ᕿᓚᐅᔾᔭᖅᑎ ᐅᐱᒋᔭᐅᕗᖅ ᓄᑖᖑᔪᒥ ᓂᐱᙵᑕᒥᒃ

For the English version of this story, please see Drum dancer honoured with stamp.

ᕿᓚᐅᔾᔭᕐᓂᕐᒧᑦ ᐃᓕᓴᐃᔨᐅᔪᖅ ᐊᒻᒪ ᖃᐅᔨᒪᓂᕐᒥ−ᐸᐸᑦᑎᔨᐅᔪᒥ ᑐᙵᕕᖃᖅᑐᒥ ᐃᖃᓗᒃᑑᑦᑎᐊᕐᒥ ᑕᑯᒃᓴᐅᑎᑕᐅᕗᖅ ᓄᑖᖑᔪᒥ ᑲᓇᑕᒥ ᑎᑎᖅᑲᕐᓂᐊᕐᕕᖓᓂ ᓂᐱᙵᑕᒥᒃ.

ᓂᐱᙵᑕᖅ, ᑕᑯᒃᓴᐅᑎᑦᑎᔪᒥ ᐊᔾᔨᙳᐊᒥᒃ ᔪᓕᐊ ᕼᐊᐅᒐᒃ ᐅᔩᓇᒥᒃ ᕿᓚᐅᔾᔭᕐᓂᕐᒧᑦ ᐊᓐᓄᕌᖏᓐᓂ, ᓴᖅᑭᑎᑕᐅᓚᐅᖅᐳᖅ ᔫᓂ 13−ᒥ ᐊᖏᕐᕋᖓᓂ ᓄᓇᓕᖓᓐᓂ ᐅᓗᒃᕼᐊᒃᑑᖅ, ᓄᓇᑦᓯᐊᕐᒥ. ᓴᖅᑭᑎᑕᐅᓂᖓ ᐱᒋᐊᓚᐅᖅᐳᖅ ᓄᓇᓕᐅᑉ ᐊᕐᕌᒍᑕᒫᒥ ᑭᖓᓕᒃ ᖁᕕᐊᓱᒍᑕᐅᔪᒥ.

ᓂᐱᙵᑕᖅ ᐊᑕᐅᓯᐅᓪᓗᓂ ᐱᖓᓱᓂ ᑐᓂᔭᐅᔪᓂ ᑕᒪᑐᒪᓂ ᐊᕐᕌᒎᔪᒥ ᐃᓚᒋᔭᐅᓪᓗᓂ ᑎᓴᒪᖓᓂ ᑲᑎᙵᓂᐅᔪᓂ ᓄᓇᖃᖅᑳᖅᓯᒪᔪᓄᑦ ᓯᕗᓕᐅᖅᑎᐅᔪᓄᑦ ᑲᑎᙵᓂᐅᔪᓂ, ᐃᓕᓴᖅᓯᔪᒥ ᑎᑭᐅᑎᔭᐅᔪᓐᓇᕐᓂᖏᓐᓂ ᐊᒻᒪ ᐃᑲᔪᖅᓱᐃᓂᐅᔪᓂ ᐃᓄᖕᓂ, ᐊᓪᓚᓂᑦ ᐊᒻᒪ ᐊᓪᓚᖓᔪᓂᑦ.

ᐅᔩᓇ ᐊᐅᓪᓛᓚᐅᖅᐳᖅ ᐅᓗᒃᕼᐊᒃᑑᒧᑦ ᖁᕕᐊᓱᒍᑕᐅᔪᒧᑦ, ᐱᓕᕆᐊᖑᓚᐅᖅᑐᒥ ᕼᐊᓚᓐ ᑳᓪᕙᒃ ᐃᓕᓐᓂᐊᕐᕕᖓᑕ ᐱᙳᐊᕐᕕᖓᓂ. ᐊᕙᓗᔭᐅᓯᒪᓚᐅᖅᐳᖅ ᐅᕿᖓᓂ ᔨᐊᕆ ᐳᒡᓕᖕᒧᑦ ᐊᒻᒪ ᕿᑐᕐᙵᖏᓐᓂ ᑎᐊᕆᒃ ᑯᓪᓚᒃ ᐅᔩᓇ, ᑲᓇᑦ ᐅᔩᓇ, ᐊᒻᒪ ᑐᕆᓴ ᐅᔩᓇᒧᑦ.

“ᐅᓗᒃᕼᐊᑐᒥ ᐊᐅᓪᓛᖅᓯᒪᖃᑎᖃᓚᐅᖅᐳᖓ ᐃᓚᓐᓂ ᐳᓚᕋᕐᓂᕐᒧᑦ ᐊᒻᒪ ᑕᑯᔭᖅᑐᕐᓗᖓ ᑭᒃᑯᓕᒫᓂ ᖃᓂᒋᔭᓐᓂ, ᑕᐃᒫᒃ ᑲᑎᙵᓂᕈᓘᔭᐅᓚᐅᖅᐳᖅ ᐃᒃᐱᒍᓱᖕᓂᐅᓚᐅᖅᐳᖅ,” ᐅᔩᓇ ᐅᖃᓚᐅᖅᐳᖅ ᐅᐱᒋᔭᐅᓂᐅᔪᒥ.

