ᐃᓚᒋᔭᐅᔪᑦ ᐊᖑᑎᓂ ᑐᖁᑕᐅᔪᓂ ᐸᓖᓯᒃᑯᓐᓂ ᐱᔪᒪᓂᖃᖅᐳᑦ ᐊᓯᔾᔨᕐᓂᐅᔪᒥ

For English version, see Families of 2 men killed by police demand change in Nunavik

ᐃᓚᒋᔭᐅᔪᑦ ᒪᕐᕉᖕᓂ ᐊᖑᑎᓂ ᑐᖁᓚᐅᖅᑐᓂ ᖁᑭᖅᑕᐅᓚᐅᖅᑎᓪᓗᒋᑦ ᐸᓖᓯᓂᑦ  ᓄᓇᕕᖕᒥ ᖃᐃᖁᔨᓂᖃᖅᐳᑦ ᑲᑎᒪᖃᑎᖃᕐᓂᕐᒥ ᑯᐸᐃᖕᒥ ᓯᕗᓕᐅᖅᑎᐅᔪᒥ ᕗᕌᓐᓱᐊ ᓕᒑᓪᒥ, ᐅᖃᐅᓯᖃᖅᖢᑎᒃ ᐱᖓᓱᓂ ᐱᔪᒪᓂᖃᓪᓗᐊᑕᐅᔪᓂ.

ᑕᐃᕕᑦ ᐋᓇᓈᒃ ᐊᖓᔪᒃᖠᖅ, ᐃᕐᓂᖓ ᒫᒃ ᑐᖁᑕᐅᓚᐅᖅᑎᓪᓗᒍ ᑲᖏᖅᓱᐊᓗᔾᔪᐊᒥ ᒪᐃᒥ, ᐊᒻᒪ ᒑᓂᑦ ᐸᐱᒐᑐᒃ, ᐋᓐᓂᖅᑕᐅᕐᔪᐊᓚᐅᖅᑐᒥ ᐊᒻᒪ ᒪᕐᕈᓕᐊᖑᖃᑎᖓ ᓄᑲᖓ ᔮᓱᐊ ᑐᖁᓚᐅᖅᑐᒥ ᐸᓖᓯᒃᑯᓐᓂ-ᐱᔾᔪᑎᖃᖅᑐᒥ ᖁᑭᖅᑕᐅᓂᐅᔪᒥ ᓴᓪᓗᓂᑦ ᓄᕕᐱᕆᐅᓚᐅᖅᑐᒥ, ᑕᒪᒃᑭᑦ ᐊᑎᓕᐅᕆᓚᐅᖅᐳᑦ ᑎᑎᖅᑲᒥ ᓯᕗᓕᐅᖅᑎᒧᑦ ᕿᓂᖅᑐᓂ ᐃᕐᙲᓐᓇᑲᐅᑎᒋᒥ ᐊᓯᔾᔨᕐᓂᐅᔪᓂ ᐸᓖᓯᓕᕆᓂᕐᒧᑦ ᓄᓇᕕᖕᒥ.

ᑯᐸᐃᖕᒥ ᐸᓖᓯᒃᑯᓐᓂ ᓇᐅᑦᑎᖅᓱᖅᑎᖓᑦ, Bureau des enquêtes indépendantes, ᐱᔭᕇᖅᓯᓯᒪᕗᑦ ᖃᐅᔨᓴᕐᓂᖏᓐᓂ ᓴᓪᓗᓂ ᖁᑭᖅᓯᓂᐅᔪᒥ ᐊᒻᒪ ᑐᓂᓯᓚᐅᖅᐳᑦ ᐅᓂᒃᑳᓕᐊᖓᓐᓂ ᑯᐸᐃᖕᒧᑦ ᑐᑭᒧᐊᒃᑎᑦᑎᔨᖓᓄᑦ ᐱᕋᔭᖕᓂᕐᒧᑦ ᐊᒻᒪ ᐱᕋᔭᒃᑐᓂ ᐃᖅᑲᖅᑐᖅᑕᐅᓂᐅᔪᓂ, ᐱᔪᓐᓇᖅᑎᑦᑎᔪᒥ ᐊᒻᒪ ᑐᕌᖅᑎᑦᑎᔪᒥ ᐱᕋᔭᖕᓂᕐᒧᑦ ᐃᖅᑲᖅᑐᖅᑕᐅᓂᐅᔪᓂ.

