᒥ. ᐸᐃᓴᒃ ᑭᐅᓘᑎᖏᓐᓂᒃ ᑐᓵᓚᐅᕐᑐᖅ ᓯᑎᐱᕆ 1-ᒥ.
ᐅᕙᓂᓕ ᑲᓇᑕᒥ ᐱᕋᔭᒃᓯᒪᔪᓕᕆᓂᕐᒧᑦ ᒪᓕᒐᓂᒃ, ᐋᖓᔮᖅᑐᓂᒃ ᐊᖁᑦᑐᓂᒃ ᐸᓯᔭᒃᓴᐅᑎᑦᑎᓂᕐᒧᑦ ᐊᕐᕌᒍᒥ ᐊᑕᐅᓯᕐᒥ ᐊᖁᑦᑕᕆᐊᖃᙱᓯᒪᑎᑦᑎᔪᖅ ᓯᕗᓪᓕᖅᐹᒥᒃ ᐸᓯᔭᒃᓴᐅᑎᑕᐅᔪᓄᑦ. ᐊᐃᑉᐸᖓᓂ ᐊᒻᒪ ᐱᖓᔪᖓᓂᒃ ᑕᐃᒪᓐᓇᑦᑕᐃᓐᓇᖅ ᓱᕋᐃᒃᐸᑦ ᑕᐃᒪᓕ ᐊᕐᕌᒍᓂ ᒪᕐᕉᖕᓂ ᐊᒻᒪ ᐱᖓᓱᓂᒃ ᐊᖁᑦᑕᐃᓕᑎᑕᐅᓕᖃᑦᑕᖅᑐᑦ.
ᓗᐊᐃᔭᐅᔪᑦ ᐊᖑᑎᓄᑦ ᑭᐅᓗᓚᐅᕐᑐᑦ ᐊᖁᑦᑕᐃᓕᑎᑦᑎᓂᖅ ᑭᓲᙱᑎᑦᑎᔾᔪᑎᐅᓂᖓᓂᒃ ᑲᓇᑕᒥ ᐱᔪᓐᓇᐅᑎᓄᑦ ᒪᓕᒐᓂᒃ ᐊᒻᒪ ᐃᓱᒪᕐᓱᕈᑎᓄᑦ ᑖᒃᑯᐊᓗ ᐅᖃᐅᓯᖃᖅᖢᑎᒃ ᐃᓱᒪᕐᓱᕆᐊᖃᕐᓂᕐᒥᒃ ᐊᒻᒪ ᖃᓄᐃᑦᑕᐃᓕᑎᑦᑎᓂᕐᒥᒃ, ᓴᐳᔾᔨᓯᒪᓂᕐᒥᒃ ᐱᐅᙱᓗᐊᖅᑐᓂᒃ ᐊᑭᓕᐅᑎᐅᑎᑕᐅᓇᓱᒃᑐᓂᒃ ᐊᒻᒪᓗ ᐊᔾᔨᒌᒃᑎᑦᑎᓂᕐᒥᒃ.
ᑖᒃᑯᐊ ᐊᖑᑎᑦ ᐅᖃᐅᓯᕐᓂᒃ ᑐᑭᓯᑎᑦᑎᒋᐊᒃᑲᓐᓂᕋᓱᓚᐅᕐᑐᑦ ᐊᖁᑦᑕᐃᓕᑎᑕᐅᓂᖅ ᓈᒻᒪᙱᓕᐅᕈᑎᐅᓂᖓᓂ ᓄᓇᐃᓐᓇᕐᒥ ᐃᖏᕐᕋᖃᑦᑕᕐᓂᕐᒥᒃ ᑎᓴᒪᓕᖕᓂ ᖃᒧᑕᐅᔭᓂᓪᓘᓐᓃᑦ ᐊᖑᓇᓱᖕᓂᐊᕐᒪᑕ.
ᐸᐃᓴᒃ ᐅᖃᓚᐅᕐᑐᖅ ᓇᓕᐊᒃ ᐊᖑᑎᑦ ᐊᖁᑦᑕᕆᐊᖃᙱᔾᔪᑎᖓ ᓄᖃᖅᑎᑦᑎᓯᒪᓂᖓᓂᒃ ᐊᖑᓇᓱᖃᑦᑕᕐᓂᕐᒥᒃ.
“ᐊᖑᓇᓱᒃᑏᑦ ᓇᓗᓇᙱᑦᑐᖅ ᓈᒻᒪᙱᓕᐅᕈᑎᖃᕋᔭᕐᓂᖏᓐᓂᒃ ᐊᖁᑦᑕᐃᓕᑎᑕᐅᓂᕐᒧᑦ ᓲᖃᐃᒻᒪ ᐊᓯᖏᓐᓂᒃ ᑭᓯᐊᓂ ᐊᖁᑎᑐᓐᓇᖅᑐᓂᒃ ᐊᖁᑎᖃᕆᐊᖃᕐᓂᖏᓐᓄᑦ,” ᐃᖅᑲᖅᑐᐃᔨ ᐅᖃᓚᐅᕐᑐᖅ ᐃᓱᒪᓕᐅᕆᑎᓪᓗᒍ.
“ᑭᓯᐊᓂᓕ, ᐱᓕᕆᖃᑎᒌᖕᓂᖅ, ᐊᓯᐊᓂᒃ ᐱᓕᕆᐊᖃᓕᕈᓐᓴᕐᓂᖅ ᐊᒻᒪᓗ ᖃᓄᐃᓕᐅᕋᓱᖕᓂ ᐊᖑᓇᓱᖕᓂᕐᒨᖓᕙᖕᒪᑦ.”
ᑕᒪᑐᒥᖓ ᐱᐊᓂᓕᖅᑎᓪᓗᒍ ᐸᐃᓴᒃ ᑭᐅᓘᑎᐅᓇᓱᒃᑐᓂᒃ ᐊᑐᖅᑎᑦᑎᓚᐅᙱᑦᑐᖅ ᐅᖃᖅᖢᓂ ᐊᖑᑎᑦ ᐊᖁᑦᑕᕆᐊᖃᙱᓐᓂᖏᑦ ᓄᓇᓯᐅᑎᓂᒃ ᓄᖃᖅᑎᑦᑎᔾᔪᑎᐅᙱᓐᓂᖓᓂᒃ ᐊᖑᓇᓱᒍᓐᓇᕐᓂᖏᓐᓂᒃ.
(0) Comments