“ᖁᔭᒋᑦᑎᐊᖅᐸᒃᑲ ᐃᓚᒃᑲ ᐊᒻᒪ ᐅᖓᕙᕆᐊᖅᑐᒥ ᐃᓚᓐᓂᑦ ᐊᒻᒪ ᓄᓇᓕᖕᓂ ᐃᓚᓂᑦ ᐱᓚᐅᖅᑕᑦᑎᓐᓂ ᐅᖃᐅᓯᖃᕐᓂᕐᒥ ᖃᐅᔨᒪᓂᐅᔪᒥ.”

ᓴᖅᑭᑎᑕᐅᓂᖓ ᐃᓕᓴᖅᓯᓚᐅᖅᐳᖅ ᐅᔩᓇᒥ “ᑎᑭᐅᑎᔪᓐᓇᕐᓂᖓᓂ ᐃᑲᔪᕐᓂᕐᒥ ᐸᐸᑦᑏᓐᓇᕐᓂᕐᒧᑦ ᐃᓄᐃᓐᓇᖅᑐᓐ ᐅᖃᐅᓯᖓᓐᓂ ᐊᒻᒪ ᕿᓚᐅᔾᔭᕐᓂᕐᒥ,” ᐅᖃᓚᐅᖅᐳᖅ ᐊᑐᓪ ᑎᔅᑯᒃ, ᕼᐋᒻᓚᒃᑯᑦ ᐊᔾᓚᕝᕕᓕᕆᔨᒃᑯᑦ ᐊᖓᔪᖅᑳᖓᓂ.

ᕿᓚᐅᔾᔭᕐᓂᖅ ᐱᖅᑯᓯᑐᖃᐅᔪᑦ ᓴᙱᕗᑦ ᐅᓪᓗᒥᐅᔪᒥ, ᐅᔩᓇ ᐅᖃᓚᐅᖅᐳᖅ, ᖁᔭᓐᓇᒦᒃ ᐃᓕᖅᑯᓯᒧᑦ ᐸᐊᑦᑎᓂᐅᔪᒥ ᐱᓕᕆᐊᖑᔪᒥ ᒪᓐᓇᓕᓴᐅᔪᓂ ᐊᕐᕌᒍᒐᓴᓂ. ᒪᒃᑯᒃᑐᑦ ᐃᓄᐃᑦ ᑎᒍᒥᐊᖅᐳᑦ ᐱᒻᒪᕆᐅᓂᖓᓂ ᐃᓄᐃᑦ ᐃᓕᖅᑯᓯᖓᓐᓄᑦ ᐆᒪᑦᑎᐊᖅᑎᑕᐅᓂᖓᓂ, ᐅᖃᓚᐅᖅᐳᖅ.

“ᐃᓕᓐᓂᐊᖅᑎᑦᑎᔭᕆᐊᖃᖅᐳᒍᑦ ᐊᒻᒪ ᐃᙱᕐᓗᑕ ᐱᓯᕐᓂ ᓴᖅᑭᑎᑦᑎᓂᕐᒥ ᐃᙱᖅᑎᓂᑦ ᐅᕙᑦᑎᓐᓂ ᑐᕌᖅᑎᑦᑎᓂᐊᖅᑐᓂ ᐃᙱᕐᓂᕐᒧᑦ ᐊᒻᒪ ᐅᓂᒃᑳᖅᑐᐊᕆᓗᑕ — ᓴᖅᑭᑎᑦᑎᔪᓐᓇᕐᓂᕐᒧᑦ ᓂᔾᔮᑎᑦᑎᓂᐅᔪᒥ ᒧᒥᕐᓂᕐᒧᑦ,” ᐅᖃᓚᐅᖅᐳᖅ.

ᑕᓪᓕᒪᓂ ᐃᓄᖕᓂ ᐅᐱᒋᔭᐅᓯᒪᕗᑦ ᑲᓇᑕᒥ ᓂᐱᙵᑕᓂ ᑕᐃᒪᙵᓂ 1990−ᒥ. ᑎᑎᕋᐅᔭᒐᐅᔪᓂ 6−ᓂ ᐃᓄᖕᓂ ᑎᑎᕋᐅᔭᖅᑎᓂ ᑕᑯᒃᓴᐅᑎᑕᐅᓯᒪᒋᕗᑦ ᑲᓇᑕᒥ ᓂᐱᙵᑕᓂ ᑕᐃᑲᓂᑦᑕᐃᓐᓇᖅ ᐱᓕᕆᓂᐅᔪᒥ.

ᖃᓪᓗᓈᖅᑕᒧᑦ ᐊᒥᓱᓕᐅᕆᓯᒪᔪᒥ ᐅᔩᓇᐅᑉ ᐊᒪᐅᖓᓂ, ᕼᐊᓚᓐ ᑳᓪᕙᒃᒧᑦ, ᑕᐃᒎᓯᓕᖕᒥ ᒧᒥᕐᓂᖅ, ᑕᑯᒃᓴᐅᑎᑕᐅᓚᐅᖅᓯᒪᕗᖅ 1979−ᒥ ᓂᐱᙵᑕᒥᒃ.

ᓄᓇᒋᔭᐅᔪᖅ ᓄᓇᕗᒻᒥ ᑕᑯᒃᓴᐅᑎᑕᐅᓚᐅᖅᓯᒪᕗᖅ ᓂᐱᙵᑕᓂ 2017−ᒥ ᐊᒻᒪ 1999−ᒥ.