ᒑᓂᑦ ᐸᐱᒐᑐᒃ, ᓴᐅᒥᖕᒥ, ᓇᖏᖃᑎᖃᖅᐳᖅ ᓄᑲᒥᓂ ᔮᓱᐊᒥ ᐅᕙᓂ ᐅᓪᓗᓕᖅᓯᒪᙱᑦᑐᒥ ᐊᔾᔨᙳᐊᒥ. ᒑᓂᑦ ᐸᐱᒐᑐᒃ ᖃᐃᖁᔨᓂᖃᖅᐳᖅ ᐊᓯᔾᔨᕐᓂᐅᔪᓂ ᐸᓖᓯᓕᕆᓂᕐᒧᑦ ᓄᓇᕕᖕᒥ ᐋᓐᓂᖅᑕᐅᕐᔪᐊᓚᐅᖅᑎᓪᓗᒍ ᐊᒻᒪ ᓄᑲᖓ ᑐᖁᓪᓗᓂ ᖁᑭᖅᑕᐅᓚᐅᖅᑎᓪᓗᒍ ᓴᓪᓗᓂ ᐊᕐᕌᓂᐅᓚᐅᖅᑐᒥ. (ᕗᕌᓐᓱᐊ ᓕᒍᕐ−ᓴᕚᑦᒧᑦ ᐊᔾᔨᓕᐅᖅᑕᐅᔪᖅ)

ᓱᓕ ᕿᒥᕐᕈᕗᖅ ᖃᓄᐃᓐᓂᐅᔪᒥ ᑲᖏᖅᓱᐊᓗᔾᔪᐊᕐᒥ.

“ᐃᒃᐱᒍᓱᑦᑎᐊᖅᖢᑕ ᐱᔭᕆᐊᖃᖅᐳᒍᑦ ᓄᑖᒥᒃ ᐱᓕᕆᔾᔪᓯᐅᔪᒥ ᐊᒻᒪ ᐊᓯᔾᔨᖅᓯᓂᐅᔪᒥ ᒫᓐᓇᐅᔪᒥ ᐃᓄᖕᓄᑦ ᓄᓇᖃᖅᑎᐅᔪᓄᑦ ᐱᓪᓗᐊᖅᑐᒥ ᐱᐅᓂᖅᓴᐅᔪᒥ ᐊᒻᒪ ᐱᑎᑕᐅᑦᑎᐊᖅᓯᒪᙱᑦᑐᓂ ᑯᐸᐃᖕᒥ ᐊᕐᕌᒍᒐᓴᓄᑦ ᖄᖏᖅᓯᒪᔪᓂ,” ᓘᐃ−ᓂᑯᓚᔅ ᑰᐳᓪ, ᓴᐳᓐᓂᐊᖅᑎ ᑭᒡᒐᖅᑐᐃᔪᖅ ᑕᒪᒃᑭᓂ ᐃᓚᒌᖑᔪᓂ, ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ ᔪᓚᐃ 23−ᒥ.

ᑎᑎᖅᑲᖅ, ᑎᑎᕋᖅᑕᐅᓯᒪᔪᒥ ᑰᐳᓪ ᐃᑭᐊᖅᑭᕕᖓᓂ ᐊᒻᒪ ᕙᐃᔅᐳᒃᑯᑦ ᔪᓚᐃ 22−ᒥ, ᒪᓕᒃᐳᖅ ᐱᖓᔪᖓᓐᓂ ᖁᑭᖅᓯᓂᐅᔪᒥ ᐃᓄᒃᔪᐊᕐᒥ ᔪᓚᐃ 17−ᒥ ᕿᒪᐃᓚᐅᖅᑐᒥ ᐊᑕᐅᓯᕐᒥ ᐃᓄᖕᒥ ᑐᖁᔪᒥᒃ. ᐃᓅᑉ ᐊᑎᖓ ᓴᖅᑭᑎᑕᐅᓚᐅᙱᓚᖅ ᓱᓕ.

