ᐊᐅᔭᐅᑉ ᐃᓱᓕᓐᓂᐊᓄᑦ ᐃᒡᓗᓕᐅᕐᓂᖅ ᑲᔪᓯᔪᖅ ᐃᖃᓗᐃᑦ ᓄᐊᑦᒫᑦᒥ

For an English version of this story, please see End-of-summer construction ongoing at Iqaluit’s Northmart.

ᐅᓇ ᓄᐊᑦᒫᑦ ᓂᐅᕕᕐᕕᒃ ᐃᖃᓗᖕᓂ ᓄᑖᙳᕆᐊᖅᑕᐅᕙᓪᓕᐊᔪᖅ ᐊᐅᔭᐅᔪᖅ.

ᓄᑖᖅ 1 ᒥᓕᐊᓐ ᓖᑕ ᐃᒪᖃᕐᕕᒃ ᐃᓕᔭᐅᓚᐅᕐᑐᖅ ᐃᒡᓘ ᓴᓂᑦᑎᐊᖓᓂ ᔪᓚᐃᖑᑎᓪᓗᒍ ᐃᓚᒋᔭᐅᓪᓗᓂ “ᓄᑖᙳᐊᖅᑎᑦᑎᓂᕐᒥ ᐃᑭᑎᑦᑎᑦᑕᐃᓕᔾᔪᑎᓂᒃ,” ᐅᖃᕐᑐᖅ ᑎᐅᕈᓪ ᔩ. ᒫᑎᓐ, ᐅᖃᖅᑎᒋᔭᐅᔪᖅ ᓄᐊᑦ ᕗᐃᐊᔅᑦ ᑲᒻᒪᓂᒃᑯᓐᓄᑦ, ᖃᕋᓴᐅᔭᒃᑯᑦ ᑎᑎᕋᖅᖢᓂ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ.

ᐃᖃᓗᐃᑦ ᓄᐊᑦᒫᑦ ᓂᐅᕕᕐᕕᖓ ᐃᓚᒋᔭᐅᓚᐅᕐᒪᑦ 6-ᓂ ᐃᑭᑎᑕᐅᔪᕕᓂᕐᓂᒃ ᐅᓐᓄᐊᒃᑯᖅ 2018-ᖑᑎᓪᓗᒍ, ᒪᕐᕉᒡᓗ ᐃᓅᓱᒃᑑᒃ ᐸᓯᔭᒃᓴᙳᖅᑎᑕᐅᓚᐅᕐᓯᒪᓪᓗᑎᒃ. ᐅᓇ ᓂᐅᕕᕐᕕᒃ ᖃᓄᐃᓕᓗᐊᙱᒃᑲᓗᐊᖅᖢᓂ ᓯᕐᓗᐊᖓ ᑭᓲᔪᓐᓃᑦᑎᐊᒻᒪᕆᓚᐅᕐᑐᖅ.

ᐃᖃᓗᐃᑦ ᓂᐅᕕᕐᕕᖓ ᓄᑖᙳᕆᐊᖅᑕᐅᕙᓪᓕᐊᖕᒪᑦ ᖁᓛᒍᑦ. ᒫᓐᓇ ᓴᓇᔪᐃᑦ ᑎᑎᕋᕐᕕᖏᓐᓂᒃ ᐋᖅᑭᒃᓯᓯᒪᔪᑦ ᑖᔅᓱᒧᖓ ᐃᑲᔪᕈᑎᓂᒃ, ᒫᑎᓐ ᐅᖃᕐᑐᖅ. ᐅᖃᐅᓯᖃᓚᐅᙱᑦᑐᖅ ᖃᓄᑎᒋ ᐊᑯᓂᐅᓇᔭᕆᐊᒃᓴᖅ ᐱᓕᕆᐊᕆᔭᐅᓂᖓ.

ᓴᓇᔭᐅᓕᕐᑐᖅ ᐱᓇᓱᐊᕈᓯᐸᓗᖕᓂᑦ ᐱᖓᓱᓂᒃ , ᓄᑖᓂ ᓴᕕᕋᔭᖕᓂ ᐋᖅᑭᒃᓯᓯᒪᓕᖅᖢᑎᒃ ᐃᒡᓘ ᖁᓛᓂ.

ᐅᓇ ᐃᒡᓘ ᖁᓛᓂ ᐊᐅᓚᑕᐅᙱᑦᑐᖅ ᐃᓂᒋᔭᐅᓂᕐᒧᑦ ᒪᓕᒐᕋᓛᓄᑦ ᐊᒻᒪᓗ ᓄᓇᓕᐸᐅᔭᓄᑦ ᐊᖏᖅᑕᐅᔭᕆᐊᖃᕋᓂ, ᐅᖃᓚᐅᕐᑐᖅ ᕌᑦ ᒪᒡᕗᐊᑦ, ᓄᓇᓕᐸᐅᔭᓄᑦ ᐊᐅᓚᑦᑎᔨ ᐊᐅᓚᑕᐅᔪᓄᑦ, ᖃᕋᓴᐅᔭᒃᑯᑦ ᑎᑎᕋᖅᖢᓂ.

ᐅᓇ ᓄᐊᑦ ᕗᐃᐊᔅᑦ ᑲᒻᐸᓂ ᓇᖕᒥᓂᖃᖅᑐᖅ ᓄᐊᑦᒫᑦᒥ ᐊᒻᒪ ᓄᐊᑕᓐ, ᑯᐃᒃᓯᑖᑉ ᐊᒻᒪ ᔭᐃᔭᓐᑦ ᑕᐃᒍ ᓂᐅᕕᕐᕕᖕᒥ ᐃᓚᖃᖅᖢᑎᒃ ᐃᓅᓕᓴᐅᑎᑖᕐᕕᖕᓂᒃ ᐊᒻᒪ ᖃᓄᐃᑦᑕᐃᓕᓂᕐᒧᑦ ᓂᐅᕕᕐᕕᖕᓂᑦ ᑲᓇᑕᐅᑉ ᐅᑭᐅᕐᑕᖅᑐᖓᓂ. ᐊᐅᓚᑦᑎᒻᒥᔪᑦ ᓂᐅᕕᕐᕕᖕᓂ ᐊᓛᔅᑲᒥ.