change.org ᐊᑎᓕᐅᖅᓯᒪᔪᒥ ᑐᒃᓯᕋᐅᑎᒥᒃ ᖃᐃᖁᔨᓂᖃᖅᑐᒥ ᒪᓕᒐᓕᕆᓂᕐᒥ ᐃᓄᖕᓄᑦ, ᓂᕕᙵᖅᑕᐅᓯᒪᔪᒥ ᓴᓂᓕᐊᓂ ᑎᑎᖅᑲᒥᒃ, ᐱᓚᐅᖅᐳᖅ ᐅᓄᕐᓂᖅᓴᐅᔪᓂ 700−ᓂ ᐊᑎᓕᐅᕆᓂᐅᔪᓂ ᖁᓛᓂᐸᓗᒃ ᔪᓚᐃ 23−ᒥ, ᑰᐳᓪ ᐅᖃᓚᐅᖅᐳᖅ.

ᐃᓚᒌᑦ ᐸᓖᓯᓂᒃ ᐊᒡᔭᖅᓯᖁᔭᐅᔪᓐᓃᖅᐳᑦ ᑐᖁᔾᔪᑕᐅᔪᓐᓇᖅᑐᓂ ᖁᑭᐅᑎᓂ ᐊᒻᒪ ᐃᒪᓐᓇᖔᖅ ᐊᑐᕐᓗᑎᒃ ᑐᖁᔾᔪᑕᐅᔪᓐᓇᙱᑦᑐᓂ ᐱᓕᕆᔾᔪᓯᐅᔪᓂ ᓲᕐᓗ ᐸᐸᓕᖕᓂ ᑎᖕᒥᑳᕈᑎᓂ ᐅᕝᕙᓘᓐᓃᑦ ᓱᑲᓐᓇᖅᑐᓂ ᖁᑭᐅᑎᓂ, ᑕᐃᔭᐅᒐᔪᒃᑐᓂ ᓱᑲᑎᑕᐅᔪᓂ ᖁᑭᐅᑎᓂ, ᑭᐅᒑᖓᒥᒃ ᖃᐃᖁᔨᓂᐅᔪᓂ.

ᐊᐱᕆᒋᕗᑦ ᐃᓄᓕᒫᓂ ᑎᓕᐅᕈᑕᐅᔪᒥ, ᑲᒪᒋᔭᐅᓗᓂ ᒐᕙᒪᑐᖃᒃᑯᓐᓂ, ᖃᐅᔨᓴᕐᓂᖏᓐᓂ ᐸᓖᓯᒃᑯᓐᓂ ᐊᒻᒪ ᐃᖅᑲᖅᑐᐃᓂᕐᒥ ᐱᔨᑦᑎᕋᕐᓂᐅᔪᒥ ᓄᓇᕕᖕᒥ ᑕᐅᕗᖓ 2005−ᒥᙶᖅᑐᒥ, ᕿᒥᕐᕈᓂᖏᓐᓂ ᐱᓕᕆᔾᔪᓯᐅᔪᓂ ᐊᑲᐅᙱᓕᐅᕈᑕᐅᔪᓂ ᓲᕐᓗ ᓄᖅᑲᖅᑎᑕᐅᔪᓂ ᐃᖅᑲᖅᑐᐃᕕᖕᒥ ᐱᓕᕆᓂᐅᔪᓂ ᐃᖅᑲᖅᑐᐃᔨᑭᒃᓴᓗᐊᕐᓂᑯᒥᑦ, ᐊᒻᒪ ᐱᕋᔭᓗᐊᖅᑎᑦᑎᓯᒪᓗᐊᕐᓂᖏᓐᓂ ᐃᓄᖕᓂ ᓄᓇᓕᐅᔪᓂ.

ᑰᐳᓪ ᐅᖃᓚᐅᖅᐳᖅ ᐅᑯᐊ ᐱᔪᒪᓂᐅᔪᑦ ᓴᓇᓯᒪᕗᑦ ᓯᕗᓂᐊᓂ ᐅᓂᒃᑳᓕᐊᓂ ᐊᒻᒪ ᖃᐃᖁᔨᓂᐅᔪᓂ ᖃᓄᐃᓕᐅᕐᓂᕐᒧᑦ ᐱᔾᔪᑎᖃᖅᑐᒥ ᐊᓯᖏᓐᓂ ᖃᓄᐃᓐᓂᐅᔪᓂ ᓄᓇᕕᖕᒥ, ᐊᒻᒪᓗ ᒫᓐᓇᓕᓴᐅᔪᓂ ᖁᑭᖅᓯᓂᐅᔪᓂ ᖃᓄᐃᓐᓂᐅᓂᖓᓂ ᐱᓕᕆᑦᑎᐊᙱᓐᓂᖃᖅᑐᒥ ᐱᓕᕆᔾᔪᓯᐅᔪᒥ.

2016−ᒥ, ᑯᐸᐃᖕᒥ ᐅᓐᓂᕐᓘᑎᒋᔭᐅᔪᓂᒃ ᖃᐅᔨᓴᖅᑎ — ᐃᒻᒥᒃᑰᖅᑐᒥ ᑎᒥᐅᔪᓂ ᓴᐳᔾᔨᕙᒃᑐᓂ ᓄᓇᖃᖅᑎᐅᔪᓂ ᐱᔪᓐᓇᕐᓂᕆᔭᖏᓐᓂ — ᐅᓂᒃᑳᕆᓚᐅᖅᐳᑦ ᑭᒡᒐᖅᑐᐃᓂᖃᓗᐊᕐᓂᖓᓂ ᐃᓄᖕᓂ ᐃᑲᔪᖅᑕᐅᕕᖕᓂ ᐱᓕᕆᔾᔪᓯᖓᓂ ᐊᒻᒪ ᐊᓄᓪᓚᒃᓯᖅᑐᓂ ᖃᓄᐃᓐᓂᐅᔪᓂ ᐊᑖᓃᓐᓂᖏᓐᓂ ᐊᑐᒐᒃᓴᐃᑦ ᐋᖅᑭᒃᑕᐅᓯᒪᓂᖏᑎᒍᑦ ᓄᓇᕕᖕᒥ.

ᐊᕐᕌᒍᑦ ᑕᓪᓕᒪᓂ ᖄᖏᖅᓯᒪᓕᖅᑐᓂ, ᒪᑭᕝᕕᒃ ᑎᒥᖁᑕᐅᔪᑦ, ᐃᓄᖕᓂ ᐱᔪᓐᓇᕐᓂᕆᔭᐅᔪᓂ ᑲᑐᔾᔨᖃᑎᒌᖑᔪᒥ ᓄᓇᕕᖕᒥ, ᖃᐃᖁᔨᓂᖃᓚᐅᖅᐳᑦ ᑯᐸᐃᖕᒥ ᒐᕙᒪᒃᑯᓐᓂ ᑕᒪᒃᑭᑦᑎᐊᖅᑐᒥ ᖃᐅᔨᓴᕐᓂᖃᑦᑎᐊᕐᓂᖏᓐᓂ ᒪᓕᒐᓕᕆᓂᕐᒥ ᐱᓕᕆᔾᔪᓯᐅᔪᒥ ᐊᕕᒃᑐᖅᓯᒪᓂᐅᔪᒥ.

ᐃᓚᒌᑦ ᑭᖑᓪᓕᖅᐹᖑᔪᒥ ᐱᔪᒪᓂᕆᔭᖓ ᖃᐃᖁᔨᓂᖃᖅᐳᖅ ᑲᑎᙵᓂᐅᔪᒥ ᓴᖅᑭᑎᑕᐅᓂᖓᓂ ᓯᕗᒻᒧᑦ ᐃᖏᕐᕋᓂᖃᖅᑐᒥ ᓴᐃᒻᒪᖃᑎᒌᖕᓂᐅᔪᒥ ᐃᓄᖕᓂ ᐊᒻᒪ $250-ᒥᓕᐊᓐᓂ ᑮᓇᐅᔭᖃᖅᑎᑦᑎᓂᐅᔪᒥ ᓴᖅᑭᑎᑕᐅᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐃᓄᓕᕆᓂᕐᒧᑦ ᓄᓇᕕᖕᒥ.

ᒫᒃ ᕋ. ᐋᓇᓈᒃ ᑐᖁᓚᐅᖅᑐᒥ ᒪᐃᒥ ᖁᑭᖅᑕᐅᓚᐅᖅᑎᓪᓗᒍ ᐸᓖᓯᒃᑯᓐᓂ ᖃᓄᐃᓐᓂᐅᔪᒥ ᑲᖏᖅᓱᐊᓗᔾᔪᐊᕐᒥ. (ᕙᐃᔅᐳᒃᑯᑦ ᐊᔾᔨᓕᐅᖅᑕᐅᔪᕕᓂᖅ)

ᐅᐃᕖᑎᑐᑦ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᑎᑎᕋᕐᕕᐅᔪᒥ ᕗᕌᓐᓱᐊ ᐳᓈᑎᐅᓪᒥ, ᑯᐸᐃᖕᒥ ᒥᓂᔅᑕᖓ ᐃᓄᓕᒫᓄᑦ ᒥᐊᓂᖅᓯᓂᕐᒥ, ᐅᖃᓚᐅᖅᐳᖅ ᐳᓈᑎᐅᓪ ᐃᓱᒪᒋᔭᖃᕐᓂᖓᓂ ᐃᓚᒋᔭᐅᔪᓂ ᑭᓯᐊᓂ Bureau des enquêtes indépendantes ᐱᔭᕇᖅᑎᑦᑎᓂᐊᖅᐳᖅ ᖃᐅᔨᓴᕐᓂᖏᓐᓂ ᐅᖃᐅᓯᒃᓴᓕᐅᓚᐅᙱᓐᓂᖓᓂ.

ᓄᓇᕕᖕᒥ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᖓᑦ ᐱᒋᐊᖅᑎᑦᑎᓯᒪᕗᖅ ᓇᖕᒥᓂᖅ ᕿᒥᕐᕈᔭᐅᓂᖓᓂ ᓄᓇᕕᖕᒥ ᐸᓖᓯᒃᑯᓐᓂ ᐱᔨᑦᑎᕋᕐᓂᐅᔪᒥ ᐅᓇᐅᓚᐅᖅᑎᓪᓗᒍ ᐱᖓᓱᓂ ᑐᖁᓂᐅᔪᓂ ᖁᑭᖅᓯᓂᐅᔪᓂ.

“ᐅᑯᐊ ᑕᐃᒪᐃᖏᓐᓇᖅᑐᓂ ᑐᖂᑦᑎᓪᓗᑎᒃ ᖁᑭᖅᓯᓂᐅᔪᓂ ᐱᙱᑎᑦᑎᕗᖅ ᓄᓇᕕᖕᒥᐅᓂ ᐱᕕᖃᕐᓂᖏᓐᓂ ᒪᒥᓴᕐᓂᕐᒧᑦ ᐊᒻᒪ ᐃᒃᐱᒍᓱᑦᑎᐊᕐᓂᕐᒥ ᐊᑦᑕᓇᙱᑦᑐᒦᓐᓂᖏᓐᓂ ᓄᓇᓕᖏᓐᓂ,” ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᖓᑦ ᐃᒃᓯᕙᐅᑕᐅᑉ-ᑐᒡᓕᖓ ᒥᐊᕆ ᐊᕐᓇᖅ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ ᔪᓚᐃ 21−ᒥ.